Aldegin ampula

Buraxılış : Reseptli

İxtisas :  Ağrıkəsici və iltihabəleyhinə
Beynəlxalq patentləşdirilməmiş adı: Dexketoprofen

Aldegin ampula qiyməti

Dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Aldegin ampula qiyməti 8 azn - 10 azn arasında dəyişir.

Ən gözəli budur ki, Doktorm.az  Platforması  ilə əməkdaşlıq edən Apteklərdən sərfəli qiymətə ala bilərsiniz.

Aldegin ampula tərkibi

Təsiredici maddə: 2 ml-lik ampulda 50 mq deksketoprofen (73,8 mq deksketoprofen trometamol şəklində) vardır

Köməkçi maddələr: 96%-li etanol, natrium xlorid, natriumhidroksid (pH-ın tənzimlənməsi üçün), inyeksiya üçün su.

Təsviri  

Səffaf və rəngsiz məhluldur.

Farmakoterapevtik qrupu

Propion turşusunun törəmələri.

ATC kodu: M01AE17

Farmakoloji xüsusiyyətləri

Aldegin ampula nə üçündür?

Farmakodinamikası
Aldegin ampula nə üçündür?
Deksketoprofen qeyri-steroid iltihabəleyhinə preparatdır.Ağrıkəsicivə qızdırmasalıcı təsir göstərir.Təsir mexanizmi siklooksigenazanıinhibə etməsi nəticəsində prostaqlandin sintezinintormozlamasıilə əlaqədardır. Deksketoprofenin SOG-1 və SOG-2 aktivliyinə inhibəedici təsiri göstərilmişdir. 

Farmakokinetikası

Sorulması

Əzələdaxili yeridilməsindən sonra deksketoprofen trometamolun plazmada maksimal konsentrasiya 20 dəqiqədən (10-45 dəq) sonra yaranmışdır.

Paylanması

Plazma zülalları ilə yüksək birləşmədərəcəsi (99%) olan deksketoprofeninorta paylanma həcmi 0,25 l/kq-dan aşağıdır.Deksketoprofen trometamolunyarımpaylanma dövrü 0,35 saatdır.

Biotransformasiya

Deksketoprofen trometamolunyeridilməsindənsonra sidikdə yalnız S-(+) enantiomer təyin olunur. 

Xaric olunması

Yarımxaricolma dövrü 1-2,7 saat təşkil edir. Deksketoprofen əsasən böyrək vasitəsilə qlükuronlaşmayolu ilə əmələ gələn metabolitlər şəklində xaric olunur.
İstifadəsinə göstərişlər
Peroral istifadəsimünasibolmadıqda böyrək sancısı, postoperativ və belnahiyəsindəorta və ağır dərəcəli ağrıların simptomatik müalicəsi.
Aldegin ampula Əks göstərişlər
Deksketoprofenə, digər QSİƏP-lərə və ya preparatın tərkibindəkiköməkçi maddələrdən hər hansı birinəqarşı yüksək həssaslıq.
Anamnezdə  ibuprofen, aspirin və ya digər qeyri-steroid iltihabəleyhinə preparatların istifadəsindən sonra müşahidə olunan hiperhəssaslıq reaksiyaları (astma, allergik rinit və ya övrə).
Aktiv və ya şübhələnilən onikibarmaq bağırsağın xorası/qanaxması və ya anamnezdə onikibarmaq bağırsağın residivləşən xorası/qanaxması(xoralanmanın və ya qanaxmanın 2 və ya çox sübut olunmuş fərqli epizod) və ya xroniki dispepsiya.

Mədə-bağırsaq qanaxması, digər aktiv qanaxmalar və ya qanaxmanın yaranması ilə əlaqəli digər pozulmalar.
AnamnezdəQSİƏP-lərin qəbulu ilə bağlı mədə-bağırsaq qanaxmasıvə ya perforaiyası.
Kron xəstəliyi və ya xoralı kolit.
Anamnezdə bronxial astma.
Ağır ürək çatışmazlığı.
Orta və ağır dərəcəli böyrək çatışmazlığı (kreatinin klirens 50 ml/dəq-dən az).
Ağır qaraciyər çatışmazlığı (Çayld-Pyu şkalası üzrə10-15 bal).
Hemorragik diatez və qanın laxtalanmasının digər pozulmaları.
Hamiləliyin üçüncü trimestri və laktasiya dövru.
Tərkibində etanol olduğuna görə onurğa beyninə (intratekal və ya epidural) yeridilmə əks göstərişdir.
Güclü dehidratasiya.

Xüsusi göstərişlər və ehtiyat tədbirləri

Uşaqlarda və yeniyetmələrdə preparatın istifadəsinin təhlükəsizliyi öyrənilməmişdir. Anamnezdə allergik reaksiyalar olan xəstələrdə ehtiyatla istifadə edilməlidir.Aldegin preparatının SOG-2-nin selektiv inhibitorları daxil olmaqla, digər QSİƏP-lərlə birgə istifadəsindən çəkinmək lazımdır.Simptomlara nəzarət edilməsi üçün zəruri olan ən aşağı effektiv doza ən qısa müddətdəistifadə etdikdəarzuolunmaz təsirləri minimuma endirmək olar.

Mədə-bağırsaq qanaxması, xoralanmasıvə perforasiyası

Bütün QSİƏP-lərdənistifadə zamanı olduğu kimi, müalicənin müxtəlif dövrlərində, zədələnmə simptomlarla və ya simptomsuz, yaxud anamnezdə mədə-bağırsaq traktının ciddi pozulmaları olduqda, fatal nəticələnə bilən mədə-bağırsaq qanaxmaları, xoralanmalar və ya perforasiyalar haqqındabildirilmişdir. 

 Mədə-bağırsaq qanaxması və ya peptik xoralanma müşahidə olunduqda Aldegin preparatının istifadəsidərhal dayandırılmalıdır. Mədə-bağırsaq qanaxmaları, xoralanmalar və ya perforasiyaların yaranma ehtimalı QSİƏP-lərin dozaları yüksəldikdə, anamnezdə olan, xüsusilə qanaxma və perforasiya ilə ağırlaşan xoralar zamanı və yaşlılarda artır.

Yaşlı xəstələr

Yaşlı xəstələrdə QSİƏP-lərlə bağlı arzuolunmaz reaksiyaların, xüsusilə də fatal nəticələnə bilən mədə-bağırsaq qanaxmalarının və perforasiyaların yaranma tezliyi artır.Bu qrup xəstələrdə müalicə ən aşağı effektiv dozalarda başlanılmalıdır.

Anamnezdəmədə-bağırsaqxəstəlikləri olan pasiyentlərdə (xoralı kolit, Kron xəstəliyi) QSİƏP-lər həmin halların kəskinləşmə ehtimalından ehtiyatla tətbiq olunmalıdır.

Bütün QSİƏP-lərdənistifadə zamanı olduğu kimi, deksketoprofenin istifadəsinəbaşlamazdan əvvəl anamnezdəezofagit, qastrit və/və ya peptik xorası olan xəstələr müalicə edilməlidir. 

Mədə-bağırsaq traktı pozulmasının simptomları və ya anamnezdə mədə-bağırsaqxəstəlikləri olan pasiyentlərmədə-bağırsaq qanaxmanın yaranma ehtimalından nəzarət altında saxlanmalıdır. 

Belə xəstələrdə, həmçinineyni zamanda salisilatların aşağı dozalarda və ya mədə-bağırsaq traktının digərpozulmaların riskini artıran dərmanları alan xəstələrdə, müalicəninqoruyucu təsirə malik dərman vasitələri ilə (məsələn, mizoprostol və ya proton pompasının inhibitorları ilə) kombinasiyada aparılması düşünülməlidir.Anamnezdə mədə-bağırsaq traktına toksik effektləri olan xəstələr (o cümlədən yaşlı), qeyri-adi abdominal simptomlar (mədə-bağırsaq qanaxmalar daxil olmaqla)haqqında, xüsusilə müalicənin əvvəlində olduqda, həkimə bildirilməlidir.Xoralanma və qanaxmaların yaranma riskini artıra bilən peroral kortikosteroidlər, varfarin kimi antikoaqulyantlar, serotoninin geri alınmasının selektiv inhibitorlar və ya asetilsalisil turşusu kimi antitrombositar vasitələri ilə birlikdə ehtiyatla istifadə olunmalıdır. 

 Varfarin, digər kumarinlər və ya heparin kimi hemostaza təsir göstərən dərman vasitələri ilə müalicə alan xəstələrdə Aldegin ehtiyatla istifadə olunmalıdır.

QSİƏP-lərlə müalicə ilə bağlı mayenin ləngiməsi və ödem haqqında bildirilmişdir. Bu səbəbdən anamnezdə hipertenziya və/və ya yüngül və orta dərəcədə durğun ürək çatışmazlığı olan xəstələr müvafiq nəzarət altında saxlanmalıdır.

 Nəzarət edilməyən arterial hipertenziya, durğun ürək çatışmazlığı, müəyyən olunmuş ürəyin işemik xəstəliyi, periferik arteriyaların aterosklerozu və/və ya serebrovaskulyar xəstəliyi zamanı Aldegin preparatının istifadəsiyalnız diqqətli müayinədən sonra başlanmalıdır. Ürək-damar xəstəliklərinin (hipertenziya, hiperlipidemiya, şəkərli diabet, siqaret çəkmə) risk amilləriolduqda uzunmüddətli müalicədən əvvəl diqqətli müayinə keçirilməlidir.

Çox nadir hallarda eksfoliativ dermatit, Stivens-Conson sindromu, toksik epidermal nekroliz kimi QSİƏP-lərlə bağlı ciddi dəri reaksiyalar (bəzi fatal nəticələnən) haqqında bildirilmişdir. Həmin reaksiyaların ən yüksək yaranma riski müalicənin erkən mərhələsində olur: əksər hallarda - müalicənin ilk ayında. 

Dəridə, selikli qişada səpgilərin ilk əlamətləri və ya yüksək həssaslığın digər simptomları müşahidə olunduqda preparatın tətbiqi dayandırılmalıdır.

Bütün QSİƏP-lərin istifadəsində olduğu kimi, qaraciyər göstəricilərində cüzi artması, ALT və AST fermentlərin aktivliyinin əhəmiyyətli artması, həmçinin plazmada sidik cövhəri azotun və kreatininin artması bəzi hallarda qeyd oluna bilər. Həmin göstəricilərdə əhəmiyyətli artma müşahidə olunduqda müalicə dayandırılmalıdır.

 Qanyaranma pozulmaları, sistem qurdeşənəyi və ya qarışıq birləşdirici toxuma xəstəlikləri olan pasiyentlərdə Aldegin preparatı ehtiyatla istifadə edilməlidir.

Digər QSİƏP-lər kimi, deksketoprofen də infeksiya əlamətlərini maskalaya bilər. Bakterial infeksiya əlamətləri müşahidə olunduqda dərhal həkimə müraciət etmək lazımdır.

Aldegin preparatının hər ampulun tərkibində 200 mq etanol vardır (5 ml pivəyə və ya 2,08 ml şəraba ekvivalent), bu da alkoqolizm xəstəliyindən əziyyət çəkən şəxslər üçün zərərlidir.

Aldegin preparatının bir dozanın tərkibində 1 mmol-dan (23 mq) az natrium vardır; həmin miqdarda olduqda natriumla bağlı əlavə reaksiya gözlənilmir.
Digər dərman vasitələri ilə qarşılıqlı təsiri
Tövsiyə edilməyən kombinasiyalar

İki və ya daha çox QSİƏP-in birgə istifadəsi (asetilsalisil turşusu daxil olmaqla) arzuolunmaz təsirlərin yaranma ehtimalını artırır və buna görə həmin kombinasiyanın təyin edilməsindən çəkinmək lazımdır.

Antikoaqulyantlar:Deksketoprofen, plazma zülalları ilə yüksək dərəcədə bağlanmasına, trombositlərin aqreqasiyasını inhibə etməsinə və mədə-bağırsaq selikli qişasının pozulmasına görə varfarin kimi QSİƏP-lərin antikoaqulyant təsirini gücləndirə bilər. Həmin kombinasiyanın istifadəsinə ehtiyac olduqda xəstənin klinik vəziyyəti və laborator göstəriciləri ciddi nəzarət altında saxlanmalıdır.

Heparinlər:Qanaxmaların yaranma ehtimalı artır. Həmin kombinasiyanın istifadəsinə ehtiyac olduqda xəstənin klinik vəziyyəti və laborator göstəriciləri ciddi nəzarət altında saxlanmalıdır.

Kortikosteroidlər:Mədə-bağırsaq xoralanması və ya qanaxmaların yaranma ehtimalı artır.

Litium:QSİƏP-lər litiumun plazma səviyyəsini və toksik təsirini artıra bilər (litiumun böyrək klirensi azalır). Bu səbəbdən deksketoprofenin tətbiqinin başlanması, dozanın tənzimlənməsi və müalicənin dayandırılması zamanı litiumun plazma səviyyəsi nəzarət altında saxlanmalıdır.

Metotreksat:Metotreksat həftədə 15 mq-dan çox dozalarda QSİƏP-lə birgə istifadə edildikdə onun böyrək klirensi azalır və beləliklə metotreksatın hematoloji toksikliyi artır.

Hidantoin və sulfonamidlər:Toksik effektləri arta bilər.

Ehtiyatla təyin olunan kombinasiyalar

Diuretiklər, AÇF inhibitorları, aminoqlikozidlər və angiotenzin II reseptorun antaqonistləri:Deksketoprofen diuretiklərin və digər antihipertenziv vasitələrin təsirini zəiflədə bilər. Deksketoprofenlə diuretiklərin birgə istifadəsinə ehtiyac olduqda müalicənin əvvəlində xəstənin adekvat hidratasiya olmasından əmin olmaq və böyrək funksiyasını nəzarət altında saxlamaq lazımdır.

Metotreksat:Həftədə 15 mq-dan az dozalarda istifadə etdikdə iltihabəleyhinə preparatların böyrək klirensi azaldığından metotreksatın toksik effekti artır. Kombinəolunmuş müalicənin birinci həftələrində qan hüceyrələrinin miqdarı hər həftə nəzarət altında saxlanmalıdır.

Pentoksifillin:Qanaxmaların yaranma ehtimalı artır. Klinik nəzarət gücləndirilməlidir və qanaxma müddəti daha sıx yoxlanılmalıdır.

Zidovudin:QSİƏP-lərlə birgə istifadəsinəbaşlanmasından bir həftə sonra ağır anemiya ilə müşayiət olunan, retikulositlərə təsiri ilə bağlı eritrositar toksikliyin yaranma ehtimalı yüksəlir.QSİƏP-lərlə müalicəsinin başlanmasından 1-2 həftə sonra qan göstəriciləri nəzarət edilməlidir.

Sulfonil-sidik cövhəri törəmələri:QSİƏP-lər sulfonil-sidik cövhəritörəmələrinin hipoqlikemik təsirini gücləndirə bilər. 

Diqqət tələb edən kombinasiyalar 

Beta-blokatorlar:QSİƏP-lərbeta-blokatorların hipotenziv təsirini zəiflədə bilər. 

Siklosporin və takrolimus:QSİƏP-lər nefrotoksikliyinin yaranma ehtimalını artıra bilər. Kombinəolunmuş müalicə zamanı böyrək funksiyası nəzarət altında saxlanmalıdır. 

Trombolitiklər:Qanaxmaların yaranma ehtimalı artır.

Antitrombotik vasitələr və serotonin geri alınmasının selektiv inhibitorları:Mədə-bağırsaq qanaxmaların yaranma ehtimalı artır.

Probenesid:Probenesidlə birgə istifadə zamanı deksketoprofenin plazma konsentrasiyası arta bilər, bu da deksketoprofenin doza tənzimlənməsini tələb edir.

Ürək qlikozidləri:QSİƏP-lər ürək çatışmazlığının əlamətlərini kəskinləşdirə bilər, yumaqcıq filtrasiyasını azalda bilər və qlikozidlərin plazma konsentrasiyasını artıra bilər. 

Mifepriston:Nəzəri cəhətdən prostaqlandin sintezinin inhibitorlarının mifepristonun təsirini azaltma ehtimalı olduğundan, QSİƏP-lər mifepristonun yeridilməsindən sonra 8-12 gün ərzində istifadə olunmamalıdır.

Xinolonlar:Heyvanlarda aparılan tədqiqatlar yüksək dozalarda xinolonların QSİƏP-lərlə birgə istifadəsininqıcolmaların yaranma ehtimalınınartmasınıgöstərmişdir. 

Hamiləlik və laktasiya dövründə istifadəsi

Hamiləliyin III trimestrində preparatın istifadəsi əks göstərişdir. I və II trimestrlərdə mütləq göstəriş olmadıqda istifadə olunmamalıdır.
Deksketoprofenin ana südünə keçib-keçməməsi haqqında məlumat yoxdur. Buna görə laktasiya dövründə Aldegin  preparatının istifadəsi tövsiyə olunmur. 

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

QSİƏP-lərlə müalicə zamanı başgicəllənmə, yuxululuq və görmə qabiliyyətinin pozulması kimi arzuolunmaz reaksiyaların yaranması mümkündür. 

Aldegin ampula istifadə qaydası və dozası

Tövsiyə olunan doza hər 8-12 saatdan bir 50 mq təşkil edir. Ehtiyac olduqda preparatı 6 saat intervalla yeritmək olar. Ümumi gündəlik doza 150 mq-dan çox olmamalıdır. Aldegin preparatı qısamüddətli istifadə üçün nəzərdə tutulur və simptomatik müəlicə kəskinləşmə müddətində aparılmalıdır (maksimum 2 gün). Mümkün olduqda xəstələr ağrıkəsici dərman vasitələrinin peroral qəbuluna keçməlidir. Orta və ağır dərəcəli postoperativ ağrılarda göstəriş olduqda, opioid analgetiklərlə kombinasiyada Aldegin böyüklərdə tövsiyə olunan dozalarda təyin oluna bilər.  

 Aldegin preparatı əzələdaxili və ya venadaxili yeridilə bilər.

Əzələdaxili yeridilmə

Bir ampulun tərkibində olan 2 ml yavaş inyeksiya şəklində, dərin əzələdaxili yeridilməlidir.

Venadaxili yeridilmə:

Venadaxili infuziya: Həll olunan məhlul yavaş venadaxili infuziya şəklində, 10-30 dəqiqə ərzində yeridilməlidir. Məhlul həmişə işıqdan qorunmalıdır.

Venadaxili bolyus: Bir ampulun tərkibində olan 2 ml yavaş, v/d bolyus şəklində ən azı 15 saniyə ərzində yeridilməlidir.

30-100 ml həcmində 0,9%-li natrium xlorid, 5%-li dekstroza və Ringer laktat məhlullarında həll edildikdən sonra 2-8°C temperaturda, qaranlıq yerdəsaxlandıqda 2 saat ərzində stabildir.

Xüsusi qrup xəstələrə dair əlavə məlumat

Böyrək çatışmazlığı

Yüngül dərəcəli böyrək çatışmazlığı olan xəstələrdə (kreatinin klirens 50-80 ml/dəq) ümümi gündəlik doza 50 mq-a qədər azaldılmalıdır. Orta və ağır dərəcəli böyrək çatışmazlığı zamanı (kreatinin klirens 50 ml/dəq-dən az) Aldegin istifadə olunmamalıdır. 

Qaraciyərçatışmazlığı

Yüngül və orta dərəcəli qaraciyər çatışmazlığı (Çayld-Pyu şkalasına görə 5-9 bal) olan xəstələrciddi nəzarət altında saxlanmalıdır. Ağır dərəcəli qaraciyər çatışmazlığı zamanı (Çayld-Pyu şkalasına görə 10-15 bal) Aldegin istifadə olunmamalıdır.

Pediatrik xəstələr 

Uşaqlarda və yeniyetmələrdə deksketoprofenin istifadəsiöyrənilməmişdir. Təhlükəsizliyə və effektivliyə dair məlumatın olmadığından 18 yaşdankiçik uşaqlarda və yeniyetmələrdə preparat istifadə olunmamalıdır. 

Yaşlı xəstələr

Yaşlı xəstələrdə əlavə təsirlərin ağır nəticələrinin riski yüksəlir. QSİƏP-lərin istifadəsinə ehtiyac olduqda ən qısa müddətdə minimal effektiv doza təyin olunmalıdır. QSİƏP-lərin istifadə zamanı xəstələr mədə-bağırsaq qanaxmasının yaranma ehtimalına görə nəzarət altında saxlanmalıdır. Yaşlı xəstələrdə böyrək funksiyasının fizioloji azalmasına görə yüngül dərəcəli böyrəkçatışmazlığızamanıən aşağı doza (ümumi gündəlik doza 50 mq) tövsiyə olunur.

Əlavə təsirləri

Orqan sistemləri
Tez-tez (≥1/100-dən <1/10-dək)
Bəzən (≥1/1000-dən <1/100-dək)
Nadir hallarda(≥1/10000-dən <1/1000-dək)
Çox nadir hallarda/Tək-tək hallarda(<1/10000)
Qanyaradıcı və limfa sisteminə
anemiya
neytropeniya, trombositopeniya
immun sisteminə
anafilaktikreaksiya, anafilaktikşok
Maddələr mübadiləsinə və qidalanmaya
hiperqlikemiya, hipoqlikemiya, hipertriqliseridemiya, anoreksiya
Psixi pozulmalar
yuxusuzluq
Sinir sisteminə
baş ağrısı, başgicəllənmə, yuxululuq
paresteziya, bayılma
Görmə orqanına
bulanıq görmə
Eşitmə orqanına və labirint sisteminə
qulaqlarda küy
Ürək-damar sisteminə
istilik hissi 
ekstrasistoliya, taxikardiya, hipotenziya, səthi damarlarının tromboflebiti
Tənəffüs sisteminə, döş qəfəsi və divararası orqanlarına
bradipnoe
bronxospazm, dispnoe
Həzm sisteminə
ürəkbulanma, qusma
abdominal ağrı, dispepsiya, diareya, qəbizlik,
qanlı qusma, ağızda quruluq
peptik xora, 
peptik xoradan qanaxma və ya peptik xoranın perforasiyası
pankreatit
Hepatobiliar sistemə
hepatit
epatosellülyar pozulması
Dəri və dərialtı piy toxumasına
dermatit, qaşınma, səpgi,  tərləmənin yüksəlməsi 
məxmərək, 
akne
Stivens Conson sindromu,
toksik epidermal nekroliz (Layell sindromu), angioödem,
üzdə ödem, fotohəssaslıq reaksiyaları
əzələ rigidliyi, oynaqların rigidliyi, əzələ qıcolmaları,
bel ağrısı
Böyrək və sidikçıxarıcı yollarına poliuriya,
böyrək ağrısı, ketonuriya, proteinuiriyan nefrit və ya nefrotik sindrom
Reproduktiv sistemə və süd vəzilərinə
menstrual siklin pozulmaları,   prostat vəzinin pozulmaları
Ümumi pozulmalar və yerli reaksiyalar
yeridilmə yerində ağrı, iltihab daxil olmaqla, yeridilmə yerində reaksiya, hematoma və ya qanaxma
qızdırma, yorğunluq, ağrı, titrəmə
periferik ödem

Həzm sisteminə:Ən tez-tez mədə-bağırsaq sistemi tərəfindən əlavə reaksiyalar müşahidə olunur. Peptik xora, perforasiya və ya mədə-bağırsaq qanaxması (bəzən fatal), adətən yaşlı xəstələrdə, qeyd oluna bilər. Yeridilmədən sonra ürəkbulanma, qusma, diareya, meteorizm, qəbizlik, dispepsiya, abdominal ağrı,melena, qanlı qusma,xoralı stomatit, kolitin və Kron xəstəliyinin kəskinləşməsi qeyd oluna bilər. Daha az hallarda qastrit müşahidə oluna bilər. Çox nadir hallarda pankreatitqeyd olunur. 

Hiperhəssaslıq:QSİƏP-lərlə müalicə zamanı hiperhəssaslıq reaksiyaları haqqında bildirilmişdir. Qeyri-spesifik reaksiyalar, anafilaksiya, respirator traktın reaktivliyi, astma daxil olmaqla, astmanın kəskinləşməsi, bronxospazm və ya dispnoe, dəri reaksiyalar, səpgi, qaşınma, övrə, purpura, angioödemvə çox nadir hallarda eksfoliativ və bullyoz dermatoz (o cümlədən, epidermal nekrolizvə multiformalı eritema) daxil omaqla müşahidə oluna bilər. DigərQSİƏP-lərdə olduğu kimi, əksər hallarda sistem eritematoz qurdeşənəyi və ya qarışıq birləşdirici toxuma xəstəliklərizamanı müşahidə olunan aseptik meningit və hematoloji reaksiyalar (purpura, aplastik və hemolitik anemiya, nadir hallarda aqranulositoz və medullyar hipoplaziya) əmələ gələ bilər.

Şübhəli əlavə reaksiyalar haqqında məlumat

Dərman vasitəsinin qeydiyyata alınmasından sonra şübhəli əlavə reaksiyalar haqqında həkimə məlumatın verilməsi vacibdir. Belə məlumatlar dərman vasitəsinin fayda/risk nisbətinə nəzarətinin davam etdirilməsinə imkan verir.

Arzuolunmazeffektlər baş verdikdə həkimə müraciət edin.

Doza həddinin aşılması

Doza həddinin aşılma zamanı müşahidə olunan simptomlar məlum deyil.
Adətən QSİƏP-lərdən istifadə zamanı müşahidə olunan simptomlar: baş ağrısı, ürəkbulanma, qusma, abdominal ağrı, mədə-bağırsaq qanaxması, nadir hallarda - diareya, dezoriyentasiya, oyanıqlıq, koma, yuxululuq, başgicəllənmə, qulaqlarda küy, bayılma, tək-tək hallarda – qıcolmalar. Güclü intoksikasiya zamanı kəskin böyrək çatışmazlığı və qaraciyərin zədələnməsi mümkündür.
Müalicəsi: Təsadüfən daxilə qəbul olunduqda xəstənin vəziyyətindən asılı olaraq simptomatik müalicə aparılmalıdır. Deksketoprofen trometamol dializ vasitəsilə orqanizmdən xaric oluna bilər.

Buraxılış forması

Aldegin 0 mq/2 ml, ə/d və v/d inyeksiya üçün məhlul, ampulda. 2 ml məhlul, ampulda. 6 ampul plastik blisterdə içlik vərəqə ilə birlikdəkarton qutuya qablaşdırılır.

Saxlanma şəraiti

25 °C-dən yüksək olmayan otaq temperaturunda, qaranlıq və uşaqların əli çatmayan yerdə və öz qutusunda saxlamaq lazımdır.

Yararlılıq müddəti

2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

Deva Holdinq A.Ş.

Çerkezköy Organize Sanayi Bölgesi

Karaağaç Mah., Atatürk Cad. № 32

Kapaklı/Tekirdağ/Türkiyə

Qeydiyyat vəsiqəsinin sahibi

Deva Holding A. Ş.

Halkalı Merkez Mah. Basın Ekspres Cad. №1

Küçükçekmece/İstanbul/Türkiyə