Urfosin

Urfosin

Buraxılış : Reseptli

İxtisas : Urologiya

Beynəlxalq patentləşdirilməmiş adı: Fosfomycin

Urfosin Tərkibi 

Təsiredici maddə: 1 paketin (8 q) içərisində 3 q fosfomisin (5,631 q fosfomisin trometamol şəklində) vardır.                       

Köməkçi maddələr: portağal və naringi aromatizatorları, saxarin, saxaroza (şəkər kirşanı), etil spirti.

Təsviri

Peroral məhlul hazırlamaq üçün qranullar. Dənəvər ağ rəngli, səciyyəvi naringi qoxusuna malik tozdur.

Farmakoterapevtik qrupu

Sistem istifadə üçün antibakterial preparatlar.Digər antibakterial preparatlar. 

ATC kodu: J01XX01

Farmakoloji xüsusiyyətləri 

Urfosin nə üçündür?

Farmakodinamikası

Urfosin preparatının aktiv maddəsi olan fosfomisin -fosfon turşusunun törəməsi [mono(2-amino-2-hidroksimetil-1,3 propandiol)(2R-sis)-(3-metiloksiranil)-fosfonat], sidikçıxarıcı yolların infeksiyalarının müalicəsi üçün istifadə olunan geniş spektrli antibiotikdir.Fosfomisinin antibakterial təsiri bakteriya hüceyrəsi divarınınsintezinin birincimərhələsiniinhibə etməsi iləəlaqədardır.Fosfoenolpiruvatın analoqu olaraq fosfomisin fosfoenolpiruvattransferaza fermentiniinhibə edir və nəticədə bakteriya hüceyrəsi divarının sintezinin başlanğıc mərhələlərindən biri –uridindifosfat-N-asetilqlükozaminlə p-enolpiruvatınkondensasiyasıgeriyə dönməz şəkildə inhibəolunur.Fosfomisin həmçinin sidik kisəsinin selikli qişasında bakterial adgeziyanı (infeksiyalarınresidivləşməsinəmeyillik yaradanfaktor) azaltma qabiliyyətinə malikdir.Fosfomisinə xas təsirmexanizmi digərantibiotik siniflərilə çarpaz rezistentliyinolmamasını və beta-laktam kimi digərantibiotiklərlə sinergizmin olmasını izah edir. 

Fosfomisin trometamol sidikçıxarıcı yollarıninfeksiyalarındaizolə edilən bir çox qrammənfi və qrammüsbət bakteriyalara qarşı aktivdir (Escherichia coli, Citrobacter spp., Klebsiella spp., Proteus spp.,Serratia spp.,Pseudomonas aeruginosavəEnterococcus faecalisdaxil olmaqla).

Farmakokinetikası

Sorulması

Daxilə qəbulundan sonrafosfomisintrometamol mədə-bağırsaq traktından sürətlə sorulur; onun mütləq biomənimsənilməsi 50%-ə qədər təşkil edir. Qida qəbulusorulmanı ləngitməsinəbaxmayaraq, sidikdə preparatın konsentrasiyasına təsir göstərmir.

Paylanması

Fosfomisin sidik-cinsiyyət sisteminin bütün bölmələrinə paylanır.Daxilə qəbulundan sonrafosfomisinin minimal inhibəedici konsentrasiyasından (MİK)yüksək olan konsentrasiyalarsidikdə 24-48 saat ərzində saxlanır. Fosfomisin plazma proteinləri ilə birləşmir və ciftbaryerindən keçir. 

Metabolizmi

Fosfomisinin metabolizmi haqda məlumat yoxdur. 

Xaric olunması

Yarımxaricolma dövrü təxminən 4 saat təşkil edir. Fosfomisin əsasən böyrəklər (qəbul ediləndozanın təqribən 40-50%-i sidikdə aşkar olunur),daha az dərəcədə - bağırsaq (qəbul edilən dozanın 18-28%-i nəcisdə aşkar olunur), vasitəsilə xaric olunur. 

İstifadəsinə göstərişlər

• Aşağı sidik çıxarıcı yolların fosfomisinə həssas patogenlər tərəfindən törədilən fəsadlaşmamış infeksiyalarının müalicəsi. 
• Diaqnostik müayinə və cərrahi əməliyyat zamanı aşağı sidikçıxarıcı yolların infeksiyalarının profilaktikası.

Urfosin Əks göstərişlər

• Fosfomisinə, eləcə də, preparatın tərkibindəki hər hansı inqrediyentə qarşı yüksək həssaslıq.
• Ağır böyrək çatışmazlığı(kreatinin klirensi 10 ml/dəq-dən aşağı), hemodializ.
• Fruktozaya qarşı irsi dözümsüzlüyü, qlükoza-qalaktoza malabsorbsiyası, saxaraza-izomaltaza çatışmazlığı kimi irsi xəstəliklər.

Xüsusi göstərişlər və ehtiyat tədbirləri

Fosfomisinlə müalicə zamanı anafilaksiya və anafilaktik şok daxil olmaqla, hiperhəssaslıq reaksiyaların yaranması mümkündür.Belə reaksiyalar meydana çıxdıqda fosfomisin təkrar istifadəedilməməlidir; belə hallarda digərmüvafiq preparat təyin olunmalıdır.Fosfomisin də daxil olmaqla, bir çox antibakterial preparatlardan istifadə zamanı ortadərəcəli diareyadan fatal kolitə qədər dəyişkənlik göstərə bilənantibiotikin törətdiyi diareyahaqqındaməlumat verilmişdir.

Urfosin preparatından istifadə zamanı və ya müalicədən sonra (o cümlədən müalicədən bir neçə həftə sonra), xüsusilə də ağır, davamlı və/və ya qanlıdiareyanın yaranması Clostridium difficile-nin törətdiyidiareyanın (CDAD)əlaməti ola bilər.Urfosin preparatından istifadə zamanı və yamüalicədən sonra ağırdiareya əmələ gələn bütün xəstələrdə CDADdüşünülməlidir.CDADdiaqnoz şübhəsi yarandıqda və ya təsdiqləndikdə dərmanın istifadəsi dayandırılmalı və müvafiq müalicə başlanmalıdır. Belə hallarda peristaltikanı ləngidən vasitələrdən istifadə əks göstərişdir.  

Böyrək çatışmazlığı: kreatinin klirensi 10 ml/dəq-dən çox olduqda sidikdə fosfomisinin konsentrasiyası preparatın qəbulundan sonra 48 saat ərzində saxlanılır.

Bu preparatı şəkərli diabet olan və ya pəhriz saxlayan xəstələrə təyin etdikdə nəzərə almaq lazımdır ki, 1 paket Urfosin preparatında 2,107 q saxaroza vardır.

Digər dərman vasitələri ilə qarşılıqlı təsiri

Metoklopramidlə eyni zamanda istifadə olunmamalıdır, belə ki, metoklopramid fosfomisinin plazma və sidik konsentrasiyalarını aşağı sala bilir. 

Mədə-bağırsaq traktının hərəki fəaliyyətini artıran preparatlar ilə eyni zamanda istifadəsi onların təsirinin artmasına səbəb ola bilər. 

Qida ilə birgə qəbulu təsiredici maddənin sorulmasını ləngidə bilər, bu da plazmada maksimal konsentrasiyanın və sidikdəki miqdarının bir qədər azalmasınasəbəb ola bilər. Bu səbəbdən Urfosin acqarına və ya qida qəbulundan 2-3 saat sonra qəbul edilməlidir.

Hamiləlik və laktasiya dövründə istifadəsi 

Fosfomisinin hamiləlik zamanı istifadəsinə dair kifayət qədər məlumat yoxdur. Heyvanlar üzərində aparılan tədqiqatlar zamanı teratogenlik qeyd olunmamışdır. 

Ehtiyac olduqda hamiləlik zamanı preparatın istifadəsi müzakirəyə qoyulmalıdır. Hamiləlik zamanı preparat ehtiyatla təyin edilməlidir. Laktasiya dövründə preparatın birdəfəlik dozada istifadəsi mümkündür.

Nəqliyyat vasitələrini vədigər potensial təhlükəlimexanizmləri idarəetmə qabiliyyətinə təsiri

Nəqliyyat vasitələri və digər potensial təhlükəlimexanizmlərin idarəsinə təsiri haqda məlumatın mövcud olmamasına baxmayaraq xəstələr preparatdan istifadə zamanı başgicəllənmənin yaranma ehtimalı haqqında məlumatlandırılmalıdırlar. 

Urfosin İstifadə qaydası və dozası 

Aşağı sidikçıxarıcı yolların fəsadlaşmamış infeksiyalarında tövsiyə edilən tək doza 3 q təşkil edir.

Transuretral cərrahi və ya diaqnostik əməliyyatlar zamanı tövsiyə edilən profilaktik doza böyüklər üçün 2 paket (2 dəfə 3 q) təşkil edir. İlk doza cərrahi əməliyyatdan 3 saat əvvəl, ikinci doza əməliyyatdan 24 saat sonra qəbul edilir. Urfosin -in bir paketinin möhtəviyyatı bir stəkan suda həll edilir və həll edildikdən sonra qəbul edilir. 

Urfosin acqarına və ya qida qəbulundan 2-3 saat sonra qəbul edilməlidir. Gecə yatmazdan əvvəl və sidik kisəsi boşaldıqdan sonra qəbulu tövsiyə edilir. 

Xüsusiqrup xəstələrə dairəlavə məlumat

Böyrək çatışmazlığı olan xəstələr

Ağır dərəcəliböyrək çatışmazlığı zamanı (kreatinin klirens 10 ml/dəq-dən az) preparat istifadə edilməməlidir.

Qaraciyərçatışmazlığı olan xəstələr

Qaraciyərçatışmazlığızamanı doza korreksiyasına dair məlumat mövcud deyil.

Pediatrik xəstələr 

Fosfomisinin effektivliyinə və təhlükəsizliyinə dair adekvat və nəzarət olunan klinik tədqiqatlar mövcud olmadığından 12 yaşdan kiçik olan uşaqlarda preparatın istifadəsi tövsiyə edilmir.

Yaşlı xəstələr

Yaşlı xəstələrdə istifadə qaydası və dozasıböyüklərdəki kimidir.

Əlavə təsirləri

Urfosin ümumiyyətlə yaxşı mənimsənilir.Nadir hallarda mədə-bağırsaq traktı tərəfindən pozulmalar(ürəkbulanma, diareya, qıcqırma) və çox nadir hallarda dəridə səpgi haqqında məlumat verilmişdir. Bu reaksiyalar hər hansı bir müalicə tələb etmir və sərbəst olaraq keçir. 

Müşahidə olunan əlavə reaksiyalar orqan sistemlərinə və rastgəlmə tezliyinə görə aşağıdakı kimi təsnif edilir:çox tez-tez (≥1/10); tez-tez (≥1/100-dən <1/10-dək); bəzən (≥1/1000-dən <1/100-dək); nadir (≥1/10000-dən <1/1000-dək); çox nadir (<1/10000); məlum deyil (mövcud məlumatlar başvermə tezliyini müəyyən etmək üçün kifayət deyil).

• İnfeksiyalar və invaziyalar
• Tez-tez: vaginit.
• İmmun sistemə
• Məlum deyil: anafilaktik şok daxil olmaqla, anafilaktik reaksiyalar, hiperhəssaslıq.
• Sinir sisteminə
• Tez-tez:başağrısı, başgicəllənmə;
• Bəzən: paresteziya.
• Ürək-damar sisteminə
• Nadir: taxikardiya;
• Məlum deyil: hipotenziya.
• Tənəffüs sisteminə, döş qəfəsi və divararası orqanlarına
• Məlum deyil: astma.
• Həzm sisteminə
• Tez-tez: diareya, ürəkbulanma, dispepsiya;
• Bəzən: qusma, abdominal ağrı;
• Məlum deyil: antibiotik qəbulu ilə bağlı diareya.
• Dəri və dərialtı piy toxumasına
• Bəzən: səpgi, övrə, qaşınma;
• Məlum deyil: angioödem.
• Ümumi pozulmalar və yerli reaksiyalar
• Bəzən: yorğunluq.

Şübhəli əlavə təsirlər haqqında məlumatın verilməsi

Dərman vasitəsinin qeydiyyata alınmasından sonra şübhəli əlavə reaksiyalar haqqında həkimə məlumatın verilməsi vacibdir. Belə məlumatlar dərman vasitəsinin fayda/risk nisbətinə nəzarətin davam etdirilməsinə imkan verir.

Arzuolunmaz effektlər baş verdikdə həkimə müraciət edin.

Doza həddinin aşılması

Urfosin tək paketdə qablaşdırılmışdır. Bu səbəblə də doza həddinin aşılma riski kiçikdir. Lakin doza həddi aşılarsa simptomatik və dəstəkləyici müalicə aparılmalıdır. Preparatın sidiklə xaric edilməsini təmin etmək üçün rehidratasiyanın aparılması tövsiyə olunur.

Buraxılış forması

Urfosin 3 q, peroral məhlul hazırlamaq üçün qranullar, paketdə. 1 paket (8 q)içlik vərəqə ilə birlikdə karton qutuya qablaşdırılır.   

Saxlanma şəraiti

25 °С-dən yüksək olmayan temperaturda, öz qutusundavə uşaqların əli çatmayan yerdə saxlamaq lazımdır.

Yararlılıq müddəti 

2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

Urfosin qiyməti

Urfosin qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. 

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Urfosin qiyməti -ni öyrənərək əldə edəsiniz.

İstehsalçı

Drogsan İlaçları San. ve Tic. A.Ş.

06760 Çubuk, Ankara, Türkiyə

Aid olduğu kateqoriyalar

1. Böyrək və sidik yollarının iltihabında istifadə olunan dərmanlar
2. Sidik ifrazatı xəstəliklərində istifadə olunan dərmanlar