Zeralqo

Zeralqo

Buraxılış : Reseptli

İxtisas : Ağrıkəsici və iltihabəleyhinə

Beynəlxalq patentləşdirilməmiş adı: Flurbiprofen

Zeralqo Tərkibi 

Təsiredici maddə: 1 tabletin tərkibində 100 mq flurbiprofen vardır

Köməkçi maddələr: mikrokristallik sellüloza PH 200,maqnezium stearat, talk, laktoza monohidrat (tablettoza),susuzkolloidal silisium dioksid (Aerosil 200), natrium kroskarmelloza (Ac-Di-Sol), Opadry II 85G 34747 çəhrayı. 

Farmakoterapevtik qrupu

Qeyri-steroid iltihabəleyhinə preparat. Propion turşusunun törəməsi. 

ATC kodu: M01AE09

Farmakoloji xüsusiyyətləri 

Zeralqo nə üçündür?

Farmakodinamikası

Flurbiprofen ağrıkəsici, iltihabəleyhinə və qızdırmasalıcı təsirə malikdir.Həmin təsirlər preparatın prostaqlandin sinteziniinhibə etməsiilə əlaqədardır.

Farmakokinetikası

Daxilə qəbuldan sonra flurbiprofen mədə-bağırsaq traktından tez sorulur və təxminən 90 dəqiqə ərzində plazmada maksimal konsentrasiyaya çatır. Təqribən 99%-i plazma zülalları ilə birləşir və yarımxaricolma dövrü təqribən 3-4 saat təşkil edir.

Flurbiprofenin və onun iki əsas metabolitlərinin ([2-(2-flüoro-4′-hidroksi-4-bifenilil) propion turşusu] və [2-(2-flüoro-3′-hidroksi-4′-metoks-4-bifenilil) propion turşusu]) sidiklə xaricolunması həm sərbəst, həm də konyuqasiya olunmuş şəkildə oral və rektal yeridilməsi üçün oxşardır. Metabolitlərin miqdarı hər iki yeridilmə yolu üçün eynidir.

İstifadəsinə göstərişlər

Revmatoid artrit, osteoartrit, ankilozlaşdırıcı spondilit, periartrit, "donmuş çiyin"sindromu (bazu-kürək periarteriiti), bursit, tendinit,tenosinovit, bel ağrısı, gərilmələr, daralmalar və əzilmələr.

Diş ağrısı, postoperativ ağrı, dismenoreya və miqren zamanı yüngül və orta dərəcəli agrılar.

Zeralqo Əks göstərişlər

Flurbiprofenə və ya preparatın tərkibindəki hər hansı inqrediyentə qarşı yüksək həssaslıq.

Anamnezdə flurbiprofenə, aspirinə və ya digər qeyri-steroid iltihabəleyhinəpreparatlara (QSİƏP) qarşı yüksək həssaslıqreaksiyalar (məs., astma, rinit, angioödem, övrə).

AnamnezdəQSİƏP-lərin qəbulu ilə bağlı mədə-bağırsaq qanaxmasıvə ya perforasiyası.

Aktivvə ya anamnezdə xoralı kolit, Kron xəstəliyi, residivləşən peptik xoravə yamədə-bağırsaq qanaxması(xoralanmanın və ya qanaxmanıniki və ya çox sübut olunmuş fərqli epizodu).

Ağır ürək, qaraciyər və böyrək çatışmazlığı.

Hamiləliyin üçüncü trimestri.

Xüsusi göstərişlər və ehtiyat tədbirləri

Simptomlara nəzarət etmək üçün ən qısa müddətdə ən aşağı effektiv dozalarda isifadə etdikdə arzuolunmaz təsirləri minimuma endirmək olar.

Qalaktozaya qarşı dözümsüzlük, Lapp laktaza çatışmazlığı və ya qlükoza-qalaktoza malabsorbsiyası sindromu kimi nadir irsi xəstəlikləri olan pasiyentlərdə bu preparat istifadə olunmamalıdır.

Zeralqo preparatının QSİƏP-lərlə, SOG-2 selektiv inhibitorları daxil olmaqla, birgə istifadəsindən çəkinmək lazımdır (əlavə təsirlərin yaranma ehtimalı arta bilər).

Yaşlı xəstələr

Yaşlı xəstələrdəQSİƏP-lərlə bağlı arzuolunmaz reaksiyaların, xüsusilə də fatal nəticələnə bilən mədə-bağırsaq qanaxmalarının və perforasiyaların yaranma tezliyi artır.

Mədə-bağırsaq qanaxması, xoralanmasıvə perforasiyası

Bütün QSİƏP-lərlə müalicə zamanı mədə-bağırsaq qanaxmasının, xoralanmasının və ya perforasiyasının yaranması haqqında məlumat verilmişdir.Həmin əlavə təsirlər fatal nəticələnə bilər və xəbərdaredici simptomlarla/simptomsuz və ya anamnezdə ağır mədə-bağırsaq qanaxmaları olan xəstələrdə müşahidə oluna bilər.

Mədə-bağırsaq qanaxmaların, xoralanmaların və ya perforasiyaların yaranma riski QSİƏP-lərin dozaları yüksəldikdə, anamnezdə olan, xüsusilə qanaxma və perforasiya ilə ağırlaşan xoralar zamanı və yaşlılarda artır. Bu qrup xəstələr müalicəniən aşağı effektiv dozalarla başlanmalıdır. Belə xəstələrdə, həmçinineyni zamanda asesilsalisil turşusunu aşağı dozalarda və ya mədə-bağırsaq traktı pozulmalarının yaranma riskini artırandigərdərmanları alanxəstələrdə müalicənin qoruyucu təsirə malik dərman vasitələri (məs., mizoprostol və ya proton pompasının inhibitorları) ilə kombinasiyada aparılması düşünülməlidir.Anamnezdə mədə-bağırsaq traktının xəstəlikləri olan, xüsusilə yaşlı xəstələr, qeyri-adi abdominal simptomlar (o cümlədən, mədə-bağırsaq qanaxmalar)haqqında,xüsusilə müalicənin əvvəlində həkimə bildirilməlidir.Mədə-bağırsaq qanaxma və ya xoralanma müşahidə olduqda Zeralqo preparatının tətbiqi dayandırılmalıdır.

Tənəffüs sistemi tərəfindən pozulmalar

Bronxial astmadan əziyyət çəkən və ya anamnezdə astma olan xəstələrdə bronxospazmın yaranmasını tezləşdirdiyindən QSİƏP-lər ehtiyatla istifadə olunmalıdır. 

Ürək-damar, böyrək və qaraciyər çatışmazlığı

QSİƏP-lərin tətbiqi dozadan asılı prostaqlandinlərin sintezinin azalmasına və böyrək çatışmazlığının tezləşdirməsinə səbəb ola bilər.Həmin reaksiyaların yaranma riski böyrək, ürək və ya qaraciyər çatışmazlığı olan, diuretiklərdən istifadə edilən xəstələrdə və yaşlılardayüksəkdir.Bu xəsətələrdə böyrək funksiyası nəzarət altında saxlanmalıdır.Flurbiprofenin qəbulu ilə bağlı ödem haqqında bildirildiyindən anamnezdə ürək çatışmazlığı və ya hipertenziya olan xəstələrdə preparat ehtiyatla istifadə edilməlidir.

Kardiovaskulyar və serebrovaskulyar təsirlər

QSİƏP-lərin tətbiqi ilə bağlı mayenin ləngiməsi və ödem haqqında bildirildiyindən anamnezdə hipertenziya və/və ya yüngül dərəcədən orta dərəcəyə qədər durğun ürək çatışmazlığı olan xəstələr müvafiq nəzarət altında saxlanmalıdır.Klinik tədqiqatlara və epidemioloji məlumatlara görə, bəzi QSİƏP-lərdən istifadəsinin(xüsusilə yüksək dozada və uzunmüddətli müalicədə) miokard infarktı və ya insult kimi arterial trombozun ağırlaşmalarının yaranma riskinin cüzi artması ilə əlaqəsi ehtimal olunur.Nəzarət edilməyən arterial hipertenziya, durğun ürək çatışmazlığı, müəyyən olunmuş ürək işemik xəstəliyi, periferik arteriyaların aterosklerozu və/və ya serebrovaskulyar xəstəliyi zamanı Zeralqo preparatının tətbiqi yalnız diqqətli qiymətləndirilməsindən sonra başlanmalıdır.Ürək-damar xəstəliklərinin yaranmasının risk faktoru (hipertenziya, hiperlipidemiya, şəkərli diabet, siqaret çəkmə) olduqda pasiyentlərdə uzunmüddətli müalicədən əvvəl diqqətli qiymətləndirilmə keçirilməlidir.          

Böyrəyə təsiri

Əhəmiyyətli dehidratasiya olan xəstələrdə flurbiprofen kimiQSİƏP-lərlə müalicəsi ehtiyatla başlanmalıdır. 

Sistem qurdeşənəyi və birləşdirici toxumanın qarışıq xəstəlikləri

Sistem eritematoz qurdeşənəyi və birləşdirici toxumanın qarışıq xəstəlikləri olan pasiyentlərdə aseptik meningitin yaranma ehtimalı yüksəlir.

Dərireaksiyalari

Çox nadir hallarda eksfoliativ dermatit, Stivens-Conson sindromu və toksik epidermal nekroliz kimi QSİƏP-lərlə bağlı ciddi dəri reaksiyalar (bəzi fatal nəticələnən) haqqında bildirilmişdir.Xəstələrdə həmin reaksiyaların ən yüksək yaranma riski müalicənin erkən mərhələsində olur:reaksiyanın başlanğıcı əksəriyyət hallarda müalicənin ilk ayında müşahidə olunur. Dəri səpgisi, selikli qişasının zədələnməsi və yadigər yüksək həssaslıq reaksiyaların ilk əlamətlərində Zeralqo preparatının tətbiqi dayandırılmalıdır.

Hematoloji reaksiyalar

Digər QSİƏP-lər kimi, flurbiprofen trombositlərin aqreqasiyasını inhibə edə bilər və qanaxma müddətini uzada bilər. Patoloji qanaxmalara meylli xəstələrdə Zeralqo ehtiyatla istifadə edilməlidir.

Qadınlarda reproduktiv funksiyasının pozulması

Zeralqo reproduktiv funksiyasını poza biləcəyi üçün hamiləlik planlayan qadınlarda preparatın istifadəsi tövsiyə olunmur. Hamilə olmaqla bağlı çətinlik çəkən və ya fertilliyi ilə əlaqədar müayinə olunan qadınlarda Zeralqo preparatı iləmüalicənin dayandırılması müzakirə edilməlidir. 

Digər dərman vasitələri ilə qarşılıqlı təsiri

Aşağıdakı preparatlarla birgə Zeralqo preparatı ehtiyatla istifadə edilməlidir.

Diuretiklər, AÇF inhibitorları və angiotenzin II reseptorların antaqonistləri

QSİƏP-lər diuretiklərin və digər antihipertenziv vasitələrin təsirini zəiflədə bilərlər.Böyrək funksiyası pozulmuş bəzi xəstələrdə (məs., dehidtratasiya olanxəstələr və ya böyrək funksiyasının pozulması olanyaşlılar) AÇFinhibitorları və ya angiotenzin II reseptorların antaqonistlərivə siklooksigenaza inhibitorları ilə birgə istifadəsi böyrək funksiyasının daha da ağırlaşmasına (adətəndönən olan kəskin böyrək çatışmazlığıdaxil olmaqla) səbəb ola bilər.Həmin qarşılıqlı təsirlər flurbiprofenlə birgə AÇF inhibitorları və ya angiotenzin II reseptorların antaqonistləri istifadə edilən xəstələrdə nəzərə alınmalıdır.Buna görə qeyd olunan dərman vasitələrin kombinasiyası, xüsusilə yaşlılarda, ehtiyatla istifadə olunmalıdır. Xəstələr adekvat hidratasiya olunmalıdır, kombinəolunmuş müalicənin əvvəlində böyrək funksiyası yoxlanılmalıdır və sonra da nəzarət altında saxlanmalıdır.

Ürək qlikozidlər

QSİƏP-lər ürək çatışmazlığınındaha da ağırlaşmasına, yumaqcıq filtrasiyasının azalmasına və plazmada ürək qlikozidlərinin səviyyəsinin artmasına səbəb ola bilər.

Antikoaqulyantlar

QSİƏP-lər varfarin kimi antikoaqulyantların təsirini gücləndirə bilər. 

Asesilsalisil turşusu

Digər QSİƏP tərkibli preparatlar kimi,flurbiprofenin və asesilsalisil turşusunun birgə istifadəsi əlavətəsirlərin mümkün artmasına görə tövsiyə olunmur. 

Antitrombotik vasitələr və serotoninin geriyə tutulmasınınselektiv inhibitorları

QSİƏP-lərlə birgə istifadə zamanı mədə-bağırsaq qanaxmaların yaranma ehtimalı artır.

Litium duzları

Litiumun xaricolunması azalır.

Metotreksat

Metotreksatın konsentrasiyası artma ehtimalından flurbiprofenlə birgə istifadəsi ehtiyatlı olmalıdır.

Siklosporin

QSİƏP-lər nefrotoksikliyin yaranma ehtimalını artıra bilərlər.

Kortikosteroidlər

QSİƏP-lərlə birgə istifadəzamanı mədə-bağırsaq xoralanmanın və ya qanaxmanın yaranma ehtimalı artır.

Digər analgetiklər və siklooksigenazanın selektiv inhibitorları

Bir və ya çox QSİƏP-lərlə, SOG-2 inhibitorları daxil olmaqla, birgə istifadəsindən çəkinmək lazımdır (əlavə təsirlərin yaranma ehtimalı arta bilər). 

Xinolonlar

XinolonlarınQSİƏP-lərlə birgə istifadəsiqıcolmaların yaranma ehtimalını arta bilər.

Mifepriston

Mifepristonun təsirinin azalma ehtimalından, QSİƏP-lər mifepristonun yeridilməsindən sonra 8-12 gün ərzində istifadə olunmamalıdır.

Takrolimus

QSİƏP-lərləbirgə istifadə zamanı nefrotoksikliyin yaranma ehtimalı arta bilər.

Zidovudin

QSİƏP-lərlə birgə istifadə zamanıhematoloji toksikliyin yaranma ehtimalı artır.

Hamiləlik və laktasiya dövründə istifadəsi 

Hamiləlik

I və II trimestrlərində mütləq göstəriş olmadıqda istifadə olunmamalıdır. Hamiləliyin III trimestrində preparatın istifadəsi əks göstərişdir.

Laktasiya

QSİƏP-lər cüzi konsentrasiyalarda ana südünə keçir. Mümkün qədər QSİƏP-lərdən istifadəsindən çəkinmək lazımdır. 

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

QSİƏP-lərlə müalicə zamanı başgicəllənmə, yuxululuq, yorğunluqvə görmə qabiliyyətinin pozulması kimi arzuolunmaz reaksiyaların yaranması mümkündür. Belə hallarda xəstələr nəqliyyat vasitələri və digər mexanizmləri idarə etməməlidir.

Zeralqo İstifadə qaydası və dozası 

Daxilə, yeməklə və ya yeməkdən sonra qəbul olunur.Simptomlara nəzarət etmək üçün ən qısa müddətdə ən aşağı effektiv dozalarda isifadə etdikdə arzuolunmaz təsirləri minimuma endirmək olar.

Böyüklər

Gündəlik doza iki, üç və ya dörd dozalara bölünərək 150-200 mq təşkil edir.Ağır simptomları olan və ya bu yaxınlarda xəstəlik keçirilmiş və ya kəskinləşmə dövrü olan pasiyentlərdə gündəlik doza bir neçə qəbula bölünərək 300 mq-a qədər artırıla bilər.

Adəti ağrılar zamanı qəbulu 100 mq-dan başlamaq, sonra isə hər 4-6 saatdan bir 50-100 mq dozada davam etdirmək olar.

Maksimal gündəlik doza 300 mq-dır.

Uşaqlar

Preparatın istifadəsi 12 yaşdan kiçik uşaqlarda tövsiyə olunmur. 

Yaşlı xəstələr

QSİƏP-lərdən istifadəyə ehtiyac olduqda ən qısa müddətdə ən aşağı effektiv doza tətbiq olunmalıdır. Mədə-bəğırsaq qanaxmalarının yaranma ehtimalından QSİƏP-lərin qəbulu zamanı yaşlı xəstələr müntəzəm nəzarət altında saxlanmalıdır.

Əlavə təsirləri

• Həzm sisteminə
• Ən tez-tez mədə-bağırsaq sistemitərəfindən əlavə reaksiyalar müşahidə olunur.Peptik xora,perforasiya və ya mədə-bağırsaq qanaxması (bəzən fatal) adətən yaşlı xəstələrdə qeyd oluna bilər.Preparatın tətbiqindən sonraürəkbulanma, qusma, diareya,dispepsiya,meteorizm, qəbizlik, abdominal ağrı,melena,qanlı qusma,xoralı stomatit, kolitin və Kron xəstəliyinin kəskinləşməsihaqqında məlumat var.Dahaaz hallarda qastritmüşahidə oluna bilər.Çox nadir hallarda pankreatitqeyd olunur. 
• İmmun sistemə
• QSİƏP-lərlə müalicə zamanıhiperhəssaslıq reaksiyalar haqqında bildirilmişdir.Qeyri-spesifik reaksiyalar,anafilaksiya, respirator traktının reaktivliyi, astma daxil olmaqla, astmanın kəskinləşməsi,bronxospazm vəya dispnoe, dəri reaksiyalar, səpgi, qaşınma, övrə, purpura, angioödemvə çox nadir hallarda eksfoliativ vəbullyoz dermatoz (o cümlədən,epidermal nekrolizvə multiformalı eritema) müşahidə oluna bilər. 
• Ürək-damar sisteminə
• QSİƏP-lərlə müalicə zamanı ödem,hipertenziya və ürək çatışmazlığı haqqında bildirilmişdir.
• Bəzi QSİƏP-lərdən istifadə zamanı (xüsusilə yüksək dozada və uzun müddətdə) arterial trombozun ağırlaşmalarının yaranma ehtimalı arta bilər (məs., miokard infarktı və ya insult).
• Tənəffüs sisteminə, döş qəfəsi və divararası orqanlarına
• Respirator traktının reaktivliyi (astma, bronxospazm, dispnoe). 
• Digər, daha az rast gəlinən və preparatın qəbulu ilə əlaqəsi məlum olmayan əlavə təsirlər aşağıda göstərilmişdir:
• Qanyaradıcı və limfa sisteminə
• Trombositopeniya,neytropeniya,aqranulositoz, aplastik anemiya, hemolitik anemiya.
• Psixipozulmalar
• Depressiya, şüurun dolaşıqlığı, hallüsinasiya.
• Sinir sisteminə
• İnsult, optik nevriti, başağrısı, paresteziya, başgicəllənmə, yuxululuq.    
• Aseptik meningit(xüsusilə sistem eritematoz qurdeşənəyi və birləşdirici toxumasının qarışıq xəstəliklərikimi autoimmun pozulmaları olan xəstələrdə), əyriboyunluq,başağrısı, ürəkbulanma, qusma, qızdırma və ya dezoriyentasiya).
• Görmə orqanına
• Göz qabiliyyətinin pozulması.
• Eşitmə orqanına və labirint sisteminə
• Qulaqlarda cingilti, vertiqo.
• Hepatobiliar sistemə
• Qaraciyər funksiyasının pozulması, hepatit, sarılıq.
• Dəri və dərialtı piy toxumasına
• Dəri reaksiyalar, səpgi, qaşınma, övrə, purpura və çox nadir hallarda - bullyoz dermatoz (o cümlədən, Stivens-Conson sindromu, toksik epidermal nekrolizvə multiformalı eritema).
• Böyrək və sidikçıxarıçı yollarına
• Toksik nefropatiya, interstisial nefrit, nefrotik sindrom və böyrək çatışmazlığıdaxil olmaqla.
• Ümumi pozulmalar və yerli reaksiyalar
• Halsızlıq, yorğunluq.

 Arzuolunmaz effektlər baş verdikdə həkimə müraciət edin.

Doza həddinin aşılması

Simptomlar

Doza həddinin kəskin aşılması zamanı yaranan simptomlar: başağrısı, ürəkbulanma, qusma, epiqastral nahiyədə ağrılar, mədə-bağırsaq qanaxmaları, nadir hallarda – diareya, dezoriyentasiya, həyəcanlılıq, koma,yuxululuq, başgicəllənmə, qulaqlarda cingilti, bayılma və tək-tək hallarda – qıcolmalar.Əhəmiyyətli dərəcədə zəhərlənmədə kəskin böyrək çatışmazlığı və qaraciyərin zədələnməsi mümkündür.

Müalicəsi

Simptomatik müalicə aparılmalıdır.Toksik miqdarda daxilə qəbul etdikdən sonra bir saat ərzindəaktivləşdirilmiş kömürdən istifadə oluna bilər. Böyüklərdə həyat üçün təhlükəli miqdarda daxilə qəbul etdikdən sonra bir saat ərzində mədə yuyulmalıdır. Sidiyin lazımi xaricolunması təmin edilməlidir. Böyrək və qaraciyər funksiyaları ciddi nəzarət altında saxlanmalıdır. Preparatın çox yüksək dozada qəbul edilməsi zamanı ən azı 4 saat ərzində xəstə nəzarət altında saxlanmalıdır.

Buraxılış forması

Zeralgo 100 mq örtüklü tabletlər. 15 tablet, blisterdə. 1 blister (15 örtüklü tablet)içlik vərəqə ilə birlikdə karton qutuya qablaşdırılır.   

Saxlanma şəraiti

25 °C-dən yüksək olmayan temperaturda, öz qutusunda, quru, qaranlıq və uşaqların əli çatmayan yerdə saxlamaq lazımdır.

Yararlılıq müddəti 

3il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

Zeralqo qiyməti

Zeralqo qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. 

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Zeralqo qiyməti -ni öyrənərək əldə edəsiniz.

İstehsalçı

Drogsan İlaçları San. ve Tic. A.Ş.

06760 Çubuk/Ankara/Türkiyə

Aid olduğu kateqoriyalar

1. Oynaq və əzələ ağrılarında istifadə olunan vasitələr
2. Menstrual ağrılar zamanı istifadə olunan vasitələr
3. Baş, diş və qulaq ağrılarında istifadə olunan vasitələr
4. Daxili orqanlarda ağrılar zamanı istifadə olunan vasitələr
5. Artrit zamanı istifadə olunan vasitələr
6. Yumşaq toxumaların zədələnmələri