MEKSİPRİM

MEKSİPRİM Eyniləşdirmə və təsnifat

ATC kodu - N07XX
Beynəlxalq patentləşdirilməmiş adı - Ethylmethylhydroxypyridine succinate

Dərman forması

125 mq örtüklü tabletlər

Buraxılış forması

125 mq-lıq örtüklü tabletlər. 10 tablet polivinilxlorid örtüklü və çap olunmuş alüminium folqalı konturlu-yuvalı qablaşdırmada. 1, 2, 3, 4 və ya 6 konturlu-yuvalı qablaşdırma içlik vərəqə ilə birlikdə karton qutuya qablaşdırılır.

Tərkibi

Təsiredici maddə: 1 tabletin tərkibində 125 mq etilmetilhidroksipiridin suksinat vardır.

Köməkçi maddələr: kaolin, natrium karboksimetilnişasta, mikrokristallik sellüloza, povidon K 17, talk, kalsium stearat.

Örtük: hipromelloza, makroqol, titan dioksid, talk.

Təsviri

Dairəvi formalı, hər iki tərəfi qabarıq, ağ və ya demək olar ki, ağ rəngli örtüklü tabletlərdir. Eninə kəsiyində nüvə ağ rəngdən bozumtul və ya sarımtıl çalarlı ağ rənəgə qədər və ya qəhvəyi çalarlı rəngdədir.

Farmakoterapevtik qrupu

Antioksidant vasitə

MEKSİPRİM İstifadəsinə göstərişlər

• Beyin qan dövranının kəskin pozuntusunun fəsadları, o cümlədən, profilaktik kurs qismində subkompensasiya fazasında tranzitor işemik həmlədən sonra;
• kəllə-beyin travmasının nəticəsində yüngül kəllə-beyin travması;
• müxtəlif genezli enzefalopatiya (dissirkulyator, dismetabolik, posttravmatik, qarışıq);
• vegetativ distoniya sindromu;
• aterosklerotik genezli yüngül koqnitiv pozuntular;
• nevrotik və nevrozabənzər hallar zamanı həyəcan pozuntusu;
• kompleks terapiyanın tərkibində ürəyin işemik xəstəliyi;
• alkoqolizm zamanı nevrozabənzər və vegetativ-damar pozuntularının üstünlüyü ilə abstinent sindromun blokadası, postabstinent pozuntular;
• antipsixotik vasitələrlə kəskin intoksikasiyadan sonrakı hallar;
• astenik vəziyyət, eləcə də, ekstremal faktorların və gərginliyin təsiri altında somatik xəstəliklərin inkişafının profilaktikası üçün;
• ekstremal (stress) faktorların təsiri.

Əks göstərişlər

Qaraciyər və/və ya böyrək funksiyasının kəskin pozuntusu, preparatın istənilən komponentinə qarşı yüksək həssaslıq. Preparatın təsirinin kifayət qədər öyrənilməməsilə əlaqədar uşaqlarda, hamiləlikdə, laktasiya dövründə istifadəsi.

MEKSİPRİM İstifadə qaydası və dozası

Daxilə qəbul edilir. Sutkada 125-250 mq (1-2 tablet) 3 dəfə təyin edilir.

Başlanğıc doza terapevtik effekt əldə edilənə qədər tədricən artırılmaqla sutkada 1-2 dəfə 125-250 mq-dır (1-2 tablet). Maksimal sutkalıq doza 750 mq-dır (6 tablet).

Müalicənin müddəti 2-6 həftədir; alkoqollu abstinensiyanın blokadası üçün 5-7 gün. Ürəyin işemik xəstəliyi olan pasiyentlərdə terapiya kursunun müddəti 1,5-2 aydır. Müalicə 2-3 gün ərzində doza azaldılmaqla tədricən dayandırılır. Təkrar kursun (həkim məsləhətilə) yaz-payız dövründə aparılması arzu olunandır.

Yararlılıq müddəti

5 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

Qeydiyyat vəsiqəsinin sahibi

“Nijfarm” SC, Rusiya.
603950, Nijniy-Novqorod ş., Salqanskaya k., 7.
Tel.: (831) 278-80-88.
Faks: (831) 430-72-28.
e-mail: [email protected]

İstehsalçı

“Obninsk kimya-əczaçılıq şirkəti” QSC, Rusiya.
249036, Kalujsk vilayəti, Obninsk ş., Korolyov k., ev 4.
Tel.:/Faks: (48439) 6-47-41.