LAKTODEPANTOL

LAKTODEPANTOL Süd turşusu uşaqlıq yolu süd-turşusu bakteriyalarının həyat fəaliyyəti məhsuludur, uşaqlıq yolu ifrazatının 3,5-4,5 diapazonda pH-nı təmin edir.

DoktorM

Aug 14, 2024 - 17:25

LAKTODEPANTOL

LAKTODEPANTOL - Süd turşusu vaginal infeksiya zamanı pH-ın qələvi tərəfə müşahidə edilən hərəkətinin turşu rezervini yaradır. Uşaqlıq yolunun genital infeksiyalardan təbii qorunmasının artmasına səbəb olur.

YAZININ İÇİNDƏKİLƏR

Eyniləşdirmə və təsnifat
Dərman forması
Buraxılış forması
LAKTODEPANTOL Tərkibi
Təsviri

Farmakoterapevtik qrupu

Farmakoloji xüsusiyyətləri. Farmakodinamikası
LAKTODEPANTOL nə üçündür?
Farmakoloji xüsusiyyətləri. Farmakokinetikası
İstifadəsinə göstərişlər
LAKTODEPANTOL Əks göstərişlər
Xüsusi göstərişlər və ehtiyat tədbirləri
Hamiləlik və laktasiya dövründə istifadəsi

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

LAKTODEPANTOL İstifadə qaydası və dozası
Əlavə təsirləri
Saxlanma şəraiti
Yararlılıq müddəti
Aptekdən buraxılma şərti
LAKTODEPANTOL Qiyməti
İstehsalçı

Hamısına bax

Eyniləşdirmə və təsnifat

ATC kodu - G01AD01

Beynəlxalq patentləşdirilməmiş adı - Lactic acid

Dərman forması

Vaginal suppozitoriyalar

Buraxılış forması

100 mq-lıq vaginal suppozitoriyalar.

5 suppozitoriya, polivinilxlorid örtüklü, polietilen laminatlı konturlu-yuvalı qablaşdırmada. 1 və ya 2 konturlu-yuvalı qablaşdırma içlik vərəqə ilə birlikdə karton qutuya qablaşdırılır.

LAKTODEPANTOL Tərkibi

Təsiredici maddə: 1 suppozitoriyanın tərkibində 100 mq süd turşusu vardır.

Köməkçi maddələr: makroqolların qarışığı (makroqol 1500-(92-98)%, makroqol 400-(8-2)%).

Təsviri

Torpedoyabənzər, ağ və ya sarımtıl çalarlı ağ rəngli suppozitoriyalardır. Mərmərlilik və kəsikdə hava boşluğunun və qıfşəkilli dərinləşmənin olması yolveriləndir.

Farmakoterapevtik qrupu

Antiseptik vasitə.

Farmakoloji xüsusiyyətləri. Farmakodinamikası

LAKTODEPANTOL nə üçündür?

Süd turşusu uşaqlıq yolu süd-turşusu bakteriyalarının həyat fəaliyyəti məhsuludur, uşaqlıq yolu ifrazatının 3,5-4,5 diapazonda pH-nı təmin edir.

Süd turşulu suppozitoriyalar uşaqlıq yolunun pH-ın normal göstəricilərinin və florasının bərpasına və saxlanmasına, turşu-həssas patogen və şərti patogen floranın inkişafının zəifləməsinə səbəb olur.

Süd turşusu vaginal infeksiya zamanı pH-ın qələvi tərəfə müşahidə edilən hərəkətinin turşu rezervini yaradır. Uşaqlıq yolunun genital infeksiyalardan təbii qorunmasının artmasına səbəb olur.

Farmakoloji xüsusiyyətləri. Farmakokinetikası

Farmakokinetikası barədə məlumat yoxdur.

İstifadəsinə göstərişlər

Uşaqlıq yolunun mikroflorasının və pH-nın pozulmasının normallaşdırılması, o cümlədən, bakterial vaginoz zamanı (kompleks terapiyanın tərkibində).

LAKTODEPANTOL Əks göstərişlər

Preparatın istənilən komponentinə qarşı yüksək həssaslıq, kandidoz vulvovaginit, 18 yaşa qədər uşaqlar.

Xüsusi göstərişlər və ehtiyat tədbirləri

Yanma və qaşınma təzahür etdikdə, uşaqlıq yolunda göbələk infeksiyasının istisna olması üçün müayinə aparmaq məsləhət görülür.

Hamiləlik və laktasiya dövründə istifadəsi

Laktodepantol preparatının istifadəsinin hamiləlik və laktasiya dövründə xüsusi tədqiqatları aparılmamışdır. Heyvanlar üzərində aparılan tədqiqatlarda süd turşusunun dölə hər hansı toksik təsirinin əlamətləri olmamışdır. Klinik tədqiqatlarda süd turşusunun intravaginal yeridilən müxtəlif dərman formalarının istifadəsi zamanı təhlükəsizliklə problem aşkar edilməmişdir. Süd turşusunun məməlilərin metabolizminin aralıq məhsulu olduğunu və normalda insan orqanizmində, o cümlədən, dölyanı mayedə, ana südündə olduğunu nəzərə alaraq, Laktodepantol preparatının hamiləlik və laktasiya dövründə istifadəsi ana üçün potensial faydanın və dölə və ana südü ilə qidalanan körpəyə olan risk nisbətinin qiymətləndirilməsindən sonra mümkündür. İstifadəsindən əvvəl həkimlə məsləhətləşmək vacibdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Təsir etmir.

LAKTODEPANTOL İstifadə qaydası və dozası

İntravaginal istifadə edilir. Suppozitoriyaları istifadə etməzdən əvvəl konturlu qablaşdırmadan azad etmək lazımdır. 1 vaginal suppozitoriya sutkada 1 dəfə uşaqlıq yoluna yeridilir (ayaqları azacıq qatlamaqla kürəyi üstə uzanmış). Müalicə kursu 10 gündür.
Müalicədən sonra yaxşılaşma müşahidə edilmədikdə və ya yeni simptomlar təzahür etdikdə, həkimlə məsləhətləşmək vacibdir.
Preparatı, yalnız içlik vərəqədə qeyd edilən göstərişi üzrə, istifadə qaydası və eyni dozada istifadə etmək lazımdır.

Əlavə təsirləri

Allergik reaksiyalar, qaşınma mümkündür, tək-tək hallarda-uşaqlıq yolunda preparatın istifadəsi dayandırıldıqdan sonra keçib gedən yanma.
İçlik vərəqədə qeyd edilməyən istənilən əlavə təsir dərinləşdikdə və ya göstərilməyən əlavə təsirlər yarandıqda, dərhal həkimə müraciət etmək lazımdır.