Dərmanlar

KARDUAS kapsul

KARDUAS kapsul - tərkibindəki komponentlərin sayəsində kardioprotektor, sitoprotektor və antioksidant təsir göstərir.

DoktorM

Jun 23, 2024 - 18:53

KARDUAS kapsul

KARDUAS kapsul - Kardioprotektor

YAZININ İÇİNDƏKİLƏR

Buraxılış forması
KARDUAS kapsul Tərkibi
Farmakoloji xüsusiyyətlər
KARDUAS kapsul nə üçündür?
KARDUAS kapsul İstifadə qaydası
İstifadəsi üçün göstərişlər
KARDUAS kapsul Əks göstərişlər
Aptekdən buraxılma şərti
KARDUAS kapsul Qiyməti
İstehsalçı

Hamısına bax

KARDUAS kapsul Tərkibi

Hər 1 kapsulda:

L-karnitin.......................250 mq
Kversetin..........................75 mq
Koenzim Q10...................30 mq

KARDUAS kapsul nə üçündür?

KARDUAS tərkibindəki komponentlərin sayəsində kardioprotektor, sitoprotektor və antioksidant təsir göstərir.

L-karnitin – aminturşu olub, B qrupu vitaminlər ailəsinə mənsubdur. Anabolik, antihipoksik və antitireoid təsirə malikdir. Yağların mübadiləsini aktivləşdirir, toxumaların regenerasiyasını stimulə edir, iştahanı artırır. Orqanizmdə l-karnitin qaraciyərdə və böyrəklərdə sintez olunur, digər orqan və toxumalara daşınır. L-karnitin uzunzəncirli yağ turşularını mitoxondrial matriksə daşıyır, burda onların parçalanmasını və asetil-KoA-nın qlükoneogenez prosesində piruvatkarboksilazanın iştirakını artırır. L-karnitin oksidləşdirici fosforlaşmanı və enerji ayrılmasını, ATF sintezini sürətləndirir. O, qlükozanı sıxışdırır və yağ turşularının oksigendən asılı olmayan metabolizminə yol açır, buna görə də ürək əzələsinin və beyin toxumasınıın hipoksiyasında və digər kritik vəziyyətlərdə effektivdir. Fiziki gərginliyə qarşı dözümlülüyü artırır, ağır fiziki işdən sonrakı asidozu aradan qaldırır. Neyrotrofik təsir göstərir, zədələnmiş sinir toxumasını bərpa edir.

Kversetin antioksidant, kapillyaroprotektiv, dezintoksikasion, ödem əleyhinə, regenerasiyanı artıran bioflavonoid olub kapillyarların işini aktivləşdirir, qan-damar divarlarını möhkəmləndirir. Miokardın qan təchizatını yaxşılaşdırır və işemiyaya uğramış sahələri bərpa edir. Kversetin güclü antioksidant effektə malikdir, hüceyrə membranlarını sərbəst radikalların zədələyici təsirindən qoruyur, hüceyrələrin vaxtından əvvəl qocalması prossesini tormozlayır.

Koenzim Q10 – Q10 iliubixinonun kofermentidir. Mitoxondrilərində toplanan bu maddə enerji mübadiləsini sürətləndirir. Hüceyrələri sərbəst radikallardan qoruyur, immuniteti artırır. Antioksidant, antiaterosklerotik təsirlərə malikdir. Qanın lipid tərkibini və reoloji xüsusiyyətlərini normallaşdırır. Miokardın yığılma qabiliyyətini yaxşılaşdırır, miokardın qanla təchizatını artırır. Antiaritmik, hipotenziv, immunomodulyator, hepatoprotektor təsir göstərir. Qanda qlükozanın səviyyəsini normallaşdırır.

KARDUAS kapsul İstifadə qaydası

14 yaşından yuxarı uşaqlar və böyüklər: 1 kapsuldan gündə 1-2 dəfə daxilə qəbul olunur.

İstifadəsi üçün göstərişlər

Ürəyin işemik xəstəliyinin bütün formaları.
Serebrovaskulyar xəstəliklər, beyin toxumasının işemiyası
Intensiv fiziki yüklənmələr zamanı əzələ aktivliyini artırmaq məqsədi ilə;
Stresə qarşı müqaviməti artırmaq məqsədi ilə;
Şəkərli diabet zamanı maddələr mübadiləsini normallaşdırmaq məqsədi ilə;
Piylənmə; Bədən çəkisinin defisiti və boy inkişafının ləngiməsi zamanı;
Böyrək çatışmazlığında birincili və ikincili L-karnitin defisitini aradan qaldırmaq məqsədi ilə;
Həzm pozğunluqlarında və fermentativ çatışmazlıq zamanı;
Ağır xəstəliklər və fiziki yüklənmələrdən sonra bərpa dövründə;
Dölün hipoksiyası zamanı;
Spermatogenezinpozulmasızamanı.