ENZİKS DUO Tablet

Ehtiyatla istifadə

Enalapril

• birincili hiperaldosteronizm, böyrək arteriyalarının ikitərəfli stenozu, orqanizmdə dövr edən qanın həcminin (DQH) azalması ilə müşayiət olunan vəziyyətlər (o cümlədən, qusma, diareya), tək bir böyrək arteriyasının stenozu, hiperkaliemiya, böyrək transplantasiyasından sonrakı vəziyyət;
• aortal stenoz, mitral stenoz (hemodinamika göstəricilərinin pozulması ilə), hipertrofik obstruktiv kardiomiopatiya, renovaskulyar hipertenziya, birləşdirici toxumanın sistem xəstəlikləri (qırmızı qurd eşənəyi, sklerodermiya və s.), ürəyin işemik xəstəliyi, serebrovaskulyar xəstəliklər, şəkərli diabet, böyrək çatışmazlığı (sutkada 1 q-dan çox proteinuriya), qaraciyər ça-tışmazlığı, ağır allerqoloji anamnez və ya anamnezdə angionevrotik ödemin olması, xörək duzu-nun məhdudlaşdırılması ilə pəhrizə riayət edən və ya hemodializ proseduraları qəbul edən pasi-yentlər;
• immunodepressantlarla, saluretiklərlə, kaliumqoruyucu diuretiklərlə, kalium preparatları ilə, tərkibində kalium olan duzəvəzedicilərlə, litium preparatları ilə eyni zamanda istifadə etdikdə, dekstran sulfatın istifadəsilə aşağı sıxlıqlı lipoproteinlərin aferezi (ASLP-aferezi) prosedurunu yerinə yetirdikdə, pərdəqanadlı həşəratların zəhərinin desensibilizasiyası aparılan zaman;
• neqroid irqindən olan pasiyentlərdə;
• irimiqyaslı cərrahi müdaxilələrdən sonra və ya ümumi anesteziya zamanı;
• yüksək axarlı membranların (AN 69®) istifadə olunması ilə aparılan hemodializ qəbul edən pasiyentlərdə;
• yaşlı pasiyentlərdə (65-dən yuxarı).

İndapamid

• şəkərli diabet dekompensasiya mərhələsində, hiperurikemiya (xüsusilə, podaqra və urat nefro-lizatla müşayiət olunan), qaraciyər və böyrək funksiyalarının pozulması, su-elektrolit balansının pozulması, hiperparatireoz;
• zəifləmiş pasiyentlər və ya QT intervalının uzanmasına səbəb olan preparatların qəbulu ilə eyni zamanda digər antiaritmik preparatlarla birlikdə müalicə alan pasiyentlərdə.

Enalapril və İndapamid preparatlarının eyni zamanda istifadəsi nəticəsində Enalaprilin antihiper-tenziv effektinin güclənməsi müşahidə olunur.

Enalapril

Simptomatik arterial hipotenziya

Simptomatik arterial hipotenziya ağırlaşmamış arterial hipertenziyadan əziyyət çəkən pasiyent-lərdə nadir hallarda müşahidə olunur. Enalapril qəbul edən arterial hipertenziyadan əziyyət çəkən pasiyentlərdə, arterial hipotenziya əksər hallarda susuzlaşma fonunda meydana çıxır, məsələn, diuretik preparatlarla müalicə, xörək duzunun məhdudlaşdırılması, dializ prosedurlarında olan pasiyentlər, həmçinin qusma və diareya zamanı (“Əlavə təsirləri” və “Digər dərman vasitələrilə qarşılıqlı təsiri” bölmələrinə bax). Simptomatik arterial hipotenziya həm böyrək çatışmazlığın-dan əziyyət çəkən pasiyentlərdə, həm də böyrək çatışmazlığı olmayan pasiyentlərdə müşahidə olunur. Arterial hipotenziya hiponatriemiya və ya daha yüksək dozalarda “ilgək” diuretiklərindən istifadə edən böyrək funksiyalarının pozulması olan ağır dərəcəli xroniki ürək çatışmazlığından əziyyət çəkən pasiyentlərdə daha tez-tez inkişaf edir. Belə pasiyentlərdə Enalapril preparatı ilə müalicəni həkim nəzarəti altında başlamaq lazımdır və bu nəzarət Enalaprilin və/və ya diuretik preparatın dozası dəyişdirildikdə xüsusilə ciddi olmalıdır. AT-in həddən artıq aşağı düşməsi mi-okard infarktının və ya insultun inkişaf etməsinə səbəb ola bilən, ürəyin işemik xəstəliyindən və ya serebrovaskulyar xəstəliklərdən əziyyət çəkən pasiyentlərə eyni qaydada nəzarət etmək lazım-dır.

Arterial hipotenziya inkişaf etdikdə, pasiyenti uzatmaq və zərurət yarandıqda 0,9 %-li natrium xlorid məhlulu yeritmək lazımdır. Enalapril qəbulu zamanı tranzitor arterial hipotenziya prepara-tın sonrakı istifadəsi və dozanın yüksəldilməsi üçün əks göstəriş deyil, maye həcmi bərpa olduq-dan və AT normalaşdıqdan sonra müalicəni davam etdirmək olar. AT normal və ya aşağı olan ürək çatışmazlığından əziyyət çəkən bəzi pasiyentlərdə Enalapril AT-in əlavə olaraq aşağı düş-məsinə səbəb ola bilər. Preparatın istifadəsi zamanı bu cür reaksiya gözləniləndi və müalicənin dayandırılması üçün əsas deyil. Arterial hipotenziya stabil xarakter daşıdığı halda diuretik pre-paratın və/və ya Enalaprilin dozasını aşağı salmaq və/və ya istifadəsini dayandırmaq lazımdır.

Renovaskulyar hipertenziya

AÇF inhibitorlarının istifadəsi həm cərrahi müdaxilə gözləyən, həm də əməliyyat aparmaq müm-kün olmayan renovaskulyar hipertenziyadan əziyyət çəkən pasiyentlərə yaxşı təsir göstərir. Müalicəni stasionarda, preparatın aşağı dozalarının istifadəsilə, eyni zamanda böyrəklərin funk-sional fəaliyyətini və qan plazmasında kaliumun miqdarına nəzarət edərək başlamaq lazımdır. Bəzi pasiyentlərdə böyrəklərin funksional çatışmazlığı inkişaf edə bilər, bu hal preparatın istifa-dəsi dayandırıldıqdan sonra tezliklə aradan qalxır.

Aortal və ya mitral stenoz/hipertrofik obstruktiv kardiomiopatiya

Vazodilatasiyaedici təsirə malik bütün dərman preparatları kimi, AÇF inhibitorları da sol mədə-cikdən çıxan yolun obstruksiyası olan pasiyentlərə ehtiyatla təyin olunmalıdır.

Böyrək funksiyalarının pozulması

Bəzi pasiyentlərdə AÇF inhibitorları ilə müalicəyə başladıqdan sonra inkişaf edən arterial hipo-tenziya, böyrək funksiyalarının pisləşməsinə gətirib çıxara bilər. Bəzi hallarda, adətən dönən xarakter daşıyan, kəskin böyrək çatışmazlığı barədə məlumatlar var.

Böyrək çatışmazlığı olan pasiyentlər üçün dozanın və/və ya preparatın qəbul tezliyinin azaldıl-ması tələb oluna bilər. Böyrək arteriyalarının ikitərəfli stenozu və ya tək bir böyrək arteriyasının stenozu olan bəzi pasiyentlərdə qanda sidik cövhərinin və qan zərdabında kreatinin miqdarının yüksəlməsi müşahidə olunur. Dəyişikliklər adətən geri dönən xarakter daşıyır. Bu cür dəyişik-liklər böyrək funksiyalarının pozulmasından əziyyət çəkən pasiyentlərdə daha çox ehtimal edilir.

Müalicədən əvvəl böyrək xəstəliyi aşkar edilməyən bəzi pasiyentlərdə, Enalapril diuretik prepa-ratlarla birlikdə qanda sidik cövhərinin və qan zərdabında kreatinin konsentrasiyalarının əhəmiy-yət kəsb etməyən və geri dönən yüksəlməsinə səbəb olur. Belə hallarda diuretik preparatın və/və ya Enalaprilin dozasını aşağı salmaq və/və ya istifadəsini dayandırmaq tələb oluna bilər.

Böyrək transplantasiyası

Böyrək transplantasiyasından sonra preparatın istifadə təcrübəsi yoxdur, bu səbəbdən böyrək transplantasiyasından sonra Enalapril preparatının istifadəsi tövsiyə olunmur.

Qaraciyər çatışmazlığı

AÇF inhibitorlarının istifadəsi nadir hallarda xolestatik sarılıq və ya hepatitdən başlayan və bə-zən ölümə səbəb ola bilən, qaraciyərin fulminant nekrozuna qədər proqressivləşən sindromun inkişafı ilə bağlıdır. AÇF inhibitorlarının istifadəsi fonunda, sarılıq meydana çıxdıqda və ya “qaraciyər” transaminazalarının aktivliyi əhəmiyyətli dərəcədə yüksəldikdə, preparatın istifadə-sini dayandırmaq və müvafiq köməkçi müalicə təyin etmək lazımdır, bu zaman pasiyent müvafiq nəzarət altında olmalıdır.

Neytropeniya/aqranulositoz

AÇF inhibitorları istifadə edən pasiyentlərdə neytropeniya/aqranulositoz, trombositopeniya, və anemiya müşahidə olunur. Böyrək funksiyaları normal fəaliyyətdə olan və digər ağırlaşdırıcı fak-tor olmayan pasiyentlərdə neytropeniya nadir hallarda meydana çıxır. Birləşdirici toxumanın sis-tem xəstəliklərindən (qırmızı qurd eşənəyi, sklerodermiya və s.) əziyyət çəkən, immunosupressiv terapiya, allopurinol və ya prokinamid və ya göstərilən ağırlaşdırıcı faktorların kombinasiyası, xüsusilə böyrək funksiyalarının pozulması, olan pasiyentlərə Enalapril preparatını xüsusi ehti-yatla istifadə etmək lazımdır. Bu pasiyentlərin bəzilərində, bir sıra hallarda antibiotiklərlə inten-siv terapiyaya cavab verməyən, ciddi infeksion xəstəliklər inkişaf edə bilər. Belə pasiyentlər Enalapril preparatından istifadə edərsə, qanda leykositlərin və limfositlərin miqdarına müntəzəm nəzarət etmək lazımdır və pasiyentlərə infeksion xəstəliyin hər bir əlaməti barədə bildirmələrinin vacib olduğu barədə xəbərdarlıq etmək lazımdır.

Hiperhəssaslıq reaksiyaları/angionevrotik ödem

AÇF inhibitorlarından, o cümlədən Enalapril preparatından istifadə etdikdə, müalicənin müxtəlif mərhələlərində nadir hallarda üzün, ətrafların, dodağın, dilin, səs tellərinin və/və ya qırtlağın an-gionevrotik ödemi halları müşahidə olunur. Çox nadir hallarda intestinal ödemin inkişafı barədə məlumatlar var. Belə hallarda Enalapril preparatının qəbulunu dərhal dayandırmaq və klinik simptomlara nəzarət və korreksiya məqsədilə pasiyentin vəziyyətinə nəzarət etmək lazımdır. Hətta, respirator distress-sindrom inkişaf etmədən dilin ödemi müşahidə olduğu hallarda, pasi-yentlərə antihistamin preparatlar və kortikosteroidlərlə müalicə kifayət etməyə bilər, bu səbəbdən pasiyentlərə uzun müddətli müalicə tələb oluna bilər.

Qırtlaq və dilin ödemi ilə əlaqədar ölümlə nəticələnən angionevrotik ödem barədə çox nadir hal-larda məlumatlar var. Dilin, səs tellərinin və ya qırtlağın ödemi tənəffüs yollarının obstruksiyası-na səbəb ola bilər, xüsusilə tənəffüs orqanlarında cərrahi əməliyyat keçirmiş pasiyentlərdə. Ödem dil, səs telləri və ya qırtlaq nahiyəsində lokallaşdığı və tənəffüs yollarının obstruksiyasını törədə bildiyi hallarda, dərhal müvafiq müalicə təyin etmək lazımdır ki, bu müalicəyə də dəri al-tına 0,1 %-li epinefrin (adrenalin) (0,3 – 0,5 ml) məhlulunun yeridilməsi və/və ya tənəffüs yol-larının keçirilməsinin təmin olunması daxil ola bilər.

AÇF inhibitorlarını qəbul edən neqroid irqindən olan pasiyentlərdə angionevrotik ödem digər irqlərdən olan pasiyentlərə nisbətən daha tez-tez müşahidə edilir.

Anamnezdə AÇF inhibitorlarının istifadəsi ilə əlaqəsi olmayan angionevrotik ödem olan pasi-yentlər, AÇF inhibitorlarının istifadəsi fonunda angionevrotik ödemin inkişaf riski ilə daha çox üzləşə bilərlər (“Əks göstərişlər” bölməsinə bax).

Zərdəqanadlı həşəratların zəhərinin desensibilizasiyası aparıldıqda baş verən anafilaktoid reaksiyalar

AÇF inhibitorlarını qəbul edən pasiyentlərdə, pərdəqanadlı həşəratların (bal arıları, arılar) zəhərinin desensibilizasiyası aparıldıqda, həyat üçün təhlükəli anafilaktoid reaksiyalar inkişaf edə bilər. Desensibilizasiyaya başlamazdan əvvəl AÇF inhibitorlarının qəbulunu müvəqqəti dayandırmaqla arzuolunmaz reaksiyalardan qaçınmaq olar.

ASLP-aferezi aparıldıqda anafilaktoid reaksiyalar

Dekstran sulfatın istifadəsi ilə ASLP-aferezi aparılan zaman, AÇF inhibitorlarından istifadə edən pasiyentlərdə nadir hallarda həyat üçün təhlükəli anafilaktoid reaksiyalar müşahidə edilir. ASLP-aferezi proseduruna başlamazdan əvvəl AÇF inhibitorlarının qəbulunu müvəqqəti dayandırmaqla bu cür reaksiyaların inkişaf etməsindən qaçınmaq olar.

Hemodializdə olan pasiyentlər

Yüksək axarlı membranların (AN 69® kimi) istifadə olunması ilə aparılan hemodializ və eyni zamanda AÇF inhibitorları ilə müalicə qəbul edən pasiyentlərdə anafilaktoid reaksiyalar müşa-hidə edilir. Bu pasiyentlərdə digər tiplərdən olan dializ membranlarından və ya digər qruplardan olan hipotenziv maddələrdən istifadə etmək lazımdır.

Öskürək

AÇF inhibitorları ilə terapiya fonunda öskürəyin meydana çıxması halları müşahidə olunur. Bir qayda olaraq, öskürək qeyri-məhsuldar və müntəzəm xarakter daşıyır və müalicə dayandırıldıq-dan sonra aradan qalxır. AÇF inhibitorlarının istifadəsi ilə əlaqəli öskürək, öskürəyin differensial diaqnostikasında nəzərə alınmalıdır.

Cərrahi müdaxilələr/ümumi anesteziya

İrimiqyaslı cərrahi müdaxilələr zamanı və ya antihipertenziv effekt törədən preparatların istifa-dəsi ilə ümumi anesteziya aparıldıqda, enalaprilat reninin kompensator azadolunması nəticəsində baş verən angiotenzin II-nin əmələ gəlməsini blokadaya alır. Bu mexanizmə əsasən AT-in şid-dətli aşağı düşməsi inkişaf etdiyi halda, orqanizmdə dövr edən qanın həcmini artırmaqla AT-ni korreksiya etmək olar.

Hiperkaliemiya (“Digər dərman vasitələrilə qarşılıqlı təsiri” bölməsinə bax)

Hiperkaliemiyanın inkişaf etmə riski yaşlılarda, böyrək çatışmazlığı və şəkərli diabetdən əziyyət çəkən pasiyentlərdə, eyni zamanda baş verən bəzi vəziyyətlərdə (dekompensasiya mərhələsində ürək çatışmazlığı, metabolik asidoz), həmçinin kaliumqoruyucu diuretiklərdən (spironolakton, eplerenon, triamteren və ya amilorid), kalium əlavələrindən və ya tərkibində kalium olan duzlar-dan eyni zamanda istifadə etdikdə müşahidə olunur.

Kalium əlavələrinin, kaliumqoruyucu diuretiklərin və ya tərkibində kalium olan duzların istifa-dəsi, xüsusilə böyrək funksiyalarının pozulmasından əziyyət çəkən pasiyentlərdə, qan zərdabında kaliumun miqdarının əhəmiyyətli dərəcədə yüksəlməsinə səbəb ola bilər. Hiperkaliemiya ciddi, bəzi hallarda ölümə səbəb ola bilən aritmiyalara gətirib çıxara bilər.

Enalaprilin və yuxarıda adı çəkilən dərman preparatlarının istifadəsi üçün zərurət yarandıqda, ehtiyatlı olmaq və qan zərdabında kaliumun miqdarına nəzarət etmək lazımdır.

Hipoqlikemiya

Peroral hipoqlikemik preparatlar və ya insulin istifadə edən şəkərli diabetdən əziyyət çəkən pasi-yentlər, AÇF inhibitorlarını istifadə etməyə başlamazdan əvvəl qanda qlükozanın konsentrasiya-sının müntəzəm nəzarətinin, xüsusilə bu dərman preparatlarının eyni zamanda istifadə edilməsi-nin birinci ayı ərzində, vacibliyi barədə məlumatlandırılmalıdırlar (“Digər dərman vasitələrilə qarşılıqlı təsiri” bölməsinə bax).

Litium preparatları

Litium preparatlarını Enalapril ilə eyni zamanda istifadə etmək tövsiyə edilmir (“Digər dərman vasitələrilə qarşılıqlı təsiri” bölməsinə bax).

RAAS-nin ikili blokadası

Həssas pasiyentlərdə, xüsusilə preparatı RAAS-nə təsir edən dərman vasitələrilə kombinəedilmiş müalicə şəklində istifadə etdikdə, arterial hipotenziyanın inkişafı, ürəkkeçmə tutması, insult, hiperkaliemiya və böyrək funksiyalarının pozulması barədə məlumatlar var (“Digər dərman vasitələrilə qarşılıqlı təsiri” bölməsinə bax). AÇF inhibitorlarını angiotenzin II reseptorlarının antaqonistləri və ya aliskiren preparatı ilə kombinəedilmiş şəkildə RAAS-nin ikili blokadası məqsədilə istifadə edilməsi tövsiyə edilmir. Enalapril preparatını şəkərli diabetdən əziyyət çəkən və/və ya böyrək funksiyalarının pozulması (YFS 60 ml/dəq/1,73 m2 aşağı) olan pasiyentlərdə aliskiren və/və ya aliskiren tərkibli preparatlarla eyni zamanda istifadəsi əks göstərişdir (“Əks göstərişlər” bölməsinə bax).

Diabetik nefropatiyadan əziyyət çəkən pasiyentlərdə AÇF inhibitorlarını angiotenzin II reseptor-larının antaqonistləri ilə eyni zamanda istifadə etmək tövsiyə edilmir.

Yaşlı pasiyentlərdə istifadəsi

Preparatı yaşlı pasiyentlərdə istifadə etməzdən əvvəl böyrək funksiyalarını və orqanizmdə kali-umun miqdarını qiymətləndirmək lazımdır.

Etnik fərqlər

Digər AÇF inhibitorlarının istifadəsində olduğu kimi, ehtimal olunur ki, Enalapril də digər irq-lərdən olan pasiyentlərə nisbətən, neqroid irqindən olan pasiyentlərdə AT-i daha az effektiv aşağı salır, bu hal neqroid irqindən olan arterial hipertenziyalı pasiyentlərdə qan plazmasında renin ak-tivliyi aşağı olan vəziyyətlərin daha çox yayılması ilə izah oluna bilər.

İndapamid

Qaraciyər funksiyalarının pozulması olan pasiyentlərə tiazidlər və tiazidəbənzər diuretiklər təyin olunduqda, xüsusilə su-elektrolit balansının pozulması olan hallarda, qaraciyər ensefalopatiyası inkişaf edə bilər. Bu halda diuretiklərin istifadəsini dərhal dayandırmaq lazımdır.

Fotohəssaslıq

Tiazidlər və tiazidəbənzər diuretiklərin istifadəsi fonunda fotohəssaslıq reaksiyalarının inkişaf etməsi barədə məlumatlar var (“Əlavə təsirləri” bölməsinə bax). Preparatın qəbulu fonunda foto-həssaslıq reaksiyaları inkişaf etdikdə müalicəni dayandırmaq lazımdır. Diuretik preparatlarla müalicəni davam etdirmək zəruri olduğu hallarda, dəri örtüyünü günəş şüalarının və ya süni ultrabənövşəyi şüaların təsirindən qorumaq lazımdır.

Su-elektrolit balansı

Qan plazmasında natrium ionlarının miqdarı

Müalicəyə başlamazdan əvvəl qan plazmasında natriumun miqdarını müəyyən etmək lazımdır. Preparatın qəbulu fonunda bu göstəriciyə müntəzəm nəzarət etmək lazımdır. Diuretik preparatların hamısı bəzən çox ağır hallarla nəticələnən hiponatriemiyaya səbəb ola bilər. Əvvəlcədən qan plazmasında natriumun miqdarının aşağı düşməsi heç bir patoloji simptomların əmələ gəlməsi ilə müşayiət edilə bilməmədiyi üçün qanda natriumun miqdarına mütəmadi nəzarət etmək lazımdır. Yaşlı xəstələrdə və qaraciyər sirrozundan əziyyət çəkən pasiyentlərdə qanda natriumun miqdarına daha dəqiq nəzarət etmək lazımdır.

Qan plazmasında kalium ionlarının miqdarı

Tiazidlər və tiazidəbənzər diuretiklərlə müalicə zamanı əsas risk qan plazmasında kaliumun miqdarının kəskin aşağı düşməsi və hipokaliemiyanın inkişaf etməsidir. Aşağıdakı pasiyent qruplarında hipokaliemiyanın (kaliumun miqdarı 3,4 mmol/l-dən az) inkişaf etmə riskindən çəkinmək lazımdır: yaşlı pasiyentlər, zəifləmiş pasiyentlər və digər antiaritmik preparatlarla və ya QT intervalının uzanmasına səbəb ola bilən preparatlarla birlikdə müalicə alan pasiyentlər, qaraciyər sirrozundan, periferik ödemlərdən və ya assitdən, ürəyin işemik xəstəliyindən, ürək çatışmazlığından əziyyət çəkən pasiyentlər. Bu qruplardan olan pasiyentlərdə hipokaliemiya ürək qlikozidlərinin toksik təsirini gücləndirir və aritmiyaların inkişaf etmə riskini yüksəldir. Bundan əlavə, QT intervalının uzanması olan pasiyentlər yüksək risk qrupuna daxildilər, bu zaman intervalın uzun olması anadangəlmə səbəblərdən və ya dərman maddələrinin istifadəsindən asılı olması əhəmiyyət kəsb etmir.

Bradikardiya kimi, hipokaliemiya da, ağır dərəcəli aritmiyaların, xüsusilə ölümlə nəticələnə bilən “piruet” tipli aritmiyaların, inkişaf etməsinə səbəb ola bilər. Göstərilən bütün hallarda qan plazmasında kaliumun miqdarına nəzarət etmək lazımdır. Qanda kaliumun ilk ölçülməsini müalicəyə başladıqdan sonra, birinci həftə müddətində həyata keçirmək lazımdır. Hipokaliemiya meydana çıxdıqda müvafiq müalicə təyin olunmalıdır.

Qan plazmasında kalsium ionlarının miqdarı

Tiazidlər və tiazidəbənzər diuretiklər kalsiumun böyrəklər vasitəsilə xaricolmasını azaldırlar ki, bu zaman orta dərəcəli və dönən hiperkalsiemiya meydana çıxır. İndapamid preparatının istifadəsi fonunda meydana çıxan hiperkalsiemiya, əvvəldən diaqnoz qoyulmamış hiperparatireozun nəticəsi ola bilər.

Qalxanabənzər ətraf vəzilərin funksiyasını tədqiq etməzdən əvvəl diuretik preparatların istifadəsini dayandırmaq lazımdır.

Qan plazmasında qlükozanın konsentrasiyası

Şəkərli diabetdən əziyyət çəkən pasiyentlərdə qanda qlükozanın konsentrasiyasına ciddi nəzarət etmək çox vacibdir, xüsusilə hipokaliemiya olduqda.

Sidik turşusu

Podaqra xəstəliyindən əziyyət çəkən pasiyentlərdə podaqra tutmalarının baş vermə tezliyi yüksələ bilər və xəstəliyin gedişi kəskinləşə bilər.

Diuretik preparatlar və böyrək funksiyaları

Tiazidlər və tiazidəbənzər diuretiklər yalnız normal və ya əhəmiyyət kəsb etməyən böyrək funksiyalarının pozulması (yetkin pasiyentlərdə qan plazmasında kreatininin konsentrasiyası 25 mq/l-dən və ya 220 mkmol/l-dən aşağı) olan pasiyentlərdə tam təsir göstərə bilər. Yaşlı pasiyentlərdə qan plazmasında kreatininin konsentrasiyasını yaş, bədən kütləsi və pasiyentin cinsi nəzərə alınaraq hesablanır.

Nəzərə almaq lazımdır ki, müalicənin əvvəlində diuretik preparatların istifadəsi fonunda maye və natrium itkisi ilə əlaqədar baş verən hipovolemiya nəticəsində, pasiyentlərdə YFS-nin aşağı düşməsi müşahidə oluna bilər. Nəticə olaraq, qan plazmasında sidik cövhəri və kreatininin konsentrasiyası yüksələ bilər. Böyrək funksiyaları pozulmadığı hallarda, bu cür müvəqqəti funksional böyrək çatışmazlığı, bir qayda olaraq nəticə vermədən keçir, lakin artıq mövcud olan böyrək çatışmazlığı fonunda pasiyentin vəziyyəti pisləşə bilər.

Sulfonamid törəmələri sistem qırmızı qurd eşənəyi xəstəliyinin gedişini kəskinləşdirə bilər (İndapamid təyin etdikdə bunu nəzərə almaq lazımdır).

İdmançılar

İndapamid dopinq-nəzarət zamanı müsbət nəticə göstərə bilər.

Hamiləlik və laktasiya dövründə istifadəsi