Flutineks

Flutineks

Buraxılış : Reseptsiz

İxtisas : Allerqologiya

Beynəlxalq patentləşdirilməmiş adı: Fluticasone 

Flutineks Tərkibi

Təsiredici maddə: 1 doza nazal spreyin tərkibində50 mkq flutikazon propionat vardır.

Köməkçi maddələr: mikrokristallik sellüloza və natrium karboksimetilsellüloza (Avicel RC 591), dekstroza monohidratı, polisorbat 80, benzalkonium xlorid, natrium hidrofosfat, limon turşusunun monohidratı, təmizlənmiş su.

Təsviri

Ağ flakonda ağ homogen sulu suspenziyadır.

Farmakoterapevtik qrupu

İntranazal istifadə üçün qlükokortikosteroid.

ATC kodu: R01AD08

Farmakoloji xüsusiyyətləri

Farmakodinamikası

Flutineks nə üçündür?

Flutikazon propionat güclü iltihabəleyhinə təsirə malikdir, lakin yerli intranazal istifadə zamanı sistem təsiri müəyyən olunmur. Hipotalamo-hipofizar-adrenal sistemə çox az təsir göstərir və ya heç göstərmir. Flutikazon propionatın intranazal tətbiqindən (200 mkq/gün) sonra plasebo ilə müqayisədə zərdab kortizolun AUC-da əhəmiyyətli dəyişiklik qeyd olunmamışdır.

Farmakokinetikası

Sorulması

Əksər hallarda intranazal tətbiqindən sonra (200 mkq/gün) flutikazon propionatın maksimal plazma konsentrasiyası (Cmax) təyin olunan səviyyədən aşağıdır (<0,01 nq/ml).Cmaxən yüksək göstəricisi 0,017 nq/ml təşkil edir.Peroral qəbulundan sonra zəif absorbsiya və presistem metabolizmə görəflutikazon propionatın 1%-dən az qana keçir. Bu səbəbdən ümumi sistem sorulması (intranazal və udulmuş dozanın oral absorbsiyası) çox aşağıdır.

Paylanması

Sabit vəziyyətdə flutikazon propionatın paylanma həcmi yüksəkdir (təqribən 318 l). Plazma zülalları ilə birləşmə dərəcəsi yüksəkdir (91%).

Metabolizm

Flutikazon propionat sitoxrom P4503A4 iştirakı ilə qaraciyərdə qeyri-aktiv karboksil metabolitə qədər metabolizmə uğradığından sonra plazmadan tez xaric olur.

Xaricolma

Yarımxaricolmadövrü 7,8 saat, plazma klirensi 1,1 l/dəq təşkil edir. Dəyişilməmiş flutikazon propionatın böyrək klirensi cüzidir (0,2%-dən az), karboksil metabolit şəklində 5%-dən az xaric olur. Flutikazon propionat və onun metabolitləri əsasən öd vasitəsilə xaric olur. 

İstifadəsinə göstərişlər

• Mövsümi allergik rinitlərin müalicə və profilaktikası.
• İlboyu müşahidə olunan allergik rinitlərin müalicə və profilaktikası.

Flutineks Əks göstərişlər

Preparatın hər hansı komponentinə qarşı yüksək həssaslıq.

4 yaşa qədər uşaqlar.

Xüsusi göstərişlərvə ehtiyat tədbirləri

Lokal infeksiyalar: Yuxarı tənəffüs yollarının infeksiyaları Flutineks nazal spreyin istifadəsinə spesifik əks göstəriş deyil və həmçinin uyğun bir şəkildə müalicə olunmalıdır. Sistem kortikosteroidlərdən Flutineks preparatın istifadəsinə keçməsi böyrəküstü vəzin funksiyasının pozulmasının ehtimalını nəzərə alaraq ehtiyatlı olunmalıdır. Uzun müddət istifadə zamanı, xüsusən də yüksək dozada, intranazal kortikosteroidlərin sistem təsirləri müşahidə olunmuşdur. Bu təsirlərin yaranma tezliyi oral kortikosteroidlərlə müqayisədə daha azdır və xəstələr və müxtəlif kortikosteroid preparatlar üçün fərqlidir. Təyin olunan dozalarda bəzi intranazal kortikosteroidlər istifadə edilən uşaqlarda boy atmada gecikmə halları müşahidə olunmuşdur. 

Uzun müddət istifadə zamanı intranazal kortikosteroidləri istifadə edilən uşaqlarda müntəzəm olaraq boyun nəzarət edilməsi tövsiyə olunur. Boy atmada gecikmə halında intranazal kortikosteroidlərin dozaların azalması müzakirəyə qoyulmalıdır və mümkün olduqda simptomlara nəzarət edilməsi üçün minimal effektiv dozada istifadə edilməlidir. Bundan başqa, xəstə həkim-pediatr tərəfindən müayinə olunmalıdır. Flutikazon propionat və ritonavir alan xəstələrdə klinik əhəmiyyətli qarşılıqlı təsir qeyd olunmuşdur: bu Kuşinq sindromu və böyrəküstü vəzilərin funksiyasının azalmasıkimi sistem effektlərin yaranmasına səbəb olmuşdur. Bu səbəbdən potensial fayda qlükokortikoidlərin sistem əlavə təsirlərinin riskindən üstün olmadıqda flutikazon propionatın və ritonavirin birgə istifadəsindən çəkinmək lazımdır.

Flutineks nazal spreyin tətbiqi bir neçə gün davam edirsə müalicənin tam terapevtik effekti əldə edilə bilər. İntranazal kortikosteroidlərin istifadə zamanı nadir hallarda qlaukoma və gözdaxili təzyiqinin artması qeyd olunmuşdur.

Digər dərman vasitələri ilə qarşılıqlı təsiri

Normal şərtlərdə qaraciyər və bağırsaqda sitoxrom P4503A4 vasitəsilə baş verən intensiv ilk keçid metabolizminə və yüksək sistemik klirensə görə inranazal tətbiqindən sonra flutikazon propionat plazmada aşağı konsentrasiyalara nail olunur. Bu səbəbdən flutikazon propionatın digər dərman vasitələri ilə klinik əhəmiyyətli qarşılıqlı təsiri az ehtimal olunur. 

Sağlam könüllülərdə qarşılıqlı təsirinə dair aparılan tədqiqatında ritonavirin (sitoxrom P4503A4 çox güclü inhibitoru) flutikazon propionatın plazma konsentrasiyalarını bir neçə yüz dəfə artırdığı və buna görə plazmada kortizol konsentrasiyalarında əhəmiyyətli dərəcədə azalması göstərilmişdir. Kuşinq sindromu və böyrəküstü vəzilərin funksiyasının azalması haqqında bildirilmişdir. Potensial fayda sistem qlükokortikoidlərin əlavə təsirlərinin riskindən üstün olmadıqda flutikazon propionatın və ritonavirin birgə istifadəsindən çəkinmək lazımdır.

Sitoxrom P4503A4 digər inhibitorları flutikazon propionatın konsentrasiyasını, plazmada kortizol konsentrasiyalarıəhəmiyyətli dərəcədə azalmadan, cüzi (eritromisin) və əhəmiyyətsiz (ketokonazol) dərəcədə artırırlar. Buna baxmayaraq, plazmada flutikazon propionatın konsentrasiyasının potensial artması ehtimalındanflutikazon propionatı sitoxrom P4503A4 güclü inhibitorları (məs., ketokonazol) ilə birlikdə ehtiyatla istifadə etmək lazımdır.

Hamiləlik və laktasiya dövründə istifadəsi

Flutineks nazal spreyin hamiləlik dövründə istifadəsinin təhlükəsizliyi haqqında kifayət qədər məlumat mövcud deyil. Digər dərman vasitələrdə olduğu kimi, yalnız ana üçün gözlənilənfayda dölə və ya uşağa mümkün riskdən üstün olduqda Flutineks preparatı istifadə oluna bilər. Preparatın ana südünə keçib keçməməsi haqqında məlumat yoxdur.

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitəsini və digər mexanizmləri idarəetmə qabiliyyətinə təsiri haqqında məlumat mövcud deyil.

Flutineks İstifadə qaydası və dozası

Flutineks yalnız intranazal istifadə üçün nəzərdə tutulmuşdur. Tam müalicəvi effekt almaq üçün preparatdan mütəmadi istifadə olunmalıdır.

Böyüklər və 12 yaşından böyük uşaqlar:mövsümi və ilboyu müşahidə olunan allergik rinitlərin müalicə və profilaktikası üçün hər burun dəliyinə gündə 1 dəfə 2 doza (100 mkq) püskürdülür (mümkün qədər səhərlər). Bəzi hallarda hər burun dəliyinə gündə 2 dəfə 2 doza (100 mkq) püskürtməyə ehtiyac ola bilər. Maksimal gündəlik doza hər burun dəliyinə 4 doza (200 mkq) təşkil edir. 

Preparatın maksimal müalicəvi təsiri tətbiqindən 3-4 gün sonra müşahidə olunur.

Xüsusi qrup xəstələrə dairəlavə məlumat

Böyrək/Qaraciyərçatışmazlığı 

Məlumat yoxdur.

Pediatriyada istifadəsi 

4-11 yaşlı uşaqlar:mövsümi və ilboyu müşahidə olunan allergik rinitlərin müalicə və profilaktikası üçün hər burun dəliyinə gündə 1 dəfə 1 doza (50 mkq) istifadə edilməsi tövsiyə olunur (mümkün qədər səhərlər). Bəzi hallarda hər burun dəliyinə gündə 2 dəfə 1 doza püskürtməyə ehtiyac ola bilər. Maksimal gündəlik doza hər burun dəliyinə 2 püskürtmədən çox olmamalıdır.

Yaşlı xəstələr

Böyüklər üçün göstərilən normal doza istifadə olunur.

İstifadə qaydası

• 
İstifadə etməzdən əvvəl flakonun başlığını orta və şəhadət barmaqların arasında yerləşdirib, baş barmaqla flakonun dibindən tutaraq onu ehtiyatla silkələyin. 
• 
Preparatın ilk istifadəsi zamanı və ya istifadəsində 1 həftədən çox fasilə olduqda spreyin işləməsi yoxlanılmalıdır. Bunun üçün flakonun başlığını özünüzdən əks istiqamətə yönəltməklə kiçik buludcuq əmələ gələnədək 2-3 dəfə sıxmaq lazımdır. 
• 
İstifadə etməzdən əvvəl burnunuzu təmizləyin. 
• 
Burun dəliyinin birini qapayaraq flakonun başlığını (dozalayıcı qurğu) digərinə yerləşdirin.
• 
Başınızı bir qədər irəli əyərək aerozol flakonunu şaquli vəziyyətdə saxlayın. Burnunuzla nəfəs alın. Nəfəs almağa davam edərkən spreyin başlığını bir dəfə sıxın. Preparat burun dəliyinizə daxil olacaq. 
• 
Ehtiyac olduqda eyni burun dəliyinə proseduru bir daha təkrarlayın.
• 
Flakonun başlığını burun dəliyindən çıxardaraq proseduru eyni qaydada (4-6 maddələrində göstərildiyi kimi) digər burun dəliyinə tətbiq edin. 
• 
İstifadə etdikdən sonra dozalayıcı qurğunu salfet və ya cib dəsmalı ilə qurudaraq qoruyucu qapağını bağlayın.

Spreyinizi ən azı həftədə 1 dəfə təmizləyin. Dozalayıcı qurğunu və qoruyucu başlığı çıxardıqdan sonra ilıq su ilə yuyaraq otaq temperaturunda qurudun və yerinə yerləşdirin. Dozalayıcı qurğu tutulduqda onu çıxarın, ilıq suda saxlayın, sonra soyuq su ilə yaxalayaraq qurudun və yerinə yerləşdirin.  

Əlavə təsirləri

Rastgəlmə tezliyi:çox tez-tez (≥1/10); tez-tez ( ≥1/100-dən <1/10-dək); bəzən (≥1/1000-dən <1/100-dək); nadir (≥1/10000-dən <1/1000-dək); çox nadir (<1/10000);məlumolmayan tezlikdə (mövcud məlumatlar başvermə tezliyini müəyyən etmək üçün kifayət deyil).

• İmmun sisteminə
• çox nadir:hiperhəssaslıq reaksiyalar:anafilaktik reaksiyalar, bronxospazm, dəri səpgisi, üzdə və ya dildə ödem.
• Sinir sisteminə
• tez-tez:basağrısı, ağızda xoşagəlməz dad, və qoxu hissi.
• Görmə orqanına 
• çox nadir:qlaukoma, göz daxili təziyiqin qalxması, katarakta.
• Tənəffüs sisteminə, döş qəfəsi və divararası orqanlarına
• çox tez-tez:burun qanaxması;
• tez-tez:burunboşluğunda quruluq və qıcıqlanma,boğazda quruluq və qıcıqlanma.
• çox nadir:burun çəpərinin perforasiyası.

Arzuolunmaz effektlər baş verdikdə həkimə müraciət edin.

Doza həddinin aşılması

Flutineks nazal spreyin istifadəsi zamanı doza həddinin kəskin və ya xronik aşılması haqqında heç bir məlumat yoxdur. Sağlam könüllülərdə 2 mq flutikazon propionatın gündə2 dəfə 7 gün ərzində burundaxili (intranazal) istifadəsi zamanı onun hipotalamo-hipofızo-adrenal sistemə hər hansı təsiri müəyyən edilməmişdir.

Nazal kortikosteroidlərin tövsiyə edilən dozalardan daha yüksək dozalarda uzunmüddətli istifadəsi adrenal funksiyasının klinik əhəmiyyətli keçici supressiyasına səbəb ola bilər. Belə hallarda flutikazon propionat ilə müalicəsi simptomlara nəzarət edilməsi üçün lazımi minimal effektiv dozada davam edilməlidir.

Buraxılış forması

Flutineks 14,5 q (120 doza), dozalayıcı qurğu ilə təchiz olunmuş flakonda. 1 flakon içlik vərəqə ilə birgə karton qutuya qablaşdırılır.

Saxlanma şəraiti

25 °C-dən yüksək olmayan temperaturda, öz qutusunda vəuşaqların əli çatmayan yerdə saxlamaq lazımdır.

Yararlılıq müddəti

2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

Flutineks qiyməti

Dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. 

Ən gözəli budur ki, Doktorm.az  Platforması  ilə əməkdaşlıq edən Apteklərdən sərfəli qiymətə ala bilərsiniz.

İstehsalçı

Drogsan İlaçları San. və Tic. A.Ş.

06760 Çubuk, Ankara, Türkiyə

Aid olduğu kateqoriyalar

• Rinit, sinusit zamanı istifadə olunan vasitələr
• Yuxarı tənəffüs yollarının digər xəstəliklərində istifadə olunan vasitələr
• Mövsümi allergik rinitlərin müalicə və profilaktikası.
• İlboyu müşahidə olunan allergik rinitlərin müalicə və profilaktikası.