EDARBİ tablet

Aktivləşmiş renin-angiotenzin-aldosteron sistemi

Damar tonusu və böyrək funksiyalarının əsasən RAAS-nin aktivliyindən asılı olduğu xəstələrdə (məsələn, durğunluq ürək çatışmazlığı, böyrək funksiyaları ağır dərəcədə pozulmuş və ya böyrək arteriyalarının stenozu olan xəstələrdə), AÇF inhibitorları və angiotenzin II antaqonistləri ilə müalicə kəskin arterial hipotenziya, azotemiya, oliquriya və ya nadir hallarda kəskin böyrək çatışmazlığı ilə bağlıdır. Edarbi preparatında bu cür effektlərin ehtimalı istisna edilə bilməz.

Böyrək funksiyaları ağır dərəcədə pozulmuş, durğunluq ürək çatışmazlığı və ya böyrək arteriyalarının stenozu olan xəstələrdə ehtiyatlı olmaq lazımdır, çünki bu xəstələrdə Edarbi preparatından istifadə təcrübəsi yoxdur.

İşemik kardiomiopatiya və ya işemik serebrovaskulyar xəstəlik qeyd olunan xəstələrdə AT-nin həddən artıq azalması miokard infarktına və ya insulta gətirib çıxara bilər.

Böyrəklərin transplantasiyası

Hələlik yaxın zamanlarda böyrəklərin transplantasiyası əməliyyatı keçirmiş xəstələrdə Edarbi preparatından istifadə təcrübəsi yoxdur.

Qaraciyər funksiyalarının pozulması

Edarbi preparatı ağır dərəcəli qaraciyər çatışmazlığı olan xəstələrdə öyrənilməmişdir və buna görə də preparatdan xəstələrin bu qrupunda istifadə etmək tövsiyə olunmur.

Su və ya duz tükənməsi olan xəstələrdə hipotenziya

Sirkulyasiya olunan qanın həcminin aşkar şəkildə azaldığı və/və ya duz tükənməsi qeyd olunan xəstələrdə (məsələn, qusma, diareya qeyd olunan və ya sidikqovucu vasitələrin yüksək dozalarını qəbul edən xəstələr) Edarbi ilə müalicəyə başladıqdan sonra simptomatik arterial hipotenziya əmələ gələ bilər. Hipovolemiyanı Edarbi qəbuluna qədər korreksiya etmək, ya da müalicəyə hərtərəfli tibbi müşahidə altında başlamaq lazımdır. Həmçinin 20 mq başlanğıc dozanın təyin edilməsinin mümkünlüyünü nəzərdən keçirmək lazımdır.

Birincili hiperaldosteronizm

Birincili hiperaldosteronizmli xəstələr renin-angiotenzin sisteminin inhibisiyası yolu ilə təsir göstərən antihipertenziv preparatlara adətən reaksiya göstərmirlər. Beləliklə, bu xəstələrdə Edarbi preparatından istifadə tövsiyə olunmur.

Hiperkaliemiya

Renin-angiotenzin-aldosteron sisteminə təsir göstərən digər dərman vasitələrindən istifadə təcrübəsi əsasən, Edarbi preparatının kaliumqoruyucu diuretiklər, kaliumtərkibli əlavələr, kalium tərkibli duz əvəzediciləri və ya kaliumun səviyyəsini artıra bilən digər dərman preparatları ilə (məsələn, heparin) eyni vaxtda istifadəsi AH-dən əziyyət çəkən xəstələrdə qanda kaliumun səviyyəsini artıra bilər.

Yaşlı xəstələrdə, böyrək çatışmazlığından əziyyət çəkən xəstələrdə, şəkərli diabetli xəstələrdə və/ və ya digər yanaşı gedən xəstəlikləri olan xəstələrdə hiperkaliemiya riski artır ki, bu da fatal ola bilər. Ehtiyac olduqda kaliumun səviyyəsini yoxlamaq lazımdır.

Aortal və mitral klapanların stenozu, obstruktiv hipertrofik kardiomiopatiya

Aortal və mitral klapanların stenozu, həmçinin hipertrofik obstruktiv kardiomiopatiya (HOKM) qeyd olunan xəstələrdə xüsusi ehtiyat tədbirlərə əməl etmək tövsiyə olunur.

Lityum

Digər angiotensin II reseptor antaqonistlərinin istifadəsində olduğu kimi, litium preparatlarının və Edarbi-nin eyni vaxtda istifadəsi tövsiyə edilmir (“Digər dərman vasitələri ilə qarşılıqlı təsiri” bölməsinə bax).

Ehtiyyat tədbirləri

• ağır xroniki ürək çatışmazlığı (NYHA funksional sinif IV);
• ciddi böyrək çatışmazlığı (kreatinin klirensi <30 ml/dəq);
• ikitərəfli böyrək arteriyası darlığı və tək işləyən böyrəyin arteriya darlığı;
• işemik kardiomiopatiya;
• işemik serebrovaskulyar xəstəliklər;
• böyrək transplantasiyasından sonrakı vəziyyət;
• ÜQS-sı azalma ilə müşayiət olunan vəziyyətlər (qusma, ishal daxil olmaqla), həmçinin məhdud natrium xlorlu pəhrizdə olan xəstələrdə;
• yüksək dozalarda diuretiklərlə eyni vaxtda istifadə edildikdə;
• birincil hiperaldosteronizm;
• hiperkalemiya;
• aorta və mitral qapaqların darlığı;
• hipertrofik obstruktiv kardiomiopatiya (HOKMP);
• 75 yaşdan yuxarı olan xəstələr.

Hamiləlik və laktasiya dövründə istifadəsi