Anemiya (Qansızlıq) nədir?

Qanımızda qırmızı qan hüceyrələri mövcuddur. Bu hüceyrələrdə oksigenin daşımasını və qanın qırmızı rəngini təmin edən hemoqlabin adlanan maddə yerləşir. Nəfəs aldığımız zaman ağciyərlərdəki oksigen hemoqlabinin köməyi ilə qanımıza qarışır. Əgər hemoqlabinin miqdarı qanda kifayət qədər deyilsə, anemiya yaranır.

Ən geniş yayılan anemiya növü dəmir çatışmazlığıdır. Bu vəziyyətdə orqanizmdə kifayət qədər dəmir olmadığından, hemoqlabin oksigeni daşımada çətinlik çəkir. Dəmir çatışmazlığı xüsusilə uşaqlarda müşahidə olunur.

Dəmir çatışmazlığının əlamətləri bəzən az görünür. Qan analizi ilə diaqnoz qoymaq mümkündür. Əgər vəziyyət daha ağırdırsa, halsızlıq, yorğunluq, iştahsızlıq, qəbizlik kimi simptomlar ortaya çıxa bilər. Dəmir çatışmazlığı olan şəxslər bəzən yemək kimi yeməyin qeyri-qida maddələrini (məsələn, torpaq) yemək istəyə bilərlər. Əlavə əlamətlər bunlardır:

• Baş gicəllənməsi
• Qulaqlarda çınlama
• Ağız kənarlarında çatlar
• Dırnaqlarda çatlar
• Dildə qızartı və çatlar
• Çətin və ağrılı udqunma

Dəmir çatışmazlığı olan uşaqlar gec danışır, gec gəzir və gec oturur. Müalicə üçün dəmir tərkibli preparatlar istifadə olunur. Müalicə 2 aydan sonra nəticə verə bilər, lakin dəmir depolarının tam dolması üçün müalicə bir ilə qədər davam edə bilər. Uşaqlara sirop və ya damcı şəklində dərman verilir. Dərman acqarına və ya nahar arasında qəbul edilməlidir ki, dəmir daha yaxşı sovrulsun. C vitamini ilə qəbul müalicənin təsirini artırır.

Dəmir qida mənbələri arasında ət məhsulları (qaraciyər, dalaq, qırmızı ət), yumurtanın sarısı, yaşıl tərəvəzlər, fındıq, fıstıq, kişmiş və bəhməz var.