Trausan damcı nə üçündür?

Trausan damcı haqqında məlumat

Trausan damcı qiyməti

Trausan qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Trausan damcı qiyməti 18 azn - 21 azn arasında dəyişir.  

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Trausan damcı qiyməti -ni öyrənərək əldə edə bilərsiniz.

Beynəlxalq patentləşdirilməmiş adı: Citicholine

Tərkibi

Təsiredici maddə: məhlulun 100 ml-də 10 q,1 ml-də isə 100 mq xolin sitidil-difosfat (sitixolin) vardır.
Köməkçi maddələr: natrium-saxarinat, karamel ətiri, propil p-hidroksibenzoat (nipazol), metil p-hidroksibenzoat (nipagin), kalium sorbat, propilenqlikol, təmiz alkoqol, xlorid turşusu, təmizlənmiş su.

Farmakoterapevtik qrupu

Beyin metobolizmini yaxşılaşdıran  dərman vasitəsi.

Fakmakoloji  xüsusiyyətləri

Sitixolin neyron membranının əsas struktur elementləri olan lesitinin və digər fosfolipidlərin (digər maddələr arasında) sintezinə təsir göstərən koenzimdir.
Sitixolinin biokimyəvi aktivliyi özünü əsasən fosfolipid sintezinin (xüsusilə lesitin) çatışmazlığı, müxtəlif hadisələr nəticəsində baş verən beyin zədələnmələri və şüur dolaşıqlığı fonunda beynin ikincili funksional pozğunluğu zamanı göstərir. Bu kimi hallarda sitixolin selektiv keçiriciliyi tənzimləyir, ion balansını yenidən bərpa edir, mitoxondrial və hüceyrə enzim sisteminin fəaliyyətini  aktivləşdirir.

İstifadəsinə göstərişlər

TRAUSAN fosfolipid metabolizminin çatışmazlığı fonunda beynin ikincili funksional pozğunluğunun bütün hallarında təyin olunur: serebral ateroskleroz, qocalıqla bağlı həyacanlı-depressiv vəziyyətlər, nitq pozğunluqları, serebrovaskulyar pozğunluqlar, başgicəllənmə.

Əks göstərişlər

Preparatın tərkibində olan hər hansı komponentə qarşı yüksək həssaslıq.
Hemorragik mənşəli serebrovaskulyar zədələnmələr.

Ehtiyat tədbirləri

Yoxdur.

Digər dərman vasitələri ilə qarşılıqlı təsiri

Meklofenoksat və L-dopa ilə birlikdə istifadə olunmamalıdır.

Hamiləlik və laktasiya dövründə istifadəsi

Hamiləlik və laktasiya dövründə, yenidoğulmuşlarda, körpə uşaqlarda, qocalarda və orqanizimdə xüsusi çatışmazlıqlar olan şəxslərdə istifadə olunduğu zaman sitixolinin təhlükəsizliyi barədə məlumatlar olmadığından belə hallarda onun təyin olunması tövsiyə olunmur.

İstifadə qaydası və dozası

İstifadə qaydası, dozası  və müalicə müddəti həkimin göstərişinə əsasən həyata keçirilməlidir.
Ümumiyyətlə aşağıdakı dozalar tövsiyə olunur:
Böyüklərə: gündə 2-3 dəfə  100-200 mq (1-2 ml).
Uşaqlara: gündə  2-3 dəfə 100 mq (1 ml)
Tövsiyə olunan dozada (1-2 ml) preparat az miqdarda su ilə qarışdırılaraq qəbul edilir.
Müalicə müddəti və maksimal doza klinik mənzərəyə əsasən müəyyən edilir.

Əlavə təsirləri

Nadir hallarda həzm prosesində dəyişikliklər və qan təzyiqini azacıq aşağı salması barədə məlumatlar vardır.
Preparatın qəbulunun dayandırılmasına və ya bir, yaxud bir neçə doza gəbulundan imtinaya səbəb ola biləcək əlavə təsirlər barədə məlumat yoxdur.

Doza həddinin aşılması

Preparat toksiki təsirə malik olmadığı üçün ciddi nəticələrə səbəb ola biləcək doza həddinin aşılması gözlənilmir.

Buraxılış forması

Preparatın oral qəbul üçün məhlul 50 ml-lik flakonlara qablaşdırılır. Flakonlar dozalayıcı şpris və içlik vərəqə ilə birlikdə qutulara yerləşdirilir.

Saxlanma şəraiti

25 Co- dən aşağı temperaturda, işıq düşməyən, təmiz, quru və uşaqların əli çatmayan yerdə saxlamaq lazımdır.

Yararlılıq müddəti

Yararlılıq müddəti qablaşdırıldığı qutunun üzərində göstərilir.
Yararlıq müddəti bidtikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

Laboiratorios Vitoria S.A (GRUPO  FAES)
Rua Elias Garcia, 28
Venda Nova - 2700-327-Amadora
PORTUGAL

Trausan damcı nə üçündür?

1. Beyin qan dövranı pozğunluğunda istifadə olunan dərmanlar
2. Kəllə-beyin və digər travmalar
3. Neyrosirkulyator distoniya  (NSD)

Qeyd: Hər hansı bir əlavə və ya dərmanı qəbul etməzdən əvvəl həkimlə məsləhətləşmək vacibdir. Həkim, sizin üçün ən uyğun müalicə metodunu təyin edə bilər və əlavə qəbulunun sizin sağlamlığınıza necə təsir edəcəyini dəyərləndirə bilər.