Amoksiklav 625 istifadə qaydası necədir?

Amoksiklav 625 haqqında məlumat

Amoksiklav 625 qiyməti

Amoksiklav 625 mq qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Amoksiklav 625 qiyməti 9 azn - 12 azn arasında dəyişir.  

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Amoksiklav qiyməti -ni öyrənərək əldə edə bilərsiniz.

AMOKSİKLAV® 2X     625 mq  örtüklü tabletlər

AMOKSİKLAV® 2X

Beynəlxalq patentləşdirilməmiş adı: Amoxicillin, clavulanic acid

Tərkibi

Təsiredici maddələr: 1 tabletin tərkibində 500 mq amoksisillin (trihidrat şəklində), 125 mq klavulan turşusu (kalium duzu şəklində) vardır (4:1 nisbətində).

Köməkçi maddələr:   kolloidal susuz silisium, maqnezium stearat, natrium nişasta qlikolyat (növ A), mikrokristallik sellüloza.

Örtük:  hipromelloza, etilsellüloza, trietilsitrat, talk, titan, dioksid E 171,setil spirti, natrium laurilsulfat.

Təsviri

Ağ və ya krem rəngli, oval, iki tərəfdən kəsik ilə örtüklü tabletlərdir.

Farmakoterapevtik qrupu

Yarımsintetik penisillindən və beta-laktamazanın inhibitorundan ibarət kombinəolunmuş preparat.

ATC kodu: J01CR02.

Farmakoloji xüsusiyyətləri

Farmakodinamikası

Amoksisillin peptidoqlikanın – bakteriyaların hüceyrə divarının inteqral komponentinin biosintezi prosesində bir və ya daha çox fermenti (çox zaman penisillin-birləşdirici zülallar adlandırılan) inhibə edən yarımsintetik penisillindir (beta-laktam antibiotik). Peptidoqlikanın sintezinin inhibəsı hüceyrə divarının davamlılığının itirilməsinə gətirib çıxarır ki, bu da adətən hüceyrələrin lizisinə və məhvinə səbəb olur.

Amoksisillin rezistent bakteriyaların hasil etdiyi beta-laktamazaların təsirindən parçalanır, buna görə də o, bu fermentləri hasil edən  mikroorqanizmlərə münasibətdə qeyri-aktivdir.

Klavulan turşusu quruluşca penisillinlərə oxşar olan beta-laktamdır. O, bəzi beta-laktamazaları dəf edir və beləliklə də, amoksisillinin inaktivasiyasının qarşısını alır. Klavulan turşusu müstəqil olaraq əhəmiyyətli antibakterial effekt göstərmir.

Minimal tormozlayıcı konsentrasiyadan yüksək konsentrasiyanın saxlanması müddəti (T>MDK) amoksisillinin əsas determinant effektivliyi qəbul edilmişdir.

Bəzi növlərin rezistentliyinin yayılması coğrafi və zaman asılılığı ilə xarakterizə olunur, bununla əlaqədar olaraq terapiyanın başlanmasına qədər antibiotikə rezistentliyə görə yerli məlumatları əldə etmək lazımdır (xüsusilə də ağır infeksiya zamanı). Antibiotikə rezistentliyin yerli göstəriciləri infeksiyaların minimum bəzi tipləri zamanı preparatın məqsədəuyğunluğunu şübhə altına aldıqda kömək üçün müvafiq mütəxəssislərə müraciət etmək lazımdır.

Adətən həssas olan növlər

Qrammüsbət aeroblar: Enterococcus faecalis, Gardnerella vaginalis, Staphylococcus aureus (metisillin-həssas ştamlar)£, коаqulaza-mənfi stafilokoklar (metisillin-həssas), Streptococcus agalacticae, Streptococcus pneumoniae1, Streptococcus pyogenes və digər beta-hemolitik streptokoklar, Streptococcus viridans qrupu

Qrammənfi aeroblar: Capnocytophaga spp., Eikenella corrodens, Haemophilus influenzae2, Moraxella catarrhalis, Pasteurella multocida

Аnaeroblar: Bacteroides fragilis, Fusobacterium nucleatum, Prevotella spp.

Qazanılmış rezistentliyin inkişafının mümkün olduğu növlər

Qrammüsbət aeroblar: Enterococcus faecium $

Qrammənfi aeroblar: Escherichia coli, Klebsiella oxytoca, Klebsiella pneumoniae, Proteus mirabilis, Proteus vulgaris

Təbii rezistentliyə malik olan növlər

Qrammənfi aeroblar: Acinetobacter spp., Citrobacter freundii, Enterobacter spp., Legionella pneumophila, Morganela morganii, Providencia spp, Pseudomonas spp., Serratia spp., Stenotrophomonas maltophilia

Digər mikroorqanizmlər: Chlamydophila pneumoniae, Clamydophila psittaci, Coxiella burnetti, Mycoplasma pneumoniae

$Rezistentliyin qazanılmış mexanizminin yoxluğunda təbii orta həssaslıq.

£Bütün metisillin-rezistent stafilokoklar amoksisillin/klavulan turşusuna qarşı rezistentdirlər.

1Streptococcus pneumonia-nın penisillin-rezistent ştamları vasitəsilə törənən infeksiyalarını preparatın bu dərman forması ilə müalicə etmək olmaz

2AB-nin bəzi ölkələrində həssaslığı azalmış ştammlar (10%-dən yüksək tezlikdə rast gələn) aşkar edilmişdir

Farmakokinetikası

Amoksisillin və klavulan turşusu pH-ın fizioloji səviyyəsində suda tamamilə həll olur. Daxilə qəbul edildikdən sonra hər iki komponent sürətlə və yaxşı sorulur. Daxilə qəbul edildikdə amoksisillin və klavulan turşusunun biomənimsənilməsi təxminən 70%-ə çatır. Plazmada hər iki komponentin konsentrasiyalarının profili oxşardır, hər bir maddə üçün pik konsentrasiyaya çatma müddəti (Tmax) təxminən 1 saatdır.

Sağlam könüllü şəxslər kombinasiya olunmuş preparatı 500 mq/125 mq tabletlər şəklində gündə 2 dəfə acqarına qəbul etdikdə zərdabda maksimal konsentrasiyalar (Cmax) amoksisillin üçün 7,19±2,26 mkq/ml və klavulan turşusu üçün 2,40±0,83 mkq/ml təşkil etmişdir. Qan zərdabında maksimal konsentrasiyaya çatma müddəti (Tmax) amoksisillin  üçün 1,5 saat (diapazon 1,0-2,5) və klavulan turşusu üçün 1,5 saat (diapazon 1,0-2,0) təşkil etmişdir. T1/2 göstəricisinin orta qiyməti amoksisillin  üçün 1,15±0,20 saat və klavulan turşusu üçün 0,98±0,12 saat təşkil etmişdir.

Plazmada klavulan turşusunun ümumi miqdarının təxminən 25%-i və plazmada amoksisillinin ümumi miqdarının 18%-i zülallarla birləşmiş vəziyyətdə yerləşir. Zahiri paylanma həcmi amoksisillin üçün təxminən 0,3-0,4 litr/kq və klavulan turşusu üçün təxminən 0,2 litr/kq təşkil edir.

Venadaxilinə yeridildikdən sonra amoksisillin və klavulan turşusu öd kisəsi, qarın divarı toxumaları, dəri, piy toxuması, əzələ toxuması, sinovial və peritoneal mayelər, öd və irində aşkar edilir. Amoksisillin yalnız cüzi dərəcədə onurğa beyni mayesinə daxil olur.

Amoksisillin, əksər penisillinlər kimi,ana südünə keçir. Klavulan turşusunun da izi ana südündə təyin edilir

Həm amoksisillin, həm də klavulan turşusu plasentar baryerdən keçir.

Amoksisillin qismən sidiklə qeyri-aktiv penisillin turşusu formasında başlanğıc dozanın 10-25%-dən böyük olmayan ekvivalent həcmdə xaric edilir. Klavulan turşusu insan orqanizmində intensiv şəkildə metabolizmə uğrayır, sidik və nəcislə, həmçinin verilən nəfəslə karbon qazı şəklində xaric edilir.

Amoksisillinin əsas xaricolma yolu böyrəklərdir, bununla yanaşı klavulan turşusu orqanizmdən böyrək və böyrəkdənkənar mexanizmlərlə də xaric edilir.

Yaş

Amoksisillinin yarımxaricolma dövrü üç aylıqdan iki yaşa qədər uşaqlarda, daha böyük yaşlı uşaqlarda və böyük insanlarda bir-birilə analojidir. Çox kiçik uşaqlarda (o cümlədən vaxtından əvvəl doğulmuş yenidoğulmuşlarda) həyatın ilk həftəsində preparat gündə iki dəfədən tez qəbul edilməməlidir (ekskresiyanın böyrək yolunun yetişməməsi ilə əlaqədar olaraq). Yaşlı xəstələrdə böyrək funksiyalarının zəifləməsinin mümkün olması ilə əlaqədar olaraq doza ehtiyatla seçilməli və lazım gəldikdə böyrək funksiyaları müntəzəm qaydada yoxlanılmalıdır

Böyrək funksiyalarının pozulması

Amoksisillinin və klavulan  turşusunun ümumi plazma klirensi böyrək funksiyalarının zəifləməsinə proporsional olaraq azalır. Klirensin azalması klavulan  turşusuna nisbətən amoksisillin üçün daha aydın təzahür olunmuşdur, belə ki, böyrəklərlə xaric edilən amoksisillinin payı daha yüksəkdir. Böyrək çatışmazlığı zamanı doza elə seçilməlidir ki, klavulan turşusunun adekvat səviyyələrini saxlamaq üçün amoksisillinin həddindən artıq toplanmasına yol verilməsin (“İstifadə qaydası və dozası” bölməsinə bax).

Qaraciyər çatışmazlığı

Qaraciyər çatışmazlığı olan xəstələrə preparat ehtiyatla təyin edilir və qaraciyər funksiyaları müntəzəm qaydada yoxlanılır.

İstifadəsinə göstərişlər

Amoksiklav böyüklərdə və uşaqlarda aşağıdakı infeksiyaların müalicəsi üçün göstərişdir:

Yuxarı tənəffüs yollarının (qulaq-burun-boğaz daxil olmaqla), infeksiyaları, xüsusilə sinusit, orta otit, residivləşən tonzillit

Aşağı tənəffüs yollarının infeksiyaları, xüsusilə xroniki bronxitin kəskinləşməsi və bronxopnevmoniya, xəstəxanaxaric pnevmoniya

Sidik-cinsiyyət traktının infeksiyaları: məsələn sistit, uretrit, pielonefrit, qadın cinsi orqanlarının infeksiyaları, həmçinin Neisseria gonorrhoeae törətdiyi süzənək

Dərinin və yumşaq toxumaların infeksiyaları: məsələn, dərialtı toxumanın iltihabı, heyvanların dişləməsi nəticəsində yaraların əmələ gəlməsi, yayılmış fleqmona ilə müşayiət olunan dişin ağır absesi;

Sümük və oynaq infeksiyaları: məsələn osteomielit;

Odontogen infeksiyalar, məsələn periodontit, odontogen üstçənə sinusiti, yayılmış sellülit ilə ağır dental absseslər;

Digər qarışıq infeksiyalar: məsələn septik abort, doğuşsonrası sepsis, intraabdominal sepsis.

Antibakterial vasitələrdən lazımi qaydada istifadə üzrə rəsmi rəhbərlikləri nəzərə almaq lazımdır.

Əks göstərişlər

Preparatın təsiredici və ya köməkçi maddələrinə, həmçinin istənilən penisillinlərə qarşı yüksək həssaslıq.

Anamnezdə digər beta-laktam preparatlara (məsələn, sefalosporinlər, karbapenemlər və ya monobaktamlar) qarşı sürətli  tipli ağır hiperhəssaslıq reaksiyaları (məsələn, anafilaksiya).

Anamnezdə amoksisillin/klavulan turşusunun qəbul edilməsi fonunda sarılıq və ya qaraciyərin digər pozğunluqları.

Xüsusi göstərişlər və ehtiyat tədbirləri

Preparatla terapiyaya başlamazdan əvvəl penisillinlər, sefalosporinlər və ya digər beta-laktam preparatlara qarşı həssaslığın yüksəlməsi reaksiyalarını müəyyən etmək üçün hərtərəfli anamnez toplanılmalıdır.

Penisillinlərlə terapiya fonunda ciddi və bəzən letal hiperhəssaslıq reaksiyaları (anafilaktoid reaksiyalar) müşahidə edilmişdir. Onlar böyük ehtimalla amamnezində penisillinlərə qarşı həssaslığın yüksək olduğu və atopiyalı xəstələrdə inkişaf edir. Allergik reaksiyalar inkişaf etdikdə Amoksiklavla terapiya dayandırılmalı, əvəzində uyğun gələn digər antibakterial preparatlar təyin edilməlidir.

İnfeksiya törədicilərinin amoksisillinə qarşı təsdiq olunmuş həssaslığı zamanı rəsmi rəhbərliklərə uyğun olaraq Amoksiklavdan amoksisillinə keçmə nəzərdən keçilməlidir.

Ehtimal edilən törədicilər klavulan turşusunun inhibəedici təsirinə qarşı həssas, beta-laktamazalar vasitəsilə baş verməyən beta-laktam preparatlara qarşı rezistentliyə malik olması riski mövcud olduqda preparatın bu dərman forması istifadə üçün yararsız hesab olunur. Preparatın bu dərman formasından penisillinə rezistent S.pneumoniae vasitəsilə törənən infeksiyaların müalicəsi üçün istifadə etmək məsləhət görülmür.

Böyrək funksiyaları pozulmuş və ya yüksəkdozalı terapiya alan xəstələrdə qıcolmaların inkişaf etməsi mümkündür (“Əlavə təsirlər” bölməsinə bax).

İnfeksion mononukleozdan şübhələndikdə Amoksiklavla terapiyadan qaçmaq lazımdır, çünki amoksisillindən istifadə etdikdən sonra göstərilən xəstəlik fonunda qızılcayabənzər səpgilər meydana çıxmışdır.

Amoksisillinlə müalicə zamanı eyni vaxtda allopurinolun qəbul edilməsi dəri allergik reaksiyalar ehtimalını potensial olaraq artırır.

Amoksiklavın uzun müddət qəbul edilməsi qeyri-həssas mikroorqanizmlərin həddindən artıq çoxalmasına gətirib çıxara bilər.

Qızdırma və pustulaların əmələ gəlməsi ilə müşayət olunan generalizə olunmuş eritemanın inkişafı kəskin generalizəolunmuş ekzantematoz pustulyozun (KGEP) potensial simptomudur. Bu cür reaksiya Amoksiklavla terapiyanın dayandırılmasını tələb edir və sonradan amoksisillinin qəbulu üçün əks göstərişdir.

Qaraciyər çatışmazlığı olan xəstələrin müalicəsi ehtiyatla həyata keçirilməlidir. Qaraciyərdə arzuolunmaz hallar əsasən kişilərdə və yaşlı xəstələrdə müşahidə edilmişdir və potensial olaraq uzunmüddətli müalicə ilə bağlı olmuşdur. Bu xoşagəlməz hal çox nadir hallarda uşaqlarda da müşahidə edilmişdir. Xəstələrin bütün qruplarında əlamət və simptomlar adətən müalicə zamanı və ya müalicədən sonra baş verir, lakin bəzi hallarda onlar yalnız terapiya başa çatdıqdan bir neçə həftə  sonra təzahür olunurlar. Onlar adətən geridönən xarakter daşıyırlar. Qaraciyərdə ağır, bəzən ölümlə nəticələn arzuolunmaz hallar inkişaf edə bilər. Onlar ciddi əsas xəstəlikləri olan və ya qaraciyəri zədələyə bilən dərman preparatları qəbul edən xəstələr arasında praktiki olaraq həmişə müşahidə olunmuşdur.

Praktiki olaraq bütün antibakterial preparatlarla, o cümlədən amoksisillinlə terapiya fonunda müşahidə edilən antibiotik-assosiasiya olunmuş kolit hadisələri  ağırlığına görə yüngül dərəcədən həyat üçün təhlükəli dərəcəyə qədər dəyişilə bilər. Buna görə də diareyalı xəstələrdə antibiotikoterapiyanın istənilən kursu zamanı və o başa çatdıqdan sonra bu diaqnozu təxmin etmək vacibdir. Antibiotik-assosiasiya olunmuş kolit inkişaf etdikdə Amoksiklavla terapiyanı dərhal dayandırmaq, həkimə müraciət etmək və müvafiq müalicəyə başlamaq lazımdır. Bu vəziyyətdə peristaltikanı dayandıran dərman vasitələrinin qəbulu əks göstərişdir.

Uzunmüddətli terapiya zamanı müxtəlif orqan sistemlərinin, o cümlədən böyrəklər, qaraciyər və qanyaradıcı orqanların funksiyalarını dövrü olaraq qiymətləndirmək tövsiyə olunur.

Preparatın qəbul edilməsi fonunda nadir hallarda protrombin müddətinin uzanması qeyd olunmuşdur. Eyni vaxtda antikoaqulyantlar qəbul edildikdə laxtalanma göstəricilərini etibarlı şəkildə yoxlamaq lazımdır. Antikoaqulyasiyanın arzuolunan səviyyəsinə nail olmaq üçün oral antikoaqulyantların dozasının korreksiya edilməsi tələb oluna bilər.

Böyrək çatışmazlığı olan xəstələrdə çatışmazlığın səviyyəsinə müvafiq olaraq dozada düzəlişlərin edilməsi vacibdir (“İstifadə qaydası və dozalar” bölməsinə bax).

Diurezi zəifləmiş xəstələrdə nadir hallarda kristalluriya müşahidə edilmişdir (əsasən parenteral terapiya fonunda). Amoksisillinlə yüksəkdozalı terapiya zamanı amoksisillin-assosiasiya olunmuş kristalluriya ehtimalını azaltmaq üçün kifayət miqdarda mayenin qəbul edilməsi və diurezə nəzarət edilməsi tövsiyə edilmişdir. Sidik kisəsinə kateter qoyulmuş xəstələrdə onun keçiriciliyini müntəzəm şəkildə yoxlamaq vacibdir.

Amoksisillinlə müalicə zamanı sidikdə qlükozanın səviyyəsini qiymətləndirmək lazım gəldikdə qlükozaoksidaza ilə fermentativ metodlardan istifadə etmək lazımdır, çünki qeyri-fermentativ metodlar bəzən yalançımüsbət nəticələr verir.

Amoksiklavda klavulan turşusunun olması IgG və albuminin eritrositlərin membranları ilə qeyri-spesifik birləşməsinə səbəb ola bilər ki, bu da Kumbs sınağının yalançı müsbət nəticələnməsinə gətirib çıxara bilər.

Prepatı qəbul etmiş xəstələrdə Aspergillus-a görə immunferment analizin (İFA) müsbət nəticələri müşahidə edilmişdir. Bu xəstələrdə sonradan Aspergillus etiologiyalı infeksiyaların olmadığı müəyyən edilmişdir. Aspergillus-a görə İFA testi çərçivəsində qeyri-aspergilla polisaxaridləri və polifuranozlarla çarpaz reaksiyalar qeyd olunmuşdur. Amoksiklav qəbul edən xəstələrdə analizlərin müsbət nəticələri ehtiyatla aydınlaşdırılmalı və digər diaqnostik metodlarla təsdiq olunmalıdır.

Digər dərman vasitələri ilə qarşılıqlı təsiri

Oral antikoaqulyantlar

Amoksisillinin təyin olunmuş kursu fonunda asenokumarol və ya varfarinlə dəstəkləyici terapiya alan xəstələrlə münasibətdə beynəlxalq normallaşmış nisbətin artması halları təsvir edilmişdir. Preparatların eyni vaxtda təyin edilməsi lazım gəldikdə amoksisillinlə müalicənin əvvəlində və müalicə başa çatdıqdan sonra protrombin müddəti və ya beynəlxalq normallaşmış nisbət diqqətlə yoxlanılmalıdır. Oral antikoaqulyantların dozalarının korreksiyası tələb oluna bilər.

Metotreksat

Penisillinlər metotreksatın ekskresiyasını azalda bilər ki, bu da toksikliyin artmasına gətirib çıxara bilər.

Probenesid

Eyni vaxtda probenesidin qəbul edilməsi tövsiyə olunmur. O, amoksisillinin kanal sekresiyasını azaldır. Probenesidin Amoksiklavla eyni vaxtda qəbul edilməsi qanda amoksisillinin (lakin klavulan turşusunun deyil) səviyyəsinin artmasına və onların uzun müddət saxlanmasına gətirib çıxara bilər.

Mikofenolat mofetil

Mikofenolat mofetil qəbul edən xəstələrdə, amoksisillin və klavulan turşusunun peroral qəbuluna başladıqdan sonra, mikofenolat mofetilin növbəti dozasının qəbulundan öncə, aktiv metabolit-mikofenol turşusunun konsentrasiyasının 50% azalması müşahidə olunmuşdur. Növbəti dozanın qəbulundan öncə MFK-nın konsentrasiyasının belə dəyişməsi MFK-nın ümumi ekspozisiyasının dəyişməsini ifadə etməyə bilər. Bununla əlaqəli olaraq transplantatın disfunksiyasının klinik əlaməti olmadıqda adətən mikofenolat mofetilin dozasının dəyişməsinə ehtiyac yoxdur. Buna baxmayaraq, belə kombinə olunmuş müalicə zamanı və antibiotikoterapiya bitdikdən bir müddət sonra ciddi tibbi müşahidə zəruridir.

Hamiləlik və laktasiya dövründə istifadəsi

Heyvanlar üzərində aparılmış tədqiqatlarda hamiləlik zamanı embrio-fetal inkişafa, doğuşa  və postnatal inkişafa bilavasitə və dolayı təsiri aşkar edilməmişdir.

Hamiləlik dövründə preparatdan istifadə üzrə məhdud sayda məlumatlar anadangəlmə anomaliyaların riskinin artdığını göstərmir. Döl qişalarının vaxtından əvvəl cırıldığı qadınlarda amoksisillin/klavulan turşusu ilə profilaktik müalicənin və yenidoğulmuşlarda nekrotik enterokolitin yüksək  riski arasında potensial əlaqənin olduğu aşkar edilmişdir. Əgər həkim vacib hesab etmirsə, hamiləlik dövründə  preparatdan istifadə edilməməlidir.

Hər iki təsiredici maddə südə keçir (klavulan turşusunun döşlə qidalandırılan uşaqlara təsiri haqqında məlumatlar yoxdur). Ana südü ilə qidalandırılan uşaqlarda diareya və selikli qişalarda göbələk infeksiyasının inkişafı mümkündür və bu, döşlə qidalandırmanın dayandırılmasını tələb edə bilər. Laktasiya dövründə preparatla terapiya müalicə həkimi tərəfindən yalnız fayda və risk nisbəti qiymətləndirildikdən sonra mümkündür.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələrini idarəetmə və mexanizmlərlə işləmə qabiliyyətinə təsiri öyrənilməmişdir. Lakin potensial olaraq bu funksiyaların yerinə yetirilməsinə təsir göstərən əlavə effektlərin (məsələn, allergik reaksiyalar, başgicəllənmə, qıcolmalar) inkişafı mümkündür.

İstifadə qaydası  və dozası

Daxilə qəbul edilir. Mümkün ola bilən mədə-bağırsaq dözümsüzlüyünü minimuma endirmək və amoksisillin klavulan turşusunun sorulmasını optimallaşdırmaq üçün preparatı yeməkdən bilavasitə əvvəl qəbul etmək lazımdır.

Müalicəyə preparatın parenteral forması ilə başlamaq (ona əlavə olunan içlik vərəqədəki təlimatlara uygun olaraq) və daxilə qəbul üçün dərman forması ilə davam etdirmək olar.

Dozalar amoksisillin/klavulan turşusunun miqdarını əks etdirir.

Konkret infeksiyanın müalicəsi üçün dozanın seçilməsi zamanı aşağıdakı amilləri nəzərə almaq lazımdır:

ehtimal edilən törədicilər və onların antibakterial preparatlara qarşı mümkün olan həssaslığı;

infeksiyanın ağırlığı və lokalizasiyası;

yaş, bədən kütləsi və böyrəklərin funksiyaları aşağıda göstərildiyi kimi.

Ehtiyac olduqda preparatın digər dərman formalarının (məsələn, amoksisillinin daha yüksək dozaları ilə və / və ya amoksisillin/klavulan turşusunun dozalarının digər nisbətləri ilə) istifadəsinə baxılır.

Aşağıda tövsiyə olunan dozalarda bu preparatın qəbulu zamanı böyüklər və bədən kütləsi> 40 kq uşaqlar ümumi gündəlik dozada 1500mq amoksisillin/375mq klavulan turşusu qəbul edəcək, bədən kütləsi < 40 kq uşaqlar maksimal gündəlik dozada 2400mq amoksisillin/600mq klavulan turşusu qəbul edəcək. Amoksisillinin daha yüksək gündəlik dozası tələb olunarsa, klavulan turşusunun həddindən artıq yüksək dozalarının qəbuluna yol verməmək üçün preparatın digər dərman formasını seçmək tövsiyə olunur.

Terapiyanın davam etmə müddəti müalicəyə qarşı cavab reaksiyası ilə müəyyən olunur. Bəzi infeksiyalar (məsələn, osteomielit) daha uzunmüddətli terapiyanın aparılmasını tələb edir. Müalicənin davam etdirilmə müddəti yenidən baxılmadan 14 gündən çox olmamalıdır (“Xüsusi göstərişlər və ehtiyat tədbirlər” bölməsində uzunmüddətli müalicə haqqında olan məlumata bax).

Böyüklər və bədən kütləsi >40 kq olan uşaqlar

1 tablet gündə 3 dəfə

Bədən kütləsi <40 kq olan uşaqlar

Üç qəbula bölünmüş 20 mq/5 mq/kq/gün dozadan 60 mq/15 mq/kq/gün dozaya qədər.

Uşaqların müalicəsi üçün tabletlərdən və ya preparatın digər dərman formalarından, məsələn, suspenziyadan istifadə olunur. 6 yaşa qədər uşaqların müalicəsi üçün suspenziyadan istifadə etməyə üstünlük verilir.

40 mq/10 mq/kq/gün-dən yüksək dozalarda preparatın aktiv komponentlərinin 4:1  nisbətində olduğu dərman formalarının 2 yaşa qədər uşaqların müalicəsində istifadə edilməsi haqqında klinik məlumatlar yoxdur.

Yaşlı xəstələr

Dozanın korreksiyası tələb olunmur.

Böyrək funksiyaları pozulmuş xəstələr

Doza amoksisillinin tövsiyə olunan maksimal dozasına əsasən korreksiya olunur.

Kreatinin klirensi 30 ml/dəqiqədən yüksək olan xəstələrdə dozanın korreksiyası tələb olunmur.

Böyüklər və bədən kütləsi 40 kq olan uşaqlar

Bədən kütləsi <40 kq olan uşaqlar

Qaraciyər funksiyaları pozulmuş xəstələr

Ehtiyatla qəbul edilməlidir. Qaraciyər funksiyaları müntəzəm şəkildə yoxlanmalıdır (“Əks göstərişlər” və “Xüsusi göstərişlər və ehtiyat tədbirlər” bölmələrinə bax).

Əlavə təsirləri

Əlavə effektlərin inkişaf tezliyini təsnif etmək üçün aşağıdakı kateqoriyalardan istifadə olunur: çox tez-tez (≥ 1/10), tez-tez (≥ 1/100-dən < 1/10 qədər), bəzən (≥ 1/1 000-dən < 1/100-ə qədər), nadir hallarda (≥ 1/10 000-dən < 1/1 000-ə qədər), çox nadir hallarda (< 1/10 000), naməlum tezlikdə (mövcud olan məlumatlara əsasən başvermə tezliyini müəyyən etmək mümkün deyil).

Preparatın qəbulu zamanı ən tez-tez rast gələn arzuolunmaz reaksiyalar: diareya, ürəkbulanma və qusma.

İnfeksion və parazitar xəstəliklər

Tez-tez: dəri və selikli qişaların kandidozu.

Naməlum tezlikdə: qeyri-həssas mikroorqanizmlərin həddindən artıq inkişaf etməsi.

Qan və limfa sistemində pozğunluqlar

Nadir hallarda: geridönən leykopeniya (o cümlədən neytropeniya), trombositopeniya.

Naməlum tezlikdə: geridönən aqranulositoz, hemolitik anemiya, qanaxma müddətinin və protrombin müddətinin uzanması.

İmmun sistemdə pozğunluqlar:

Naməlum tezlikdə: angionevrotik ödem, аnafilaksiya, zərdab xəstəliyinə bənzər sindrom, allergik vaskulit.

Sinir sistemində pozğunluqlar

Bəzən: başgicəllənmə, baş ağrısı.

Naməlum tezlikdə: geridönən hiperreaktivlik, qıcolmalar, aseptik meningit

Mədə-bağırsaq traktında pozğunluqlar

Çox tez-tez: diareya.

Tez-tez: ürəkbulanma (çox zaman daxilə yüksək dozaların qəbul edilməsi ilə bağlıdır; preparatı qida qəbulunun əvvəlində qəbul etməklə mədə-bağırsaq reaksiyalarını minimuma endirmək olar), qusma.

Bəzən: həzm pozğunluğu.

Naməlum tezlikdə: antibiotiklə assosiasiya olunmuş kolit (o cümlədən psevdomembranoz kolit və hemorragik kolit, “Xüsusi göstərişlər və ehtiyat tədbirləri” bölməsinə bax), “qara tüklü” dil.

Qaraciyərdə və ödqovucu yollarda baş verən pozğunluqlar

Bəzən: AST və/və ya ALT səviyyələrinin artması (orta səviyyədə artma beta-laktamlar sinfindən olan antibiotiklərlə müalicə alan xəstələrdə qeyd olunmuşdur, lakin bu müşahidələrin əhəmiyyəti məlum deyil)

Naməlum tezlikdə: hepatit, xolestatik sarılıq (bu arzuolunmaz əlamətlər digər penisillinlər və sefalosporinlərin qəbulu fonunda müşahidə edilmişdir, “Xüsusi göstərişlər və ehtiyat tədbirlər” bölməsinə bax).

Dəri və dərialtı toxumalarda baş verən pozğunluqlar

Dərinin istənilən allergik reaksiyası inkişaf etdikdə müalicə dayandırılmalıdır.

Bəzən: dəridə səpgilər, qaşınma, övrə.

Nadir hallarda: çoxformalı eritema.

Naməlum tezlikdə: Stivens-Conson sindromu, toksiki epidermal nekroliz, bullyoz eksfoliativ dermatit, kəskin generalizə olunmuş ekzantematoz pustulyoz (KGEP).

Böyrəklərdə və sidikqovucu yollarda baş verən pozğunluqlar

Naməlum tezlikdə: interstisial nefrit, kristalluriya.

Doza həddinin aşılması

Mədə-bağırsaq simptomlarının inkişafı, su-elektrolit balansının pozulması mümkündür. Bəzən böyrək çatışmazlığına gətirib çıxaran amoksisillinlə assosiasiya olunmuş kristalluriya halları müşahidə olunmuşdur.

Böyrək funksiyaları pozulmuş və ya yüksəkdozalı terapiya qəbul edən xəstələrdə qıcolmalar inkişaf edə bilər.

Əsasən böyük dozaların venadaxilinə yeridilməsindən sonra amoksisillin sidik kateterlərində çökür. Müntəzəm olaraq kateterlərin keçiriciliyini yoxlamaq lazımdır.

İntoksikasiyanın müalicəsi

Mədə-bağırsaq simptomlarına qarşı su-elektrolit balansının bərpa edilməsi ilə yanaşı, simptomatik müalicə həyata keçirilə bilər.

Amoksisillin və  klavulan turşusu orqanizmdən hemodializ yolu ilə xaric edilə bilər.

Buraxılış forması

5 və ya 7 tablet, blisterlərdə (alüminium folqa/alüminium). 2 blister (müvafiq olaraq 10 və 14 tablet)  içlik vərəqə ilə birlikdə karton qutuya qablaşdırılır.

Saxlanma şəraiti

25°C-dən aşağı temperaturda və uşaqların əli çatmayan yerdə saxlamaq lazımdır.

Yararlılıq müddəti

2 il.

Yaralırlıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçi

Sandoz GmbH, Austria.

Biochemiestraße 10, A-6250 Kundl, Austria.

Qeydiyyat vəsiqəsinin sahibi 

Lek Pharmaceuticals d.d, Slovenia.

Verovškova 57, 1526 Ljubljana, Slovenia.

Bu dərman vasitəsinin qəbulu ilə əlaqədar hər-hansı şikayətiniz yaranan zaman

aşağıdakı yazılan nömrələrə   müraciət etməyiniz xahiş olunur.

Baki şəhəri, Nəsimi rayonu, Rəsul Rza 75

Winter Park Plaza business center, mərt.5.

Tel.: +994 12 599-83-89.

        +994 12 599-83-90.

Amoksiklav 625 nə üçündür?

1. Yuxarı tənəffüs yollarının digər xəstəliklərində istifadə olunan dərmanlar
2. Aşağı tənəffüs yollarının digər xəstəliklərində istifadə olunan dərmanlar
3. Böyrək və sidik  yollarının iltihabında istifadə olunan dərmanlar
4. Qadın çanaq orqanlarının iltihabı xəstəliklərində istifadə olunan dərmanlar
5. Dəri infeksiyaları zamanı istifadə olunan dərmanlar
6. Bakterial xəstəliklər əleyhinə dərmanlar
7. Cinsi yolla keçən infeksiyaların müalicə və profilaktikası üçün dərmanlar

Qeyd: Hər hansı bir əlavə və ya dərmanı qəbul etməzdən əvvəl həkimlə məsləhətləşmək vacibdir. Həkim, sizin üçün ən uyğun müalicə metodunu təyin edə bilər və əlavə qəbulunun sizin sağlamlığınıza necə təsir edəcəyini dəyərləndirə bilər.