Sintomisin maz nə üçündür? faydaları nələrdir?
Sintomisin maz nə üçündür? faydaları nələrdir? Sintomisin mazı təsiredici maddəsi geniş spektrli təsirə malik, yara infeksiyasının törədicisinə və irinli-iltihablı proseslərin müxtəlif formalarına münasibətdə yüksək antibakterial...
Sintomisin maz antibakterial xüsusiyyətləri ilə dəri infeksiyalarının müalicəsində geniş istifadə olunan bir dərmandır. Tərkibindəki xloramfenikol sayəsində bakteriyaların böyüməsini dayandıraraq, infeksiyaların sağalmasına kömək edir. Bu maz qaynama, sızanaq və yanıqlar kimi müxtəlif dəri problemlərinin müalicəsində təsirli ola bilər. Həkim məsləhəti ilə istifadəsi tövsiyə olunur.
- Sintomisin maz nə üçündür?
- Sintomisin maz eyniləşdirmə və təsnifat
- Dərman forması
- Sintomisin maz buraxılış forması
- Sintomisin maz tərkibi
- Təsviri
- Farmakoterapevtik qrupu
- Farmakoloji xüsusiyyətlər
- Farmakoloji xüsusiyyətləri. Farmakokinetikası
- İstifadəsinə göstərişlər
- Sintomisin maz əks göstərişlər
- Xüsusi göstərişlər və ehtiyat tədbirləri
- Sintomisin maz istifadə qaydası və dozası
- Əlavə təsirləri
- Saxlanma şəraiti
- Yararlılıq müddəti
- Aptekdən buraxılma şərti
- İstehsalçı
Sintomisin maz nə üçündür?
Sintomisin maz (Synthomycin ointment) antibakterial xüsusiyyətlərə malik bir preparatdır. Bu maz əsasən dəri infeksiyalarının müalicəsində istifadə olunur. Sintomisin mazının tərkibində antibiotik olan xloramfenikol (chloramphenicol) vardır ki, bu da bakteriyaların böyüməsini və çoxalmasını dayandırır.
Bu maz aşağıdakı vəziyyətlərdə istifadə edilə bilər:
-
Dəri infeksiyaları: Qaynama, sızanaq, yara infeksiyaları, ekzemalı yaralar və digər bakterial dəri infeksiyaları zamanı istifadə olunur.
-
Yanıqlar: İkinci və üçüncü dərəcəli yanıqların müalicəsində infeksiyanın qarşısını almaq üçün istifadə edilə bilər.
-
Qaynama və sızanaq: Sızanaqların və qaynama yerlərinin infeksiyadan qorunması və müalicəsi üçün istifadə olunur.
Sintomisin mazı həkim məsləhəti ilə istifadə edilməlidir, çünki onun düzgün olmayan istifadəsi dərinin həssaslığını artıra və ya digər yan təsirlərə səbəb ola bilər.
Sintomisin maz eyniləşdirmə və təsnifat
Dərman forması
Xaricə istifadə üçün liniment
Sintomisin maz buraxılış forması
10%-li xaricə istifadə üçün liniment.
25 q liniment, alüminium və ya polietilen laminatlı tubda. 1 tub, içlik vərəqə ilə birlikdə karton qutuya qablaşdırılı
Sintomisin maz tərkibi
Təsiredici maddə: 1 q linimentin tərkibində 100 mq xloramfenikol [D, L] (sintomisin) vardır.
Köməkçi maddələr: gənəgərçək toxumunun yağı, emulqator №1, sorbin turşusu, etanol 96%, natrium karmelloza, təmizlənmiş su.
Təsviri
Zəif xarakterik qoxulu, ağ və ya sarımtıl çalarlı ağ rəngli bircinsli linimentdir.
Farmakoterapevtik qrupu
Antibiotik
Farmakoloji xüsusiyyətlər
Preparatın təsiredici maddəsi geniş spektrli təsirə malik, yara infeksiyasının törədicisinə və irinli-iltihablı proseslərin müxtəlif formalarına münasibətdə yüksək antibakterial aktivliyə malik antibiotik olan xloramfenikoldur.
Sintomisin maz xloramfenikol, bakteriostatik antibiotikdir, mikrob hüceyrəsində zülalın sintez prosesini pozur (yüksək lipofilliyə malik olaraq, bakteriyaların hüceyrə membranından nüfuz edir və bakterial ribosomaların 50S subvahidi ilə geridönən birləşir, bunun nəticəsində amin turşularının artan peptid zəncirlərinə doğru hərəkəti ləngiyir ki, bu da, peptid rabitələrinin formalaşmasının və zülal sintezinin pozulmasına səbəb olur). Penisillinə, tetrasiklinlərə, sulfanilamidlərə qarşı davamlı qrammüsbət və qrammənfi mikroorqanizmlərin ştammlarının əksəriyyətinə qarşı aktivdir. Yanıq yaralarının və trofik xoraların təmizlənməsinə və sağalmasına kömək edir, epitelizasiyanı sürətləndirir.
Farmakoloji xüsusiyyətləri. Farmakokinetikası
Preparatın dəriyə, yaralara və ya selikli qişalara istifadəsindən sonra sistem qan axınına sorulma dərəcəsi məlum deyil.
İstifadəsinə göstərişlər
Sintomisin maz yara prosesinin II fazasında infeksiyalaşmış yaralar (irini, nekrotik toxumaları olmayan), uzun müddət sağalmayan trofik xoralar, 2-3-cü dərəcəli yanıqlar.
Sintomisin maz əks göstərişlər
- Fərdi dözümsüzlük, sümük iliyində qanyaranmanın zəifləməsi, kəskin intermitasiyaedici (növbələnən) porfiriya, qlükozo-6-fosfatdehidrogenazanın defisiti, qaraciyər və/və ya böyrək çatışmazlığı, dəri xəstəlikləri (göbələklə zədələnmə, psoriaz, ekzema), hamiləlik, laktasiya dövrü, yeni doğulma müddəti (4 həftəyədək).
- Osmotik aktivliyin olmadığını nəzərə alaraq (əsası: yağ, emulqator) yara prosesinin ilkin fazasında tətbiq etmək məsləhət görülmür (bol irin axma, toxumaların təzahürlü ödemi, ağrı və nekrotik toxumaların olması).
Xüsusi göstərişlər və ehtiyat tədbirləri
Ehtiyatla
- Erkən uşaq yaş dövrü, əvvəllər sitostatik dərman vasitələrilə müalicə və ya şüa terapiyası almış pasiyentlər.
- Müalicə prosesində periferik qanın vəziyyətinə sistematik nəzarət vacibdir.
- Hamiləlik zamanı dölə və laktasiya dövründə körpəyə mənfi təsirlər aşkar edilməmişdir.
- Eyni zamanda etanol qəbul etdikdə geniş səthlərə çəkildikdə disulfiramabənzər reaksiyaların inkişafı mümkündür (dəri səthlərinin hiperemiyası, taxikardiya, ürəkbulanma, qusma, reflektor öskürək, qıcolmalar).
Sintomisin maz istifadə qaydası və dozası
Xaricə istifadə edilir. Yara və yanıqların cərrahi işlənməsindən sonra sintomisin linimenti bilavasitə yara səthinə çəkilir, bundan sonra steril tənzif sarğı qoyulur və ya sintomisin linimenti sarğı materialına, daha sonra yaraya çəkilir. İrinli yaraların boşluqları cərrahi işlənmədən sonra ehtiyatla linimentli tamponlarla doldurulur, sintomisin linimentli tənzif turundları fistula gedişlərinə daxil edilir.
Yaraların və 2-ci fazada olan yanıqların müalicəsi zamanı yaraların sağalma dinamikasından asılı olaraq 1-3 sutkada 1 dəfə təyin edilir.
Əlavə təsirləri
Allergik reaksiyalar mümkündür: dəri səpgisi, angionevrotik ödem.
Qanyaradıcı orqanlarda baş verən pozulmalar: nadir hallarda-retikulositopeniya, leykopeniya, qranulositopeniya, trombositopeniya, eritropeniya, aplastik anemiya, aqranulositoz.
Saxlanma şəraiti
25оС-dan yuxarı olmayan temperaturda və uşaqların əli çatmayan yerdə saxlamaq lazımdır.
Yararlılıq müddəti
2 il. Yararlılıq müddəti bitdikdən sonra istifadə etmək olmaz.
Aptekdən buraxılma şərti
Sintomisin maz reseptsiz buraxılır.
İstehsalçı
“Nijfarm” SC, Rusiya.
603950, Nijniy-Novqorod ş., Salqanskaya k., 7.
Tel.: (831) 278-80-88.
Faks: (831) 430-72-28.
e-mail: [email protected]
Bu yazını dostlarınla paylaş
saytların hazırlanması Pin up casino giriş
Bu yazıya reaksiyanız ?
