QLİSERİN suppozitorilər
QLİSERİN İşlədici vasitədir, bərkimiş nəcis kütlələrini yumşaldır və sürüşkən edir, onların yoğun bağırsaq-dan keçməsini asanlaşdırır,
QLİSERİN Eyniləşdirmə və təsnifat
Dərman forması
Rektal suppozitoriyalar
- QLİSERİN Eyniləşdirmə və təsnifat
- Dərman forması
- Buraxılış forması
- QLİSERİN Tərkibi
- Təsviri
- Farmakoterapevtik qrupu
- Farmakoloji xüsusiyyətləri. Farmakodinamikası
- Farmakoloji xüsusiyyətləri. Farmakokinetikası
- İstifadəsinə göstərişlər
- QLİSERİN Əks göstərişlər
- Xüsusi göstərişlər və ehtiyat tədbirləri
- QLİSERİN İstifadə qaydası və dozası
- Əlavə təsirləri
- Saxlanma şəraiti
- Yararlılıq müddəti
- Aptekdən buraxılma şərti
- İstehsalçı
Buraxılış forması
1,24 q və ya 2,11 q-lıq rektal suppozitoriyalar. 5 suppozitoriya, konturlu-yuvalı qablaşdırmada. 2 konturlu-yuvalı qablaşdırma içlik vərəqə ilə birlikdə karton qutuya qablaşdırılır.
QLİSERİN Tərkibi
Təsiredici maddə: 1 şamın tərkibində 1,24 q və ya 2,11 q qliserol (qliserin) vardır.
Köməkçi maddələr: makroqol 400, stearin turşusu 95, natrium karbonat dekahidrat.
Təsviri
Şəffaf və ya yarımşəffaf, demək olar ki, rəngsiz və ya sarımtıl -qəhvəyi çalarlı, səthinin rəngi çıxan, hiqroskopik, torpedaşəkilli suppozitoriyadır. Əhəmiyyətsiz miqdarda hava qabar-cıqları ilə qıfabənzər dərinləşmənin olması yolveriləndir.
Farmakoterapevtik qrupu
İşlədici vasitə
Farmakoloji xüsusiyyətləri. Farmakodinamikası
İşlədici vasitədir, bərkimiş nəcis kütlələrini yumşaldır və sürüşkən edir, onların yoğun bağırsaqdan keçməsini asanlaşdırır, bağırsağın selikli qişasına qıcıqlandırıcı təsir göstərməklə, bağırsa-ğın hərəki fəaliyyətini reflektor olaraq stimullaşdırır.
Farmakoloji xüsusiyyətləri. Farmakokinetikası
Rektal istifadə zamanı praktiki olaraq sorulmur.
İstifadəsinə göstərişlər
- Müxtəlif etiologiyalı qəbizliyin simptomatik müalicəsi (o cümlədən, hamiləlik və laktasiya dövründə).
- Defekasiya zamanı güc verə bilməyən pasiyentlərdə qəbizliyin profilaktikası.
QLİSERİN Əks göstərişlər
Preparatın istənilən komponentinə qarşı yüksək həssaslıq, bağırsaq keçməzliyi, kəskinləşmə mərhələsində babasil, düz bağırsağın iltihabi xəstəlikləri və şişi, qarın nahiyəsində müəyyən edilməmiş ağrı.
Xüsusi göstərişlər və ehtiyat tədbirləri
Böyrək çatışmazlığı.
Sistematik qəbul məsləhət görülmür. Bağırsağın normal peristaltikası bərpa olunduqdan sonra müalicə dayandırılır. Şamlara mineral maye və ya bərk yağlar sürtmək olmaz. Suppozitoriyanın qalığı bağırsaqdan nəcislə xaric olur.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Preparatın istifadəsi nəqliyyat vasitələrini və digər potensial təhlükəli mexanizmləri idarəetmə qabiliyyətinə mənfi təsir etmir.
QLİSERİN İstifadə qaydası və dozası
- Yeməkdən 15-20 dəqiqə sonra rektal yolla istifadə edilir.
- 2,11 q-lıq suppozitoriyalar: böyüklər və 7 yaşdan yuxarı uşaqlara sutkada 1 dəfə 1 şam təyin edilir.
- 1,24 q-lıq suppozitoriyalar: istifadəsinə həyatın ilk günlərindən icazə verilir. 3 yaşa qədər uşaqlara 1/2 şam, 3-7 yaşlı uşaqlara sutkada 1 dəfə 1 şam təyin edilir.
- Ehtiyac olduqda, dozanı sutkada 2 suppozitoriyaya qədər artırmaq olar.
Əlavə təsirləri
Allergik reaksiyalar, yerli reaksiyalar (dəri qaşınması və yanması). Uzunmüddətli istifadə zamanı fizioloji defekasiya prosesinin zəifləməsi.
Saxlanma şəraiti
25°С-dən yuxarı olmayan temperaturda və uşaqların əli çatmayan yerdə saxlamaq lazımdır.
Yararlılıq müddəti
2 il. Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
“Nijfarm” SC, Rusiya.
603950, Nijniy-Novqorod ş., Salqanskaya k., 7.
Tel.: (831) 278-80-88.
Faks: (831) 430-72-28.
e-mail: med@stada.ru
Bu yazıya reaksiyanız ?
