Psilo balzam gel

Psilo balzam qiyməti neçiyədir? nə üçündür? Balzamı haradan almaq olar? Psilo balzam gel istifadə qaydası, instruksiyası kimi suallarınıza cavab axtarırsınızsa yazını sona qədər oxuyun.

DoktorM

Jun 14, 2024 - 18:44

Jul 10, 2024 - 14:20

Psilo balzam gel

Psilo balzam gel preparatının allergiya əleyhinə təsiri onun tərkibində H1-histamin reseptorlarının blokatoru olan difenhidramin hidroxloridin olması ilə bağlıdır.

YAZININ İÇİNDƏKİLƏR

PSİLO-BALZAM Gel Eyniləşdirmə və təsnifat
Dərman forması
Buraxılış forması
Psilo balzam gel Tərkibi
Təsviri
Farmakoterapevtik qrupu
Farmakoloji xüsusiyyətləri. Farmakodinamikası
Psilo balzam gel nə üçündür?
Farmakoloji xüsusiyyətləri. Farmakokinetikası
İstifadəsinə göstərişlər
Psilo balzam gel əks göstərişlər
Xüsusi göstərişlər və ehtiyat tədbirləri
Hamiləlik və laktasiya dövründə istifadəsi

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Psilo balzam gel istifadə qaydası və dozası
Əlavə təsirləri
Saxlanma şəraiti
Yararlılıq müddəti
Aptekdən buraxılma şərti
Psilo balzam gel qiyməti
Qeydiyyat vəsiqəsinin sahibi
İstehsalçı
Psilo balzam gelin aid olduğu kateqoriyalar

Hamısına bax

PSİLO-BALZAM Gel Eyniləşdirmə və təsnifat

ATC kodu - D04АА32

Buraxılış forması

Xarici istifadə üçün gel 1%.

20 q və ya 50 q gel, alüminium tubda. 1 tub içlik vərəqə ilə birlikdə karton qutuya qablaşdırılır.

Psilo balzam gel Tərkibi

Təsiredici maddə: 1 q gelin tərkibində 10 mq difenhidramin hidroxlorid vardır.

Köməkçi maddələr: setilpiridin xlorid, makroqol qliserilkaprilokaprat, karbomer, trometamol, təmizlənmiş su.

Farmakoterapevtik qrupu

Allergiyaəleyhinə vasitə - H1-histamin reseptorlarının blokatoru.

Farmakoloji xüsusiyyətləri. Farmakodinamikası

Psilo-Balzam preparatının allergiyaəleyhinə təsiri onun tərkibində H1-histamin reseptorlarının blokatoru olan difenhidramin hidroxloridin olması ilə bağlıdır və bunun nəticəsində qaşınmanı tezliklə azaldır, ağrını, hiperemiyanı azaldır, kapilyarların yüksəlmiş keçiriciliyini, toxumaların ödemini azaldır; yerli anesteziyaya səbəb olur ki, bunun sayəsində Psilo-Balzam xoş sərinləşdirici təsirə malikdir. Xüsusi gel əsası dərini qoruyur və gözə görünən iz saxlamır. psilo balzam gel

Farmakoloji xüsusiyyətləri. Farmakokinetikası

Yerli istifadə zamanı absorbsiyası əhəmiyyətsizdir, dəri örtüklərinin tamlığının pozulması preparatın sorulmasını artırır.

İstifadəsinə göstərişlər

Günəş yanıqları və I dərəcəli yanıqlar;
həşərat sancmaları;
övrə;
müxtəlif mənşəli dəri qaşınmaları (xolestaz zamanı olan qaşınma istisna olmaqla):
qaşınan dermatozlar, ekzema, suçiçəyi, dərinin allergik qıcıqlanmaları, bitkilərlə təmas səbəbindən yaranan kontakt dermatitlər.

Psilo balzam gel əks göstərişlər

Preparatın istənilən komponentinə qarşı hiperhəssaslıq; tərkibində difenhidramin olan istənilən preparatlarla eyni zamanda istifadə; dərinin geniş səthlərində istifadə; 2 yaşa qədər uşaqlar.

Xüsusi göstərişlər və ehtiyat tədbirləri

Psilo-Balzamı yaxdıqdan dərhal sonra (1-2 saat ərzində) fotodermatozların inkişafı riskinə yol verməmək üçün günəşdə uzun müddət qalmaqdan çəkinmək lazımdır. Psilo-Balzam preparatı ilə müalicə zamanı alkoqol qəbulundan çəkinmək lazımdır.

Ehtiyatla

İstifadə nahiyəsində dəri örtüklərinin zədələnməsi, selikli qişalarda istifadəsi.

Hamiləlik və laktasiya dövründə istifadəsi

Preparatın hamiləlik və laktasiya dövründə istifadəsi, ana üçün gözlənilən potensial faydanın dölə və ya körpəyə olan riski qiymətləndirildikdən sonra mümkündür.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri məlum deyil.

Psilo balzam gel istifadə qaydası və dozası

Xaricə istifadə edilir. Böyüklər və 2 yaşdan böyük uşaqlara Psilo-Balzam dərinin zədələnmiş nahiyəsinə (ovuc boyda zədələnmiş sahəyə gelin 3-5 sm uzunluğunda zolağı) gündə 3-4 dəfə yaxılır və yüngül masaj hərəkətləri ilə yayılır.

Əlavə təsirləri

Nadir hallarda-dərinin hiperhəssaslıq reaksiyaları (ekzema, kontakt dermatit).
Preparatın xaricə istifadəsi zamanı sistem xarakterli əlavə təsirlər qeyd edilməyib.

Saxlanma şəraiti

25°С-dən yuxarı olmayan temperaturda və uşaqların əli çatmayan yerdə saxlamaq lazımdır.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

Psilo balzam gel qiyməti

Dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Psilo balzam gel qiyməti 7 azn - 9 azn arasında dəyişir.

Ən gözəli budur ki, Doktorm.az Platforması ilə əməkdaşlıq edən Apteklərdən sərfəli qiymətə ala bilərsiniz.