Dərmanlar

RİNGER MƏHLULU

RİNGER MƏHLULU Eritrositlərin əvəz edilməsi vacib olmadıqda plazmaəvəzedici vasitə qismində, o cümlədən, şok, kollaps, yanıqlar, donma, uzun müddətli qusma, diareya zamanı istifadə olunur

DoktorM

Jun 16, 2024 - 08:27

Jun 16, 2024 - 08:42

RİNGER MƏHLULU

RİNGER MƏHLULU Eyniləşdirmə və təsnifat

ATC kodu - B05BB01

Beynəlxalq patentləşdirilməmiş adı - Compound solution of sodium chloride (potassium chloride + calcium chloride + sodium chloride)

Dərman forması

Infuziya üçün məhlul

YAZININ İÇİNDƏKİLƏR

RİNGER MƏHLULU Eyniləşdirmə və təsnifat
Dərman forması
Buraxılış forması
RİNGER MƏHLULU Tərkibi
Təsviri
Farmakoterapevtik qrupu
Farmakoloji xüsusiyyətlər
İstifadəsinə göstərişlər
RİNGER MƏHLULU Əks göstərişlər
Xüsusi göstərişlər və ehtiyat tədbirləri
Hamiləlik və laktasiya dövründə istifadəsi
RİNGER MƏHLULU İstifadə qaydası və dozası
Əlavə təsirləri
Saxlanma şəraiti
Yararlılıq müddəti
Aptekdən buraxılma şərti
İstehsalçı

Hamısına bax

500 ml məhlul, damcısalanın tutacağı olan, şkala ilə işarələnmiş, aşağı sıxlıqlı rezin və polietilen qapaqla bağlanmış, ilkin açılmaya nəzarət halqası olan aşağı sıxlıqlı polietilen flakonda. 10 flakon, içlik vərəqə ilə birlikdə karton qutuya qablaşdırılır (stasionar üçün qablaşma).

RİNGER MƏHLULU Tərkibi

Təsiredici maddə: 1000 ml məhlulun tərkibində 8,60 q natrium xlorid, 0,33 q kalsium xlorid, 0,30 q kalium xlorid vardır.

Köməkçi maddələr: natrium hidroksid (pH 5,0-7,0), xlorid turşusu (pH 5,0-7,0), inyeksiya üçün su vardır ki, bu da, müvafiqdir: natrium (Na+) 147,00 mmol/l, kalium (K+) 4,00 mmol/l, kalsium (Ca2+) 2,25 mmol/l, xlorid (Cl-) 155,60 mmol/l.

Nəzəri osmolyarlıq: 309 mOsm/l.

Təsviri

Şəffaf, rəngsiz məhluldur.

Farmakoterapevtik qrupu

Elektrolit balansını bərpa edən vasitələr

Farmakoloji xüsusiyyətlər

Rehidratasiyaedici vasitədir, dezintoksikasiyaedici təsir göstərir, qanın su və elektrolit tərkibini stabilləşdirir. Dövr edən qanın həcminin bərpa edilməsi məqsədilə istifadəsi zamanı, qan dövranından ekstravazal boşluğa sürətli xaric olduğuna görə effekt, yalnız 30-40 dəqiqə ərzində saxlanır (bununla əlaqədar məhlul, dövr edən qanın həcminin, yalnız qısa müddətli bərpası üçün yararlıdır).

İstifadəsinə göstərişlər

Eritrositlərin əvəz edilməsi vacib olmadıqda plazmaəvəzedici vasitə qismində, o cümlədən, şok, kollaps, yanıqlar, donma, uzun müddətli qusma, diareya zamanı. Su və elektrolit balansın korreksiyası üçün kəskin yayılmış peritonit və bağırsaq keçməzliyi, bağırsaq fistulu zamanı; müxtəlif etiologiyalı dehidratasiya; maye itkisilə müşayiət edilən metabolik alkaloz.

RİNGER MƏHLULU Əks göstərişlər

Preparatın istənilən komponentinə qarşı yüksək həssaslıq, hipernatriemiya, hiperxloremiya, asidoz, xroniki ürək çatışmazlığı, ağciyər ödemi, beyinin ödemi, xroniki böyrək çatışmazlığı, hipervolemiya, qlükokortikosteroidlərlə yanaşı terapiya.

Xüsusi göstərişlər və ehtiyat tədbirləri

Uzun müddət istifadəsi zamanı plazmada elektrolitlərin konsentrasiyasına və sutkalıq diurezə nəzarət etmək lazımdır.
Xlorid ionlarının yüksək səviyyəsinə görə preparatın uzun müddət istifadəsi məsləhət görülmür. Preparatın artıq həcmdə sürətli yeridilməsi zamanı turşu-əsas vəziyyətinə və elektrolitlərin
səviyyəsinə nəzarət etmək vacibdir. Qanın pH-nın dəyişməsi (turşulaşma) kalium ionlarının yenidən paylanmasına səbəb olur (pH-ən enməsi qan zərdabında kalium ionlarının miqdarının artmasına səbəb olur).
Yalnız içərisində şəffaf məhlul olan zədələnməmiş flakonu istifadə etmək olar.

Hamiləlik və laktasiya dövründə istifadəsi

Hamiləlik və laktasiya dövründə o zaman istifadə edilir ki, ana üçün gözlənilən fayda dölə olan potensial riskdən üstün olsun. Müvafiq klinik məlumatların olmadığı üçün preparatdan istifadə zamanı ana südü ilə qidalandırmadan çəkinmək lazımdır.

RİNGER MƏHLULU İstifadə qaydası və dozası

Venadaxili, 60-80 damcı/dəqiqə sürətlə damcı və ya şırnaq üsulu ilə yeridilir.
Böyüklər üçün sutkalıq doza 5-20 ml/kq təşkil edir, ehtiyac olduqda, 30-50 ml/kq-a qədər artırıla bilər.
Uşaqlar üçün sutkalıq doza 5-10 ml/kq təşkil edir, yeridilmə sürəti 30-60 damcı/dəqiqədir, şok dehidratasiyası zamanı ilkin yeridilmə 20-30 ml/kq-dır.
Müalicə kursu 3-5 gündür.