Omnitus şərbət - sirop istifadə qaydası necədir?
Ominitus sirop - Öskürək zamanı, qrip zamanı, yuxarı tənəffüs yollarının digər xəstəliklərində istifadə olunan preparatdır.
Omnitus sirop haqqında məlumat
- Omnitus şərbət Eyniləşdirmə və təsnifat
- Omnitus sirop qiyməti
- Dərman forması
- Buraxılış forması
- Omnitus şərbət tərkibi
- Təsviri
- Farmakoterapevtik qrupu
- Farmakoloji xüsusiyyətləri. Farmakodinamikası
- Farmakoloji xüsusiyyətləri. Farmakokinetikası
- İstifadəsinə göstərişlər
- Omnitus sirop əks göstərişlər
- Xüsusi göstərişlər və ehtiyat tədbirləri
- Hamiləlik və laktasiya dövründə istifadəsi
- Omnitus sirop istifadə qaydası və dozası
- Doza həddinin aşılması
- Saxlanma şəraiti
- Aptekdən buraxılma şərti
- Qeydiyyat vəsiqəsinin sahibi
- İstehsalçı
- Omnitus sirop nə üçündür?
Omnitus şərbət Eyniləşdirmə və təsnifat
Omnitus sirop qiyməti
Omnitus şərbət qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Omnitus sirop qiyməti 5 azn - 8 azn arasında dəyişir.
Ən gözəli budur ki, Doktorm.az Platforması ilə əməkdaşlıq edən Apteklər -dən bu günə olan Omnitus qiyməti -ni öyrənərək əldə edə bilərsiniz.
Dərman forması
şərbət
Buraxılış forması
0,8 mq/ml şərbət.
200 ml məhlul, ilkin açılmaya nəzarəti olan polietilen qapaqla bağlanmış III hidrolitik tünd şüşə flakonda. Qapağın üst hissəsində flakonun açılma sxemi göstərilib. 1 flakon, polipropilendən hazırlanmış ölçü qaşığı (həcmi 5 ml, 2,5 ml həcm üçün xətti olan) və içlik vərəqə ilə birlikdə karton qutuya qablaşdırılır.
Omnitus şərbət tərkibi
Təsiredici maddə: 1 ml məhlulun tərkibində 0,8 mq butamirat sitrat vardır.
Köməkçi maddələr: sorbitol 70% (kristallaşmayan), qliserol, natrium saxarin, benzoy turşusu, vanilin, cirə yağı, etanol 96%, natrium hidroksid, təmizlənmiş su.
Təsviri
Şəffaf, rəngsiz və ya sarımtıl çalarlı, vanil qoxulu, özlü mayedir.
Farmakoterapevtik qrupu
Mərkəzi təsirli öskürəkəleyhinə vasitə.
Farmakoloji xüsusiyyətləri. Farmakodinamikası
Butamirat Omnitus® preparatının təsiredici maddəsidir, mərkəzi təsirli öskürəkəleyhinə maddədir. Nə kimyəvi, nə də farmakoloji olaraq tiryək alkaloidlərinə aid deyil. Asılılıq və ya vərdişolma yaratmır.
Öskürək mərkəzinə birbaşa təsir edərək, öskürəyi zəiflədir. Bronxodilatasiyaedici effekt (bronxları genişləndirir) göstərir. Spirometriyanın göstəricilərini (tənəffüs yollarının müqavimətini azaldır) yaxşılaşdıraraq, tənəffüsün yüngülləşməsinə və qanın oksigenləşməsinə (qanı oksigenlə doydurur) səbəb olur.
Farmakoloji xüsusiyyətləri. Farmakokinetikası
Absorbsiyası
Yüksəkdir. Şərbətin daxilə tərkibində 150 mq butamirat sitrat olan dozasının qəbulundan sonra əsas metabolitin (2-fenilyağ turşusu) qan plazmasında maksimal konsentrasiyaya 1,5 saatdan sonra çatır və 6,4 mkq/ml təşkil edir.
Butamiratın hidrolizi ilk olaraq 2-fenilyağ turşusuna və dietilaminoetoksietanola qədər qanplazmasında başlayır. Bu metabolitlər də həmçinin öskürəkəleyhinəaktivliyə malikdir və butamirat kimi əhəmiyyətli dərəcədə (95%-ə qədər) plazma zülalları ilə birləşir ki, bu da, onların uzun müddətli yarımxaricolma dövrünə səbəb olur. 2-fenilyağ turşusu qismən hidroksilləşmə yolu ilə para-vəziyyətdə metabolizmə uğrayır. Preparatın təkrar qəbulu zamanı kumulyasiya müşahidə edilmir.
Yarımxaricolma dövrü 6 saatdır. Üç metabolitin xaric olması əsasən böyrəklər vasitəsilə baş verir; qaraciyərdə konyuqasiyadan sonra metabolitlər turş reaksiya ilə əhəmiyyətli dərəcədə qlükuron turşusu ilə birləşir.
İstifadəsinə göstərişlər
İstənilən etioligiyalı quru öskürək (soyuqdəymə xəstəlikləri, qrip, göyöskürək və digər vəziyyətlər zamanı). Cərrahi əməliyyatların aparılması zamanı öskürəyin əməliyyatdan əvvəlki və sonrakı dövrdə zəiflədilməsi, bronxoskopiya.
Omnitus sirop əks göstərişlər
Preparatın istənilən komponentinə qarşı yüksək həssaslıq, hamiləlik (I trimestr), laktasiya dövrü, 3 yaşa qədər uşaqlar. Fruktozaya qarşı dözümsüzlük (preparatın tərkibində sorbitol vardır).
Xüsusi göstərişlər və ehtiyat tədbirləri
Şirinləşdirici kimi şərbətin tərkibində sorbitol və saxarin vardır, bu səbəbə görə preparat şəkərli diabetli pasiyentlərdə istifadə edilə bilər.
Ehtiyatla
Hamiləliyin II və III trimestri.
Omnitus® preparatının tərkibində etanol olduğu üçün dərman asılılığının inkişafına meyilliliyi, qaraciyər, baş beyin xəstəlikkəri olan pasiyentlərdə, epilepsiyadan, alkoqolizmdən əziyyət çəkən pasiyentlərdə, hamilələrdə və uşaqlarda ehtiyatla istifadə etmək lazımdır.
Hamiləlik və laktasiya dövründə istifadəsi
Hamiləlik dövründə preparatın istifadəsinin təhlükəsizliyi və onun plasentar baryerdən keçməsi barədə məlumat yoxdur. Hamiləliyin I trimestrində preparatın istifadəsi əks göstərişdir. Hamiləliyin II və III trimestrində preparatın istifadəsi, yalnız o halda mümkündür ki, ana üçün gözlənilən fayda dölə olan potensial riskdən üstün olsun.
Preparatın təsiredici maddəsinin və ya onun metabolitlərinin ana südünə nüfuz etməsi məlum deyil, bu səbəbə görə laktasiya dövründə preparatın istifadəsi məsləhət görülmür.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Omnitus® başgicəllənməyə və yuxululuğa səbəb ola bilər, bu səbəbə görə müalicə dövründə nəqliyyat idarə etməkdən və yüksək diqqət və sürətli psixomotor reaksiyalar tələb edən digər potensial təhlükəli fəaliyyət növlərilə məşğul olarkən ehtiyatlı olmaq vacibdir.
Omnitus sirop istifadə qaydası və dozası
Yeməkdən əvvəl daxilə qəbul edilir.
Şərbətin qutusunda ölçülü qaşıq vardır (həcmi 5 ml).
Uşaqlar
- 3-6 yaş (15-22 kq): gündə 3 dəfə 2 ölçü qaşığı (10 ml).
- 6-9 yaş (22-30 kq): gündə 3 dəfə 3 ölçü qaşığı (15 ml).
- 9 yaşdan yuxarı (40 kq): gündə 4 dəfə 3 ölçü qaşığı (15 ml).
Böyüklər
Gündə 3 dəfə 6 ölçü qaşığı (30 ml).
Müalicə başlandıqdan 5 gün sonra öskürək aradan qalxmazsa, həkimə müraciət etmək lazımdır.
Flakonun açılması üçün təlimat
Flakon, uşaqların onu aça bilməsinə mane olan təhlükəsizlik qurğusu ilə bağlanıb. Flakonu açmaq üçün qapağın üstündən möhkəm sıxmaq və onu saat əqrəbinin əks istiqamətində fırlatmaq lazımdır. İstifadə edildikdən sonra flakonu kip bağlamaq lazımdır, bunun üçün flakonun qapağını yenidən möhkəm fırlatmaq vacibdir.
Doza həddinin aşılması
Simptomları
Başgicəllənmə, yuxululuq, ürəkbulanma, qusma, diareya, hərəkət koordinasiyanın pozulması, arterial təzyiqin enməsi.
Müalicəsi
Mədənin yuyulması, aktivləşdirilmiş kömür, işlədici duzlar, simptomatik terapiya (göstəriş üzrə).
Saxlanma şəraiti
25ºС-dən yüksək olmayan temperaturda, orijinal qutusunda və uşaqların əli çatmayan yerdə saxlamaq lazımdır. Flakon açıldıqdan sonra 15-25ºС temperaturda orijinal qutusunda saxlanmalı və yararlılıq müddəti bitənə qədər istifadə edilməlidir.
Yararlılıq müddəti
4 il. Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
Qeydiyyat vəsiqəsinin sahibi
Hemofarm A.D., Serbiya.
26300, Brşas ş., yol bb.
İstehsalçı
Hemofarm A.D. Vrşas, istehsalat sahəsi şöbə Şabas, Serbiya. 15000, Şabas ş., Hayduk Velkova k. bb.
Omnitus sirop nə üçündür?
- Öskürək əleyhinə dərmanlar
- Qrip zamanı istifadə olunan dərmanlar
- Yuxarı tənəffüs yollarının digər xəstəliklərində istifadə olunan dərmanlar
Qeyd: Hər hansı bir əlavə və ya dərmanı qəbul etməzdən əvvəl həkimlə məsləhətləşmək vacibdir. Həkim, sizin üçün ən uyğun müalicə metodunu təyin edə bilər və əlavə qəbulunun sizin sağlamlığınıza necə təsir edəcəyini dəyərləndirə bilər.
Bu yazını dostlarınla paylaş
saytların hazırlanması Pin up casino giriş
Bu yazıya reaksiyanız ?
