Miorek 400 mg

Tərkibi

Feniramidol - 400 mq

Aptekdən buraxılma şərti

Reseptli

Xüsusiyyətləri

Farmakoloji xüsusiyyətləri :
MioRekin tərkibindəki aminopiridin törəməsi feniramidol mərkəzi təsirli miorelaksantlar qrupunun nümayəndəsidir. Baş beyin , onurğa beyni səviyyəsində antispastik və miorelaksasiyaedici təsir göstərir. Əzələ spazmını aradan qaldıran feniramidol polisinaptik refleksləri blokada edir, namonosinaptik reflekslərə isə təsir etmir. MioRek eninəzolaqlı əzələlərin tonusunu, əzələ ağrısını azaldaraq analgetik təsir göstərir.

Farmakokinetikası:
MioRek daxilə qəbulda mədə- bağırsaq traktından tez bir zamanda sorulur. Qanın zülalları ilə birləşir. Qaraciyərdə metabolizasiya olunur, qlukuron turşusu ilə birləşərək qlukuronid yaradır. Qlukuronid ödə də daxil olur. Bağırsaqda Feniramidolun bir hissəsi geriyə sorulur. 4 - 6 saatdan sonra orqanizmdən 37% nəcislə, 63% isə sidiklə qlukuronid şəklində xaric olur.

İstifadə qaydası

MioRek 1-2 tabletdən gündə 3 dəfə yeməkdən sonra çoxlu maye ilə qəbul olunur. Tableti çeynəmək olmaz.

Göstərişləri

• Əzələlərin hipertonusu və əzələ spazmı
• Onurğanın distrofik -degenerativ xəstəliklərində əzələ kontrakturası ( osteoxondroz, spondilyoz, sirinqomieliya, hemiplegiya, onurğa və bel sindromları)
• Fəqərəarası disk yırtığında aparılan cərrahi əməliyyatdan sonra bərpa məqsədilə
• Eninəzolaqlı əzələlərin tonusunun artması ilə keçən üzvi - degenerativ nevroloji xəstəliklər (dağınıq skleroz, mielopatiya,ensefalomielit, kəskin beyin qan dövranı çatmamazlığının fəsadları)
• Uşaq serebral spastik iflici