Lukamont

Lyukamont

Buraxılış : Reseptli

İxtisas : Allerqologiya

Beynəlxalq patentləşdirilməmiş adı: Montelukast 

Lukamont Tərkibi 

Təsiredici maddə: 1 tabletin tərkibində 10 mq montelukast (10,4 mq montelukast natrium şəklində) vardır.

Köməkçi maddələr: aktoza monohidrat, mikrokristallik sellüloza (PH 101, PH 102), natrium kroskarmelloza, hidroksipropilsellüloza, maqnezium stearat, Оpadry 20A22156 yellow (hidroksipropilsellüloza, hipromelloza, titan dioksid,D&C yellow №10).

Təsviri

Sarı rəngli, yumru, homogen, bir tərəfində "d"basma yazılı örtüklütabletlərdir.

Farmakoterapevtik qrupu

Bronxial astma əleyhinə vasitə. Leykotrien reseptorlarının antaqonisti. 

ATC kodu: R03DC03

Farmakoloji xüsusiyyətləri 

Lukamont nə üçündür?

Farmakodinamikası

Araxidon turşusu metaboliti olan sisteinil leykotrienlər(LTC4, LTD4, LTE4) tosqun hüceyrə və eozinofillər də daxil olmaqla müxtəlif hüceyrələrdən azad olunan güclü iltihab eykozanoidləridir. Eykozanoidlər insanın tənəffüs yollarında yerləşən sisteinil leykotrien reseptorları (CysLT) ilə birləşirlər. Bronxial astmanın patofiziologiyasını təşkil edən tənəffüs yollarının ödemi, bronxların saya əzələlərinin spazmı, iltihabla əlaqəli hüceyrə aktivliyinin dəyişməsi sisteinil leykotrienin leykotrien reseptorları ilə birləşməsi ilə əlaqəlidir. Montelukast CysLT1-reseptorlarına yüksək oxşarlıq və seçiciliklə bağlanan peroral yolla qəbul edilən aktiv birləşmədir. Montelukast hər hansı bir aqonist aktivlik göstərmədən CysLT1-reseptorlarına LTD4-ün göstərdiyi fizioloji aktivliyini güclü bir şəkildə inhibə edir. 

Farmakokinetikası

Sorulması

Daxilə qəbulundan sonra montelukast sürətlə sorulur. Böyüklərdə acqarına 10 mq-lıq örtüklü tabletlərin qəbulundan sonra plazmada maksimal konsentrasiyası (Cmax) 3saatdan (Тmax) sonra əldə olunur. Daxilə qəbul zamanı orta biomənimsənilməsi 64% təşkil edir. Standart səhər yeməyi biomənimsənilməsinə və Cmax-a təsir etmir. 

Böyüklərdə acqarına 5 mq-lıq çeynəmə tabletlərinin qəbulundan sonra maksimal konsentrasiya 2saatdan sonra əldə olunur. Biomənimsənilmə acqarına 73%, standart səhər yeməyindən sonra isə 63% təşkil edir. 

Paylanması

Plazma proteinləri ilə birləşməsi 99%-dən çoxdur. Montelukastın sabit paylanma həcmi orta hesabla 8-11 l təşkil edir. 

Metabolizmi 

Montelukastaktiv metabolizmə uğrayır. Terapevtik dozaların istifadəsi ilə keçirilən tədqiqatlar zamanı böyüklərdə və uşaqlarda sabit vəziyyətdə montelukast metabolitlərinin plazma konsentrasiyası təyin olunmur.  

Xaricolunması

Montelukastın klirensi orta hesabla 45 ml/dəq təşkil edir. Montelukast və metabolitləri əsasən ödlə xaric olunur. Gündə 10 mq montelukast qəbul etdikdə plazmada aktiv maddənin zəif(təqribən 14%) kumulyasiyası müşahidə olunur. 

50 mq-a qədər dozalarda daxilə qəbulu zamanı montelukastın farmakokinetikası praktik olaraq xətti xarakter daşıyır.

İstifadəsinə göstərişlər

15 yaş və ondan yuxarı yaşda olan xəstələrdə persistəedici astmanın müalicəsi(gündüz və gecə simptomlarının qarşısının alınması, aspirinə həssas astma ilə xəstələrin müalicəsi və fiziki yüklənmə ilə əlaqəli bronxospazmın qarşısının alınması)

15 yaş və ondan yuxarı yaşda olan xəstələrdəmövsümi allergik rinitlərinvə ilboyu davam edən allergik rinitlərin (son bir il müddətində) simptomlarınınyüngülləşdirilməsi.

Lukamont Əks göstərişlər

Preparatın hər hansı bir komponentinə qarşı yüksək həssaslıq.

Xüsusi göstərişlər və ehtiyat tədbirləri

Bronxial astma tutmaları zamanı Lyukamont örtüklü tabletlərinin bronxospazmı aradan qaldırma effektivliyi sübut olunmadığından tutmanı aradan qaldırmaq üçün xəstələrin yanında təyin olunan müvafiq dərman vasitələr olmalıdır. Bronxial astma tutmaları zamanı qısamüddətli beta-aqonistlərdən istifadə olunmalıdır. İnhalyasiya üçün qısamüddətli beta-aqonistlərin daha yüksək dozasına ehtiyac olduqda xəstələr dərhal həkimə müraciət etməlidir. İnhalyasiya və ya peroral kortikosteroidləri kəskin olaraq montelukast ilə əvəz etmək olmaz. Montelukast ilə birgə istifadə olduqda peroral kortikosteroidlərin dozasının azaldılmasını təsdiq edən məlumat mövcud deyil. 

Psixonevroloji pozulmalar

Lyukamont örtüklü tabletləri qəbul edən böyüklərdə, yeniyetmələrdə və uşaqlarda psixonevroloji pozulmalar haqqında məlumat verilmişdir. Postmarketinq müddətində həyəcanlılıq, aqressiv davranış və ya düşmənçilik, depressiya, dezoriyentasiya, anormal yuxular, hallüsinasiyalar, yuxusuzluq, əsəbilik, narahatlıq,somnambulizm, intiharbarədə fikir və davranış (o cümlədən sui-qəsd cəhdləri), tremor kimi simptomlar haqqında məlumat verilmişdir. 

Xəstələr və həkim psixonevroloji pozulmalara dair ehtiyatlı olmalıdırlar. Bu növ pozulmalar meydana çıxdıqda həkimə müraciət etmənin zəruri olduğu barədə xəstə məlumatlandırılmalıdır və bu halda həkim Lyukamont 10 mq örtüklü tabletləri ilə müalicənin risk və faydasını qiymətləndirməlidir. 

Eozinofiliya

Nadir hallarda, montelukast daxil olmaqla, astma əleyhinəpreparatları qəbul edən xəstələrdə sistemli kortikosteroidlərin tətbiqi ilə əlaqələndirilənvaskulitin kliniki əlamətləri ilə sistemli eozinofiliya və Çarq-Stross (Churg-Strauss)sindromu meydana çıxa bilər. Belə hallar adətən (lakin hər zaman yox) daxilə qəbul üçün kortikosteroidlərin dozasının azaldılması və ya qəbulun dayandırılması ilə əlaqələndirilir. Çarq-Strosssindromunun əmələ gəlməsinin leykotriyen reseptorlarının antaqonistləri ilə əlaqəsini təsdiq etmək və ya istisna etmək olmaz. Həkimlər eozinofiliyanın, vaskulyar səpgilərin, ağ ciyər simptomlarının kəskinləşməsini, kardioloji ağırlaşmaların və/ya neyropatiyanın yaranmasını nəzərə almalıdır. Xəstələrdə həmin simptomlar müşahidə olduqda, onlar təkrar müayinə etməli və müalicə yenidən müzakirəyə qoyulmalıdır.
Laktoza

Qalaktozaya qarşı dözümsüzlük, Lapp laktaza çatışmazlığı və ya qlükoza-qalaktoza malabsorbsiyası sindromu kimi nadir irsi xəstəlikləri olan xəstələrdə bu preparat istifadə olunmamalıdır. 

Hər Lyukamont  örtüklü tabletinin tərkibində 1 mmol-dan (23 mq-dan) az natrium var; yəni əhəmiyyət kəsb etməyəcək qədər az miqdardadır.

Digər dərman vasitələri ilə qarşılıqlı təsiri

• Lyukamont 10 mq örtüklü tabletləri bronxial astmanın profilaktika və uzunmüddətli müalicəsi üçün adətən istifadə olunan dərman vasitələri ilə birgə təyin edilə bilər. Qarşılıqlı təsirlərə dair klinik tədqiqatlarda montelukastın tövsiyə edilən klinik dozası teofillin, prednizon, prednizolon, peroral kontraseptiv vasitələr (etinilestradiol/noretindron 35/1), terfenadin, diqoksin və varfarinin farmakokinetikasına klinik əhəmiyyətli təsir göstərməmişdir. Fenobarbital ilə birgə birdəfəlik 10 mq montelukast təyin edildikdə konsentrasiya-vaxt əyrisi altındakı sahə (AUC) təxminən 40% azalır.
• Montelukast qaraciyər sitoxromu P450 CYP3A4 və 2C8/9 tərəfindən metabolizmə uğradığına görə fenitoin,
• fenobarbital və rifampisin kimi P450 CYP3A4 induktorları ilə, xüsusilə də uşaqlarda ehtiyatla istifadə edilməlidir.
• In vitrotədiqatlarda montelukastın CYP2C8 izofermentini inhibə etməsi göstərilmişdir. Lakin, montelukast və rosiqlitazonun (CYP2C8 vasitəsilə metabolizə olunan) qarşılıqlı təsirinə dair in vivotədqiqatda montelukastın CYP2C8 izofermentini inhibə etməməsi göstərilmişdir. Buna görə bu izofermentin vasitəsilə metabolizə olunan preparatların (məsələn, paklitaksel, rosiqlitazon və repaqlinid) metabolizminə montelukastın əhəmiyyətli təsiri gözlənilmir.
• In vitrotədiqatlarda montelukastın CYP2C8, 2С9 və 3А4 substrat olması göstərilmişdir. Montelukast və qemfibrozilin (həm CYP2C8, həm də 2С9 inhibitorun) qarşılıqlı təsirinə dair kliniki tədqiqatda qemfibrozilin montelukastın sistem təsirinin 4,4 dəfə artması göstərilmişdir. CYP3A4 güclü inhibitoru olan itrakonazolun qemfibrozil və montelukast ilə birgə istifadəsi montelukastın sistem təsirinin əlavə artmasının səbəbi olmamışdır. Beləliklə qemfibrozil ilə birgə istifadə zamanı montelukastın doza tənzimlənməsinə ehtiyac yoxdur.
• In vitrotədqiqatların nəticələrinə görə digər CYP2C8 məlum inhibitorları ilə (məs., trimetoprim ilə) kliniki əhəmiyyətli qarşılıqlı təsir gözlənilmir. 
• Tək itrakonazolla birgə istifadəsi montelukastın sistem təsirinin nəzərəçarpan artmasına səbəb olmamışdır.

Hamiləlik və laktasiya dövründə istifadəsi 

Hamiləlik 

Lyukamont 10 mq örtüklü tabletləri hamilə qadınlarda yalnız ciddi zərurət qarşısında istifadə edilə bilər.  

Laktasiya

Montelukastın ana südünə keçib-keçməməsi haqqında məlumat yoxdur. Lyukamont 10 mq örtüklü tabletləri laktasiya dövründə yalnız ciddi zərurət qarşısında istifadə edilə bilər.  

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Montelukastın nəqliyyat vasitələrini və digər mexanizmləri idarəetmə qabiliyyətinə təsiri gözlənilmir. Əlavə təsirləri kimi yuxuculluq və başgicəllənmə hallarının mümkünlüyü səbəbindən potensial təhlükəli mexanizmlərin idarə edilməsi zamanı preparatın qəbulu məsələsinə fərdi yanaşma olmalıdır. 

Lukamont İstifadə qaydası və dozası 

15 yaş və ondan yuxarı yaşda olan yeniyetmələrdə və böyüklərdə - 10 mq-lıq tablet gündə bir dəfə.

15 yaş və ondan yuxarı yaşda olan xəstələrdə persistəedici astma

Gündə bir dəfə axşam.

Allergik rinit

15 yaş və ondan yuxarı yaşda olan xəstələrdəmövsümiallergik rinitvə ilboyudavam edən allergik rinit

Gündə bir dəfə. Qəbul vaxtı xəstənin ehtiyacından asılı olaraq fərdi təyin oluna bilər. 

15 yaş və ondan yuxarı yaşda olan xəstələrdə astma vəallergik rinit

Həm astma, həmdə allergik rinitolan xəstələr yalnız bir 10 mq-lıqörtüklü tabletgündə 1 dəfə axşam qəbul edilməlidirlər.

Lyukamont preparatının astmanın gedişini əks-etdirən göstəricilərə terapevtik təsiri ilk gün ərzində özünü büruzə verir. Preparat qida qəbulundan asılı olmayaraq qəbul edilə bilər.Lyukamont tabletlərinin qəbulu bronxial astmanın istər kəskinləşmə dövründə, istərsə də simptomlarına nəzarət müddətində davam edilməlidir.

Lyukamont 10 mq örtüklü tabletlərinin bronxial astmanın digər müalicə növləri ilə birgə təyin edilməsi

İnhalyasiya üçün qlükokortikosteroidlər: İnhalyasiya üçün qlükokortikosteroid və/və ya qısamüddətli təsirli beta-2 aqonistləri istifadə zamanı adekvat klinik nəzarət təmin edilmədikdəLyukamont tabletlər əlavə müalicə kimi istifadə oluna bilər.

Xəstənin vəziyyəti yaxşılaşdığı halda inhalyasiya üçün qlükokortikosteroidlərin dozası tədricən azaldıla bilər.Qlükokortikosteroidlərkəskin olaraq Lyukamont  tabletləri ilə əvəz edilməməlidir.

Xüsusi qrup xəstələrə dair əlavə məlumat

Böyrək çatışmazlığı

Böyrək çatışmazlığıolan xəstələrdə doza tənzimlənməsinə ehtiyac yoxdur.

Qaraciyərçatışmazlığı 

Yüngül və orta dərəcəli qaraciyərçatışmazlığı olan xəstələrdə doza tənzimlənməsinə ehtiyac yoxdur. Ağır dərəcəli qaraciyərçatışmazlığı olan xəstələr haqqında məlumat mövcud deyil.

Pediatrik xəstələr

Lyukamont preparatının təhlükəsizliyi və effektivliyi adekvat və yaxşı nəzarət olunan tədqiqatlarda astma ilə 6-14 yaşında olan pediatrik xəstələrdə öyrənilmişdir. Bu yaş qrupunda təhlükəsizlik və effektivlik göstəriciləri böyüklərdə kimi olmuşdur. 

Yaşlı xəstələr

Bu qrup xəstələrdə daha gənc xəstələrlə müqayisədə heç bir fərq müşahidə olunmamışdır, buna baxmayaraq bəzi yaşlı şəxslərdə daha yüksək həssaslığı istisnaedilə bilməz.

Əlavə təsirləri

Postmarketinqtədqiqatlarda bildirilən əlavə reaksiyalar orqan sistemlərinə və rastgəlmə tezliyinə görə aşağıda göstərilmişdir: çox tez-tez(≥1/10); tez-tez ( ≥1/100-dən <1/10-dək); bəzən (≥1/1000-dən <1/100-dək); nadir hallarda(≥1/10000-dən <1/1000-dək); çox nadir hallarda(<1/10000); məlumolmayan (əldə olunan məlumatlar əsasında qiymətləndirilməsi mümkün olmayan).

• İnfeksiyalar və invaziyalar
• çox tez-tez:yuxarı tənəffüs yollarının infeksiyaları.
• Qanyaradıcı və limfa sisteminə
• nadir hallarda:qanaxmaya meylliyin artması.
• İmmun sisteminə
• bəzən: yüksək həssaslıq reaksiyaları(anafilaksiya daxil olmaqla); 
• çox nadir hallarda: qaraciyərin eozinofil infiltrasiyası.
• Psixi pozulmalar
• bəzən:anormal yuxular (kabus daxil olmaqla), yuxusuzluq, həyəcan,təşviş (aqressivlik və ya düşmənçilik daxil olmaqla), depressiya, somnambulizm, psixomotor oyanıqlıq (əsəbilik, narahatlıq, tremor daxil olmaqla);
• nadir hallarda:diqqətin cəmləşməsinin pozulması, yaddaşın pozulması;
• çox nadir hallarda:hallüsinasiyalar, intihar bərədə fikir və davranış,davranışın pozulması.
• Sinir sisteminə
• bəzən: başgicəllənmə,yuxululuq, paresteziya/hiposteziya, qıcolmalar.
• Ürək-damar sisteminə
• nadir hallarda:ürəkdöyünmə hissi.
• Tənəffüs sisteminə, döş qəfəsi və divararası orqanlarına
• bəzən:burun qanaxması;
• çox nadir hallarda:Çarq-Stross sindromu.
• Həzm sisteminə
• çox tez-tez:diareya, ürəkbulanma, qusma; 
• bəzən:ağızda quruluq, dispepsiya.
• Hepatobiliar sistemə
• tez-tez:qaraciyər fermentlərin səviyyəsininartması (ALT, AST);
• çox nadir hallarda:hepatit(xolestatik, hepatosellülyar və qarışıq mənşəli qaraciyərin pozulması daxil olmaqla).
• Dəri və dərialtı piy toxumasına
• tez-tez:səpgi;
• bəzən:hematoma, məxmərək, qaşınma;
• nadir hallarda:angioödem;
• çox nadir hallarda:düyünlü eritema, multiformalı eritema.
• Sümük-əzələ sisteminə və birləşdirici toxumaya
• bəzən:artlagiya, mialgiya(əzələ qıcolmalar daxil olmaqla).
• Ümumi pozulmalar və yerli reaksiyalar
• tez-tez:qızdırma;
• bəzən:asteniya/halsızlıq, narahatlıq, ödem.

Şübhəli əlavə reaksiyalar haqqında məlumat

Dərman vasitəsinin qeydiyyata alınmasından sonra şübhəli əlavə reaksiyalar haqqında əldə olunan məlumat

vacibdir. O, dərman vasitəsinin fayda/risk nisbətinə nəzarətinin davam edilməsinə imkan verir.

Arzuolunmaz effektlər baş verdikdə həkimə müraciət edin.

Doza həddinin aşılması

Montelukast ilə doza həddinin aşılması zamanı müalicə haqqında spesifik məlumat yoxdur. Doza həddinin aşılması zamanıən tez-tez müşahidə olunan əlavə reaksiyalar abdominal ağrı, yuculluq, susuzluq,baş ağrısı, qusma və psixomotor hiperaktivlik olmuşdur.  

Montelukastın peritoneal dializ və ya hemodializ vasitəsi ilə xaric olub-olunmaması haqqında məlumat yoxdur. 

Buraxılış forması

Lyukamont 10 mq-lıq 14 örtüklü tablet, blisterdə. 2 blister (28 örtüklü tablet) içlik vərəqə ilə birlikdə karton qutuya qablaşdırılır.   

Saxlanma şəraiti

25 °C-dən yüksək olmayan temperaturda, öz qutusunda, işıqdan və rütubətdən qoruyaraq uşaqların əli çatmayan yerdə saxlamq lazımdır.

Yararlılıq müddəti 

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

Lukamont qiyməti

Lukamont qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. 

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Lukamont qiyməti -ni öyrənərək əldə edəsiniz.

İstehsalçı

Deva Holding A.Ş.

Çerkezköy Organize Sanayi Bölgesi

Karaağaç Mah., Atatürk Cad. № 32

Kapaklı/Tekirdağ/Türkiyə

Qeydiyyat sahibi

Deva Holding A. Ş.

Halkalı Merkez Mah. Basın Ekspres Cad. №1

34303 Küçükçekmece/İstanbul/Türkiyə