Kantab 16 mq

Kantab 16 mq haqqında məlumat

Kantab 16 mq qiyməti

Kantab 16 mq qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Kantab 16 mq qiyməti 9 azn - 12 azn  arasında dəyişir.  

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Kantab 16 mq qiyməti -ni öyrənərək əldə edəsiniz.

Aid olduğu kateqoriyalar

Hipertoniya zamanı istifadə olunan dərmanlar

Beynəlxalq patentləşdirilməmiş adı: Candesartan cilexetil

Kantab 16 mq tərkibi

Təsiredici maddə: 1 tabletin tərkibində 8, 16 və ya 32 mq kandesartan sileksetil vardır.
Köməkçi maddələr: laktoza monohidrat, qarğıdalı nişastası, polietilenqlikol 8000 P (Makroqol), aşağı əvəzlənmiş hidroksipropilsellüloza (L-HP (hidroksipropilsellüloza),  kalsium karboksimetilsellüloza (kalsium karmelloza), maqnezium stearat,  qırmızı dəmir oksidi (E172).

Təsviri

• Kantab 8 mq: dairəvi, tünd çəhrayi rəngli, bir tərəfdən bölünən tabletlərdir.
• Kantab 16 mq və Kantab 32 mq: dairəvi, çəhrayi rəngli, bir tərəfdən bölünən tabletlərdir.

Farmakoterapevtik qrupu

Angiotenzin II reseptorlarının antaqonistləri.
ATC kodu: C09CA06.

Farmakoloji xüsusiyyətləri

Kantab 16 mq nə üçündür?

Farmakodinamikası
Angiotenzin II renin-angiotenzin-aldosteron sisteminin ilkin vazoaktiv hormonudur və hipertenziyanın, ürək çatışmazlığının və digər ürək-damar xəstəliklərinin patofiziologiyasında vacib rol oynayır. Onun həmçinin orqanların hipertrofiyasının və zədələrin son mərhələsinin patogenezində rolu var. Damarların daralması, aldosteronun stimullaşdırılması, su-duz homeostazının tənzimlənməsi və hüceyrələrin böyüməsinin stimullaşdırılması kimi angiotenzin II-nin əsas fizioloji təsirləri I tip (AT1) reseptor hesabına baş verir.
Kandesartan sileksetil peroral istifadə üçün nəzərdə tutulan prodərmandır. O, mədə-bağırsaq traktında efir hidrolizi zamanı absorbsiya olunduqda, sürətli şəkildə aktiv maddə olan kandesartana çevrilir. Kandesartan AIIRA olub, AT1-reseptorlarına selektiv sıx bağlanılır və yavaş dissosiasiya olunur. Onun aqonist aktivliyi yoxdur.
Kandesartan bradikinini parçalayan və angiotenzin I-i angiotenzin II-yə çevirən AÇF-i inhibə etmir. Onun AÇF-ə təsiri yoxdur, həmçinin bradikininin və ya P substansiyasının artmasına təsiri yoxdur. Kandesartan ilə AÇF inhibitorlarının müqayisəli nəzarətli klinik tədqiqatlarında öskürək hallarının rastgəlmə tezliyi kandesartan sileksetil qəbul edən xəstələrdə daha az olmuşdur.
Kandesartan digər hormon reseptorlarını və ya ürək-damar sisteminin tənzimlənməsində əhəmiyyətli olan ion kanallarını bağlamır və onları blokada etmir. Angiotenzin II (AT1) reseptorlarının antaqonizmi plazmada renin səviyyəsinin, angiotenzin I və angiotenzin II səviyyələrinin dozadan asılı artması və plazmada aldosteronun konsentrasiyasının azalması ilə nəticələnir.

Farmakokinetikası
Absorbsiyası və paylanması
Peroral qəbul edildikdən sonra kandesartan sileksetil aktiv maddə olan kandesartana çevrilir.
Kandesartan sileksetilin oral məhlulunu qəbul etdikdə kandesartanın mütləq biomənimsənilməsi təxminən 40 % təşkil edir. Oral məhlul ilə müqayisədə tablet formasının nisbi biomənimsənilməsi çox az dəyişiklik ilə təxminən 34 % təşkil edir. Buna görə də tabletin təxmini olunan mütləq biomənimsənilməsi 14 % təşkil edir. Qan plazmasında orta pik konsentrasiyaya (Cmax) tablet qəbul edildikdən 3-4 saat sonra çatır. Kandesartanın qan plazmasında konsentrasiyası terapevtik dozalanmadan asılı olaraq doza artdıqca xətti artır.
Kandesartanın farmakokinetikasında cinsiyyətdən asılı dəyişikliklər müşahidə edilməmişdir.
Plazma konsentrasiyasının altındakı sahənin kandesartanın zaman əyrisinə (AUC) olan nisbətə qida qəbulu əhəmiyyətli dərəcədə təsir etməmişdir.
Kandesartan zülallarla yüksək dərəcədə birləşir (99 %-dan artıq). Kandesartanın paylanmasının məlum olan həcmi 0,1 l/kq-dır.
Kandesartanın biomənimsənilməsi qida qəbulundan asılı deyildir

İstifadəsinə göstərişlər

• Yetkin insanlarda hipertoniyanın müalicəsi üçün.
• Ürək çatışmazlığı və sol mədəciyin sistolik disfunksiyası (sol mədəciyin atım fraksiyası ≤ 40 %) olan yetkin insanlarda angiotenzinçevirici fermentin (AÇF) inhibitorlarına əlavə terapiya kimi və ya AÇF inhibitorlarına dözümlülük yaxşı olmadıqda.

Kantab 16 mq əks göstərişlər

• Kandesartan sileksetilə və ya köməkçi maddələrin hər hansı birinə qarşı yüksək həssaslıq.
• Hamiləliyin ikinci və üçüncü trimestri.
• Ağır qaraciyər çatışmazlığı və/və ya xolestaz.

Xüsusi göstərişlər və ehtiyat tədbirləri

Böyrək çatışmazlığı
Renin-angiotenzin-aldosteron sistemini inhibə edən digər vasitələr kimi, Kantab® ilə müalicə alan xəstələrin böyrək funksiyasında dəyişikliklər müşahidə oluna bilər.
Kantab böyrək çatışmazlığı olan arterial hipertoniyalı xəstələrdə istifadə olunduqda, plazmada kalium və kreatinin səviyyəsinin vaxtaşırı monitorinqi tövsiyə olunur. Çox ağır və ya böyrək çatışmazlığının son mərhələsi (kreatinin klirensi < 15 ml/dəq) olan xəstələrdə aparılmış tədqiqatlar məhdud saydadır. Belə xəstələrdə Kantab qan təzyiqinə nəzarət etməklə diqqətlə təyin olunub dozalandırılmalıdır. Ürək çatışmazlığı olan, xüsusilə 75 və daha yuxarı yaşlı və böyrək funksiyasının pozulması olan xəstələrin qiymətləndirilməsinə böyrək funksiyasının periodik müşahidəsi də daxil edilməlidir. Kantab® dozasının təyinatı zaman plazma kreatinin və kaliumum monitorinqinin aparılması tövsiyə edilir. Ürək çatışmazlığı olan xəstələrin iştirak etdiyi kliniki tədqiqatlara plazma kreatinini > 265 μmol/l (> 3 mq/dl) olan xəstələr daxil edilməmişdilər.

Hamiləlik və laktasiya dövründə istifadəsi

Hamiləlik
Hamiləlik zamanı AIIRA təyin edilməməlidir. AIIRA ilə aparılan müalicə vacib hesab edilmədiyi təqdirdə, hamiləlik planlaşdıran xəstələr onu hamiləlik dövründə tətbiq edilməsi zamanı təhlükəsizlik profili sübut olunan alternativ antihipertenziv müalicə ilə dəyişdirilməlidirlər. Hamiləlik təsdiqləndiyi halda, AIIRA ilə müalicə dərhal dayandırılmalı və əgər uyğundursa alternativ müalicəyə başlanılmalıdır.
Laktasiya
Uşaqların ana südü ilə qidalanması zamanı Kantab®-ın istifadəsi ilə bağlı heç bir məlumat mövcud olmadığından, Kantab tövsiyə edilmir və laktasiya dövründə daha yaxşı təhlükəsizlik profili müəyyən edilmiş alternativ müalicə üsulları, xüsusilə də yeni və ya erkən doğulmuş körpələrin ana südü ilə qidalandırılması zamanı daha üstün hesab edilirlər.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Kandesartanın nəqliyyat vasitələrini və digər potensial təhlükəli mexanizmlərdən idarə etmək qabiliyyətinə təsirini öyrənməyə yönəlmiş tədqiqatlar keçirilməmişdir. Lakin, nəzərə almaq lazımdır ki, Kantab ilə müalicə zamanı nadir hallarda başgicəllənmə və ya yorğunluq hissi yarana bilər.

Kantab 16 mq istifadə qaydası və dozası

İstifadə qaydası
Peroral istifadə.
Kantab qida qəbulundan asılı olmayaraq gündə bir dəfə qəbul edilməlidir.
Kandesartanın biomənimsənilməsi qidadan asılı deyil.
Hipertenziya zamanı dozalanma
Kantab-ın tövsiyə edilən başlanğıc və dəstəkedici dozası gündə bir dəfə 8 mq təşkil edir.
Antihipertenziv təsirin böyük hissəsi 4 həftə ərzində əldə olunur. Qan təzyiqi düzgün şəkildə nəzarət olunmayan bəzi xəstələrdə doza gündə bir dəfə 16 mq-dək və maksimum gündə bir dəfə 32 mq-dək artırıla bilər. Müalicəyə qan təzyiqindəki dəyişikliyə uyğun olaraq korreksiyalar edilməlidir.

Kantab digər antihipertenziv vasitələrlə birgə təyin edilə bilər. Hidroxlorotiazidin əlavə edilməsi ilə kandesartanın müxtəlif dozalarının antihipertenziv təsirinin artması göstərilmişdir.
Ürək çatışmazlığı zamanı dozalanma
Kantab-ın adətən tövsiyə olunan başlanğıc dozası gündə bir dəfə 4 mq-dır. Hədəf 32 mq dozayadək yaxud keçirilə bilən yüksək dozaya qədər artan titrasiya ən azı 2 həftəlik interval ilə dozanı iki dəfə artırılmaqla aparılmalıdır. Ürək çatışmazlığı olan xəstələrin qiymətləndirilməsinə hər zaman böyrək funksiyasının, o cümlədən, plazmada kreatininin və kaliumun monitorinqi daxil edilməlidir. Kantab ürək çatışmazlığının müalicəsi üçün istifadə olunan digər dərman
vasitələri, o cümlədən, AÇF inhibitorları, beta-blokatorlar, diuretiklər, üskükotu və ya bu dərman vasitələrinin ardıcıl və ya kombinasiyası şəklində istifadə edilə bilər. AÇF inhibitorlarının, kalium qovucu diuretiklərin (məsələn, spironolakton) Kantab®-la birgə istifadəsi tövsiyə olunmur və yalnız potensial fayda və risklərin qiymətləndirilməsindən sonra istifadəsi haqqında qərar alınmalıdır.

Xüsusi qrup xəstələr
Yaşlı və yaxud damardaxili həcmin azalması və ya böyrək çatışmazlığı və ya yüngül və orta dərəcəli qaraciyər çatışmazlığı ilə olan xəstələrdə başlanğıc dozanın tənzimlənməsinə ehtiyac yoxdur.
Pediatrik populyasiya
Yeni doğulmuş və 18 yaşa qədər olan uşaqlarda hipertenziyanın və ürək çatışmazlığının müalicəsi zamanı Kantab-ın təhlükəsizliyi və effektivliyi müəyyən edilməyib. Heç bir məlumat məlum deyildir.
Damardaxili həcmin azalması ilə xəstələr
Hipotoniya riski ehtimalı olan xəstələrdə (damardaxili həcm azalması olan xəstələr) 4 mq-lıq başlanğıc doza istifadəsi tövsiyə oluna bilər.
Böyrək çatışmazlığı olan xəstələr
Böyrək çatışmazlığı, o cümlədən hemodializdə olan xəstələrdə başlanğıc doza 4 mq-dır. Doza cavabа görə titrasiya edilməlidir. Böyrək çatışmazlığının çox ağır və ya son mərhələsi (kreatinin klirensi < 15 ml/dəq) olan xəstələrdə istifadə haqqında məlumatlar məhduddur.
Qaraciyər çatışmazlığı olan xəstələr
Yüngül və orta qaraciyər çatışmazlığı olan xəstələrə gündə bir dəfə 4 mq-lıq ilkin doza istifadəsi tövsiyə edilir. Doza cavaba uyğun olaraq dəyişdirilə bilər. Kantab® ağır qaraciyər çatışmazlığı və/və ya xolestaz olan xəstələrə əks göstərişdir.
Qara dərili xəstələr
Kandesartanın antihipertenziv təsiri qara dərili xəstələrdə qara dərili olmayan xəstələrlə müqayisədə daha zəif olur. Nəticədə, Kantab®-ın dozasının artırılması və dəstəkləyici müalicə fonunda qan təzyiqinə nəzarətə qara dərili olmayan xəstələrə nisbətən qara dərili xəstələrdə daha tez-tez ehtiyac ola bilər.

Əlavə təsirləri

Aşağıda klinik tədqiqatlar və post-marketinq araşdırmalar zamanı qeyd olunmuş əlavə təsirlər göstərilmişdir.
Əlavə təsirləri göstərmək üçün istifadə olunan tezliklər: çox tez-tez (≥ 1/10); tez-tez(≥ 1/100-dən < 1/10-dək); bəzən (≥ 1/1000-dən < 1/100-dək); nadir (≥ 1/10000-dən < 1/1000-dək); çox nadir (< 1/10000); məlum deyil (mövcud məlumatlar əsasında qiymətləndirilə bilməz).

• İnfeksiyalar və invaziyalar
• Tez-tez: tənəffüs infeksiyaları.
• Qan və limfa sistemində baş verən pozğunluqlar
• Çox nadir: leykopeniya, neytropeniya və aqranulositoz.
• Maddələr mübadiləsi və qidalanmada baş verən pozğunluqlar
• Tez-tez: hiperkaliemiya.
• Çox nadir: hiperkaliemiya, hiponatriemiya.
• Sinir sisteminda baş verən pozğunluqlar
• Tez-tez: başgicəllənmə/vertigo, baş ağrısı.
• Damar pozğunluqları
• Tez-tez: hipotenziya.
• Tənəffüs, döş qəfəsi və divararalığı pozğunluqları
• Çox nadir: öskürək.
• Mədə-bağırsaq pozğunluqları
• Çox nadir: ürəkbulanma.
• Hepato-biliar pozğunluqlar
• Çox nadir: qaraciyər fermentləri səviyyəsinin artması, qaraciyər funksiyasının pozulması və ya hepatit.
• Dəri və dərialtı toxumalarda baş verən pozğunluqlar
• Çox nadir: angionevrotik ödem, səpgi, övrə, qaşınma.
• Əzələ-skelet və birləşdirici toxumada baş verən pozğunluqlar
• Çox nadir: beldə ağrı, artralgiya, mialgiya.
• Böyrək və sidikçıxarıcı yollarda baş verən pozğunluqlar
• Çox nadir: böyrək çatışmazlığı, o cümlədən böyrək çatışmazlığına həssas olan xəstələrdə.

Laborator nəticələr
Ümumiyyətlə, kandesartanın rutin laborator göstəricilərə klinik əhəmiyyətli təsiri olmamışdır.
Renin-angiotenzin-aldosteron sisteminin digər inhibitorlarının istifadəsi zamanı hemoqlobinin az miqdarda azalması qeydə alınmışdır. Kantab® qəbul edən xəstələr üçün laborator göstəricilərinin müntəzəm monitorinqinə adətən ehtiyac olmur. Lakin, böyrək çatışmazlığı olan xəstələrdə, plazmada kreatininin və kalium səviyyəsinin mütəmadi monitorinqi tövsiyə olunur.

DƏRMAN QƏBULU ZAMANI GÖZLƏNİLMƏZ ƏLAVƏ TƏSİRLƏR YARANDIQDA HƏKİMİNİZLƏ MƏSLƏHƏTLƏŞİN!

Doza həddinin aşılması

• Simptomları
• Farmakoloji göstəriciləri nəzərə alaraq doza həddinin aşılması simptomatik hipotenziya və başgicəllənmə kimi simptomlarla özünü göstərə bilər. Doza həddinin aşılmasının (kandesartan sileksetil 672 mq qədər) aradan qaldırılması ayrı-ayrı hallarda xəstədə ağırlaşdırıcı amillər olmadan baş verirdi.
• Müalicəsi
• Əgər simptomatik hipotenziyanın yaranma riski olarsa, simptomatik müalicə aparılmalıdır və həyati vacib orqan və sistemlər nəzarətdə saxlanılmalıdırlar.
• Xəstə ayaqları yuxarı qaldırılaraq beli üstə uzadılmalıdır. Əgər bu effekt verməssə, plazmanın həcmi izotonik duz məhlulu kimi infuziyalardan istifadə olunmaqla artırılmalıdır. Simpatomimetik dərman vasitələri yuxarıda göstərilən tədbirlər effektiv olmadıqda tətbiq edilə bilər.
• Kandesartan hemodializ ilə xaric olunmur.

Buraxılış formaları

Kantab 8 mq
14 tablet, şəffaf PVX/PE/PVDX-Al blisterdə. 2 blister (28 tablet) içlik vərəqə ilə birlikdə karton qutuya qablaşdırılır.
Kantab 16 mq
14 tablet, şəffaf PVX/PE/PVDX-Al blisterdə. 2 blister (28 tablet) içlik vərəqə ilə birlikdə karton qutuya qablaşdırılır.
Kantab 32 mq
14 tablet, şəffaf PVX/PE/PVDX-Al blisterdə. 2 blister (28 tablet) içlik vərəqə ilə birlikdə karton qutuya qablaşdırılır.

Saxlanma şəraiti

25 ºC-dən aşağı temperaturda, orijinal qutusunda və uşaqların əli çatmayan yerdə saxlamaq lazımdır.

Yararlılıq müddəti

2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

NOBEL İLAÇ SANAYİİ VE TİCARET A.Ş.
Sancaklar 81100 Düzce/Türkiye.
Lisenziya sahibi
NOBEL İLAÇ SANAYİİ VE TİCARET A.Ş.
Ümraniye 34768 İstanbul/Türkiye.