BROMHEKSİN STADA
BROMHEKSİN STADA Mukolitik bəlğəmgətirici dərman vasitəsi.
BROMHEKSİN STADA Eyniləşdirmə və təsnifat
Dərman forması
0,8 mq/ml daxilə qəbul üçün məhlul
- BROMHEKSİN STADA Eyniləşdirmə və təsnifat
- Dərman forması
- Buraxılış forması
- Tərkibi
- Təsviri
- Farmakoterapevtik qrupu
- Farmakoloji xüsusiyyətləri. Farmakodinamikası
- Farmakoloji xüsusiyyətləri. Farmakokinetikası
- İstifadəsinə göstərişlər
- BROMHEKSİN STADA Əks göstərişlər
- Xüsusi göstərişlər və ehtiyat tədbirləri
- Hamiləlik və laktasiya dövründə istifadəsi
- BROMHEKSİN STADA İstifadə qaydası və dozası
- Əlavə təsirləri
- Saxlanma şəraiti
- Yararlılıq müddəti
- Aptekdən buraxılma şərti
- BROMHEKSİN STADA Qiyməti
- Qeydiyyat vəsiqəsinin sahibi
- İstehsalçı
Buraxılış forması
Daxilə qəbul etmək üçün məhlul 0,8 mq/ml.
150 ml preparat, birinci dəfə açılmaya nəzarəti təmin edən qoparıla bilən həlqə ilə birləşmiş vintli plastik qapağa malik tünd rəngli flakonda. Plastik qapağa bölğülü menzurka taxılmışdır. Hər flakonun üzərinə etiket yapışdırılır. Bir flakon içlik vərəqə ilə birlikdə karton qutuya qablaşdırılır.
Tərkibi
Təsiredici maddə: 1 ml məhlulun tərkibində 0,8 mq Bromheksin hidroxlorid vardır.
Köməkçi maddələr: levomentol, 2 mol/l xlorid turşusu, metilparahidroksibenzoat, 96%-li etanol, sorbitol, təmizlənmiş su.
Təsviri
Rəngsiz, şəffaf və zəif parıltılı mayedir.
Farmakoterapevtik qrupu
Mukolitik bəlğəmgətirici dərman vasitəsi.
Farmakoloji xüsusiyyətləri. Farmakodinamikası
Bromheksin STADA mukolitik (sekretolitik), bəlğəmgətirici və zəif öskürəkəleyhinə təsir göstərir. Mukolitik effekt mukoprotein və mukopolisaxarid liflərinin depolyarizasiyası və bronx şirəsinin seroz komponentinin artması ilə bağlıdır. Bromheksin xroniki bronxiti olan pasiyentlərdə seliyin tənəffüs yollarından xaric olmasını gücləndirir.
Farmakoloji xüsusiyyətləri. Farmakokinetikası
Bromheksin daxilə qəbul edildikdə 30 dəqiqə ərzində mədə-bağırsaq traktından praktiki olaraq tamamilə (99%) sorulur. Biomənimsənilməsi orqanizmin fərdi xüsusiyyətlərindən, aktiv maddənin qaraciyərdən ilk keçidi zamanı böyrək fermentlərinin aktivliyindən asılı olub, təxminən 20% təşkil edir. Bromheksin plazmada zülallarla birləşir, hematoensefalik və cift baryerlərindən keçir. Bromheksin qaraciyərdə demetilləşmə və oksidləşməyə məruz qalır, əmələ gələn metabolitlərin bir hissəsi (ambroksol) aktivliyini saxlamış olur. Son yarımparçalanma dövrü toxumalardan tədricən geriyə diffuziya nəticəsində 15 saat təşkil edir. Qanda maksimal qatılığa qəbul edildikdən təxminən 1 saat sonra nail olunur. Böyrəklər vasitəsilə ekskresiya olunur. Xroniki böyrək çatışmazlığı zamanı bromheksinin metabolitlərinin xaric edilməsi pozulur. Dəfələrlə istifadə edildikdə bromheksin kumulyasiya oluna bilər.
İstifadəsinə göstərişlər
Qatı bəlgəmlə müşaiyət olunan kəskin və xroniki bronx-ağciyər xəstəlikləri (bronxial astma, pnevmoniya, traxeobronxit, obstruktiv bronxit, bronxoektazlar, ağciyər emfizeması, mukovissidoz, vərəm, pnevmokonioz). Əməliyyatöncəsi dövrdə və müalicəvi və diaqnostik bronxdaxili manipulyasiyalar zamanı bronxların sanasiyası, əməliyyatdan sonra qatı yapışqan bəlğəmin yığılmasının profilaktikası.
BROMHEKSİN STADA Əks göstərişlər
- Preparatın komponentlərinə qarşı yüksək həssaslıq.
- Anamnezdə qanhayxırmanın epizodları.
- Hamiləlik və laktasiya dövrü.
- Mədənin xora xəstəliyi (kəskin dövrdə).
- 3 yaşına qədər uşaqlar.
- Fruktozaya qarşı irsi dözümsüzlük (preparatın tərkibində sorbitol olduğu üçün)
Xüsusi göstərişlər və ehtiyat tədbirləri
Bronxların hərəki fəaliyyətinin pozulduğu və ya böyük miqdarda bəlğəm xaric olunduğu halda (məsələn, nadir bədxassəli kirpiklər sindromu zamanı) bromheksin (xaric edilən bəlğəmin tənəffüs yollarında ləngiməsi riski ilə bağlı) ehtiyatla istifadə olunmalıdır. Bromheksin hidroxlorid qəbul edən pasiyentlər bəlğəmin yüksək dərəcədə xaric olmasının mümkünlüyünə dair məlumatlandırılmalıdır. Bu dərman vasitəsi mədənin selikli qişasına təsir göstərə bildiyi üçün, peptik xorası olan pasiyentlər bu preparatın istifadəsi zamanı ehtiyat tədbirlərinə riayət etməlidir.
Şəkərli diabetli xəstələrə: məhlulun 5 ml-də 1,5 q sorbitol vardır ki, bu da 0,12 çörək vahidinə uyğundur. Bromheksin hidroxlorid qəbulu ilə bağlı eksudativ eritema, Stivens-Conson sindromu, toksik epidermal nekroliz və həmçinin, kəskin generalizəolunmuş ekzentematoz pustulyoz kimi ağır dəri xəstəliklərin meydana çıxma halları qeyd olunmuşdur. Proqressiv səpgilərin simptomları və ya əlamətləri meydana çıxdığı halda (eyni zamanda selikli qişada qabarcıq və ya xoralanma ilə) müalicə dayandırılmalı və həkimə müraciət olunmalıdır. Tərkibində paraoksibenzoy turşusunun metil efiri olduğu üçün preparat ehtiyatla istifadə olunmalıdır, çünki allergik reaksiyanın inkişafı (həmçinin, müalicədən sonra) mümkündür.
Preparatın tərkibində 4% spirt vardır ki, bu da preparatın böyüklər üçün bir dozada (20 ml) – 0,6 q, müvafiq olaraq uşaqlar üçün (2,5 ml) – 0,075 q təşkil edir. Preparatın tərkibində etil spirti (4%) olduğu üçün, uşaqlarda, hamilə qadınlarda və laktasiya dövründə, baş beyin xəstəlikləri olan pasiyentlərdə, kəllə-beyin travması, xroniki alkoqolizm zamanı ehtiyatla istifadə olunmalıdır, antabus və ya metronidazol ilə yanaşı müalicə alan pasiyentlərdə istifadə olunmamalıdır. Yüksək risk qrupuna aid (məsələn, epilepsiya və qaraciyər xəstəlikləri olan) pasiyentlərdə preparat ehtiyatla istifadə olunmalıdır. Tərkibində sorbitol olduğu üçün preparat fruktozaya qarşı irsi dözümsüz-lüyü olan pasiyentlərdə istifadə edilməməlidir. Sorbitol yüngül işlədici təsir göstərə bilər.
Ehtiyatla
Anamnezində mədə qanaxması olan xəstələrdə, bronxlarda həddən artıq miqdarda şirənin toplanması ilə müşayiət olunan xəstəliklər zamanı, böyrək və/və ya qaraciyər çatışmazlığı olduqda bromheksindən ehtiyatla istifadə edilməlidir. Preparatın tərkibində spirtin olması (96%-li etanol) uşaqlara, hamilə qadınlara, baş beyin xəstəliklərindən əziyyət çəkən xəstələrə, epilepsiya, kəllə-beyin travması və alkoqolizm zamanı mənfi təsir göstərə bilər. Yuxarıda sadalanan xəstəliklər və vəziyyətlərin olduğu zaman, preparatın istifadəsindən əvvəl həkim ilə məslhətləşməyiniz zəruridir.
Hamiləlik və laktasiya dövründə istifadəsi
Hamilə qadınların bromheksindən istifadəsi tədqiq olunmamışdır. Bromheksin cift baryerindən keçir. Klinikayaqədərki məlumatlar və yığılmış praktiki təcrübə göstərir ki, hamiləlik müddətində bromheksindən istifadə zamanı orqanizmə heç bir arzuolunmaz təsir müəyyən olunmamışdır. Lakin ehtiyat üçün hamiləlik müddətində preparatın istifadəsi əks göstərişdir. Bromheksin ana südünə keçə bilər, bu səbəbdən laktasiya dövründə preparatdan istifadə əks göstərişdir.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Tövsiyə olunan terapevtik dozaların qəbulu (20 ml gündə 3 dəfə) xəstənin psixomotor reaksiyalarının sürətinə təsir göstərmir. Tərkibində təx. 4% alkoqol olan preparatın tövsiyə olunan dozalarının xeyli dərəcədə artırılması psixomotor reaksiyaların sürətinə təsir göstərə və maşınların idarə edilməsi və ya avadanlıqlarla iş zamanı təhlükə törədə bilər.
BROMHEKSİN STADA İstifadə qaydası və dozası
Daxilə.
Böyüklər və 10 yaşdan yuxarı uşaqlar: gündə 3 dəfə 10-20 ml (bromheksinin sutkalıq dozası 24-48 mq);
6-10 yaşa qədər uşaqlar, həmçinin 50 kq-dan aşağı bədən kütləsi olan xəstələrə: gündə 3 dəfə 5-10 ml (bromheksinin sutkalıq dozası 12- 24 mq);
3-6 yaşa qədər uşaqlar: gündə 3 dəfə 2,5-5 ml (bromheksinin sutkalıq dozası 12 mq);
Böyrək və/və ya qaraciyər çatışmazlığı zamanı dozanı azaltmaq lazımdır.
Rahat istifadə etmək üçün qutuda ölçü qabı yerləşdirilir.
Müalicə zamanı çoxlu maye qəbul etmək vacibdir, çünki bromheksinin sekretolitik təsirini dəstəkləyir.
Həkimin nəzarəti olmadan bromheksinin 4-5 gündən artıq qəbulu tövsiyə edilmir. Müalicədən sonra yaxşılaşma qeyd olunmadığı və ya simptomların kəskinləşdiyi halda həkim ilə məsləhətləşməyiniz zəruridir. Preparat tibbi istifadəsinə dair qısa məlumatda qeyd edilən göstərişlərə, istifadə qaydasına və dozalara əsasən istifadə olunmalıdır.
Əlavə təsirləri
- İmmun sistemdə baş verən pozğunluqlar
- Nadir: hiperhəssaslıq reaksiyaları.
- Məlum deyil: anafilaktik şok, angionevrotik ödem və qaşınma, rinit daxil olmaqla anafilaktik reaksiyalar.
- Mərkəzi sinir sistemində baş verən pozğunluqlar
- Bəzən: başgicəllənmə, baş ağrısı.
- Tənəffüs sistemi, döş qəfəsi və ortadivar orqanlarında baş verən pozğunluqlar
- Nadir: bronxospazm
- Mədə-bağırsaq traktında baş verən pozğunluqlar
- Tez-tez: ürəkbulanma, qusma, ishal, qarında ağrılar
- Məlum deyil: mədə və onikibarmaq bağırsağın xora xəstəliyinin kəskinləşməsi, dispepsiya
- Qaraciyər və öd yollarında baş verən pozğunluqlar
- Nadir: qan zərdabında "qaraciyər" transaminazalarının aktivliyinin yüksəlməsi
- Dəri və dərialtı toxumalarda baş verən pozğunluqlar
- Nadir: səpgi, övrə
Məlum deyil: ciddi dəri reaksiyaları (ekssudativ eritema, Stiven-Conson sindromu, toksiki epidermal nekroliz və həmçinin, kəskin generalizə olunmuş ekzantematoz pustulyoz daxil olmaqla).
Ümumi pozğunluqlar və yeridilmə yerində pozğunluqlar
Bəzən: yüksək hərarət
Sorbitola/fruktozaya qarşı dözümsüzlüyü olan pasiyentlərdə preparatın tərkibində olan sorbitolun təsiri altında aşağıdakı simptomlar qeyd oluna bilər: ürəkbulanma, qusma və ishal, qanda şəkər səviyyəsinin azalması (titrəmə, soyuq tər, ürək döyüntüsü, həyəcan hissi ilə müşayiət olunan), "qaraciyər" transaminazalarının aktivliyinin yüksəlməsi. Preparatın tibbi istifadəsinə dair qısa məlumatda qeyd olunan əlavə təsirlər meydana çıxdığı və ya onların kəskinləşdiyi halda və ya qısa məlumatda göstərilməyən digər əlavə təsirlər aşkarlandığı halda bu haqda həkiminizə məlumat verməyiniz zəruridir.
Saxlanma şəraiti
15-25°C temperaturda və uşaqların əli çatmayan yerdə saxlamaq lazımdır.
Yararlılıq müddəti
3 il. Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır
BROMHEKSİN STADA Qiyməti
Dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır.
Ən gözəli budur ki, Doktorm.az Platforması ilə əməkdaşlıq edən Apteklərdən sərfəli qiymətə ala bilərsiniz.
Qeydiyyat vəsiqəsinin sahibi
“Nijfarm” SC, Rusiya.
603950, Nijniy-Novqorod ş., Salqanskaya k., 7.
Tel.: (831) 278-80-88.
Faks: (831) 430-72-28.
e-mail: med@stada.ru
İstehsalçı
Takeda Farma Sp., z.o.o., Polşa.
Takeda Pharma Sp., z.o.o., Poland.
12 Ksiestwa Lowickiego St., 99-420 Lyszkowice, Poland.
Bu yazıya reaksiyanız ?
