Menloksan (Menloxan) sistem qiyməti və istifadə qaydası necədir?

Menloksan haqqında məlumat

Menloksan sistem qiyməti

Menloksan qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Menloksan sistem qiyməti 17 azn - 19 azn arasında dəyişir.  

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Menloxan sistem qiyməti -ni öyrənərək əldə edə bilərsiniz.

TƏRKİBİ:

Təsiredici maddə: 1 ml məhlulun tərkibində 5 mq levofloksasin vardır.
Köməkçi maddələr: natrium xlorid, 37%-li xlorid turşusu, inyeksiya üçün su.

FARMAKOTERAPEVTİK QRUPU:
Mikrob əleyhinə vasitə, ftorxinolon.

İSTİFADƏSİNƏ GÖSTƏRİŞLƏR:

Preparat orqanizmdə infeksiya törədən bakteriyalara bakrerisid təsir göstərdiyinə görə ağciyərlərin, böyrəklər və sidikçıxarıcı yolların, prostat vəzinin və yumşaq toxumaların (əzələ, dəri və dərialtı toxuma) xroniki infeksiyalarının müalicəsi üçün istifadə olunur.

ƏKS GÖSTƏRİŞLƏR:

– Uzun müddət eyni qrupdan (xinolon qrupu) olan antibiotiklərin qəbulu zamanı vətərlərlə bağlı problemlər (tendinit) baş verərsə;
– Uşaqlar və 18 yaşa qədər yeniyetmələr;
– Laktasiya dövrü;
– Hamiləlik və ya hamiləliyin planlaşdırılması zamanı;
– Levofloksasin və ya eyni qrupdan olan digər antibakterial preparatlara (xinolonlar: moksifloksasin, siprofloksasin, ofloksasin) və ya preparatın tərkibindəki hər hansı bir komponentə qarşı yüksək həssaslıq. Allergik reaksiyaların əlamətlərinə – səpgilər, udmanın və tənəffüsün çətinləşməsi, dil, dodaq, boğaz və üzün şişməsi və epileptik tutmalar aid ola bilər.
Yuxarıda qeyd olunan əlamətlərdən hər hansı biri müşahidə edilərsə, preparatı istifadə etməyin. Əlavə suallar yarandığı hallarda həkiminizə, əczaçıya və ya tibb bacısına muraciət edin.

XÜSUSİ GÖSTƏRİŞLƏR VƏ EHTİYAT TƏDBİRLƏRİ:

– Yaş 65-dən yuxarıdırsa,
– “Steroidlər” adlanan kortikosteroid preparatlar qəbul edilirsə (bax: “Digər dərman vasitələri
ilə qarşılıqlı təsiri”),
– Əgər epileptik tutmalar olursa,
– Baş beyinin zədələnmələri (insult, ağır kəllə-beyin travmaları) və ağır böyrək problemləri,
– Genetik və ya real olaraq qaraciyərdə qlükoza-6-fosfatdehidrogenaza (G6PD) çatışmazlığı
və psixi xəstəliklər fonunda preparatın qəbulu qanda ciddi problemlərin yaranma ehtimalını
artırır.
– Ürək, qaraciyər xəstəlikləri, şəkərli diabet və miasteniya zamanı preparatın qəbulundan öncə həkimə, əczaçıya və ya tibb bacısına müraciət edilməlidir. Dəri günəş şüalarından qorunmalıdır.
Preparatın qəbulu zamanı dərinin birbaşa düşən günəş şüalarına qarşı həssaslığı yüksəldiyindən
aşağıdakılara riayət olunmadığı halda yanıqlar, qaşınma və ya daha ağır dəri travmaları yarana bilər: mütləq yüksək qorunma faktorlu dəri kremlərindən və baş örtüyündən istifadə etməli və bədənin digər açıq hissələrini (ayaqlar, qollar) örtən geyim geyinilməlidir.

DİGƏR DƏRMAN VASİTƏLƏRİ İLƏ QARŞILIQLI TƏSİRİ:

Digər dərman preparatları ilə levofloksasinin birgə qəbulu zamanı ehtiyatlı olun. Qəbul etdiyiniz
və ya yenicə qəbulunu dayandırdığınız preparat haqqında həkiminizi məlumatlandırın. Bu preparatlara reseptsiz buraxılan, o cümlədən bitki tərkibli dərman preparatları da aiddir. Bəzi dərman preparatları levofloksasinin təsirini azalda bilər.
Xüsusilə aşağıdakı dərman preparatlarının qəbulu zamanı həkimi mütləq xəbərdar
edin. Çünki levofloksasinin digər dərman preparatları ilə yanaşı təyini bir sıra əlavə
təsirlərin yaranma riskini artıra bilər:
İltihabəleyhinə istifadə olunan kortikosteroidlərlə birgə təyini iltihab riskini və vətərlərin qırılma
riskini artıra bilər.
Qanın durulaşdırılması üçün istifadə olunan varfarinlə birgə təyini qanaxma riskini artıra bilər.
Bu səbəbdən həkim qanın laxtalanma dərəcəsini müəyyən etmək üçün qan analizi təyin edə
bilər. Astmanın müalicəsində isifadə olunan teofıllinin qəbulu zamanı “astmatik tutma” riski
yüksələ bilər. Qeyri-steroid iltihab əleyhinə preparatların (QSİƏP) – aspirin, ibuprofen, fenbufen,
ketoprofen və indometasinlə yanaşı qəbulu zamanı levofloksasinin effekti güclənə bilər. Orqan transplantasiyası zamanı istifadə olunan siklosporinin levofloksasinlə birgə təyini zamanı sonuncunun təsir effekti uzana bilər. Bir sıra dərman preparatları ilə (xinidin və amiodaron kimi antiaritmiklər) birgə təyini ürək döyüntülərinin sayına təsir göstərə bilər. Bu preparatlara, həmçinin trisiklik antidepressantlar (amitriptillin, imipramin) aiddir. Makrolid qrupu antibiotikləri (eritromisin, azitromisin, klaritromisin), probenesid, simetidin levofloksasinlə birgə çox ehtiyatla təyin olunmalıdır. Böyrək problemləri zamanı həkim levofloksasinin dozasını azalda bilər.
Opiatların təyini zamanı sidik analizi:
Levofloksasin qəbul edən xəstələrdə güclü ağrıkəsicilər təyin etmək üçün verilən sidik analizi “yanlış müsbət” nəticə verə bilər. Bu səbəbdən qeyd olunan analizin verilməsi zəruri olan hallarda həkiminizi levofloksasin qəbul etdiyiniz haqda məlumatlandırın.

HAMİLƏLİK VƏ LAKTASİYA DÖVRÜNDƏ İSTİFADƏSİ:

Əgər hamiləsinizsə və ya hamilə olma ehtimalınız varsa levofloksasini qəbul etməyin və ya
preparatın qəbulundan öncə həkim və ya əczaçı ilə məsləhətləşin.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə
təsiri:
Başgicəllənmə, yuxululuq və s. kimi bir sıra əlavə təsirlər diqqətin yayınması və reaksiyanın
zəifləməsinə səbəb ola bilər. Əgər bu kimi əlavə təsirləri özünüzdə hiss edirsinizsə, avtomobil
və diqqət tələb edən mexanizmləri idarə etməyin.

Levofloksasinin infuziya üçün məhlulunun hazırlanması:
Levofloksasin stasionar şəraitdə təyin olunan dərman preparatıdır. Preparat həkim va ya tibb bacısı tərəfindən müəyyən bir zaman ərzində venadaxili infuziya halında tətbiq edilir – 500 mq-lıq levofloksasin məhlulu üçün bu müddət 60 dəqiqə və ya bir qədər artıq ola bilər.
Preparatın yeridilmə müddətində ürək ritminə və qan təzyiqinə nəzarət olunmalıdır, çünki,
ürək ritminin pozulması və qan təzyiqinin müvəqqəti olaraq düşməsi antibiotiklərin venadaxili
yeridilməsi zamanı yarana biləcək əlavə təsirlərdir. Əgər levofloksasinin təyini müddətində
qan təzyiqi əhəmiyyətli dərəcədə düşərsə, preparatın qəbulunu təcili olaraq dayandırmaq
lazımdır.

İSTİFADƏ QAYDASI VƏ DOZASI:

Böyüklər: Pnevmoniya zamanı: gündə 2 dəfə 500 mq. Sidik çıxarıcı yolların, sidik kisəsinin
və böyrəklərin infeksion xəstəlikləri zamanı: gündə 1 dəfə 250 mq (ağır infeksiyalar zamanı
doza yüksəldilə bilər). Prostat vəzinin infeksion xəstəlikləri zamanı: gündə 1 dəfə 500 mq. Dəri və dərialtı toxuma infeksiyaları zamanı: gündə 2 dəfə 500 mq. Böyrək problemləri zamanı doza azaldıla bilər.

ƏLAVƏ TƏSİRLƏRİ:

Əlavə təsirlərin tezliyi aşağıdakı parametrlərlə təyin edilir: çox tez-tez (≥1/10), tez-tez (≥1/100 – < 1/10); bəzən (≥ 1/1000 – < 1/100); nadir hallarda (≥ 1/10000 – <1/1000); çox nadir hallarda (< 1/10000); məlum deyil (əldə olunan məlumata gorə tezliyi qiymətləndirmək mümkün deyil).
Ürək-damar sistemi tərəfindən: nadir hallarda – sinus taxikardiyası, ayrı-ayrı hallarda – QT intervalının uzanması.
Qan və limfa sistemi tərəfindən: nadir hallarda – leykopeniya (qanda leykositlərin sayının azalması), eozinofıliya (qanda eozinofillərin sayının azalması); nadir hallarda – neytropeniya (qanda neytrofillərin sayının azalması), trombositopeniya (qanda trombositlərin sayının azalması); ayrı-ayrı hallarda – pansitopeniya (qan döranında bütün qan huceyrələrinin sayının azalması), aqranulositoz (qan dövranında qranulositlərin sayının kəskin azalması və ya yox olması), hemolitik anemiya.
Sinir sistemi tərəfindən: tez-tez – baş ağrıları, başgicəllənmə, nadir hallarda – yuxuya meyllilik, tremor, disgevziya (dad bilmənin pozulması); nadir hallarda – paresteziya, qıcolmalar; çox nadir hallarda – periferik sensor neyropatiya, periferik senso-motor neyropatiya, diskineziya, ekstrapiramid pozulmalar, dadbilmə hissinin itməsi, parosmiya (qoxu hissinin pozulmaları, xususilə də qoxunun subyektiv hissi, obyektiv hissin olmaması), tam qoxu bilmənin itməsinə qədər.
Görmə orqanları tərəfindən: çox nadir hallarda – görünən təsvirin yayılması kimi görmənin
pozulması.
Eşitmə orqanları tərəfindən və labirint pozulmaları: nadir hallarda – vertiqo (bədənin və ya
ətraf əşyaların fırlanma hissi); nadir hallarda – qulaqlarda küy, ayrı-ayrı hallarda – eşitmənin zəifləməsi.
Tənəffus sistemi və döş qəfəsi orqanları tərəfindən: nadir hallarda – tənginəfəslilik; ayrı-ayrı hallarda – bronxospazm, allergik mənşəli pnevmoniya.
Mədə-bağırsaq sistemi tərəfindən: tez-tez – ishal, ürəkbulanma, qusma; nadir hallarda – qarın nahiyəsində ağrılar, dispepsiya; nadir hallarda – psevdomembranoz kolit daxil olmaqla, enterokolitin əlaməti olan hemorragik ishal.
Böyrək və sidikçıxarıcı sistem tərəfindən: bəzən – qan zərdabında kreatininın miqdarının artması; nadir hallarda – kəskin böyrək çatışmazlığı (məsələn, interstisial nefrit nəticəsində).
Dəri və dərialtı toxumalar tərəfındən: bəzən – səpgilər, qaşınma, məxmərək; ayrı-ayrı hallarda – toksik epidermal nekroliz, Stivens-Conson sindromu, multiformalı ekssudativ eritema, fotosensibilizasiya reaksiyaları (günəş və ultrabənövşəyi şüalara qarşı yüksək həssaslıq), leykositoklastik vaskulit. Dəri və selikli qişa tərəfindən reaksiyalar preparatın ilkin dozanın qəbulundan sonra əmələ gələ bilər.
Skelet-əzələ və birləşdirici toxuma sistemi tərəfındən: bəzən – artralgiya, mialgiya; nadir hallarda – tendinit daxil olmaqla vətərlərin zədələnməsi (məsələn, axil vətəri), əzələ zəifliyi hansı ki, psevdoparalitik miasteniya olan xəstələrdə xüsusilə təhlükəli ola bilər; ayrı-ayrı hallarda – rabdomioliz, vətərlərin qırılması. Bu əlavə təsir mualicə başlayan andan 48 saat ərzində müşahidə oluna bilər və ikitərəfli xüsusiyyət daşıya bilər.
Maddələr mübadiləsi və qidalanma tərəfındən: bəzən – anoreksiya, nadir hallarda – hipoqlikemiya, xüsusilə şəkərli diabetli xəstələrdə (hipoqlikemiyanın ehtimal olunan əlamətləri: “canavar” iştahası, əsəbilik, tərləmə, titrətmə).
İnfeksion və parazitar xəstəliklər: bəzən – göbələk infeksiyaları, patogen mikroorqanizmlərə qarşı rezistentliyin yaranması.
Damarlar tərəfindən: nadir hallarda – AT-in aşağı enməsi.
Ümumi pozulmalar: bəzən – asteniya, nadir hallarda – pireksiya (bədən hərarətinin artması).
İmmun sistemi tərəfındən: nadir hallarda – angionevrotik ödem; ayrı-ayrı hallarda – anafilaktik şok, anafilaktoid şok. Bəzən anafılaktik və anafılaktoid reaksiyalar preparatın ilkin dozasının qəbulundan sonra əmələ gələ bilər.
Qaraciyər və ödçıxarıcı yollar tərəfındən: tez-tez – qanda qaraciyər fermentlərinin aktivliyinin artması, bəzən – qanda bilirubinin miqdarının artması; ayrı-ayrı hallarda – kəskin qaraciyər çatışmazlığının yaranması halları ilə ağır qaraciyər çatışmazlığı, xususilə əsas xəstəliyi ağır gedişli olan xəstələrdə (məsələn, sepsis zamanı); hepatit.
Psixika tərəfındən: tez-tez – yuxusuzluq, bəzən – həyacan hissi, huşun qarışması, nadir hallarda – psixi pozulmalar (məsələn, hallusinasiyalar), depressiya, ajitasiya (oyanıqlıq), yuxu pozulmaları, gecə vahimələri; ayrı-ayrı hallarda – özünə xələl yetirməklə və davranışın pozulması ilə müşayiət olunan psixikanın pozulması, suisidal fıkirlər və suisidal cəhətlər daxil olmaqla.
Ftorxinolonlara aid olan digər ehtimal olunan arzu olunmaz təsirlər: çox nadir hallarda- porfıriya tutmaları (maddələr mübadiləsinin nadir xəstəliyi) ilə əziyyət cəkən porfiriyalı xəstələr.
Digər əlavə təsirlər: tez-tez: inyeksiya yerində ağrılar və qızarmalar və ya flebit; bəzən – ümumi zəiflik (asteniya); nadir hallarda – hərarət. Hər bir antibiotikoterapiya zamanı insan orqanizmində normada olan mikrofloranın (bakteriya və göbələklər) dəyişilməsinə gətirib çıxara bilər. Bu səbəbdən qəbul olunan antibiotiklərə (ikincili infeksiya və superinfeksiya) rezistent olan bakteriya və göbələklərin kütləvi çoxalması müşahidə oluna bilər, bu da əlavə müalicə tələb edə bilər.

DOZA HƏDDİNİN AŞILMASI:

Təsadüfən doza həddinin aşılması huşun itməsi, başgicəllənmə, qıcolma kimi mərkəzi sinir sistemi pozulmalarına gətirib çıxara bilər. Həmçinin, ürək xəstəlikləri və aritmiyalar yarana bilər. Əgər doza həddinin aşılmasından şübhələnirsinizsə mütləq həkiminizə müraciət edin.

Əgər levofloksasinin qəbulunu unutmusunuzsa:

Həkim sizə preparatın qəbul qaydası və dozalanmaya dair resept təyin etməlidir. Preparatın
təyin olunduğu kimi qəbul edilməməsi ehtimalı çox az olsa belə, şübhələriniz olduğu halda
həkiminizə və ya tibb bacısına müraciət edin.
Preparatın qəbulunu dayandırmaq istədiyiniz zaman həkiminizə və ya tibb bacısına müraciət
edin, özünüzü yaxşı hiss etsəniz belə, həkim müalicəni müəyyən müddət davam etdirə bilər.
Çünki preparatın qəbulunun vaxtından əvvəl dayandırılması mikrob ştammlarının levofloksasinə
qarşı davamlılığının yaranmasına və ya daha ağır nəticələrə səbəb ola bilər.
Levofloksasin infuziyasının bir necə günlük təyinindən sonra həkim müalicəni həmin preparatın
tablet forması ilə davam etdirə bilər.

BURAXILIŞ FORMASI:

100 ml (500 mq) məhlul, şüşə flakonlarda.
1, 5 və ya 25 flakon içlik vərəqəsi ilə birlikdə karton qutuya qablaşdırılır.

SAXLANMA ŞƏRAİTİ:

250C temeraturdan yüksək olmayan, işıqdan qorumaqla və uşaqların əli çatmayan yerdə saxlamaq lazımdır.
İnfuziya zamanı və ilkin xarici qablaşdırma açıldıqdan sonrakı 3 gün ərzində işıqdan müdafiə
tələb olunmur. Preparatın rezin tıxacı istifadə məqsədilə şpris vasitəsilə deşildikdən
sonra bakterial yoluxmanın qarşısını almaq üçün 3 saat ərzində istifadə olunmalıdır.

Yararlılıq müddəti:

Yararlılıq müddəti qablaşdırıldığı qutunun üzərində göstərilir.
Yararlılıq müddəti bitdikdən sonra istifadə etmək olmaz.

Aptekdən buraxılma şərti:

Resept əsasında buraxılır.

MƏHSULUN VƏ ƏMTƏƏ NİŞANININ SAHİBİ: 

“ORNADO MEDICINE” – Böyük Britaniya.
İSTEHSALÇI: “BIOINDUSTRIA LIM”, Laboratorio Italiano Medicinali S.p.A. – İtaliya.

Menloksan sistem nə üçündür?

1. Yuxarı tənəffüs yollarının digər xəstəliklərində istifadə olunan dərmanlar
2. Aşağı tənəffüs yollarının digər xəstəliklərində istifadə olunan dərmanlar
3. Böyrək və sidik  yollarının  iltihabında istifadə olunan dərmanlar
4. Dəri infeksiyaları zamanı istifadə olunan dərmanlar
5. Bakterial xəstəliklər əleyhinə dərmanlar
6. COVID-19 ilə mübarizə

Qeyd: Hər hansı bir əlavə və ya dərmanı qəbul etməzdən əvvəl həkimlə məsləhətləşmək vacibdir. Həkim, sizin üçün ən uyğun müalicə metodunu təyin edə bilər və əlavə qəbulunun sizin sağlamlığınıza necə təsir edəcəyini dəyərləndirə bilər.