Biprol 5 mq N30

Biprol 5 mq N30 Eyniləşdirmə və təsnifat

ATC kodu - С07АВ07
Beynəlxalq patentləşdirilməmiş adı - Bisoprolol

Buraxılış forması

5 mq və ya 10 mq örtüklü tabletlər. 10 tablet, polivinilxlorid və alüminium folqa konturlu-yuvalı qablaşdırmada. 3, 5 və ya 10 konturlu-yuvalı qablaşdırma içlik vərəqə ilə birlikdə karton qutuya qablaşdırılır.

BİPROL Tərkibi

Təsiredici maddə: 1 tabletin tərkibində 5 mq/10 mq bisoprolol fumarat vardır.

Köməkçi maddələr: mikrokristallik sellüloza, ludipress LSE (laktoza monohidrat, povidon), qarğıdalı nişastası, kolloidal silisium dioksid, krospovidon (kollidon CL), maqnezium stearat.

Örtük: titan dioksid, makroqol (polietilenqlikol 4000), hipromelloza, talk.

İstifadəsinə göstərişlər

• Arterial hipertenziya;
• Ürəyin işemik xəstəliyi: stabil stenokardiya tutmalarının profilaktikası.

Əks göstərişlər

• Bisoprolola və ya preparatın tərkibində olan hər hansı köməkçi komponentə qarşı yüksək həssaslıq;
• kəskin ürək çatışmazlığı, inotrop müalicənin aparılması tələb olunan dekompensasiya mərhələsində xroniki ürək çatışmazlığı;
• kardiogen şok;
• II-ci və III-cü dərəcəli atrioventrikulyar (AV) blokada, elektrokardiostimulyator olmadan;
• sinus düyününün zəifliyi sindromu;
• sinoatrial blokada;
• şiddətli bradikardiya (ÜYT 60 vurğu/dəqiqədən az);
• şiddətli arterial hipotenziya (sistolik AT 100 m.c.s-dan aşağı);
• bronxial astmanın ağır formaları;
• periferik arterial qan dövranının ağır dərəcəli pozğunluqları və ya Reyno sindromu;
• feoxromositoma (α-adrenoblokatorların eyni zamanda istifadəsi olmadan);
• metabolik asidoz;
• 18 yaşa qədər (göstərilən yaş qrupunda preparatın effektivliyi və təhlükəsizliyi barədə kifayət qədər məlumat yoxdur);
  laktaza çatışmazlığı, qalaktozaya qarşı dözümsüzlük, qlükoza-qalaktoza malabsorbsiyası (preparatın tərkibinə laktoza daxildir). 

Xüsusi göstərişlər və ehtiyat tədbirləri

Aşağıdakı hallarda preparatı ehtiyatla istifadə etmək lazımdır: desensibilzəedici müalicə aparıldıqda, Prinsmetal stenokardiyası, hipertireoz, 1-ci tip şəkərli diabet və ya qanda qlükozanın konsentrasiyasının əhəmiyyətli dərəcədə dəyişməsi ilə müşayiət olunan şəkərli diabet, I-ci dərəcəli AV blokada, ağır dərəcəli böyrək çatışmazlığı (kreatinin klirensi 20 ml/dəqiqədən aşağı), qaraciyər funksiyalarının ağır dərəcəli pozğunluqları, psoriaz, restriktiv kardiomiopatiya, anadangəlmə ürək qüsurları və ya ağır dərəcəli hemodinamik pozğunluqlarla müşayiət olunan ürək qapağı qüsurları, son 3 ay müddətində miokard infarktı ilə müşayiət olunan xroniki ürək çatışmazlığı, ağciyərlərin xroniki obstruktiv xəstəliyinin ağır formaları, ciddi pəhriz.

Biprol preparatı ilə aparılan müalicəni birdən-birə dayandırmaq və əvvəlcədən həkimlə məsləhətləşmədən preparatın tövsiyə olunan dozasını dəyişmək olmaz, çünki bu, ürək fəaliyyətinin müvəqqəti pisləşməsinə gətirib çıxara bilər. Aparılan müalicəni, xüsusilə ÜİX-dən əziyyət çəkən pasiyentlərdə, qəflətən dayandırmaq olmaz. Müalicənin dayandırılması tələb olunduqda, dozanı tədricən aşağı salmaq lazımdır.

Biprol preparatı ilə aparılan müalicənin başlanğıc mərhələlərində pasiyentlərə müntəzəm nəzarət etmək tələb olunur.

Aşağıdakı hallarda preparatı ehtiyatla istifadə etmək lazımdır:

• AXOX-un ağır formaları və bronxial astmanın ağır olmayan formaları;
• qanda qlükozanın konsentrasiyasının əhəmiyyətli dərəcədə dəyişməsi ilə müşayiət olunan şəkərli diabet: qlükozanın konsentrasiyasının şiddətli aşağı düşməsinin (hipoqlikemiyanın) taxikardiya, ürək çırpınması və ya tər ifrazının yüksəlməsi kimisimptomları maskalana bilərlər;
• ciddi pəhriz;
• desensibilizasiyaedici müalicənin aparılması;
• I-ci dərəcəli AV blokada;
• Prinsmetal stenokardiyası;
• periferik arterial qan dövranının yüngül və orta dərəcəli pozğunluqları (müalicənin əvvəlində simptomların güclənməsi meydana çıxa bilər);
• psoriaz (o cümlədən, anamnezdə).

Tənəffüs sistemi: bronxial astma və ya AXOX zamanı bronxgenişləndirici preparatların eyni zamanda istifadəsi göstərişdir. Bronxial astmadan əziyyət çəkən pasiyentlərdə tənəffüs yollarının rezistentliyinin yüksəlməsi baş verə bilər ki, bu da β2-adrenomimetiklərin daha yüksək dozasının istifadəsini tələb edə bilər. AXOX-dan əziyyət çəkən pasiyentlərdə ürək çatışmazlığının müalicəsi məqsədi ilə kompleks müalicədə təyin olunan bisoprololun istifadəsini ən aşağı mümkün dozadan başlamaq lazımdır, yeni simptomların (məsələn, təngnəfəsliyin, fiziki yüklənməyə qarşı dözümsüzlüyün, öskürəyin) meydana çıxmasına nəzarət etmək üçün isə pasiyentləri diqqətlə müşahidə etmək lazımdır.

Allergik reaksiyalar: Biprol preparatı daxil olmaqla, β-adrenoblokatorlar allergenlərə qarşı həssaslığın yüksəlməsinə və onların təsiri altında adrenergik kompensator requlyasiyanın zəifləməsinə görə anafilaktik reaksiyaların ağırlıq dərəcəsinin artmasına səbəb ola bilərlər. Epinefrin (adrenalin) ilə aparılan müalicə hər zaman gözlənilən terapevtik effekti vermir.

Ümumi anesteziya: ümumi anesteziya aparıldıqda, β-adrenoreseptorların blokadasının meydana çıxma riskini nəzərə almaq lazımdır. Cərrahi müdaxilədən əvvəl Biprol preparatı ilə müalicənin dayandırılması üçün zərurət yarandıqda, bunu tədricən etmək və ümumi anesteziyanın aparılmasından 48 saat əvvəl sona çatdırmaq lazımdır. Pasiyentin bisoprolol qəbul etməsi barədə həkim-anestezioloqu məlumatlandırmaq lazımdır.

Feoxromositoma: böyrəküstü vəzilərin şişindən (feoxromositomadan) əziyyət çəkən pasiyentlərə Biprol preparatını yalnız α-adrenoblokatorların istifadəsi fonunda təyin etmək olar.

Hipertireoz: Biprol preparatı ilə müalicə aparıldıqda, qalxanabənzər vəzinin hiperfunksiyasının (hipertireoz) simptomları maskalana bilərlər.

Biprol 5 mq N30 İstifadə qaydası və dozası

Biprol preparatını daxilə, səhər, sutkada 1 dəfə bir qədər maye ilə birlikdə, səhər yeməyindən əvvəl, səhər yeməyi zamanı və ya ondan sonra qəbul etmək lazımdır. Tabletləri çeynəmə və ya toz şəklinə salmaq olmaz. Bütün hallarda, ürək yığılmalarının tezliyini və pasiyentin vəziyyətini nəzərə alaraq, preparatın qəbul rejimini və dozasını hər bir pasiyent üçün həkim fərdi olaraq, təyin edir.

Arterial hipertenziya və ürəyin işemik xəstəliyi olduqda, preparatı sutkada 1 dəfə 5 mq dozada təyin etmək lazımdır. Zərurət yarandıqda, dozanı sutkada 1 dəfə 10 mq-a qədər artırmaq olar. Arterial hipertenziyanın və stenokardiyanın müalicəsi aparıldıqda, maksimal sutkalıq doza sutkada 1 dəfə 20 mq təşkil edir.

Böyrək funksiyalarının ağır dərəcəli pozulmasından (kreatinin klirensi 20 ml/dəqiqədən aşağı) və ya qaraciyər funksiyalarının ağır dərəcəli pozulmasından əziyyət çəkən pasiyentlər üçün maksimal sutkalıq doza, sutkada 1 dəfə 10 mq təşkil edir. Belə pasiyentlərdə dozanın artırılmasını xüsusi ehtiyatla həyata keçirmək lazımdır.

Yaşlı pasiyentlər üçün dozanın korreksiyası tələb olunmur.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

İstehsalçı

“Hemofarm” MMC, Rusiya.
249032, Kaluqa vilayəti, Obninsk şəh., Kiyevskoye şossesi, ev 62.
Tel.: (484) 399 0500, faks: (484) 399 0525.