Dilyutiks 75 mg

Dilyutiks 75 mg

Buraxılış : Reseptli

İxtisas : Kardiologiya

Beynəlxalq patentləşdirilməmiş adı: Clopidogrel

Dilyutiks 75 mg Tərkibi 

Təsiredici maddə: hər örtüklü tabletinin tərkibində 75 mqklopidoqrel (97,875 mq klopidoqrel hidrosulfat şəklində) 

Köməkçi maddələr: susuz laktoza, mikrokristallik sellüloza (Avicel PH 102), natrium kroskarmelloza, silisium dioksid(Aerosil 200), talk, maqnezium stearat; Opadry II Pink 32K14834 (laktoza monohidrat, hipromelloza, titan dioksid, triasetin, qırmızı dəmir oksidi) vardır

Təsviri

Çəhrayı rəngli, yumru, bir tərəfində "75"basma yazılı örtüklü tabletlər.

Farmakoterapevtik qrupu

Antiaqreqant. 

ATC kodu: B01AC04

Farmakoloji xüsusiyyətləri

Farmakodinamikası

Dilyutiks 75 mg nə üçündür?

Klopidoqrel – prodərmandır, selektiv olaraq adenozin-difosfatın (ADF), onun trombositlər üzərində olan reseptorları ilə birləşməsini və GPIIb-IIIakompleksinin ADF ilə törənən sonrakı aktivləşməsini inhibə edir, bu da trombositlərin aqreqasiyasının qarşısını alır.Klopidoqrelın təkrar olaraq gündə 75 mq dozada istifadəsi ilk gündən trombositlərin ADF-dən asılı aqreqasiyasını əhəmiyyətli dərəcədə inhibisiya edir; bu, tədricən artır və 3-cü 7-ci günlər arası sabit vəziyyətə çatır. Trombositlərin aqreqasiyası və qanaxma müddəti müalicə kəsildikdən sonra 5 gün ərzində tədricənbərpa olunur.

Farmakokinetikası

Gündə 75 mq tək və təkrar dozada daxilə qəbul edildikdə klopidoqrel sürətlə sorulur. Klopidoqrelın metabolitlərininsidiklə xaric olunmasına əsasən, klopidoqrelın sorulması 50%-dənaz təşkil edir. 

Klopidoqrel və onun əsas sirkulyasiya edən metaboliti in vitrogeriyə dönən şəkildə insanın plazma proteinləri ilə (müvafiq olaraq 98% və 94%) birləşir. Klopidoqrel qaraciyərdə aktiv metabolizmə uğrayır. İnsanlarda daxilə qəbuldan sonra 120 saat ərzində 14Сkimi nişanlanan klopidoqrelın təqribən 50%-i sidiklə və 46%-i nəcislə xaric olunur. 

İstifadəsinə göstərişlər

Böyükxəstələrdəaterotrombotik fəsadların profilaktikası: 

miokard infarktı,işemik insultvə yamüəyyən edilmişperiferik arteriyaların okklüzion xəstəliyiolanxəstələrdə;

ST seqmentinin yüksəlməsi ilə müşayiət olunmayan kəskin koronar sindromlu xəstələrdə (qeyri-stabil stenokardiya və ya Q dalğasız miokard infarktı), dəridən keçən koronar müdaxilə və ya aorto-koronar şuntlama əməliyyatı olan xəstələr daxil olmaqla (stentləmə ilə və ya stentləməsiz);

ST seqmentinin yüksəlməsi ilə müşayiət olunan kəskin koronar sindromlu xəstələrdə (kəskin miokard infarktı) dərman vasitələrlə müalicə və mümkün olan trombolitik terapiya zamanı asetilsalisil turşusu ilə kombinasiyada.

Qulaqcıq fibrillyasiya zamanı aterotrombotik və tromboembolik fəsadlarınınprofilaktikası (insult daxil olmaqla):          

damar fəsadların yaranmasının ən azı bir risk faktoru olan, K vitaminin antaqonistləri ilə müalicə ala bilməyən və qanaxmanın yaranma ehtimalı aşağı olan böyükxəstələrdə qulaqcıq fibrillyasiya zamanı (asetilsalisil turşusu ilə kombinasiyada).

Dilyutiks 75 mg Əks göstərişlər

• Klopidoqrela və ya preparatın digər komponentlərinə qarşı yüksək həssaslıq.
• Ağır qaraciyər çatışmazlığı.
• Peptik xoradanqanaxmavə ya kəllədaxili qansızma kimikəskin patolojı qanaxmalar.

Xüsusi göstərişlər

Klopidoqrelilə müalicə zamanıqanaxma və arzuolunmaz hematoloji reaksiyaların yaranma ehtimalına görə mümkün qanaxmanın klinik simptomları meydana çıxdıqda dərhal qanın analizi keçirilməlidir. 

Digər antiaqreqantlarda olduğu kimitravma,cərrahi əməliyyat və ya digər patoloji hallar nəticəsində qanaxma riski yüksək olan xəstələrdə, həmçininasetilsalisil turşusu, QSİƏP, heparin, IIb/IIIаqlikoprotein inhibitorları və trombolitiklərlə müalicə alan xəstələrdə klopidoqrelehtiyatla istifadə olunmalıdır. 

Klopidoqrelqəbulu zamanı, xüsusilə müalicənin birinci həftəsində və/və ya invaziv kardioloji prosedurlardan və ya cərrahi əməliyyatlardansonra qanaxmanın (o cümlədən gizli) əlamətləri istisna etmək məqsədi ilə xəstə həkimin ciddi nəzarət altında olmalıdır.Planlaşdırılmış cərrahi əməliyyatlar zamanıantitrombositar effekti arzu edilməz olduğu üçün klopidoqrelın istifadəsi əməliyyatdan 7 gün əvvəldayandırılmalıdır.Klopidoqrel, qanaxma müddətini uzatdığına görə, qanaxmaya meylli (xüsusilə də mədə-bağırsaq və göz daxili) olan xəstələrdə ehtiyatla istifadə edilməlidir. Klopidoqrel qəbulu zamanı(monoterapiya kimi və ya asetilsalisil turşusu ilə kombinasiyada) qanaxmanın dayanması üçün daha artıq vaxtın tələb olunması və həmçinin onlarda qeyri-adi qanaxma olduqda müalicə həkiminə müraciət etməyin vacibliyi haqqında xəstələr xəbərdar edilməlidir.Hər hansı bir əməliyyatdan və yeni dərmanın təyin edilməsindən əvvəl xəstələr klopidoqrel qəbul etdikləri haqqında həkimə (o cümlədən stomatoloqa)məlumat verməlidir. Klinik təcrübə məhdud olduğundan böyrək çatışmazlığıolan xəstələrdə klopidoqrel ehtiyatla istifadə edilməlidir.Klopidoqrelorta dərəcəli qaraciyər çatışmazlığı olan xəstələrdəhemorragik diatez yaranma ehtimalına görə ehtiyatla təyin olunmalıdır. 

Dilyutiks örtüklü tabletlərinintərkibində laktoza vardır. Qalaktozaya qarşı dözümsüzlük, Lapp laktaza çatışmazlığı və ya qlükoza-qalaktoza malabsorbsiyası sindromu kimi nadir irsi xəstəlikləri olan xəstələrdə bu preparat istifadə olunmamalıdır. 

Hər Dilyutiks örtüklü tabletlərinin tərkibində 0,000167 mmol-dan (və ya 0,0038 mq-dan) az natrium var; həmin miqdarda olduqda hər hansı bir xüsusi göstəriş tələb olunmur. 

Hamiləlik və laktasiya dövründə istifadəsi

Hamiləlik kateqoriyası - B

Klinik istifadəsi haqqında məlumat olmadığından hamilə qadınlara klopidoqrelın təyin olunması məsləhət görülmür.  

Farmakokinetik/toksikoloji tədqiqatlar göstərmişdir ki, klopidoqrel və onun metabolitləri ana südü ilə ifraz olunur. Bu səbəbdən klopidoqrelın qəbulu zamanı ana südü ilə qidalandırma dayandırılmalıdır. 

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Preparatın qəbulunəqliyyat vasitələrini və digər mexanizmləri idarəetmə qabiliyyətinəhər hansı bir təsir göstərmir. 

Digər dərman vasitələri ilə qarşılıqlı təsiri

Peroral antikoaqulyantlar

Klopidoqrelın və peroral antikoaqulyantların birgə istifadəsi tövsiyə olunmur (qanaxmaların intensivliyi arta bilər).

Qlikoprotein IIb/IIIainhibitorları

KlopidoqrelqlikoproteinIIb/IIIainhibitorları ilə müalicə alan xəstələrdə ehtiyatla istifadə olunmalıdır.

Asetilsalisil turşusu

Asetilsalisil turşusu klopidoqrelın trombositlərin ADF-dən asılı aqreqasiyasına göstərdiyi inhibəedici təsirini dəyişmir, lakin klopidoqrel asetilsalisil turşusunun trombositlərin kollagendən asılı aqreqasiyasına göstərdiyi təsirini gücləndirir.Asetilsalisil turşusunun 1 gün ərzində 2 dəfə 500 mq dozada klopidoqrel ilə birgə istifadəsi klopidoqrelın qəbulu ilə bağlı qanaxmanın müddətini əhəmiyyətli dərəcədə artırmamışdır.Klopidoqrel və asetilsalisil turşusu arasında, qanaxma riskinin artması ilə nəticələnən qarşılıqlı farmakodinamik təsir yarana bilər, buna görə də bu preparatların birgə istifadəsi zamanı ehtiyatlı olmaq lazımdır. 

Heparin

Sağlam könüllülər üzərində aparılan klinik tədqiqatların nəticələrinə əsasən klopidoqrel ilə birgə istifadəsi zamanı heparinin dozasınıntənzimlənməsinə ehtiyac olmayıb və onun antikoaqulyant təsiri dəyişməyib. Heparinlə birgə istifadəsi klopidoqrelın trombositlərin aqreqasiyasına inhibəedici təsirini dəyişmir. Klopidoqrel və heparin arasında qanaxma riskinin artması ilə nəticələnən qarşılıqlı farmakodinamik təsir ola bilər, buna görə də bu preparatların birgə istifadəsi zamanı ehtiyatlı olmaq vacibdir.

Trombolitik vasitələr

Klopidogrelın fibrin spesifik və ya fibrin qeyri-spesifik trombolitik vasitələrlə və heparinlə birgə istifadəsinin təhlükəsizliyi kəskin miokard infarktı keçirən xəstələrdə araşdırılmışdır. Klinik əhəmiyyətliqanaxmaların sıxlığı, trombolitik vasitələrin və heparinin asetilsalisil turşusu ilə birgə istifadəsində kimi olub. Bu səbəbdən klopidoqrelın digər trombolitiklərlə birgə istifadəsi zamanı ehtiyatlı olmaq lazımdır. 

Qeyri-steroid iltihabəleyhinə preparatlar(QSİƏP)

Klopidoqrel QSİƏP-la (SOQ-2 inhibitorları daxil olmaqla) birgə ehtiyatla istifadə edilməlidir.    

CYP2C19izofermentinin inhibitorları 

CYP2C19izofermentinin inhibitorları olan omeprazol, ezomeprazol, fluvoksamin, fluoksetin, moklobemid, vorikonazol, flukonazol, tiklopidin, siprofloksasin, simetidin, karbamazepin, okskarbazepin və xloramfenikol ilə birgə istifadəsindən çəkinmək lazımdır.

Proton pompasının inhibitorları 

Pantoprazol ilə birgə istifadəsi mümkündür.

Digər vasitələr

Klopidoqrelın atenolol və/və ya nifedipin ilə birgə istifadəsi zamanı klinik əhəmiyyətli qarşılıqlı farmakodinamik təsir müşahidə olunmayıb.         

Fenobarbital və ya estrogen ilə eyni vaxtda istifadə zamanı klopidoqrelın farmakodinamik təsiri əhəmiyyətli dərəcədə dəyişilmir.    

Klopidoqrel ilə birgə istifadə zamanı diqoksin və teofillinin farmakokinetik göstəriciləri dəyişməmişdir.

Antasid vasitələr klopidoqrelın sorulmasını dəyişdirməmişdir.

Fenitoin və tolbutamid ilə klopidoqrelın birgə istifadəsi təhlükəsizdir.

Diuretiklər, beta-blokatorlar, AÇF inhibitorlar, kalsium antaqonistləri, hipolipidemik vasitələr, koronar vazodilatatorlar, hipoqlikemik vasitələr, hormon əvəzedici müalicədə istifadə olunan preparatlar klinik tədqiqatlarda klinik əhəmiyyətli arzuolunmaz qarşılıqlı təsir göstərməmişdir.

Dilyutiks 75 mg İstifadə qaydası və dozası

Gündə 1 dəfədaxiləyeməkdən asılı olmayaraq qəbul olunur.

Miokard infarktı, işemik insultvə yamüəyyən edilmişperiferik arteriyaların okklüzionxəstəliyizamanıklopidoqrelgündə 1 dəfə 75 mq dozada təyin olunur.

Kəskin koronar sindromu zamanı:                                                         

-   ST seqmentinin yüksəlməsi ilə müşayiət olunmayan (qeyri-stabil stenokardiya və ya Q dalğasız miokard infarktı zamanı): klopidoqrel ilə müalicə 300 mq birdəfəlik yükləyici doza ilə başlanmalı və gündə 1 dəfə 75 mq doza ilə davam etdirilməlidir(gündə 75-325 mq dozada asetilsalisil turşusu ilə kombinasiyada).

-ST seqmentinin yüksəlməsi ilə müşayiət olunan kəskin miokard infarktı zamanımüalicə klopidoqrelın 300 mq birdəfəlik yükləyici dozadan başlanaraqgündə 1 dəfə 75 mq dozada asetilsalisil turşusu iləkombinasiyada, trombolitiklərlə və ya trombolitiklərsiz təyin olunur.75 yaşdan yuxarı olan xəstələrdə yükləyici doza təyin olunmur. Kombinəolunmuş müalicəni simptomların yaranmasından sonra mümkün qədər tez başlanırlar və ən azı 4 həftə ərzində davam edirlər.

Qulaqcıqfibrillyasiya zamanı klopidoqrel gündə 1 dəfə 75 mq dozadatəyin olunur.Müalicə gündə 1 dəfə 75-100 mq dozada asetilsalisil turşusunun klopidoqrel ilə kombinasiyadabaşlanılır və davam etdirilir.

Əlavə təsirləri

Əlavə təsirlərinrastgəlmətezliyi:çox tex-tez (≥1/10); tez-tez ( ≥1/100-dən <1/10-dək); bəzən (≥1/1000-dən <1/100-dək); nadir hallarda(≥1/10000-dən <1/1000-dək); çox nadir hallarda(<1/10000);rast gəlmə tezliyi məlum deyil.

• Qanyaradıcı və limfa sisteminə:
• bəzən:trombositopeniya, leykopeniya, eozinofiliya;
• nadir hallarda: neytropeniya, ağır dərəcəli neytropeniya daxil olmaqla;
• çox nadir hallarda: trombotik trombositopenik purpura, aplastik anemiya, pansitopeniya, aqranulositoz, ağır dərəcəli trombositopeniya, qranulositopeniya, anemiya;
• rastgəlmə tezliyi məlum deyil:qazanılmış hemofiliya A.
• İmmun sisteminə
• çox nadir hallarda:anafilaktoid reaksiyalar, zərdab xəstəliyi;
• rastgəlmə tezliyi məlum deyil:tienopiridinlərə qarşı çarpaz-reaktiv hiperhəssaslıq (məsələn, tiklopidinə, prazuqrelə).
• Psixi pozulmalar
• çox nadir hallarda:hallüsinasiyalar, şüurun dolaşıqlığı.
• Sinir sisteminə
• bəzən:kəllədaxili qanaxmalar (ölümlə nəticələnən tək-tək halları haqqında bildirilmişdir), baş ağrısı, başgicəllənmə, paresteziya; 
• çox nadir hallarda:dadbilmə qabiliyyətinin pozulması.
• Görmə orqanına 
• bəzən:göz daxili qansızmalar (konyunktival, retinal).
• Eşitmə orqanına və labirint sisteminə 
• nadir hallarda:vertiqo.
• Ürək-damar sisteminə
• tez-tez:hematoma;
• çox nadir hallarda: ciddi qansızmalar, vaskulit, hipotenziya.
• Tənəffüssisteminə, döş qəfəsi və divararası orqanlarına
• tez-tez:burun qanaxması;
• çox nadir hallarda: bronxospazm, interstisial pnevmonit, eozinofil pnevmoniyası.
• Həzm sisteminə
• tez-tez: mədə-bağırsaq traktında qanaxma, dispepsiya, qarın nahiyəsində ağrılar, diareya;
• bəzən:ürəkbulanma, qastrit, meteorizm, qəbizlik, qusma, qastrik və duodenal xoralar;
• nadir hallarda: retroperitoneal qansızmalar;
• çox nadir hallarda:ölümlə nəticələnən qastrointestinal və retroperitoneal qanaxmalar, pankreatit, kolit (xoralı və limfositar kolit daxil olmaqla), stomatit.
• Hepatobiliar sistemə
• çox nadir hallarda:hepatit, kəskin qaraciyər çatışmazlığı,qaraciyər funksiyasının göstəricilərin dəyişilməsi.
• Dəri və dərialtı piy toxumasına
• tez-tez: hematomalar;                      
• bəzən:səpgi, qaşınma, dəridə qansızmalar (purpura);
• çox nadir hallarda:bullyoz dermatit (toksik epidermal nekroliz, Stivens-Jonson sindromu, multiformalı eritema), angioödem,dərmanla induksiya olunmuş hiperhəssaslıq sindromu, eozinofiliya ilə və sistem simptomlarla müşayiət olunan dərman səpgisi (DRESS-sindrom), eritematoz və ya eksfoliativ səpgisi,məxmərək,ekzema, qırmızı yastı dəmrov.
• Sümük-əzələ sisteminə və birləşdirici toxumaya
• çox nadir hallarda:sümük-əzələqansızmalar (hemartrozlar), artrit, artralgiya,mialgiya.
• Böyrək və sidikçıxarıçı yollarına
• bəzən:hematuriya;
• çox nadir hallarda:qlomerulonefrit, qanda kreatinin səviyyəsinin artması.
• Ümumi pozulmalar və yerli reaksiyalar
• tez-tez:damarların deşilmə yerindən qanaxma
• çox nadir hallarda:qızdırma.
• Laborator göstəriciləri
• bəzən:qanaxma müddətinin uzanması, neytrofilvə trombositlər miqdarının azalması.

Arzuolunmaz effektlər baş verdikdə həkimə müraciət edin.

Doza həddinin aşılması

Klopidoqrelındoza həddinin aşılmasıqanaxma müddətinin uzanmasının və hemorragik fəsadların yaranmasına səbəb ola bilər. Spesifik antidotu yoxdur. Uzanmış qanaxma müddətinin təcili korreksiyası məqsədi ilə trombositar kütlənin transfuziyasının keçirilməsi tövsiyə olunur. 

Buraxılış forması

Dilyutiks 75 mq, 14 örtüklü tablet blisterdə. 2 blister (28 örtüklü tablet) içlik vərəqə ilə birlikdə karton qutuya qablaşdırılır.  

Saxlanma şəraiti

25 °C-dən yüksək olmayan otaq temperaturunda, öz qutusunda vəuşaqların əli çatmayan yerdə saxlamaq lazımdır.

Yararlılıq müddəti 

2 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

Dilyutiks 75 mg qiyməti

Dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. 

Ən gözəli budur ki, Doktorm.az  Platforması  ilə əməkdaşlıq edən Apteklərdən sərfəli qiymətə ala bilərsiniz.

İstehsalçı

Ali Raif İlaç San. A.Ş.

İkitelli OSB Mahallesi

10. Cadde №3/1А

Başakşehir/İstanbul/Türkiyə

Aid olduğu kateqoriyalar

• Qan dövranının digər xəstəliklərində istifadə olunan vasitələr
• Hipertoniya zamanı istifadə olunan vasitələr
• Miokard infarktı zamanı istifadə olunan vasitələr
• Ateroskleroz zamanı istifadə olunan vasitələr