Ateroks 10 mg

Ateroks 10 mg

Buraxılış : Reseptliİxtisas : Kardiologiya

Beynəlxalq patentləşdirilməmiş adı: Atorvastatin 

Tərkibi

Təsiredici maddə:  1örtüklü tabletin tərkibində 10 mq, 20 mq və ya 40 mq atorvastatin (müvafiq olaraq 10,85 mq, 21,70 mq və 43,40 mqatorvastatin kalsium şəklində) vardır.

Köməkçi maddələr: laktoza monohidrat, kalsium karbonat, Avicel PH 101, natrium kroskarmelloza, H.P.C., tvin 80, maqnezium stearat; ağ Opadry 31K 28462 (laktoza monohidrat, hipromelloza, titan dioksid, triasetin).

Təsviri

10 mq-lıq tabletlər

Ağ rəngli, yumru, bir tərəfində "10"basma yazılı örtüklü tabletlərdir.

20 mq-lıq tabletlər

Ağ rəngli, yumru, bir tərəfində "20"basma yazılı,digərtərəfində bölmə xətti olanörtüklü tabletlərdir.

40 mq-lıq tabletlər

Ağ rəngli, yumru, bir tərəfində "40"basma yazılı örtüklü tabletlərdir.

Farmakoterapevtik qrupu 

Hipolipidemik preparat.HMQ-KoA-reduktazanın inhibitorları.

ATC kodu:С10АА05

Farmakoloji xüsusiyyətləri 

Farmakodinamikası

Ateroks 10 mg nə üçündür?

Atorvastatin – 3-hidroksi-3-metilqlutaril-koenzim A-nı sterolların (xolesterin daxil olmaqla) sələfi olan mevalonata çevirən HMQ-KoA-reduktazanın selektiv, rəqabətli inhibitorudur.

Atorvastatin homoziqot və heteroziqot ailəvi hiperxolesterinemiya, qeyri-ailəvi hiperxolesterinemiya və qarışıq dislipidemiya olan xəstələrdə ÜXS(ümumi xolesterin), ASLP-XS(aşağı sıxlıqlı lipoprotein xolesterini) və apo B (apolipoprotein B) səviyyəsini aşağı salır. AtorvastatinhəmçininÇASLP-XS(çox aşağı sıxlıqlı lipoprotein xolesterini) və TQ (triqliseridlər)səviyyəsini azaldır və YSLP-XS(yüksək sıxlıqlı lipoproteinxolesterini) səviyyəsinin dəyişkən artımına səbəb olur.

Triqliseridlər və xolesterin qaraciyərdə ÇASLP-nın tərkibinə daxil olur və periferik toxumalara çatdırılması üçün qan plazmasına keçir. 

Tez-tez plazmada TQ-in artmış səviyyəsi ilə eyni zamanda azalmış YSLP-XSsəviyyəsi və cüzi miqdarda ASLP müəyyən olunur, həmçinin ürəyin işemik xəstəliyinin (ÜİX) qeyri-lipid metabolik risk amilləri ilə birgə müşahidə olunur. 

Atorvastatin HMQ-KoA-reduktazanı və xolesterinin qaraciyərdə sintezini inhibə etməklə və ASLP-nın tutulmasını və katabolizmini gücləndirmək üçün hüceyrə səthində qaraciyər ASLP reseptorlarının sayını artırmaqla, plazmada xolesterinin və lipoproteinlərin səviyyəsini aşağı salır. 

Farmakokinetikası

Sorulması

Atorvastatindaxilə qəbuldan sonramədə-bağırsaq traktındansürətlə sorulur; 1-2 saat ərzindəmaksimal plazma konsentrasiyasına (Cmax) çatır. Atorvastatinin sorulma dərəcəsi və plazmadakı konsentrasiyası dozaya proporsional olaraq artır.Atorvastatinin mütləq biomənimsənilməsi təqribən 14%, HMQ-KoA-reduktazaya qarşı inhibə etməsinin aktivliyinin sistem biomənimsənilməsi təqribən 30% təşkil edir. Sistem biomənimsənilməsinin aşağı olması MBT-nin selikli qişasında baş verən presistem klirens və/və ya qaraciyərdən “birinci keçid” zamanı baş verən metabolizm ilə izah olunur.

Paylanması

Atorvastatinin orta paylanma həcmi təqribən 381 l təşkil edir. Atorvastatinin 98%-dən çox plazma zülalları ilə birləşir. 

Metabolizmi

Atorvastatin sitoxrom P4503A4 fermenti vasitəsi ilə orto- və parahidroksilləşmiş törəmələr və beta oksidləşmə nəticəsində alınan müxtəlif maddələr əmələ gətirərək metabolizmə uğrayır. In vitroorto- və parahidroksilləşmiş törəmələrinin HMQ-KoA-reduktazaya qarşı inhibəedici təsiri atorvastatinlə müqayisə ediləndir.

Xaricolması

Atorvastatin və onun metabolitləri qaraciyər və/və ya qaraciyərdən xaric metabolizmdən sonra əsasən öd vasitəsi ilə xaric olur; bununla yanaşı, atorvastatin əhəmiyyətli bağırsaq-qaraciyər resirkulyasiyasına uğramır. Orta yarımxaricolma dövrü (T½) təqribən 14 saatdır.

İstifadəsinə göstərişlər 

Ateroks preparatı aşağıdakı hallarda göstərişdir:

Hiperxolesterinemiya.

Birincili hiperxolesterinemiya, heteroziqot ailəvi hiperxolesterinemiya daxil olmaqla və ya kombinəolunmuş (qarışıq) hiperlipidemiya (Fredrikson təsnifatının IIa və IIb tiplərinə müvafiq olaraq)olan böyüklərdə, 10 yaş və ondan yuxarı yaşda olan uşaqlarda və yeniyetmələrdə ümumi xolesterinin (ÜXS), ASLP- xolesterinin (ASLP-XS), apolipoprotein B-nin (apo B)və triqliseridlərin (TQ) yüksəlmiş səviyyəsinin azaldılması üçün- dietoterapiya və digər qeyri-farmakoloji üsullaradekvat effekt vermədikdə pəhrizə əlavə olaraq.

Homoziqot ailəvi hiperxolesterinemiya olan böyüklərdə ümumi xolesterin (ÜXS), ASLP- xolesterinin (ASLP-XS) və apolipoprotein B-nin (apo B)yüksəlmiş səviyyəsinin azaldılması üçün- dietoterapiya və digər hipolipidemik müalicələr adekvat effekt vermədikdə pəhrizə əlavə olaraq.

Ürək-damar xəstəliklərinin profilaktikası.

Ürək-damar xəstəliklərininyaranma riski yüksək olan xəstələrdə ciddiürək-damar xəstəliklərininyaranmasının qarşısının alınması - digər risk amillərinin korreksiyasına əlavə olaraq.

Əks göstərşləri

Atorvastatinə və ya preparatın tərkibindəkiköməkçi maddələrdən hər hansı birinəqarşı yüksək həssaslıq.

Qaraciyər xəstəlikləri aktiv dövründə, zərdab transaminazalarının naməlum səbəblərə görə davamlı artması (normanın yüksək həddindən 3 dəfə artıq)

Hamiləlik, laktasiya dövrü. Uyğun kontrasepsiya metodlarından istifadə etməyən, lakin potensial doğuş qabiliyyəti olan qadınlar. 

Xüsusi göstərişlərvə ehtiyat tədbirləri

Qaraciyərə təsiri

Eyni qrupdan olan digər hipolipidemik vasitələrdə olduğu kimi, atorvastatin qəbul edən xəstələrdə zərdabaminotransferazalarının orta artması (normanın yüksək həddindən 3 dəfə artıq) qeyd olunmuşdur. Beləhallarda dozanın azaldılması və ya atorvastatinlə müalicənin dayandırılması tövsiyə olunur. Dozanın azalması və ya preparatın qəbulunun müvəqqəti olaraq və ya tamamilə dayandırılması zamanıtransaminazaların göstəriciləri müalicədən əvvəl olan səviyyəyə qayıdır.Əksər hallarda xəstələr atorvastatinin azaldılmış dozalarla müalicəni rahatlıqla davam edirlər.

Müalicəyə başlamazdan əvvəl və müalicə zamanı klinik göstərişlərə görə qaraciyər funksiyasının göstəricilərinin təyin olunması tövsiyə olunur. Ateroks preparatının qəbulu zamanı klinik simptomları iləmüşayiət olunan qaraciyər funksiyasının ciddi pozulması və/və ya hiperbilirubinemiya və ya sarılıq müşahidə olunduqda müalicə dərhal dayandırılmalıdır.

Ateroks qəbulu zamanı qaraciyər funksiyasının pozulmasını düşündürən yorğunluq, anoreksiya, qarnın yuxarı sağ nahiyəsində diskomfort, tünd rəngdə sidik və ya sarılıq daxil olmaqla, hər hansı simptomlar müşahidə olunduqda xəstələr dərhal həkimə müraciət edilməlidirlər.

Alkoqolu həddindən artıqmiqdarda qəbul edilən və/və ya anamnezdə qaraciyər xəstəliyi olan şəxslərdə atorvastatin ehtiyatla təyin olunmalıdır. 

Skelet əzələlərinə təsiri

Digər statinlərdə olduğu kimi, atorvastatinin qəbulu nadir hallarda əzələlərdə ağrıları və ya zəifliyi ilə yanaşı kreatinfosfokinaza (KFK) səviyyəsinin normanın yüksək həddindən 10 dəfədən çox artması ilə müşayiət olunan miopatiyanın yaranmasına səbəb olur.Yüksək dozalarda atorvastatin ilə siklosporin, CYP3A4 güclü inhibitorları (klaritromisin, itrakonazol, İİV proteazanın inhibitorları) birgə istifadə zamanı miopatiya/rabdomiolizin yaranma ehtimalı artır. 

Mialgiya, əzələ zəifliyi və/və ya KFK-nın yüksək göstəriciləri müşahidə olunduqda miopatiya diaqnozunu dəqiqləşdirmək lazımdır. Əzələlərdənaməlumağrısı və zəifliyi əmələ qəldikdə, xüsusən də yorğunluq və ya qızdırma ilə müşayiətolunduqda və ya Ateroks preparatının qəbulunun dayandırılmasından sonra əzələ sistemi tərəfindən əlamətlər və simptomlar davam etdikdə xəstə dərhal həkimə müraciət edilməlidir. KFK-nın göstəriciləri əhəmiyyətli dərəcədə normadan yüksək olunduqda, miopatiya diaqnozu təsdiq olunduqda və ya şübhə altında olunduqda, Ateroks preparatının qəbulu dayandırılmalıdır.

Şəkərli diabet və digər endokrin təsirləri

Şəkərli diabetin yaranmasının risk amilləri olan xəstələrdə diabetin yaranma tezliyinin artması haqqında bildirilmişdir.

Endogen hormonların səviyyəsini və ya aktivliyini azalda bilən ketokonazol, spironolakton və simetidin kimi dərman vasitələri HMQ-KoA-reduktazanın inhibitorları ilə eyni zamanda ehtiyatla istifadə edilməlidir. 

Hemorragik insult

Anamnezdə hemorragik insult və ya beyin lakunarinfarktı olan xəstələrdə atorvastatinin80 mq dozadaqəbulunun risk/fayda nisbəti məlum deyil və buna görə müalicəyə başlamazdan əvvəl hemorragik insultun yaranma ehtimalı mütləq qiymətləndirilməlidir.

İnterstisial ağciyər xəstəliyi

Bəzi statinlərdən istifadə zamanı, xüsusilə də uzunmüddətli müalicədə, interstisial ağciyər xəstəliyinin yaranmasının istisna halları haqqında məlumat verilmişdir.Belə hallarda dispnoe, qeyri-produktiv öskürəkvə ümumi vəziyyətin kəskinləşməsi (yorğunluq, bədən çəkisinin azalması və qızdırma) kimi əlamətlərmüşahidə oluna bilər.İnterstisial ağciyər xəstəliyi şübhə altında olduqda statinlərlə müalicə dayandırılmalıdır.

Ateroks örtüklü tabletlərinin tərkibində laktoza vardır. Qalaktozaya qarşı dözümsüzlük, Lapp laktaza çatışmazlığı və ya qlükoza-qalaktoza malabsorbsiyası sindromu kimi nadir irsi xəstəlikləri olan xəstələrdə bu preparat istifadə olunmamalıdır.

Ateroks örtüklü tabletlərinin tərkibində natrium var, bu da natrium nəzarətli dieta saxlayan xəstələrdə nəzərə alınmalıdır.

Pediatrik xəstələr

Pediatrik xəstələrdə Ateroks preparatının istifadəsinin boya və inkişafa təsiri haqqında kifayət qədər məlumat yoxdur.                                                                                            

Yaşlı xəstələr

Sağlam yaşlı şəxslərdə (65 yaşdan yuxarı) gənc böyüklərlə müqayisədə atorvastatinin plazma konsentrasiyası daha yüksəkdir.ASLP-XS səviyyəsinin azalma dərəcəsi Ateroks preparatı qəbul edən gənc xəstələrlə oxşardır.

Digər dərman vasitələri ilə qarşılıqlı təsiri

HMQ-KoA-reduktazanıninhibitorları və siklosporin, fibratlar (gemfibrozil, fenofibrat kimi), nikotin turşusu, sitoxrom P4503A4 inhibitorları (eritromisin, klaritromisin, göbələkəleyhinə dərman vasitələri – azollar) eyni zamanda istifadə edildikdə miopatiyanın yaranma ehtimalı artır.Atorvastatinin plazma konsentrasiyasını artıran dərman vasitələri qəbul edilən xəstələr Ateroks preparatını 10 mq başlanğıc gündəlik dozada qəbul edilməlidir.Klaritromisin və itrakonazol ilə birgə istifadə zamanı atorvastatin ən aşağı dozada qəbul edilməlidir. 

Sitoxrom P450 3A4 inhibitorları

Atorvastatin sitoxrom P4503A4 iştirakı ilə metabolizmə uğrayır.Sitoxrom P450 3A4 inhibitorları ilə eyni zamanda istifadəsi atorvastatinin plazma konsentrasiyasının artmasına səbəb ola bilər.

Eritromisin/klaritromisin
Atorvastatinlə eritromisin (500 mq gündə 4 dəfə) və ya klaritromisin (500 mq gündə 2 dəfə) eyni zamandaistifadə edildikdə atorvastatinin plazma konsentrasiyasının artması müşahidə edilmişdir. Klaritromisin ilə birgə istifadə zamanı atorvastatinin gündəlik dəstəkləyici dozası 20 mq-dan çox olmamalıdır.  

Proteaza inhibitorları

İİV proteazanın inhibitorları tipranavir+ritonavir və ya hepatit C proteazanın inhibitoru telaprevir istifadəedilən xəstələr Ateroks preparatının istifadəsindən çəkinməlidir.Lopinavir+ritonavir ilə birgə Ateroks ehtiyatla və ən aşağı dozada istifadə edilməlidir.İİV proteazanın inhibitorları sakvinavir+ritonavir,darunavir+ritonavir, fosamprenavir və ya fosamprenavir+ritonavir qəbul edilən xəstələr Ateroks preparatını ehtiyatla və 20 mq-dan çox qəbul edilməməlidir.İİV proteazanın inhibitoru nelfinavir və ya hepatit Cproteazanın inhibitoru boseprevirqəbul edilən xəstələr Ateroks preparatını 40 mq-dan çox qəbuledilməməlidir və klinik nəzarət altında saxlanmalıdır.

Diltiazem hidroxlorid

Atorvastatinin (40 mq) diltiazem (240 mq) ilə birgə istifadəsi atorvastatinin plazma konsentrasiyasının artmasına səbəb olur.

Simetidin

Simetidin ilə atorvastatinbirgə istifadə edildikdə klinik əhəmiyyətli qarşılıqlı təsir qeyd olunmamışdır.

İtrakonazol

İtrakonazol ilə birgə istifadə edildikdə atorvastatinin gündəlik dəstəkləyici dozası 40 mq-dan çox olmamalıdır.

Qreypfrut şirəsi

Qreypfrut şirəsinin tərkibində olan komponentlər CYP3A4 inhibə edir və çox miqdarda şirə atorvastatinin plazma konsentrasiyasının artmasına səbəb olur. 

Sitoxrom P450 3A4 induktorları

Sitoxrom P450 3A4 induktorları (məs. efavirenz, rifampisin) ilə birgə istifadəsi atorvastatinin plazma konsentrasiyasının dəyişkən azalmasına səbəb ola bilər.Rifampisinin ikili qarşılıqlı təsir mexanizminə görə (sitoxrom P450 3A4 induksiyası və hepatositlər tutulmasının OATP1B1 daşıyıcının inhibə etməsi) atorvastatin ilə rifampisinin eyni zamanda istifadəsi tövsiyə olunur. 

Antasidlər

Maqnezium hidroksid və alüminium hidroksid tərkibli antasid suspenziya (daxilə qəbul üçün) ilə eyni zamanda qəbulu atorvastatinin plazma konsentrasiyasını təqribən 35% aşağı salır, ASLP- XS səviyyəsinin azalma dərəcəsi dəyişilmir.  

Antipirin

Atorvastatin antipirinin farmakokinetikasına təsir göstərmir.Buna görə də sitoxromun həmin izofermentləri ilə metabolizmə uğrayan digər preparatlarla qarşılıqlı təsiri gözlənilmir.

Azitromisin

Atorvastatin (10 mq) ilə azitromisinin (500 mq) eyni zamanda istifadəsi atorvastatinin plazma konsentrasiyasını dəyişmir.

Peroral kontraseptivlər

Noretindron və etinilestradiol tərkibli peroral kontraseptivlər ilə eyni zamanda istifadə edildikdə AUC göstəriciləri müvafiq olaraq təqribən 30% və 20% artır.

Varfarin

Varfarinlə uzunmüddətli müalicə alan xəstələrdə atorvastatinin protrombin vaxtına klinik əhəmiyyətli

təsiri müşahidə olunmamışdır.Buna baxmayaraq atorvastatinlə birgə istifadə zamanı xəstələr ciddi nəzarət altında saxlanmalıdır.

Kolxisin

Kolxisinlə atorvastatin birgə istifadə zamanı miopatiyanın (rabdomioliz daxil olmaqla) yaranma halları haqqında məlumat verilmişdir; həmin dərman vasitələr eyni zamanda ehtiyatla təyin edilməlidir.

Daşıyıcıların inhibitorları

Atorvastatin və onun metabolitləri OATP1B1daşıyıcılarının substratlarıdır.OATP1B1inhibitorları (məs. siklosporin)atorvastatinin biomənimsənilməsini artıra bilər.Həmin dərman vasitələr eyni zamanda istifadə edildikdə atorvastatinin dozası 10 mq-dan çox olmamalıdır.  

Gemfibrozil

Gemfibrozil ilə HMQ-KoA-reduktazanın inhibitorları eyni zamanda istifadə edildikdə miopatiya/rabdomioliz yaranma ehtimalının artmasına görə Ateroks preparatının gemfibrozil ilə birgə istifadəsindən çəkinmək lazımdır.

Ezetimib

Tək ezetimibin istifadəsi rabdomioliz daxil olmaqla, skeletəzələlərinin zədələnmələrinə səbəb ola bilər.

Ezetimib ilə atorvastatin eyni zamanda istifadə edildikdə həmin xəstəliklərin yaranma ehtimalının artmasına görə xəstələrin nəzarət altında saxlanması tövsiyə olunur.

Kolestipol

Kolestipol ilə eyni zamanda istifadə edildikdə atorvastatinin plazma konsentrasiyası təqribən 25% azalır. 

Fuzid turşusu

Fuzid turşusu ilə atorvastatinin qarşılıqlı təsirinə dair tədqiqatların aparılmamasına baxmayaraq, postmarketinq tədqiqatlarda fuzid turşusu ilə atorvastatinin eyni zamanda istifadə edildikdə miopatiyanın (rabdomioliz daxil olmaqla) yaranma halları haqqında məlumat verilmişdir.Həmin hallarda xəstələr ciddi nəzarət altında saxlanmalıdır və atorvastatinin qəbulunun müvəqqəti dayandırılmasına ehtiyac ola bilər.

Diqoksin

Diqoksin və atorvastatin eyni zamanda istifadə edildikdə xəstələr ciddi nəzarət altında saxlanmalıdır.

Digər fibratlar

HMQ-KoA-reduktazanın inhibitorları ilə digər fibratlar eyni zamanda istifadə edildikdə miopatiyanın yaranma ehtimalının artmasına görə Ateroks digər fibratlar ilə birgə ehtiyatla istifadə edilməlidir.

Nikotin turşusu

Nikotin turşusuiləAteroks preparatı eyni zamanda istifadə edildikdəsümük-əzələ sisteminə əlavə təsirlərin yaranma ehtimalı arta bilər; həmin hallarda preparatın doza azalması düşünülməlidir.

Digər yanaşı gedən müalicəsi

Klinik tədqiqatlarda antihipertenziv və estrogen əvəzedici müalicə atorvastatinlə birgə istifadə edildikdə klinik əhəmiyyətli qarşılıqlı təsir qeyd olunmamışdır.

Hamiləlik və laktasiya dövründə istifadəsi

Atorvastatin hamiləlik və laktasiya dövründə əks göstərişdir. Reproduktiv yaşlı qadınların müalicəsi zamanı adekvat kontraseptiv üsullar tövsiyə olunmalıdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Atorvastatin nəqliyyat vasitələrini və digər potensial təhlükəli mexanizmləri idarəetmə qabiliyyətinə əhəmiyyətsiz təsir göstərir.

İstifadə qaydası və dozası

Ateroks tabletləri daxilə, gündə bir dəfə qida qəbulundan asılı olmayaraq günün istənilən vaxtında qəbul edilə bilər.  

Ateroks preparatı ilə müalicəyə başlamazdan əvvəl xəstəyə standart hipolipidemik pəhriz tövsiyə edilməlidir və bu pəhriz müalicə müddətində davam edilməlidir. Ateroks preparatının başlanğıc və dəstəkləyici dozası qanda ASLP-XS -nin ilkin səviyyəsinə, müalicənin məqsədinə və xəstənin müalicəyə cavabına görə fərdi olaraq seçilir. Müalicənin başlanmasından və/və ya doza artmasından sonra hər 2-4 həftə lipidlərin səviyyəsi təyin olunmalıdır və doza müvafiq olaraq tənzimlənməlidir.Preparatın dozası gündə 1 dəfə 10-80  mq təşkil edir.

Birincili hiperxolesterinemiya vəkombinəolunmuş (qarışıq)hiperlipidemiya

Belə xəstələrin əksəriyyətində atorvastatini gündə 1 dəfə 10 mq dozada qəbul etməklə lipidlərin səviyyəsini nəzarət altında saxlamaq olar.Terapevtik təsir 2 həftə ərzində aşkar olunur və adətən 4 həftəərzində maksimal terapevtik effekt əldə olunur. Uzunmüddətli müalicə zamanı təsir saxlanılır.

Heteroziqot ailəvi hiperxolesterinemiya

Tövsiyə olunan başlanğıc dozası gündə 1 dəfə 10 mq təşkil edir.Doza fərdi olaraq seçilməlidir və ehtiyacolduqda hər 4 həftədə 1 dəfə 40 mq/gün-a qədər tənzimlənməlidir.Sonra ya gündəlik dozanı maksimum 80 mq-aqədər artırmaq olar, yadaödturşularının sekvestrantları atorvastatinin 40 mq 1 dəfə/gün doza ilə kombinəolunmuş şəkildə istifadə etmək olar.

Homoziqot ailəvi hiperxolesterinemiya

Məhdud məlumat mövcuddur. Homoziqot ailəvi hiperxolesterinemiya olan xəstələrdə atorvastatinin dozası gündə bir dəfə 10-80 mq təşkil edir.Bu xəstələrdə Ateroks preparatı digər hipolipidemik müalicələrə (məs. ASLP-aferezi) əlavə olaraq və ya bu müalicəni aparmaq mümkün olmadıqda təyin edilməlidir. 

Ürək-damar xəstəliklərinin profilaktikası

Birincili profilaktika zamanı doza gündə 1 dəfə 10 mq təşkil edir.Klinik tövsiyələrdə göstərilən ASLP- XS- nin hədəf səviyyəsinə nail olmaq üçün daha yüksək dozalara ehtiyac ola bilər.

Xüsusiqrup xəstələrə dairəlavə məlumat

Böyrək çatışmazlığı

Böyrək çatışmazlığı atorvastatinin nə plazma konsentrasiyasına, nə də hipolipidemik effektinə təsir göstərmir və beləliklə doza korreksiyası tələb olunmur.

Qaraciyər çatışmazlığı

″Əks göstərişlər″ və ″Xüsusi göstərişlərvə ehtiyat tədbirləri″ bölmələrinə baxın.

10-17 yaşda olan pediatrik xəstələrdə heteroziqot ailəvi hiperxolesterinemiya 

Tövsiyə olunan başlanğıc dozası gündə 1 dəfə 10 mq-dır; maksimum tövsiyə olunan doza 20 mq/gün təşkil edir (20 mq-dan çox dozalarda və kombinəolunmuş şəkildə istifadəsi həmin populyasiyada öyrənilməmişdir).Doza müalicənin məqsədinə görə fərdi olaraq seçilməlidir. Dozanı ən azı 4 həftəlik interval ilə tənzimlənmək lazımdır.

Yaşlı xəstələrdə istifadəsi

Yaşlılarda tövsiyə edilən dozalarda istifadəsinin təsiri və təhlükəsizliyi ümumi populyasiyada kimi olmuşdur. 

Hipolipidemik dərman vasitələri ilə birgə istifadəsi

Additiv təsirə nail olmaq üçün Ateroks preparatıödturşularının sekvestrantları (hipolipidemik vasitələri)ilə birgə istifadə etmək olar.HMQ-KoA-reduktazanın inhibitorlarının və fibratların (gemfibrozil və fenofibrat kimi) kombinəolunmuş şəkildə istifadəsindən çəkinmək lazımdır. 

Siklosporin, klaritromisin, itrakonazol, proteazanın inhibitorları qəbul edilən xəstələrdə dozalanması

Siklosporin, İİV proteazanın inhibitorları (tipranavir+ritonavir) və ya hepatit C proteazanın inhibitorları (telaprevir) qəbul edən xəstələr Ateroks preparatının istifadəsindən çəkinməlidirlər.Klaritromisin,itrakonazol qəbul edən xəstələrdə və ya İİV olan və saqvinavir+ritonavir, darunavir+ritonavir, fosamprenavir və ya fosamprenavir+ritonavir qəbul edən xəstələrdə Ateroks preparatının dozası 20 mq-dan çox olmamalıdır.İİV proteazanın inhibitoru nelfinavir və ya ya hepatitC proteazanın inhibitoru boseprevir qəbul edən xəstələrdə Ateroks preparatının dozası 40 mq-dan çox olmamalıdır.

Əlavə təsirləri

Atorvastatin ümumiyyətlə yaxşı mənimsənilir. Əlavə təsirlər əsasən zəif və keçicidir. 

Rastgəlmə tezliyi:çox tez-tez (≥1/10); tez-tez ( ≥1/100-dən <1/10-dək); bəzən (≥1/1000-dən <1/100-dək); nadir (≥1/10000-dən <1/1000-dək); çox nadir (<1/10000); məlumolmayan tezlikdə (mövcud məlumatlar başvermə tezliyini müəyyən etmək üçün kifayət deyil).

İnfeksiyalar və invaziyalar

Tez-tez: nazofaringit.

Qanyaradıcı və limfa sisteminə

Nadir:trombositopeniya.

İmmun sisteminə

Tez-tez: allergik reaksiyalar

Çox nadir: anafilaksiya.

Maddələr mübadiləsinə və qidalanmaya

Tez-tez: hiperqlikemiya

Bəzən: hipoqlikemiya, bədən kütləsinin artması, anoreksiya.

Psixi pozulmalar

Bəzən: qarabasmalar, yuxusuzluq.

Sinir sisteminə

Tez-tez:başağrısı

Bəzən:başgicəllənmə, paresteziya, hipesteziya, disgevziya, amneziya

Nadir: periferik neyropatiya.

Görmə orqanına

Bəzən:bulanıq görmə

Nadir: görmə qabiliyyətinin pozulması.

Eşitmə orqanına və labirint sisteminə

Bəzən: qulaqlarda küy

Çox nadir:eşitmə qabiliyyətinin itirilməsi.      

Tənəffüs sisteminə, döş qəfəsi və divararası orqanlarına

Tez-tez: boğaz ağrısı, burun qanaxması.

Həzm sisteminə

Tez-tez: qəbizlik, meteorizm, dispepsiya, ürəkbulanma, diareya

Bəzən:qusma, qarın nahiyəsində ağrılar, qıcqırma,pankreatit.

Hepatobiliar sistemə

Bəzən:hepatit

Nadir: xolestaz

Çox nadir: qaraciyər funksiyasının pozulması.

Dəri və dərialtı piy toxumasına

Bəzən: övrə, səpgi, qaşınma, alopesiya

Nadir: angionevrotik ödem, bullyoz dermatit (çoxformalı eritema, Stivens-Conson sindromu və toksik epidermal nekroliz daxil olmaqla).   

Sümük-əzələ sisteminə və birləşdirici toxumaya

Tez-tez: mialgiya, artralgiya, ətraflarda ağrılar, əzələ spazmları, oynaqlarda şişkinlik, beldə ağrılar

Bəzən: boyun ağrıları, əzələ zəifliyi

Nadir: miopatiya, miozit, rabdomioliz, bəzən vətər qırılması ilə ağırlaşan tendinopatiya.       

Reproduktiv sisteminə və süd vəzilərinə

Tez-tez: impotensiya

Çox nadir: ginekomastiya.

Ümumi pozulmalar və yerli reaksiyalar

Bəzən: yorğunluq, asteniya, sinə ağrısı, periferik ödem, əzginlik, qızdırma.

Laborator müayinələr

Tez-tez: qaraciyər fermentlərinin qeyri-normal göstəriciləri, qanda kreatinkinaza səviyyəsinin artması

Bəzən: sidikdə leykositlər.

Arzuolunmaz effektlər baş verdikdə həkimə müraciət edin.

Doza həddinin aşılması 

Ateroks preparatı ilə doza həddinin aşılması zamanı spesifik müalicəsi yoxdur;simptomatik və dəstəkləyici müalicə aparılmalıdır. Qaraciyər funksiyasının göstəriciləri və KFK səviyyəsi təyin olunmalıdır.

Atorvastatin plazma zülalları ilə sıx birləşdiyinə görə, hemodializ preparatın klirensini əhəmiyyətli dərəcədə artırmır. 

Buraxılış forması

Ateroks 10 mq, 20 mq və ya 40 mq, örtüklü tabletlər, blisterlərdə. 3 blister (30 örtüklü tablet) içlik vərəqə ilə birlikdə karton qutuya qablaşdırılır.

Saxlanma şəraiti

25 °C-dən yüksək olmayantemperaturda, öz qutusunda və uşaqların əli çatmayanyerdə saxlamaq lazımdır.

Yararlılıq müddəti

3 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

Ateroks 10 mg qiyməti

Dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. 

Ən gözəli budur ki, Doktorm.az  Platforması  ilə əməkdaşlıq edən Apteklərdən sərfəli qiymətə ala bilərsiniz.

İstehsalçı

″Ali Raif İlaç San. A.Ş.″

İkitelli OSB Mahallesi

10. Cadde №3/1А

Başakşehir/İstanbul/Türkiyə

Aid Olduğu kateqoriyalar:

• İnsult zamanı istifadə olunan vasitələr
• Stenokardiya zamanı istifadə olunan vasitələr
• Miokard infarktı zamanı istifadə olunan vasitələr
• Ürəyin digər xəstəliklərində istifadə olunan vasitələr
• Ateroskleroz zamanı istifadə olunan vasitələr