Libertus tablet nə üçündür?

Libertus tablet haqqında məlumat

Libertus tablet qiyməti

Libertus qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Libertus tablet qiyməti 7 azn - 9 azn arasında dəyişir.  

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Libertus dərman qiyməti -ni öyrənərək əldə edə bilərsiniz.

TƏRKİBİ:

1 tabletin tərkibinə 5 mq levosetirizin dihidroxlorid daxildir. 

FARMAKOTERAPEVTİK QRUPU:

Allergiya əleyhinə, H₁-antihistamin preparat.

FARMAKOLOJİ  XÜSUSİYYƏTLƏRİ:

Farmakodinamikası:

Levosetirizin – setirizinin R-enantiomeridir, histaminin konkurent antaqonisti hesab edilir. H1-histamin reseptorlarını blokada edir. Levosetirizinin H1-histamin reseptorları ilə yaxınlığı setirizinə nisbətən 2 dəfə çoxdur.

Levosetirizin allergik reaksiyaların histamindən asılı allergik reaksiyalara təsir göstərir, həmçinin, eozinofillərin miqrasiyasını, damarların keçiriciliyini azaldır, iltihab mediatorlarının xaric edilməsini məhdudlaşdırır.

Levosetirizin allergik reaksiyaların gedişini yüngülləşdirir və inkişafının qarşısını alır, antiekssudativ, qaşınma əleyhinə təsir göstərir və antixolinergik və antiserotonin təsir göstərmir. Terapevtik dozalarda sedativ effekt göstərmir.

Farmakokinetikası:

Absorbsiyası: Daxilə qəbul edildikdən sonra tez bir zamanda və tamamilə sorulur. Qida qəbulu preparatın sorulmasına təsir göstərmir. Qan plazmasında Cmax 0.9 saatdan sonra çatır və 270 nq/ml təşkil edir.

Paylanması: Qanın plazma zülalları ilə birləşməsi 90%-dir. Biomənimsənilməsi 100%.

Metabolizm: Preparatın 14%-dən az hissəsi N- və O-dealkilləşmə yolu ilə farmakoloji qeyri-aktiv metabolitlər əmələ gətirməklə qaraciyərdə metabolizmə uğrayır.

Xaric olunması: Böyüklərdə T1/2 7.9±1.9 saat təşkil edir. Ümumi klirens 0.63 ml/dəq/kq, uşaqlarda T1/2 qısadır. Preparatın qəbul edilən dozasının 85,4% böyrəklərlə, 12,9% – bağırsaqla xaric edilir.

GÖSTƏRİŞLƏRİ:

Kəskin və xroniki allergik rinitin və övrənin simptomatik müalicəsi, Pollinoz, Allergik dermatozlar, Allergik konyunktivit, Qidaya və dərman vasitələrinə qarşı allergiya, Helmintozlar, Desensibilizəedici terapiya, Revmatizm xəstəliyində desensibilizəedici terapiya.

ƏKS GÖSTƏRİŞLƏRİ:

Levosetirizin dihidroxloridə və ya piperazinin hər hansı bir törəməsinə qarşı hiperhəssaslıq, xəstə böyrək funksiyalarının ağır pozulmalarından (kreatinin klirensi 10 ml/dəq-dən az olan ağır böyrək çatışmazlığı) əziyyət çəkirsə.

İSTİFADƏ QAYDASI VƏ DOZASI:

Böyüklər və 6 yaşdan böyük uşaqlar – sutkada 1 tablet. Tabletləri qida qəbulu zamanı və ya qida qəbulundan asılı olmayaraq qəbul etmək olar.

ƏLAVƏ TƏSİRLƏRİ:

Hiperhəssaslıq reaksiyasının ilk əlamətləri baş verdikdə Libertus preparatının qəbulunu dayandırmaq və dərhal müalicə həkimi ilə məsləhətləşmək lazımdır. Hiperhəssaslığın aşağıdakı əlamətləri ola bilər:

-dodaq, dil və (və ya) boğazın ödemi, nəfəs almada və udmada çətinlik, övrə ilə birlikdə (angionevrotik ödem) arterial təzyiqin aşağı düşməsi.

Çox tez-tez baş verən əlavə təsirlər (100 xəstədən 1-dən 10-a qədərində baş verən) bir qayda olaraq zəif və ya orta ifadə olunur və aşağıdakıları əhatə edir:

– ağız boşluğunda quruluq,

– başağrısı,

– yorğunluq, yuxululuq və əzginlik.

Bəzən baş verən əlavə təsirlər (1000 xəstədən 1-dən 10-na qədərərində baş verən):

– halsızlıq,

– qarın nahiyəsində ağrı.

Çox nadir hallarda baş verən əlavə təsirlər (10000 xəstədən 1-də ) – ürək döyüntüləri, görmə qabiliyyətinin pozulması, ödem, qaşınma, səpgi, övrə (dərinin şişməsi, qızarması və qaşınması), dəridə səpgilər, təngnəfəslik, bədən kütləsinin artması, əzələ ağrıları, ürəkbulanma.

Əgər yuxarıda qeyd edilən əlavə təsirlərdən hər hansı biri güclənərsə və ya içlik vərəqədə qeyd edilməyən əlavə təsirlərin hər hansı bir əlaməti meydana çıxarsa, bu barədə həkimə və ya  əczaçıya məlumat verilməlidir.

BURAXILIŞ FORMASI: 

28 tablet.

APTEKDƏN BURAXILIŞ QAYDASI: 

Reseptlə buraxılır.

MƏHSULUN VƏ ƏMTƏƏ NİŞANININ SAHİBİ: 

“ORNADO MEDICINE” Office 11, 43 Bedford Street, London, WC2E 9HA, Böyük Britaniya.

İSTEHSALÇI:

BIOFARM S.p.zo.o.

60-198 Poznan, Valbjiska küç.13, Polşa.

Libertus tablet nə üçündür?

1. Rinit, sinusit zamanı istifadə olunan dərmanlar
2. Allergik reaksiya zamanı istifadə olunan dərmanlar
3. Dermatit və ekzema zamanı istifadə olunan vasitələr
4. Gözün allergik xəstəliklərində istifadə olunan dərmanlar

Qeyd: Hər hansı bir əlavə və ya dərmanı qəbul etməzdən əvvəl həkimlə məsləhətləşmək vacibdir. Həkim, sizin üçün ən uyğun müalicə metodunu təyin edə bilər və əlavə qəbulunun sizin sağlamlığınıza necə təsir edəcəyini dəyərləndirə bilər.