Fenkarol tabletka nə üçündür?

Fenkarol tabletka haqqında məlumat

Fenkarol tabletka qiyməti

Fenkarol qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Fenkarol tabletka qiyməti 5 azn - 7 azn, Fenkarol 25 mq 9 azn - 12 azn, Fenkarol 50 mq 12 azn - 15 azn arasında dəyişir.  

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Fenkarol 10 mq qiyməti -ni öyrənərək əldə edə bilərsiniz.

FENKAROL    10 mq; 25 mq  və  50 mq  tabletlər

FENKAROL

Beynəlxalq patentləşdirilməmiş adı: Quifenadine

Tərkibi

Təsiredici maddə: 1 tabletin  tərkibində  10 mq, 25mq  və  ya  50 mq  xifenadin (kvifenadin) hidroxlorid vardır.

Köməkçi maddələr:

10 mq  və  25 mq  tabletlər: şəkər, kartof  nişastası, kalsium  stearat.

50 mq  tabletlər:    şəkər, kartof  nişastası, modifikasiyaolunmuş  qarğıdalı  nişastası, kalsium

                               stearat.

Təsviri

10 mq tabletlər

Dayaz  silindrik  formalı  iti  uclu  və  üzərində  xətti  olan  ağ  rəngli  tabletlərdir.

25mq  və  50 mq  tabletlər

İti  uclu  dayaz  silindrik  formalı  ağ  tabletlərdir.

Farmakoterapevtik qrupu

Sistem istifadə üçün qeyri-antihistamin vasitələr.

ATC kodu: R06AX31.

Farmakoloji xüsusiyyətləri

Xifenadin  histaminin  orqanizmin  orqanlara  və  orqanlar  sisteminə  təsirini  zəiflədərək antiallergik  təsir  göstərir. Bu  qrupun  digər  klassik  preparatlarından  fərqli  olaraq  xifenadin xüsusi  təsir  mexanizminə  malikdir, belə  ki, o periferik  toxumalarda  H1-histamin reseptor-larını  blokadaya alır, eləcə də, diaminoksidazanı  aktivləşdirir (histamini  inaktivləşdirən  fer-ment), beləliklə, toxumalarda  histaminin  səviyyəsini  aşağı  salır. Bu,  digər antihistamin  va-sitələrlə  müalicədə  xifenadinin  daha  effektiv  olduğunu  göstərir.

Xifenadin  mədə-bağırsaq  traktından  tez  sorulur  və  30 dəqiqədən  sonra  orqanizmin toxuma-larında  olur. Qan  plazmasında  1 saatdan  sonra  maksimal  konsentrasiyaya çatır. Qaraciyərdə  metabolizmə  uğrayır. Metabolitlər  və  xifenadinin  dəyişilməmiş hissəsi  əsasən sidik  və  ödlə  48 saat  ərzində  xaric  olunur.

İstifadəsinə göstərişlər

Pollinoz, kəskin  və  xroniki  övrə, allergik rinit, allergik konyunktivit, angionevrotik ödem, dermatozlar (ekzema, neyrodermit, dəri  qaşınması  və  s.), dərman  vasitələrinin  və ya  qida  məhsullarının  qəbulu  ilə  əlaqədar  allergik  reaksiyalar.

Əks göstərişlər

Xifenadinə  və  ya  preparatın  köməkçi  maddələrinə  qarşı  yüksək  həssaslıq.

Hamiləliyin  ilk  3 ayında  əks  göstərişdir, hamiləliyin  qalan  vaxtlarında  məsləhət  görülmür.

Xüsusi  göstərişlər  və  ehtiyat  tədbirləri

Ürək-qan  damar  sisteminin, mədə-bağırsaq  traktının, qaraciyər  və  böyrəklərin  ağır xəstəliklərində  ehtiyatla  istifadə  etmək lazımdır.

Fenkarol  mərkəzi  sinir  sisteminə  aydın ifadə olunan  təsir  göstərmir, lakin  tək-tək hallarda  zəif  sedativ  effekt  müşahidə  edilir.

Tabletlərin  tərkibinə  şəkər  daxildir. Preparatı  fruktozaya qarşı  nadir  irsi dözümsüzlüyü, qlükoza/qalaktoza  malabsorbsiyası  və  ya  saxaraza/izomaltaza  çatışmazlığı  olan pasi-yentlərdə  istifadə  etmək  məsləhət görülmür.

Digər dərman vasitələri ilə qarşılıqlı təsiri

Xifenadin  alkoqolun  və  yuxugətirici  vasitələrin  mərkəzi  sinir  sisteminə  dağıdıcı təsirini  gücləndirmir.

Xifenadin  zəif  M-xolinoblokadaedici  təsirə  malik  olub  mədə-bağırsaq  traktının hərəkətini  zəiflədir  və  gec  absorbsiya  olunan dərman  vasitələrinin (məsələn, dolayı təsirli antikoaqulyantlar-kumarinlər) sorulmasını  artırır.

Hamiləlik və laktasiya dövründə istifadəsi

Hamiləliyin  ilk  3 ayı  və  laktasiya  dövründə  istifadəsi  əks  göstərişdir. Hamiləliyin qalan  vaxtlarında  məsləhət  görülmür.

Nəqliyyat vasitələrini və digər  potensial təhlükəli mexanizmləri idarəetmə qabiliyyətinə təsiri

Fiziki  və  ya  psixi  reaksiyalar  tələb  edən  fəaliyyət  növü  ilə (nəqliyyat sürücüləri və s.) məşğul  olan  şəxslərə  preparatın  sedativ  təsirinin  olub-olmamasını  yoxlamaq  üçün  qısa müddətli  qəbulunu  təyin  etmək  lazımdır.

Sedativ  təsir  göstərən  şəxslərə  nəqliyyat  vasitələrini  və  təhlükəli  mexanizmləri  idarə  etmək məsləhət  görülmür.

İstifadə  qaydası  və  dozası

Fenkarol  yeməkdən  dərhal  sonra  daxilə  qəbul  edilir.

Fenkarol  25mq  tabletlər  və  Fenkarol  50mq  tabletlər

Böyüklər

25-50 mq  gündə  2-4 dəfə. Maksimal  sutkalıq  doza  200 mq  təşkil  edir.

12 yaşdan böyük uşaqlar

25 mq  gündə  2-3 dəfə.

Müalicə  kursunun  davamlılığı  10-20 gün  təşkil  edir. Ehtiyac  olduqda  kurs  təkrarlanır.

Fenkarol  10 mq  tabletlər(uşaqlar üçün)

3 yaşa  qədər  uşaqlara  5 mq (yarım  tablet) dozada  gündə  2-3 dəfə.

3-7 yaş  uşaqlarda

10 mq  gündə  2 dəfə.

7-12 yaş  uşaqlara

10-15 mq  gündə  2-3 dəfə.

Məsləhət  görülən  sutkalıq  dozanı  4 qəbula  bölmək  olar.

Müalicə  kursunun  davamlılığı  10-15 gün  təşkil  edir.Ehtiyac  olduqda  müalicə  kursunu təkrar  etmək  olar.

Əgər  preparatın  qəbulunu  ötürmüsünüzsə  dərhal  qəbul e din, əgər  digər  qəbulun  vaxtı çatıbsa, əvvəlki  qəbulu  ötürün. Heç  vaxt  ikiqat  doza  qəbul  etməyın.

Əlavə təsirləri

Digər  dərman  vasitələri  kimi  Fenkarol  da  əlavə  təsirlər  göstərə  bilər, lakin  bunlar,  hər  pasiyentdə  müşahidə  edilmir.

Əlavə  təsirlərin  tezliyi:

tez-tez  rast  gələn-10 pasiyentdən  1 və  ya  daha  çoxunda;

te-tez  rast  gələn-10 pasiyentdə  1 nəfərdən  az, 100 pasiyentdə  1 nəfərdən  çox;

bəzən  rast  gəlinməyən-100 pasiyentdə  1nəfərdən  az, 1000 pasiyentdə  1 nəfərdən  çox;

nadir  hallarda   rast  gələn -1000 pasiyentdə  1 nəfərdən  az, 10000 pasiyentdə  1 nəfərdən  çox;

çox  nadir  hallarda   rast  gələn-10000 pasiyentdə  1 nəfərdən  az;

məlumolmayanlar(əldə  olan  məlumatlara  görə  tezliyi  müəyyən  etmək  mümkün  deyil).

Tez-tez  rast  gələnlər-ağızda  quruluq.

Bəzən  rast  gələnlər-başağrısı, yuxululuq, dispeptik  təzahürlər (ürəkbulanma, qusma), preparatın  dozasını  aşağı  saldıqda  və  ya  qəbulunu  dayandırdıqda  bu  əlamətlər  itir.

Təlimatda  göstərilməyən  əlavə  təsirlər  yarandıqda,  həkimə  müraciət  etmək  lazımdır.

Doza həddinin aşılması

Doza  həddinin  aşılmasına  şübhə  olduqda  həkimə  müracıət  edin.

Simptomları

Selikli  qişaların  quruluğu, başağrısı, qusma, mədədə  ağrı  və  dispeptik  təzahürlər.

Müalicəsi

Detoksikasiyanın  ümumi  qaydaları (mədənin  yuyulması, aktivləşdirilmiş  kömürün  qəbulu) və simptomatik  terapiya. Spesifik  antidotu  yoxdur.

Buraxılış forması

10 mq  tabletlər

10 tablet  torşəkilli  hüdudları  olan  blisterdə. 1 və  ya  2 blister (10 və  ya  20 tablet) içlik vərəqə ilə birlikdə  karton qutuya  qablaşdırılır.

25 mq  tabletlər

10 tablet  torşəkilli  hüdudları  olan  blisterdə. 2 blister (20 tablet) içlik vərəqə ilə birlikdə  karton qutuya  qablaşdırılır.

50 mq  tabletlər

15 tablet  torşəkilli  hüdudları  olan  blisterdə. 1 və  ya  2 blister (15 və  ya  30 tablet) içlik vərəqə  ilə  birlikdə  karton  qutuya  qablaşdırılır.

Saxlanma şəraiti

25°C-dən  yüksək  olmayan temperaturda, nəmdən  və  işıqdan  qorumaqla,  uşaqların  əli çatmayan  yerdə  saxlamaq  lazımdır.

Yararlılıq müddəti

Yararlılıq  müddəti  qablaşdırmanın üzərində  göstərilmişdir.

Yararlılıq müddəti bitdikdən sonra istifadə etmək olmaz.

Aptekdən buraxılma şərti

Reseptsiz buraxılır.

İstehsalçı/Qeydiyyat vəsiqəsinin sahibi

“Olaynfarm” SC.

Ünvan

Rupnis k., 5, Olayne, LV-2114, Latviya.

Fenkarol tabletka nə üçündür?

1. Rinit, sinusit zamanı istifadə olunan dərmanlar
2. Allergik boğulmalar və bronxial astmada istifadə olunan dərmanlar
3. Dermatit və ekzema zamanı istifadə olunan dərmanlar
4. Psoriaz zamanı istifadə olunan dərmanlar
5. Allergik reaksiya zamanı istifadə olunan dərmanlar

Qeyd: Hər hansı bir əlavə və ya dərmanı qəbul etməzdən əvvəl həkimlə məsləhətləşmək vacibdir. Həkim, sizin üçün ən uyğun müalicə metodunu təyin edə bilər və əlavə qəbulunun sizin sağlamlığınıza necə təsir edəcəyini dəyərləndirə bilər.