Vamoksin (Vamoxin) haqqında məlumat

Vamoksin haqqında məlumat

Vamoksin qiyməti

Vamoksin qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. 

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Vamoxin qiyməti -ni öyrənərək əldə edə bilərsiniz.

Tərkibi

Təsiredici maddə: 500 mq klaritromisin
Köməkçi maddələr: mikrokristallik sellüloza, polivinilpirrolidon, kroskarmelloza natrium, magnezium stearat, hidroksipropilmetilsellüloza, polietilen qlikol 400, titan dioksid (E 171), talk, sarı dəmir oksidi (E 172).

FARMAKOTERAPEVTİK QRUPU:  Makrolid qrupu antibiotiki.

FARMAKOLOJİ XÜSUSİYYƏTLƏRİ:

FARMAKODİNAMİKASI:
Klaritromisin geniş təsir spektrli yarımsintetik makrolid qrupu antibiotikdir. Klaritromisin mikrob hüceyrəsinin ribosomlarının 50S subvahidi ilə birləşərək zülal sintezinin qarşısını alır. Klaritromisin aerob və anaerob Qram (-) və Qram (+) bakteriyalara qarşı aktivdir. Klaritromisin in vitro aşağıdakı bakteriyalara qarşı həssaslığa malikdir.
Qram (+) aerob bakteriyalar: Staphylococcus aureus; Streptococcus agalactiae, Streptococcus pyogenes, Streptococcus pneumoniae, Streptococcus viridans и Listeria monocytogenes.
Qram (-) aerob bakteriyalar: Haemophilus influenzae; Haemophilus parainfluenzae; Moraxella (Branhamella) catarrhalis; Neisseria gonorrhoeae; Legionella pneumophila; Bordetella pertussis; Helicobacter pylori; Campylobacter jejuni.
Hüceyrədaxili törədicilər: Mycoplasma pneumoniae; Ureaplasma urealyticum, Chlamydia trachomatis, Chlamydia pneumoniae; Mycobacterium avium; Mycobacterium leprae, M. kansaii, M. chelonae, M. marinum, M.fortitum.
Anaerob mikroorqanizmlər: Bacteroides fragilis; Clostridium perfringens; Propionibacterium acnes, Peptococcus species; Peptostreptococcus species, həmçinin Toxoplasma species.
Aşağıdakı bakteriya ştammlarına bakterisid təsir göstərir: Haemophilus influenzae; Streptococcus pneumoniae; Streptococcus pyogenes; Streptococcus agalactiae; Moraxella (Branhamella) catarrhalis; Neisseria gonorrhoeae; H. pylori и Campylobacter spp.
FARMAKOKINETİKASI:
Klaritromisin MBT-dən tez və asan sorulur. Qaraciyərdən ilk keçiddən sonra aktiv metaboliti 14-hidroksiklaritromisin əmələ gəlir. Qida qəbulu klaritromisinin sorulmasına təsir göstərmir. Klaritromisin adətən sidik və nəcis kütlələri ilə öd vasitəsilə xaric olunur. 250 mq klaritromisin gündə 2 dəfə qəbul olunduqda, qəbul olunan dozanın 15-20%-i dəyişilməmiş formada sidiklə xaric olunur. 500 mq gündə 2 dəfə qəbul olunarsa isə, sidiklə xaric olunan klaritromisin 36% təşkil edir. Klaritromisinin toxumalarda, həmçinin vəz toxumasında və ağciyər toxumasında topladığı konsentrasiya qanda dövr edən konsentrasiyadan dəfələrlə çoxdur. Terapevtik konsentrasiyalarda klaritromisin 80% plazma zülalları ilə birləşir. Klaritromisin mədə seliyinin tərkibinə daxil olur. Klaritromisinin səviyyəsi mədə şirəsi və mədə toxumalarındakı konsentrasiyası omeprazolla kombinəolunmuş terapiya zamanı daha da artır. Klaritromisin ana südünə keçir.

İSTİFADƏSİNƏ GÖSTƏRİŞLƏR:

• yaşdan yuxarı uşaqlar və böyüklərdə müxtəlif mikroorqanizmlərin törətdiyi infeksion xəstəliklərin müalicəsində
• Yuxarı tənəffüs yollarının infeksion xəstəlikləri: laringit, tonzilit, faringit, sinusit, kəskin haymorit, orta otit.
• Aşağı tənəffüs yollarının infeksion xəstəlikləri: xroniki bronxit, pnevmoniya.
• Dəri və yumşaq toxumaların ağırlaşmamış infeksion xəstəlikləri: follikulit, furunkulyoz, impetiqo, yara infeksiyası
• Mikobakterioz (həmçinin atipik forması, rifabusin və etambutolla birlikdə).
• Ürogenital traktın infeksiyaları.
• Cinsi yolla keçən xəstəliklər: xlamidioz, ureaplazmoz, mikoplazmoz
• Mədə və 12 barmaq bağırsağın xəstəlikləri xəstəliyində (H.pylori ilə əlaqədar).
• Diş-damaq infeksiyalarının müalicəsində.

ƏKS GÖSTƏRİŞLƏRİ: 

Klaritromisin, eritromisin və ya digər makrolid qrupu antibiotiklərinə qarşı hiperhəssaslıq, 12 yaşa qədər uşaqlar, hamiləlik (I trimestr) və laktasiya dövrü. Ağır qaraciyər və böyrək çatışmazlığı.

ƏLAVƏ TƏSİRLƏRİ: 

Makrolid qrupuna aid preparatlara qarşı hiperhəssaslıq. Nadir hallarda diareya, ürəkbulanma, qusma.

DİGƏR DƏRMAN VASİTƏLƏRİ İLƏ QARIŞIQLI TƏSİRİ: 

Vamoxinin digər vasitələrlə eyni vaxtda istifadəsinə icazə verilmir (sizaprid, pimozid və terfenadinin) Digər makrolidlər kimi klaritromisinin  sitoxrom P450 fermentinin metabolizmində iştirak etdiyi preparatlarla (varfarin, çovdar mahmızı alkoloidləri, triazolam, midazolam, dizopiramid, lovastatin, rifabutin, fenitoin, siklosporin və takrolimus) birgə qəbulu bu preparatların qanda plazmasındakı konsentrasiyasının artmasına səbəb olur.

DOZA HƏDDİNİN AŞILMASI: 

Klaritromisinin doza həddinin aşılması haqda yetərli məlumatlar yoxdur. Makrolidlərin doza aşılması zamanı baş verən tipik əlavə təsirlərdən eşitmənin pozulması, ürəkbulanma, qusma və diareyanı misal göstərmək olar. Bu zaman mədənin yuyulması və digər dəstəkləyici terapiya aparılmaldır. Digər makrolidlər kimi klaritromisin də hemodializlə xaric olunmur.
PEDİATRİYADA İSTİFADƏSİ: 12-18 yaş arası yeniyetmələrdə istifadəsi həkim nəzarəti altında aparılmalıdır.

İSTİFADƏ QAYDASI VƏ DOZALANMA:

Doza həkim tərəfindən təyin olunur. Preparatın qəbulu haqda hər hansı sual meydana gəlsə, bu haqda həkiminizdən məsləhət alın.
VAMOKSİNın normal sutkalıq tövsiyə olunan dozası böyüklər üçün gündə 2 dəfə 250-500 mq  təşkil edir. Müalicə müddəti 6-14 və ya 7-14 gün. Mikobakterial infeksiyaların müalicə müddəti daha uzundur (3-4 həftə), daha ağır vəziyyətlərdə doza 1000 mq-a qədər artırıla bilər.
H.pylorinin eradikasiyası: 7, 10, 14 və ya 28 gün gündə 2 və ya 3 dəfə 500 mq klaritromisin təyin olunur (digər preparatlarla kombinə olunur).
Tablet bütöv halda, bol maye ilə qəbul olunmalıdır.
12 yaşdan aşağı uşaqlara təyini məsləhət deyil.

SAXLANMA ŞƏRAİTİ: 

25^oC-dən aşağı temperaturda, uşaqların əli çatmayan və işıqdan qorunmuş yerdə saxlanılmalıdır.

BURAXILIŞ FORMASI: 

14 tablet, blisterdə. 1 blister içlik vərəqi ilə birlikdə karton qutuya qablaşdırılır.

İSTEHSALÇI:  

Recordati İlaç. Türkiyyə.

Vamoksin nə üçündür?

1. Yuxarı tənəffüs yollarının digər xəstəliklərində istifadə olunan dərmanlar
2. Aşağı tənəffüs yollarının digər xəstəliklərində istifadə olunan dərmanlar
3. Dəri infeksiyaları zamanı istifadə olunan dərmanlar
4. Bakterial xəstəliklər əleyhinə dərmanlar
5. Mədə və 12 barmaq bağırsaq xorasında istifadə olunan dərmanlar

Qeyd: Hər hansı bir əlavə və ya dərmanı qəbul etməzdən əvvəl həkimlə məsləhətləşmək vacibdir. Həkim, sizin üçün ən uyğun müalicə metodunu təyin edə bilər və əlavə qəbulunun sizin sağlamlığınıza necə təsir edəcəyini dəyərləndirə bilər.