Smart üzüklər daimi müayinə həkiminiz olacaq

SAĞLAMLIQ GÖSTƏRİCİLƏRİNİZİ YOXLAYIB, MƏSLƏHƏT VERƏCƏK

2025-ci ilin Las-Veqasdakı istehlak elektronikasının sərgisindəki (CES) qabaqcıl səhiyyə texnologiyaları nümayiş olunub. Onlarda biri də, görünüşcə gündəlik həyatda istifadəyə uyğun olan, tibbi baxımdan isə insanın sağlamlıq göstəricilərini yoxlayan agıllı güzgü üzükləridir.
Böyük Britaniya və Hindistanda fəaliyyət göstərən “Ultrahuman” şirkəti dünyada ilk lüks smart üzüyünü təqdim edib. Onlar 18 karatlıq qızıldan və ya platindən hazırlanır, 3 rəngdə təklif olunur: «səhra qızılgülü», «düna» və «səhra qarı». "Rare” adlanan kolleksiya yuxu, hərəkət, ürək döyüntüsünün tezliyi, ürək ritminin dəyişkənliyi, stress və dəri temperaturu kimi sağlamlıq göstəricilərini təyinetmə bacarıqlarına malikdir.
«Bu üzük sağlamlığa nəzarət üçün hazırlansa da göstərişli, qeyri-adi və taxmaqdan məmnun olacağımız bir aksesuar olmalıydı», deyə “Ultrahuman” şirkətinin biznesin inkişafı üzrə direktoru Bxuvan Şrinivasan verdiyi müsahibədə bildirib. O əlavə edib ki, bu üzük sizə su, kofe içməyiniz və nə zaman miqdarı azaltmağınız barədə də məsləhət verəcək.
Qeyd edək ki, smart üzüyün təxmini dəyəri 2 000 dollardır (təxminən
3 400 manat).