Valideyn olmaq istəyənlərin NƏZƏRİNƏ: Övladınız bu ayda doğulsa...

Bir çoxları iddia edir ki, insanın dünyaya gəldiyi tarix, daha dəqiq desək, doğulduğu ay onun akademik həyatına, kariyerasına vacib dərəcədə təsir edir.

Bəs bu deyilənlərdə reallıq payı varmı?

Doktorm.az həmin məsələni araşdırıb. Belə ki, ekspertlərin fikrincə, uşağın ağlına təsir edən amillər yalnız doğulduğu ayla bağlı deyil, genetika, qidalanma, təhsil, ailə mühiti və ətraf mühit faktorları ilə də əlaqəlidir. Bununla belə, bəzi tədqiqatlarda doğum ayının uşaqların intellektual və fiziki inkişafına kiçik təsirləri olduğu iddia edilir.

Məsələn, bir neçə araşdırma göstərib ki, yaz və yay aylarında (xüsusən martdan iyuna qədər) doğulan uşaqların akademik nailiyyətləri bəzən daha yüksək ola bilər. Bunun əsas səbəbi uşaqların məktəbə başlama yaşına və yaşlı sinif yoldaşları ilə müqayisə edilə biləcək qabiliyyətlərinə aid edilir.

Mütəxəssislər yenə də vurğulayır ki,  bu fərqlər çox kiçikdir və bir uşağın ağıllı olması üçün valideynlərin və cəmiyyətin ona necə dəstək olması daha əhəmiyyətlidir. Doğum ayından çox, uşağın sevgi və stimullaşdırıcı bir mühitdə böyüməsi önəmlidir.

Bununla yanaşı, bəzi alimlər doğum ayının insanların xüsusiyyətlərinə müəyyən dərəcədə təsir göstərə biləcəyini irəli sürüblər. Məsələn, bəzən astroloji, biologiya və psixologiya araşdırmalarında doğum ayı ilə müxtəlif meyillər arasında əlaqə tapmağa çalışılır.

Alimlərin araşdırmalarına görə, doğum ayı ilə intellektual qabiliyyətlər arasında müəyyən əlaqələr tapılmışdır. Məsələn, sentyabr ayında doğulan uşaqlar akademik uğurları ilə seçilirlər. Bu ayda doğulanlar məktəb və universitet performansında yüksək göstəricilərə malik olur. Bu, təhsil sisteminin yaşa əsaslanan sinifləndirməsi ilə bağlı ola bilər, çünki sentyabr doğumlu uşaqlar bir sinifdə ən böyük yaşda olurlar. Avqust ayında doğulanlar isə daha çox idman sahəsində uğur qazanmağa meyllidirlər. Xüsusilə futbol və basketbol kimi sahələrdə tanınmış idmançıların böyük bir hissəsi avqust doğumludur./yenisabah.az