Dərmanlar

Selekte istifadə qaydası necədir?

Selekte -Güclü antioksidantdır, maddələr mübadiləsinin normal gedişini və hüceyrə funksiyalarını tənzimləyir, qocalma proseslərinin, xərçəngin, şəkərli diabetin və ürək xəstəliklərinin qarşısını alır

DoktorM

Aug 17, 2024 - 10:35

Aug 17, 2024 - 10:36

Selekte

Selekte haqqında məlumat

YAZININ İÇİNDƏKİLƏR

Selekte qiyməti
Tərkibi

Farmakoloji xüsusiyyətləri

İstifadə qaydası və dozalanma rejimi

Əlavə təsirləri

Əks göstərişləri

Buraxılış forması
İstehsalçı

Selekte nə üçündür?

Hamısına bax

Selekte qiyməti

Selekte qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Selekte qiyməti 29 azn - 33 azn arasında dəyişir.

Ən gözəli budur ki, Doktorm.az Platforması ilə əməkdaşlıq edən Apteklər -dən bu günə olan Selekte kapsul qiyməti -ni öyrənərək əldə edə bilərsiniz.

Tərkibi

Vitamin E (DL- alfa tokoferol asetat) - 400 BV
Vitamin A (Retinol asetat) - 1 mq
Sink - 24.9 mq
Selen - 55 mkq

Farmakoloji xüsusiyyətləri

Vitamin E - yağda həll olan vitamindir. Güclü antioksidantdır. Hüceyrə və hüceyrə daxili membranları zədələyən sərbəst radikalların əmələ gəlməsinin qarşısını alır. Bu da orqanizmin inkişafı, sinir və əzələ sisteminin normal fəaliyyəti üçün çox əhəmiyyətlidir. Vitamin E doymamış yağ turşularının hidrogen peroksidlə oksidləşməsini tormozlayır, eritrositlərin hemolizinin qarşısını alır. Bir çox ferment sisteminin kofermentidir.

Vitamin A - yağda həll olan vitamindir, antioksidantdır, gözlərin, sümüklərin, dəri və saçların sağlamlığı üçün, həmçinin immun sisteminin normal fəaliyyəti üçün vacibdir. Retinol zülal sintezini requlə edir, oksidləşmə - bərpaetmə proseslərində iştirak edir. Qocalma proseslərini ləngidir, yeni hüceyrələrin inkişafı üçün vacibdir.

Selen - güclü antioksidantdır, hüceyrələri sərbəst radikalların mənfi təsirindən qoruyur. Qalxanabənzər vəzin tam funksiyası üçün vacibdir. Selen təbii abortların rast gəlmə tezliyini aşağı salır. Həmçinin embrionda defektlərin yaranmasının qarşısını alır. Eyni zamanda immun sistemi stimulə edir.

Sink - immunomoduləedici, tonuslandırıcı, antioksidant və dermatoprotektiv təsir göstərir. T-limfositlərin normal fəaliyyətinə köməklik edir. DNT, RNT və insulin sintezində iştirak edir. A vitamini sink iştirakı olmadan heç bir funksiya yerinə yetirə bilmir. Orqanizmin qocalmasının qarşısını alır.

Aşağıdakı xəstəliklərin kompleks müalıcəsində istifadə olunur

Hamiləliyin pozulma riski, Mastopatiya, Sonsuzluq, Dismenoreya, Amenoreya və Klimaks

Kişi cinsiyyət vəzilərinin hipofunksiyası, Xroniki prostatit

Ateroskleroz, Ürəyin işemik xestelik xəstəlikləri və Kardiomiopatiya

Nevrasteniya, Klimakterik vegetativ pozulmalar, Astenik sindrom

Epilepsiya, Alsheymer və Parkinson xəstəliyi

Dermatomiozit, Dermatoz, Psoriaz, Ekzema, Dəmrov

Miopatiya, Makulodistrofiya, Katarakta, Müxtəlif qansızmalar

Hemolitik anemiya, Periferik damar spazmı, Xolestatik sindrom

Əzələ distrofiyası, Oynaqların, Bağ aparatının degenerativ dəyişiklikləri

Diabetik miopatiya

İstifadə qaydası və dozalanma rejimi

Gündəlik qəbulu 1 kapsuldur. Şəkərli diabet xəstələrinə və hamilələrə istifadəsinə icazə verilir.

Əlavə təsirləri

Adətən E vitamininin qəbulu orqanizm tərəfindən yaxşı qəbul olunur.

Əks göstərişləri

Preparatın hər hansı komponentinə qarşı hiperhəssaslıq.

Buraxılış forması

30 softgel.

İstehsalçı

Tar. ve hay. ürün. ürt. paz. san ve tic. Ltd şti. İvedik org. san. mürted yapı koop. 729 sok. No:7 Ankara.

Azərbaycanda rəsmi distributor: AZERİMED şirkətidir.

Selekte nə üçündür?

Xroniki yorğunluq sindromu və asteniya zamanı istifadə olunan dərmanlar
Mastopatiya zamanı istifadə olunan dərmanlar
Saç, dıqnaq xəstəlikləri zamanı istifadə olunan dərmanlar
Ürəyin digər xəstəliklərində istifadə olunan dərmanlar
Görmə zəifliyi zamanı istifadə olunan dərmanlar
Vitamin və mineral çatışmamazlığı
Metabolik pozulmalar zamanı istifadə olunan dərmanlar
İmmunçatışmazlığı zamanı istifadə olunan dərmanlar

Qeyd: Hər hansı bir əlavə və ya dərmanı qəbul etməzdən əvvəl həkimlə məsləhətləşmək vacibdir. Həkim, sizin üçün ən uyğun müalicə metodunu təyin edə bilər və əlavə qəbulunun sizin sağlamlığınıza necə təsir edəcəyini dəyərləndirə bilər.