Montel 10 mq nə üçündür?

Montel 10 mq haqqında məlumat

Montel 10 mq qiyməti 

Montel qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Montel 10 mq qiyməti 14 azn - 17 azn arasında dəyişir.

Ən gözəli budur ki, Doktorm.az Platforması ilə əməkdaşlıq edən Apteklər -dən bu günə olan Montel 10 qiyməti -ni öyrənərək əldə edə bilərsiniz.

Farmakodinamika

Sisteinil leyukotrienlər (LTC4, LTD4, LTE4) iltihabın güclü eikosanoidləridir və mast hüceyrələri və eozinofillər də daxil olmaqla müxtəlif hüceyrələr tərəfindən ifraz olunur. Bu mühüm proastmatik mediatorlar insanın tənəffüs yollarında (düz əzələ hüceyrələri və makrofaqlar daxil olmaqla) və digər proiltihab hüceyrələrində mövcud olan sisteinil leyukotrien reseptorları (CysLT) ilə birləşirlər. CysLT-lər bronxial astmanın və allergik rinitin patofiziologiyası ilə əlaqəlidir. Bronxial astma zamanı leyukotrien vasitəçiliyi ilə təsirlər bronxospazm, selik ifrazı, damar keçiriciliyinin artması və eozinofillərin sayının çoxalmasını əhatə edir. Allergenlə təmas zamanı allergik rinit zamanı CysLT burun boşluğunun selikli qişasında hər iki mərhələdə (erkən və gec) ifraz olunur və allergik rinit simptomları ilə özünü göstərir. İntranazal sınaq zamanı CysLT burun yollarında hava müqavimətinin və burun tıxanıqlığı simptomlarının artdığını nümayiş etdirib.

Montelukast yüksək seçicilik və kimyəvi yaxınlıqla CysLT1-reseptorlarına bağlanan aktiv birləşməsidir. Montelukast tənəffüs yollarının sisteinil leyukotrien reseptorlarının əhəmiyyətli blokadasına səbəb olur və bu, LTD4 inhalasiyası ilə bronxokontraksiyanı dayandırma qabiliyyəti ilə təsdiqlənmişdir. 5 mq aşağı dozada belə LTD4 stimullaşdırılmış bronxokontraksiyanın əhəmiyyətli blokadasına səbəb olur. Montelukast, ağızdan qəbul edildikdən 2 saat sonra bronxodilatasiya yaradır; bu təsir β-aqonistlərin yaratdığı bronxodilatasiya ilə əlavə təsir göstərir.

Montelukast ilə müalicə həm erkən, həm də gec mərhələdə bronxospazmı dayandıraraq antigenlərə reaksiyanı azaldır. Montelukast böyüklərdə və uşaqlarda periferik qanda eozinofillərin sayını azaldır, tənəffüs yollarında (selik analizində) eozinofillərin sayını əhəmiyyətli dərəcədə azaldır və bronxial astmanın klinik idarəçiliyini yaxşılaşdırır.

Farmakokinetika

• Absorbsiya. Montelukast ağızdan qəbul edildikdən sonra sürətli və demək olar ki, tam sorulur. Böyüklərdə, acqarına 10 mq film örtüklü tabletlərin qəbulundan sonra qan plazmasında Cmax 3 saata çatır. Orta bioloji uyğunluq 64%-dir. Adi qidalanma plazmada Cmax və bioloji uyğunluğa təsir etmir.

• Paylanma. Montelukastın 99%-dən çoxu qan plazmasındakı zülallarla bağlanır. Stasionar mərhələdə montelukastın paylanma həcmi orta hesabla 8-11 l-dir. Montelukastın işarəli dozası ilə aparılan tədqiqatlarda, dozadan 24 saat sonra bütün digər toxumalarda izotopla işarələnmiş materialın konsentrasiyaları minimal olaraq tapılmışdır.

• Metabolizm. Montelukast aktiv şəkildə metabolizmləşir. İnsan qaraciyər mikrosomlarının istifadəsi ilə aparılan in vitro tədqiqatlar montelukastın metabolizmində sitoxrom P450 3A4, 2A6 və 2C9-un iştirak etdiyini sübut etmişdir. Montelukastın terapevtik təsirində metabolitlərin rolu minimaldır.

• İfraz. Sağlam böyüklər könüllülərdə montelukastın qan plazmasından təmizlənməsi orta hesabla 45 ml/dəq təşkil edir. İşarəli izotopla qəbul edilən doza sonra 5 gün ərzində 86%-i nəcis, 0.2%-dən azı isə sidiklə ifraz olunur.

Montel tablet üçün göstərişlər:

• Yüngül və orta dərəcəli davamlı bronxial astmanın əlavə müalicəsi
• Fiziki yüklənmənin induksiya etdiyi bronxospazmın profilaktikası
• Mövsümi və il boyu allergik rinit simptomlarının yüngülləşdirilməsi

İstifadə qaydası

Montel tabletlər ağızdan, qida qəbulundan asılı olmayaraq istifadə edilir. 15 yaş və yuxarı şəxslərə bronxial astma və ya onunla birgə müşahidə edilən mövsümi allergik rinit zamanı axşam bir dəfə 10 mq təyin edilir.

Əks göstərişlər

 Montelukast və ya dərmanın digər komponentlərinə yüksək həssaslıq, 15 yaşdan kiçik uşaqlar üçün istifadəsi məsləhət görülmür.

Yan təsirlər:

• Qan və limfa sistemi: qanaxma meyilləri, trombositopeniya.
• İmmunitet sistemi: həssaslıq reaksiyaları, anafilaksiya.
• Sinir sistemi: baş ağrısı, başgicəllənmə, yuxusuzluq.

Xüsusi təlimatlar: Montel preparatını kəskin astma tutmalarının qarşısını almaq üçün istifadə etmək olmaz.

Aptekdən buraxılış forması:

Reseptlə satılır

Tərkibi:

Montelukast,

Farmakoloji Təsiri:

Bronxolitik

Vahidi:

Tab

İstehsalçı Ölkə:

TÜRKİYƏ

İstehsalçı Firma:

Abdi İbrahim

Təsiredicinin miqdarı :

Montelukast 10 mq

Montel 10 mq nə üçündür? 

1. Rinit, sinusit zamanı istifadə olunan dərmanlar
2. Allergik boğulmalar və bronxial astmada istifadə olunan dərmanlar

Qeyd: Hər hansı bir əlavə və ya dərmanı qəbul etməzdən əvvəl həkimlə məsləhətləşmək vacibdir. Həkim, sizin üçün ən uyğun müalicə metodunu təyin edə bilər və əlavə qəbulunun sizin sağlamlığınıza necə təsir edəcəyini dəyərləndirə bilər.