Melbek fort

Melbek fort haqqında məlumat

Melbek qiyməti

Melbek qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Melbek qiyməti 4 azn - 6 azn arasında dəyişir.  

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Melbek fort qiyməti -ni öyrənərək əldə edəsiniz.

Melbek tərkibi

Təsiredici maddə: hər tabletin tərkibində 15 mq meloksikam vardır.
Köməkçi maddələr: krospovidon, povidon (PVP K30), mikrokristallik sellüloza (PH 102), natrium-sitrat, susuz kolloidal silisium dioksid (Aerosil 200), susuz laktoza, maqnezium-stearat.

Farmakoterapevtik qrupu

Qeyri-steroid iltihabəleyhinə preparat (QSİƏP).

ATC kodu: M01AC06.

Farmakoloji xüsusiyyətləri

Melbek fort nə üçündür?

Farmakodinamikası

Meloksikam enol turşusu qrupuna aid olan, heyvanlar üzərində aparılmış tədqiqatlarda sübut edilmiş iltihabəleyhinə, ağrıkəsici və qızdırmasalıcı xüsusiyyətlərə malik qeyri-steroid iltihabəleyhinə dərman vasitəsidir. Meloksikamın iltihabəleyhinə təsiri bütün standart iltihab modelləri üzərində göstərilmişdir. In vitro tədqiqatlarda Meloksikam SOQ-1 ilə müqayisədə daha çox selektiv olaraq SOQ-2 fermentini inhibə edir.

Farmakokinetikası

Oral qəbuldan sonra Meloksikam 89% absorbsiya olunur. Qida qəbulu preparatın absorbsiyasına təsir etmir.
Preparatın 7,5 mq və 15 mq dozada qəbulundan sonra qanda müvafiq konsentrasiyalarda təyin olunur. Cmax 7,5 mq Meloksikam qəbulundan sonra 4-5 saata əldə edilir. Meloksikamın qanda sabit konsentrasiyası 3-5 gün ərzində müəyyən olunur. Meloksikamın 99,4%-i plazma zülalları ilə birləşir.
Sinovial mayedə konsentrasiyası plazma konsentrasiyasının 40%-dən 50%-ə qədər olmuşdur. Sinovial mayedə sərbəst fraksiya qan plazmasında olduğundan 2,5 dəfə yüksəkdir, bunun səbəbi plazma ilə müqayisədə sinovial mayedə albuminin miqdarının az olmasıdır.
Meloksikam qaraciyərdə metabolizə olunur. Əsas metaboliti olan 5'-karboksimeloksikam (dozanın 60%-i) aralıq metabolit olan 5'-hidroksimetilmeloksikamın oksidləşməsi nəticəsində yaranır. 5'- hidroksimetilmeloksikam az miqdarda ekskresiya olunur (dozanın 9%-i). In vitro tədqiqatlar göstərir ki,
metabolik transformasiyada əsas rolu P-450 2C9 fermenti oynayır.
Meloksikam başlıca olaraq metabolitlər şəklində ekskresiya olunur, eyni dərəcədə sidiklə və nəcislə xaric olur.
Dəyişilməmiş əsas maddənin yalnız izi sidiklə (0,2%) və nəcislə (1,6%) xaric olur.
Meloksikamın yarımxaricolma dövrü 20 saat təşkil edir. Preparatın orta plazma klirensi təqribən 8 ml/dəq təşkil edir. Bu göstəricilər müxtəlif xəstələrdə 30-40% arasında dəyişə bilər.

İstifadəsinə göstərişlər

• Revmatoid artritin
• Osteoartritin (artrozlar, oynaqların degenerativ xəstəlikləri)
• Ankilozlaşdırıcı spondilitin (Bexterev xəstəliyi)
• İşiasın
• Lümbaqonun
• Yumşaq toxumanın revmatik zədələnmələrinin (bursit, tendinit, fassiit)
• Postoperativ ağrıların
• Diş ağrısının simptomatik müalicəsi.

Melbek əks göstərişlər

Meloksikama və ya köməkçi maddələrdən hər hansı birinə qarşı yüksək həssaslıq zamanı əks göstərişdir.
Aspirin və digər QSİƏP qəbulundan sonra astma, övrə və ya allergik tipli reaksiyalar müşahidə edilirsə təyin
edilməməlidir .

• Aktiv mədə-bağırsaq xorası;
• Ağır qaraciyər çatışmazlığı;
• Dializə məruz qalmayan pasiyentlərdə ağır böyrək çatışmazlığı;
• Ağır ürək çatışmazlığı;
• 15 yaşa qədər uşaqlar;
• Hamiləlik və laktasiya dövrü

Hamiləlik və laktasiya dövründə istifadəsi

Tədqiqatlar zamanı teratogen təsir müəyyən olunmasa da, meloksikamın hamiləlik və laktasiya dövründə istifadəsi tövsiyə olunmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Avtomobil və maşın idarəetmə bacarığına təsiri xüsusi olaraq öyrənilməmişdir. Lakin, preparatın farmakodinamik göstəricilərinə və qeydə alınan əlavə təsirlərinə əsasən, Meloksikamın bu xüsusiyyətlərə təsiri yoxdur və ya nəzərəçarpan deyil. Əgər görmə pozulması və ya yuxululuq, başgicəllənmə kimi mərkəzi sinir sistemi pozğunluqları müşahidə edilirsə, avtomobil və maşın idarəetmədən çəkinmək məsləhətdir.

Digər dərman vasitələri ilə qarşılıqlı təsiri

• Digər QSİƏP, yüksək dozalı salisilatlar daxil olmaqla: eyni zamanda QSİƏP qrupundan bir preparatdan artıq təyin edilərsə, sinergik təsir nəticəsində, qanaxma və xoraların başvermə riski yüksəlir.
• Peroral antikoaqulyantlar: tiklopidin, heparin, trombolitiklərlə birlikdə istifadə olunarsa qanaxmanın başvermə riski yüksəlir. Əgər Melbek®-in bu preparatlarla birlikdə istifadəsi zəruri olarsa, o zaman antikoaqulyantların təsiri nəzarət altında (İNR) saxlanılmalıdır.
• Litium: müəyyən edilmişdir ki, birlikdə istifadə olunduqda QSİƏP qan plazmasında litiumun miqdarını artırır.
• Müalicənin əvvəlində və sonunda, həmçinin Melbek®-in dozası dəyişdirildiyi zaman qanda litiumun miqdarını təyin etmək tövsiyə olunur.
• Metotreksat: digər QSİƏP olduğu kimi Melbek® metotreksatın hematoloji toksiki təsirini gücləndirə bilər. Bu səbəbdən yüksək dozada (15 mq/həftə-dən artıq) metotreksat qəbul edən pasiyentlərə QSİƏP-lərin istifadəsi məsləhət görülmür.
• Diuretiklərlə QSİƏP-lər birlikdə istifadə olunduqda müalicə zamanı dehidratasiyası olan xəstələrdə kəskin böyrək çatışmazlığı əmələ gələ bilər. Diuretiklərlə birgə Melbek® istifadə edən xəstələr kifayət qədər maye qəbul etməlidir. Müalicəyə başlanmazdan əvvəl belə xəstələrdə böyrəklər müayinə edilməlidir.
• Antihipertenziv preparatlar (beta-blokatorlar, AÇF inhibitorları, vazodilatatorlar, diuretiklər): QSİƏP-ın qəbulu zamanı prostaqlandinlərin (damargenişləndirici təsirə malikdir) sintezi tormozlandığından antihipertenziv preparatların təsiri zəifləyir.
• Xolestiramin MBT-da meloksikamla birləşir və beləliklə preparatın tez xaric olmasına səbəb olur.

Melbek fort istifadə qaydası və dozası

• Revmatoid artrit: 15 mq/gün. Müsbət müalicəvi effekt alınandan sonra doza 7,5 mq-a qədər azaldıla bilər.
• Osteoartrit: 7,5 mq/gün. Ehtiyac olarsa dozanı gündə 15 mq-a qədər artırmaq olar.
• Ankilozlaşdırıcı spondilit: 15 mq/gün. Əlavə təsirlərin müşahidə olunması riski olan pasiyentlərdə müalicəni 7,5 mq/gün doza ilə başlamaq lazımdır.
• Melbek Fort-un tövsiyə olunan maksimal gündəlik dozası 15 mq/gün təşkil edir.
• Ağır böyrək çatışmazlığı olan pasiyentlərdə gündəlik doza 7,5 mq-ı keçməməlidir.
• Tablet yemək zamanı maye ilə qəbul edilməlidir.

Doza həddinin aşılması

Meloksikamın mövcud dozanın həddən artıq olması təcrübəsi məhduddur. Xolestiraminin meloksikamın klirensini sürətləndirdiyi məlumdur. Adətən letargiya, yuxululuq, ürəkbulanma, qusma, qarın nahiyəsində ağrı,
QSİƏP-lərlə kəskin dozanın həddən artıq olması simptomları dəstəkləyici terapevtik tədbirlərin həyata keçirilmə zamanı geriyədönən olur. Ağır intoksikasiyalar hipertenziya, kəskin böyrək çatışmazlığı, qaraciyər funksiyasının pozulması, respirator distress sindrom, koma, qıcolmalar, ürək-damar kollapsı və ürəyin dayanması ilə müşayiət oluna bilər. Xüsusi antidot mövcud olmadığına görə dozanın həddən artıq olması zamanı standart ümumi dəstəkləyici tədbirlər və simptomatik müalicənin həyata keçirilməsi tövsiyə olunur.
Doza həddinin aşılmasından sonra 1-2 saat keçmiş olduğu zaman pasiyentlərə aktivləşdirilmiş kömürün verilməsi tövsiyə olunur. Doza həddinin aşılması və ya doza həddi aşılmasının ağır simptomlarının meydana çıxması zamanı pasiyentlərə təkrar olaraq aktivləşdirilmiş kömür verilə bilər. Meloksikamın qan zülalları ilə yüksək miqdarda birləşdiyinə görə gücləndirilmiş diurez, sidiyin qələviləşdirilməsi, hemodializ və ya hemoperfuziya kimi tədbirlərin keçirilməsi əhəmiyyətsizdir.

Buraxılış forması

Melbek Fort 15 mq-lıq 10 tablet blisterlərdə. 1 blister (10 tablet) və ya 3 blister (30 tablet) içlik vərəqə ilə birlikdə karton qutuya qablaşdırılır.

Saxlanma şəraiti

25 C-dən aşağı temperaturda, uşaqların əli çatmayan yerdə və öz qutusunda saxlanılmalıdır.

Yararlılıq müddəti

4 il. Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

NOBEL İLAÇ SANAYİİ VE TİCARET A.Ş.
Sancaklar 81100 Düzce/Türkiye.
Lisenziya sahibi
NOBEL İLAÇ SANAYİİ VE TİCARET A.Ş.
Ümraniye 34768 İstanbul/Türkiye.

Aid olduğu kateqoriyalar

1. Travmatik ağrılarda istifadə olunan dərmanlar
2. Oynaq və əzələ ağrılarında istifadə olunan dərmanlar
3. Artrit zamanı istifadə olunan dərmanlar
4. Artroz zamanı istifadə olunan dərmanlar
5. Yumşaq toxumaların zədələnmələri