Kükürd mazı

Kükürd mazı haqqında məlumat

Kükürd mazı qiyməti

Kükürd mazı qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Kükürd mazı qiyməti 2 azn - 3 azn arasında dəyişir.  

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Kükürd mazı qiyməti -ni öyrənərək əldə edəsiniz.

Kükürd mazı tərkibi

Kükürd

Farmakoloji təsiri

Qoturluq əleyhinə

İstehsalçı ölkə

Belçika

Kükürd mazı nə üçündür?

• Qoturluq və pedikulyoz zamanı istifadə olunan dərmanlar

Kükürd mazı dnar.prim.333mgg borularda 25g qablaşdırmada №1

Təsviri

Mazı sarı və ya açıq-sarı rəngdədir.

Əsas təsiredici maddə

Kükürd

Buraxılış forması

xaricə tətbiq üçün maz

Dozaj

25 g

Farmakoloji xüsusiyyətləri

Farmakodinamikası

Dərman vasitəsi antimikrob və antiparazitar təsirə malikdir. Kükürdün üzvi maddələrlə qarşılıqlı təsiri zamanı sulfidlər və pentation turşusu yaranır ki, bu da yuxarıda göstərilən aktivliyə malikdir.

Farmakokinetikası

Xaricə tətbiq zamanı mazın tərkibindəki kükürd və parafin sistemli qan dövranına demək olar ki, sorulmur.

Tətbiq göstəriciləri

Dəri xəstəliklərinin (seboreya, sikoz, mikoz, psoriaz) və qaşınmanın müalicəsində birləşdirilmiş terapiyanın tərkibində istifadə olunur.

Kükürd mazı istifadə qaydası və dozası

Xaricə. Dərman vasitəsi təsirlənmiş dəri sahələrinə nazik qatla gündə 2-3 dəfə 5 gün ərzində çəkilir. Qaşınmanın müalicəsi: İlk gün axşam yatmazdan əvvəl isti su və sabunla duş qəbul etdikdən sonra tətbiq olunur. Maz əllərə, sonra bədənə və ayaqlara, daxil olmaqla ayaq altına və barmaqlara sürtülür. Dəriyə tətbiq edildikdən sonra yalnız təmiz paltar və geyim istifadə edilməlidir. İkinci və üçüncü günlərdə müalicəyə fasilə verilir, bu zaman mazın qalıqları dəridən yuyulmur. Dördüncü gün axşam xəstə sabunla yuyulur və ilk gün kimi mazı yenidən tətbiq edir və bütün paltarlarını dəyişir. Əllər tətbiqdən sonra 3 saat ərzində yuyulmamalıdır; daha sonra əllər hər yuyulmadan sonra mazla müalicə edilir. Maz digər dəri sahələrindən yuyulsa, həmin sahələr yenidən müalicə edilməlidir. Maz müalicənin beşinci günündə dəridən tamamilə yuyulur.

Hamiləlik və laktasiya dövründə tətbiqi

Dərman vasitəsinin hamiləlik və laktasiya dövründə təhlükəsizliyi və kliniki effektivliyi öyrənilmədiyindən, bu dövrdə yalnız ana üçün gözlənilən fayda döl və ya uşaq üçün potensial riski üstələdikdə istifadə edilə bilər. Dərman vasitəsinin həkim təyinatı ilə istifadə edilməsi mümkündür.

Ehtiyat tədbirləri

Mazın genital sahədə tətbiqi zamanı ağ parafinin tərkibinə görə lateks prezervativlərinin möhkəmliyinin azalması və cırılması baş verə bilər. Kükürd kifayət qədər yüksək toksiklikə malikdir, selikli qişaları və tənəffüs orqanlarını qıcıqlandıra bilər. Mazın gözə düşməsinə yol verməmək lazımdır. Maz çəkildikdən sonra əlləri diqqətlə yumaq lazımdır.

Kükürd mazı digər dərman vasitələri ilə qarşılıqlı təsiri

Digər xarici tətbiq üçün dərman vasitələri ilə eyni zamanda tətbiq edildikdə yeni, təsiri proqnozlaşdırılmayan birləşmələr əmələ gələ bilər. Mazın oksidləşdiricilərlə (hidrogen peroksid məhlulu, kalium permanganat və s.) qarşılıqlı təsiri kimyəvi yanığa səbəb ola bilər.

Kükürd mazı əks göstərişlər

Dərman vasitəsinə qarşı yüksək həssaslıq, 3 yaşa qədər uşaqlar.

Kükürd mazı tərkibi

Hər bir boru (25 g) ehtiva edir: təsiredici maddə: xaricə tətbiq üçün kükürd – 8,325 g; köməkçi maddələr: ağ parafin, təmizlənmiş su, emulqator T-2.

Doza həddinin aşılması

Kükürd mazının istifadəsi zamanı doza həddinin aşılması halları indiyədək təsvir edilməmişdir.

Yan təsirlər

Nadir hallarda allergik reaksiyalar mümkündür.

Saxlama şəraiti

15°C-dən yüksək olmayan temperaturda saxlayın. Uşaqların əli çatmayan yerdə saxlayın.