КSЕFОКАМ RAPİD

Lornoksikam trombositlərin aqreqasiyasını azaldır və qanın laxtalanma müddətini uzadır. Beləliklə, qanaxmalara yüksək müyillilik olan pasiyentlərdə xüsusilə ehtiyatlı olmaq lazımdır.

Aşağıda qeyd olunan pasiyent qrupuna Lornoksikam yalnız fayda-risk nisbətinin ciddi qiymətləndirilməsindən sonra təyin edilə bilər:

• böyrək funksiyasının pozulması ilə pasiyentlər: böyrək prostaqlandinləri böyrək qan dövranını təmin etdiyi üçün yüngül və orta ağırlıq dərəcəli böyrək funksiyasının pozulması ilə pasiyentlərdə lornoksikam ehtiyatla istifadə edilməlidir. Böyrək funksiyasının pizləşməsi zamanı lornoksikam ilə müalicə dayandırılmalıdır
• aşağıda sadalanan pasiyentlərə böyrək funksiyasının nəzarətinin aparılması zəruridir:
• geniş cərrahi müdaxilələr keçirmiş pasiyentlər
• ürək çatışmazlığı ilə pasiyentlər
• diuretiklər və ya böyrəklərin zədələnmnəsinə səbəb ola bilən dərman preparatları yanaşı müalicə alan pasiyentlər
• qan laxtalanmasının pozulması olan pasiyentlər: ciddi klinik monitorinqin aparılması və laborator qiymətləndirilmənin aparılması tövsiyə edilir (məsələn, aktivləşdirilmiş parsial tromboplastin zamanı (APTZ)
• qaraciyər funksiyasının pozulması (məsələn, qaraciyər sirrozu) ilə pasiyentlər: qaraciyər funksiyasının pozulması ilə pasiyentlərə klinik monitorinqin və laborator qiymətləndirmənin aparılması tövsiyə edilir, çünki həmin pasiyentlərdə 12-16 mq gündəlik doza ilə müalicə nəticəsində lornoksikamın kumulyasiyası (AUC böyüməsi) qeyd oluna bilər. Qeyd olunan fakt istisna olmaqla qaraciyər funksiyasının pozulması lornoksikamın farmakokinetik parametrlərinə təsir göstərmir.
• 65 yaşdan yuxarı pasiyentlərə böyrək və qaraciyər funksiyasının monitorinqinin aparılması tövsiyə edilir. Cərrahi əməliyyatlar keçirmiş pasiyentlərdə ehtiyat tədbirlərinə riayət etmək lazımdır.

QSİƏV ilə yanaşı istifadəsi

Lornoksikamın QSİƏP, həmçinin siklooksigenaza-2 selektiv inhibitorları ilə yanaşı istifadəsindən qaçınmaq lazımdır.

Arzuolunmaz halların inkişafı riskinin azaldılması üçün minimal effektiv dozanın qısamüddətli kurs ilə təyin edilməlidir.

Mədə-bağırsaq xoraları, qanaxmaları və perforasiyaları

MBT-da ölüm ilə nəticələnə bilən qanaxmalar, xoralar və perforasiyalar bütün QSİƏP istifadəsi fonunda qeydə alınmış və müalicə prosesinin istənilən müddətində yaranmışdır. Qeyd olunan fəsadlar xəbərdarlıq simptomlar və ya anamnezdə ciddi MBT pozulmaları ilə müşayiət olunurdu və ya olunmurdu.

MBT-da qanaxmaların, xoraların və ya perforasiyaların inkişafı riski QSİƏV dozasının yüksəlməsi zamanı, anamnezdə xora xəstəliyi olan pasiyentlərdə, xüsusilə də onun qanaxma və ya perforasiya ilə fəsadlaşması zamanı və ahıl yaşlı pasiyentlərdə yüksəlir. Qeyd olunan pasiyentlər müalicəni mümkün qədər minimal dozadan başlamalıdır.

Həmin pasiyentlərdə, həmçinin asetilsalisil turşusunu aşağı dozalarda və ya mədə-bağırsaq traktı tərəfindən pozulmaların inkişafına səbəb ola biləcək digər dərman vasitələrini qəbul etmək məcburiyyətində olan pasiyentlərdə qastroprotektorlar (məsələn, mizoprostrol və ya proton pompası inhibitorları) ilə kombinəolunmuş müalicənin təyin edilməsi məsələsinə baxılmalıdır (aşağıdakı məlumata bax). Vaxtaşırı klinik monitorinqin aparılması tövsiyə edilir.

Anamnezdə MBT tərəfindən toksiki əlamətləri olan, ilk növbədə ahıl yaşlı pasiyentlər, istənilən qeyri-adi abdominal simptomlar (ilk növbədə, MBT qanaxmalarının əlamətləri), xüsusilə də müalicənin əvvəlində yaranan simptomlar haqqında məlumatın verilməsinin zəruriliyi haqqında məlumatladırılmalıdır.

MBT xoraları və ya qanaxmalarının inkişafı riskini yüksəldə bilən dərman vasitələrini, məsələn, peroral kortikosteroidlər, varfarin kimi antikoaqulyantlar, serotoninin geri udulmasının selektiv inhibitorları və ya asetilsalisil turşusu kimi antitrombositar vasitələr ilə yanaşı müalicəni alan pasiyentlərdə ehtiyat tədbirlərinə riayət edilməlidir (4.5 bölməsinə bax). Lornoksikam qəbul edən pasiyentlərdə MBT qanaxmaları və ya xoraları inkişaf etdiyi halda müalicə dayandırılmalıdır.

Anamnezdə MBT xəstəlikləri (məsələn, xoralı kolit, Kron xəstəliyi) olan pasiyentlərdə həmin xəstəliklərin kəskinləşməsi mümkün olduğu üçün QSİƏV ehtiyatla istifadə olunmalıdır.

Ahıl yaşlı pasiyentlər

Ahıl yaşlı pasiyentlərdə həyat üçün təhlükəli ola bilən QSİƏV-ə qarşı arzuolunmaz reaksiyaların, xüsusilə də mədə-bağırsaq qanaxmaların və perforasiyaların, inkişafının tezliyi daha yüksəkdir.

Ürək-damar və serebrovaskulyar effektlər

QSİƏV ilə müalicə fonunda mayenin ləngiməsi və ödemlərin inkişafı halları qeyd olunduğu üçün yüngül və ya orta ağırlıq dərəcəli arterial hipertenziyadan və/və ya durğunluq ürək çatışmazlığından əziyyət çəkən və ya əvvəllər əziyyət çəkmiş pasiyentlərə müvafiq monitorinqin və tibbi konsultasiyaların aparılması tələb olunur.

Klinik tədqiqatlar zamanı əldə edilən və epidemioloji məlumatlar əsasında təxmin etmək olar ki, bəzi QSİƏV istifadəsi, xüsusilə də yüksək dozalarda və uzunmüddətli kurs ilə arterial trombotik fəsadların (məsələn, miokard infarktın və ya insultun) yüksək riski ilə əlaqəli ola bilər. Lornoksikamın qəbulu zamanı qeyd olunan riskin istisna edilməsi üçün kifayət qədər məlumat əldə edilməmişdir.

Nəzarət olunmayan hipertenziya, durğunluq ürək çatışmazlığı, diaqnozu müəyyən edilmiş ürəyin işemik xəstəliyi, periferik arteriyaların və/və ya serebrovaskulyar xəstəlik ilə pasiyentlərə lornoksikam ilə müalicə yalnız müalicənin məqsədəuyğun olduğunun qiymətləndirməsindən sonra təyin edilməlidir. Ürək-damar xəstəliklərin risk faktorları (məsələn, hipertenziya, hiperlipidemiya, şəkərli diabet, siqaret çəkmə) olan pasiyentlərdə uzunmüddətli müalicənin aparılmasından əvvəl həmin qiymətləndirilmə aparılmalıdır.

QSİƏV və heparinin spinal və ya epidural anesteziya zamanı yanaşı istifadəsi spinal/epidural hematomanın yaranması riskini yüksəldir.

Dəri tərəfindən pozulmalar

QSİƏV istifadəsi fonunda eksfoliativ dermatit, Stivens-Conson sindromu (SCS) və toksiki epidermal nekroliz (TEN) kimi ciddi dəri reaksiyaların inkişafının nadir halları qeydə alınmışdır, həmin reaksiyaların bəziləri ölümlə nəticələnmişdir. Maksimal riskə pasiyentlər müalicə kursun əvvəlində məruz qalır, əksər hallarda həmin reaksiyaların simptomları müalicənin 1-ci ayında meydana çıxır. Dəridə səpgilər, selikli qişalarda yaralar və ya hiperhəssaslığın digər əlamətləri yarandığı halda lornoksikamın qəbulu dırhal dayandırılmalıdır.

Respirator pozulmalar

Hazırda və ya əvvəllər bronxial astmadan əziyyət çəkən pasiyentlərə ehtiyatla təyin olunmalıdır, çünki QSİƏV həmin pasiyentlərdə bronxospazmın inkişafına səbəb ola bilər.

*Sistemli qırmızı qur eşənəyi və birləşdirici toxumanın qarışıq xəstəlikləri

Sistemli qırmızı qurd eşənəyi (SQQE) ilə pasiyentlərin müalicəsi ehtiyatla aparılmalıdır, çünki həmin pasiyentlərdə aseptik meningitin inkişafının yüksək riski qeyd oluna bilər.

Nefrotoksiklik

QSİƏV və takrolimusun yanaşı istifadəsi zamanı böyrəklərdə prostasiklinin azalması nəticəsində nefrotoksikliyin riskinin yüksəlməsi mümkündür. Bu səbəbdən kombinəolunmuş müalicəni alan pasiyentlərdə böyrək funksiyasının ciddi monitorinqi aparılmalıdır.

Laborator göstəricilərin normadan kənar olması

Əksər QSİƏV-in qəbulu zamanı olduğu kimi zərdabda transaminaza, bilirubin və ya qaraciyər funksiyasının digər göstəricilərinin, həmçinin kreatininin və sidik cövhəri azotunun səviyyəsinin yüksəlməsi və laborator göstəricilərin digər dəyişiklikləri qeyd olunur. Həmin dəyişikliklərin hər hansı biri əhəmiyyətli və ya dayanıqlı olduğu halda lornoksikamın qəbulu dayandırılmalı və müvafiq müayinələr təyin edilməlidir.

Reproduktiv funksiya

Siklooksigenaza/prostaqlandinlərin sintezini inhibisiya edən istənilən digər preparatın istifadəsi zamanı olduğu kimi, lornoksikamın qəbulu reproduktiv funksiyaya neqativ təsir göstərə bilər və bu səbəbdən hamiləliyi planlaşdıran qadınlara tövsiyə edilmir. Mayalanma ilə bağlı çətinlik çəkən və ya sonsuzluq ilə bağlı müayinədən keçən qadınlarda lornoksikamın qəbulunun dayandırılması məsələsinə baxılmalıdır.

Su çiçəyi

Istisna hallarda su çiçəyi dəri və yumşaq toxumalar tərəfindən ciddi infeksion fəsadların inkişafına səbəb ola bilər.

Hal-hazırda QSİƏV-in həmin infeksiyaların fəsadlaşmasında rolu istisna oluna bilməz. Bu səbəbdən su çiçəyi zamanı lornoksikamın qəbulundan qaçınmaq lazımdır.

Hamiləlik və laktasiya dövründə istifadəsi