Aertal tablet istifadə qaydası necədir?

Aertal haqqında məlumat

Aertal qiyməti

Aertal tablet qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Aertal qiyməti 8 azn - 10 azn arasında dəyişir.  

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Aertal dərman qiyməti -ni öyrənərək əldə edəsiniz.

AERTAL örtüklü tabletlər

AIRTAL®

Beynəlxalq patentləşdirilməmiş adı: Aceclofenac

Tərkibi

Təsiredici maddə: 1 tabletin tərkibində 100 mq aseklofenak vardır.

Köməkçi maddələr: qliserol distearat, natrium kroskarmelloza, povidon K-30, mikrokristallik sellüloza.

Örtük: sepifilm 752 (hidroksipropilmetilsellüloza, mikrokristallik sellüloza, titan dioksid (E 171), makroqol stearat (I tip)).

Təsviri

Dairəvi formalı, hər iki tərəfi qabarıq, ağ rəngli, diametri 8 mm-ə qədər olan örtüklü tabletlərdir. Tabletin bir tərəfində “A” yazısı vardır.

Farmakoterapevtik qrupu

İltihabəleyhinə və revmatizməleyhinə vasitələr. Qeyri-steroid iltihabəleyhinə və revmatizməleyhinə vasitələr.

ATC kodu: M01AB16.

Farmakoloji xüsusiyyətləri

Farmakodinamikası

Aseklofenak iltihabəleyhinə və ağrıkəsici effektə malik qeyri-steroid vasitədir. Hesab edilir ki, bu preparatın təsir mexanizmi prostaqlandinlərin sintezinin inhibə olunmasına əsaslanır.

Farmakokinetikası

Sorulması

Daxilə qəbul edildikdən sonra aseklofenak tez sorulur, onun biomənimsənilməsi demək olar ki, 100% təşkil edir. Daxilə qəbul edildikdən sonra maksimal plazma konsentrasiyaya təxminən 1,25-3 saatdan sonra çatır. Qida qəbulu sorulmanı ləngidir, lakin onun dərəcəsinə təsir etmir.

Paylanması

Aseklofenak plazma zülalları ilə yüksək dərəcədə birləşir (>99,7%). Aseklofenak sinovial mayeyə nüfuz edir və onun oradakı konsentrasiyası plazma konsentrasiyasının təxminən 60%-ni təşkil edir. Paylanma həcmi təxminən 30 litr təşkil edir.

Xaric olması

Orta yarımxaricolma dövrü 4-4,3 saat təşkil edir. Klirens 5 l/s təşkil edir. Qəbul edilmiş dozanın təxminən 2/3-si sidiklə əsasən konyuqasiya olunmuş hidroksi-metabolitlər şəklində xaric olur. Bir dəfəlik peroral dozanın, yalnız 1%-i dəyişilməmiş şəkildə xaric olur.

Ehtimal edilir ki, aseklofenak CYP2C9 vasitəsilə əsas 4-OH-aseklofenak metabolitə metabolizə olunur və bu metabolitin təsirinin preparatın klinik təsirinə əlavə olunması minimal hesab edilir. Diklofenak və 4-OH-diklofenak çoxsaylı metabolitlər arasında aşkar olunmuşdur.

Xüsusi qrup pasiyentlərdə farmokinetikası

Yaşlı pasiyentlərdə aseklofenakın farmakokinetikası dəyişmir.

Preparatın bir dəfəlik istifadəsindən sonra qaraciyərin zəif funksiyası olan xəstələrdə aseklofenakın daha ləng xaric olması müşahidə olunmuşdur. Yüngül və ya orta dərəcəli qaraciyər sirrozu olan pasiyentlərdə və sağlam könüllülərdə gündə 1 dəfə 100 mq preparatdan çox sayda istifadənin tədqiqatlarında farmakokinetik parametrlərinin fərqi müşahidə olunmamışdır.

Yüngül və ya mülayim dərəcəli böyrək funksiyasının pozulması olan pasiyentlərdə sağlam pasiyentlərlə müqayisədə bir dəfəlik qəbuldan sonra farmakokinetik göstəricilərin klinik əhəmiyyətli fərqi müşahidə edilməmişdir.

İstifadəsinə göstərişlər

• Osteoartrit, revmatoid artrit və ankilozlaşdırıcı spondiloartrit və dayaq-hərəkət aparatının ağrı ilə müşayiət olunan digər xəstəlikləri (məsələn, bazu-kürək periartriti və revmatizmin oynaqdankənar digər təzahürləri) zamanı.

• Ağrının qarşısını almaq məqsədilə (bel ağrısı, diş ağrısı və ilkin dismenoreya kimi).

Əks göstərişlər

Aşağıdaki hallarda aseklofenakın istifadəsi əks göstərişdir:

• Preparatın istənilən komponentinə qarşı yüksək həssaslıq.

• Astma tutmalarına, bronxospazma, kəskin rinitə və ya övrəyə səbəb olan eyni təsirə malik maddələr (məsələn, asetilsalisil tueşusu və ya digər QSİƏP) qəbul edən pasiyentlər; və ya bu maddələrə qarşı yüksək həssaslığı olan pasiyentlər.

• QSİƏP qəbulu nəticəsində qanaxma və ya mədə-bağırsaq traktının (MBT) deşilməsi halları olan pasiyentlər. Mədənin və ya 12-barmaq bağırsağın kəskin, residivləşən və ya mümkün xorası və ya anamnezdə qanaxma olan pasiyentlər (iki və ya daha artıq xora və sübut olunmuş xora epizodları və ya qanaxma).

• Qanaxma ilə müşayiət edilən kəskin qanaxmaları və ya xəstəlikləri olan pasiyentlər (hemofiliya və ya qanın laxtalanma funksiyasının pozulması).

• Diaqnostika edilmiş durğun ürək çatışmazlığı (NYHA üzrə II-IV funksional sinif), ürəyin işemik xəstəliyi, periferik arteriyaların xəstəlikləri və ya serobrovaskulyar xəstəliklər.

• Böyrək və qaraciyər funksiyalarının ağır pozuntuları.

• Preparatın istifadəsinə ciddi göstəriş istisna olmaqla, hamiləlik zamanı, xüsusilə hamiləliyin son trimestrində. Belə hallarda minimal effektiv dozadan istifadə etmək lazımdır (“Hamiləlik və laktasiya dövründə istifadəsi” bölməsinə bax).

Xüsusi göstərişlər və ehtiyat tədbirləri

Siklooksigenaza-2-nin selektiv inhibitorları daxil olmaqla digər QSİƏP-lə Aertal preparatının eyni vaxtda qəbulundan çəkinmək lazımdır.

Simptomlara nəzarət üçün lazım olan minimal effektiv dozanın istifadəsi və müalicənin davametmə müddətinin azaldılması yolu ilə arzuolunmaz təsirləri minimuma endirilə bilər (“İstifadə qaydası və dozası” bölməsinə və qeyd olunmuş mədə-bağırsaq traktı və ürək-damar sistemi üçün risklərin təsvirinə bax).

Mədə-bağırsaq traktına təsiri

MBT-də letal sonluqla nəticələnən qanaxma, xora və ya deşilmə, həm təhlükəli simptomlar olduqda, həm də olmadıqda, anamnezdə MBT-nin ciddi patoloji halları olduqda və ya olmadıqda, hər hansı bir QSİƏP qəbulu zamanı və müalicənin hər bir dövründə müşahidə edilmişdir.

Qanaxmanın, xoranın yaranması və ya MBT deşilməsinin riski yaşlı xəstələrdə, xüsusilə xora müşahidə olunan pasiyentlərdə, xüsusilə də xora qanaxma və ya deşilmə ilə müşayiət edildikdə və yaşlı pasiyentlərdə QSİƏP-in dozası artdıqca artır (“Əks göstərişlər” bölməsinə bax). Bu pasiyentlər preparatın effektiv minimal dozasını qəbul etməlidirlər. Onlara protektor preparatların istifadəsilə (məsələn, mizoprostol və ya proton pompasının inhibitorları) kombinəolunmuş müalicə vacibdir, eləcə də, buna bənzər müalicə MBT-ə neqativ təsir edən aspirinin və ya digər preparatların kiçik dozalarını qəbul edən pasiyentlərə vacibdir (“Digər dərman vasitələri ilə qarşılıqlı təsiri” bölməsinə bax).

MBT-nin xəstəlikləri olan pasiyentlər, o cümlədən, yaşlı pasiyentlər, MBT ilə bağlı istənilən qeyri-adi simptomlar barədə (xüsusilə qanaxmalar) məlumat verməlidir, o cümlədən, preparatdan birinci dəfə istifadə edərkən. Qanaxmanın və ya xoranın əmələ gəlməsi riskini artıra bilən sistem kortikosteroidlər, antikoaqulyantlar (varfarin kimi), serotoninin geriyə tutulmasının selektiv inhibitorları və ya antiaqreqantlar (asetilsalisil turşusu kimi) kimi preparatları eyni zamanda qəbul edən pasiyentlər xüsusilə ehtiyatlı olmalıdırlar (“Digər dərman vasitələri ilə qarşılıqlı təsiri” bölməsinə bax).

Aertal qəbul edən pasiyentlərdə MBT-də xora və ya qanaxma əmələ gəldikdə müalicə ləğv edilməlidir.

Ürək-damar sisteminə və mərkəzi sinir sisteminə təsiri

Arterial hipertenziyası və/və ya yüngül və ya orta dərəcəli durğunluq ürək çatışmazlığı olan pasiyentlər üçün müvafiq monitorinq və xüsusi göstərişlər vacibdir, belə ki, QSİƏP qəbulu ilə bağlı orqanizmdə mayenin ləngiməsi və ödemlər barədə məlumat verilmişdir.

Klinik tədqiqatlar və epidemioloji məlumatlar göstərir ki, bəzi QSİƏP-lərin istifafəsi (xüsusilə yüksək dozalarda və uzun müddət istifadəsi) arterial trombotik əlamətlərin (məsələn, miokard infarktı və ya insult) riskini cüzi artıra bilər. Aseklofenakın qəbulu zamanı bu riskin olmaması barədə dəqiq məlumat yoxdur.

Nəzarət olunmayan arterial hipertenziyalı, ürək çatışmazlığı (NYHA üzrə I funksional sinif), durğunluq ürək çatışmazlığı, ürək-damar sistemi üçün risk amilləri (məsələn, arterial hipertenziya, hiperlipidemiya, şəkərli diabet və siqaretçəkmə) olan pasiyentlər, eləıcə də, anamnezdə beyin qansızmaları olan pasiyentlər, aseklofenak qəbul edən zaman xüsusilə ehtiyatlı olmalıdırlar.

Dozanın və preparatın istifadə müddətinin artırılması ilə əlaqədar ürək-damar sistemində baş verən əlavə təsirlərin yaranma riski arta bildiyi üçün simptomlara nəzarət etmək üçün vacib olan daha effektiv kiçik sutkalıq doza qısa müddət ərzində istifadə edilməlidir. Simptomatik müalicədə pasiyentin tələbatına periodik nəzarət etmək və terapiyaya cavabı qiymətləndirmək lazımdır.

Aşağıda göstərilən hallarda pasiyentlər aseklofenakı ehtiyatla və həkimin nəzarəti altında qəbul etməlidirlər, belə ki, xəstəliyin şiddətlənməsinin təhlükəsi mövcuddur (“Əlavə təsirləri” bölməsinə bax):

• MBT-nin aşağı və yuxarı şöbələri daxil olmaqla, xəstəliklərinin olmasını təsdiq edən simptomlar.
• Anamnezdə mədə-bağırsaq traktının xorası, qanaxma və ya deşilmə olduqda.
• Xoralı kolit.
• Kron xəstəliyi.
• Qanaxmaya meyillilik, SQQ (sistem qırmızı qurdeşənəyi), porfiriya və hemopoezin və hemostazın pozulması.

Anamnezdə hemorragik insultu olan pasiyentlərdə aseklofenak ehtiyatla və həkim nəzarəti altında istifadə edilməlidir.

Qaraciyərə və böyrəklərə təsiri

QSİƏP qəbulu prostaqlandinlərin yaranmasının dozadan asılı reduksiyasını və qəflətən əmələ gələn böyrək çatışmazlığına səbəb ola bilər. Ürək, böyrək və ya qaraciyər funksiyalarının pozulması olan pasiyentlərdə, diuretik qəbul edən şəxslərdə və ya cərrahi müdaxilədən sonra pasiyentlərdə, eləcə də, yaşlı pasiyentlərdə preparatın istifadəsi zamanı prostaqlandinlərin böyrək qan dövranı üçün əhəmiyyətini nəzərə almaq lazımdır.

Böyrək və qaraciyər funksiyasının yüngül və ya orta dərəcəli pozuntusu olan pasiyentlərdə, eləcə də, orqanizmdə mayenin yığılmasına meylli olan digər halları olan pasiyentlər preparatı qəbul edən zaman ehtiyatlı olmalıdır. Bu pasiyentlərdə QSİƏP-in istifadəsi böyrək funksiyasının pozulmasına və mayenin yığılmasına səbəb ola bilər. Eləcə də, diuretik qəbul edən pasiyentlər və ya hipovolemiyanın yüksək riski olan şəxslər, 100 mq Aertal örtüklü tabletlərini qəbul edərkən ehtiyatlı olmalıdır. Preparat minimal effektiv dozada istifadə edilməsi və həkim tərəfindən böyrək funksiyasına müntəzəm nəzarəti vacibdir. Böyrəklərdə baş verən əlavə təsirlər, adətən aseklofenakın qəbulu dayandırıldıqdan sonra keçib gedir.

Qaraciyər funksiyasının göstəricilərində baş verən dəyişikliklər saxlandıqda və ya ağırlaşdıqda, qaraciyər xəstəliklərinin klinik əlamətləri və ya simptomları inkişaf etdikdə, yaxud digər əlamətlər meydana çıxdıqda (eozinofiliya, səpgi), aseklofenakın qəbulu dayandırmaq lazımdır. Hepatit, prodromal simptomlarsız inkişaf edə bilər.

Qaraciyərin porfiriyası olan pasiyentlərdə QSİƏP qəbulu tutmanın yaranmasına səbəb ola bilər.

Hiperhəssaslıq və dəri reaksiyaları

Digər QSİƏP kimi preparat müalicənin erkən dövründə anafilaktik/anafilaktoid reaksiyalar daxil olmaqla, allergik reaksiyalara səbəb ola bilər. Çox nadir hallarda Eksfoliativ dermatit, Stivens-Conson sindromu və toksik epidermal nekroliz daxil olmaqla, ağır dəri reaksiyaları (onlardan bəziləri letal sonluğa səbəb ola bilər) QSİƏP qəbulundan sonra müşahidə edilmişdir (“Əlavə təsirləri” bölməsinə bax). Bu reaksiyaların əmələ gəlməsinin ən yüksək riski pasiyentlərdə müalicənin əvvəlində müşahidə edilmişdir, eləcə də, bu arzuolunmaz reaksiyaların inkişafı preparatın qəbulunun ilk ayı ərzində müşahidə olunur. Dəri səpgisi, ağız boşluğunun selikli qişasında zədələnmələr və ya hiperhəssaslığın digər əlamətləri yarandıqda, aseklofenakın qəbulu dayandırmaq lazımdır.

Xüsusi hallarda suçiçəyi zamanı ağırlaşma yarana bilər: dərinin və yumşaq toxumaların ciddi infeksiyaları.

Hazırda bu infeksiyaların gedişinin ağırlaşmasında QSİƏP-in rolu istisna etmək olmaz.

Bu səbəbə görə suçiçəyi zamanı 100 mq Aertal örtüklü tabletlərinin qəbulundan çəkinmək lazımdır.

Hematoloji pozğunluqlar

Aseklofenak trombositlərin aqreqasiyasının geridönən inhibə olunmasına səbəb ola bilər (“Digər dərman vasitələri ilə qarşılıqlı təsiri” bölməsinə bax).

Tənəffüs sistemində baş verən pozuntular

Hazırda və ya anamnezində bronxial astması olan pasiyentlər preparatı qəbul etdikdə ehtiyatlı olmalıdır, belə ki, QSİƏP qəbulu bu pasiyentlərdə qəflətən bronxospazmın yaranmasına səbəb ola bilər.

Yaşlı pasiyentlər (65 yaşdan yuxarı)

Yaşlı pasiyentlərdə preparatın istifadəsi zamanı ehtiyatlı olmaq lazımdır, belə ki, onlarda QSİƏP qəbulu zamanı tez-tez əlavə təsirlər (xüsusilə qanaxma və MBT-nin deşilməsi) yaranır. Fəsadlar letal sonluğa səbəb ola bilər. Bundan başqa yaşlı pasiyentlər böyrəklərin, qaraciyərin və ya ürək-damar sisteminin xəstəliklərindən tez-tez əziyyət çəkirlər.

Uzun müddətli istifadəsi

Qeyri-steroid iltihabəleyhinə preparatlarla uzun müddət müalicə alan bütün pasiyentlər ciddi müşahidə altında olmalıdırlar (məsələn, qanın ümumi analizi, funksional qaraciyər və böyrək testləri).

Digər dərman vasitələri ilə qarşılıqlı təsiri

Varfarin istisna olunmaqla, digər dərman vasitələrilə qarşılıqlı təsirinə dair tədqiqatlar aparılmayıb.

Aseklofenak sitoxrom P450 2C9 vasitəsilə metabolizə olunur və in vitro şəraitdə göstərir ki, aseklofenak bu fermentin inhibitoru ola bilər. Beləliklə, fenitoin, simetidin, tolbutamid, fenilbutazon, amiodaron, mikonazol və sulfafenazol ilə birlikdə istifadə zamanı farmakokinetik qarşılıqlı təsir mümkündür. QSİƏP qrupundan digər preparatlarda olduğu kimi metotreksat və litium preparatları kimi orqanizmdən aktiv böyrək sekresiyası yolu ilə xaric olunan digər preparatlarla farmakokinetik qarşılıqlı təsirin riski artır. Aseklofenak plazma albumini ilə praktik olaraq tam birləşir və nəticədə zülallarla birləşən digər preparatlarla xaricedilmə yolu üzrə qarşılıqlı təsirlər mümkündür.

Aseklofenakın farmakokinetik qarşılıqlı təsirinə dair kifayət qədər tədqiqatlar olmadığı üçün aşağıdakı məlumatlar digər QSİƏP-lər barədə məlumatlara əsaslanır.

Eyni vaxtda istifadəsindən çəkinmək lazım gələn preparatlar

Metotreksat

QSİƏP-lər metotreksatın kanalcıq sekresiyasını inhibə edir; bundan başqa bir qədər metabolik qarşılıqlı təsir müşahidə oluna bilər ki, bu da, metotreksatın klirensinin azalmasına səbəb olur. Buna görə yüksək dozalarda metotrekasat istifadə etdikdə QSİƏP təyin etməkdən çəkinmək lazımdır.

Litium preparatları və diqoksin

Bəzi QSİƏP-lər litium və diqoksinin böyrək klirensini inhibə edir ki, bu da zərdabda hər iki maddənin konsentrasiyasının artmasına səbəb olur. Litium və diqoksinin konsentrasiyasının müntəzəm monitorinqi keçirilmədikdə, bu kombinasiyadan çəkinmək lazımdır.

Antikoaqulyantlar

QSİƏP-lər trombositlərin aqreqasiyasını inhibə edir və mədə-bağırsaq traktının selikli qişasını zədələyir ki, bu da antikoaqulyant qəbul edən pasiyentlərdə antikoaqulyantın təsirinin güclənməsinə və mədə-bağırsaq traktından qanaxma riskinin artmasına səbəb ola bilər. Pasiyentin vəziyyətinə ciddi monitorinqi keçirilmədikdə, aseklofenak ilə birlikdə kumarin qrupundan peroral antikoaqulyantların, tiklopidinin və trombolitiklərin istifadəsindən çəkinmək lazımdır.

Antiaqreqant vasitələr və serotoninin geriyə tutulmasının selektiv inhibitorları (SSRİs) QSİƏP ilə birlikdə istifadə zamanı mədə-bağırsaq traktından qanaxma riskini artıra bilər (“Xüsusi göstərişlər və ehtiyat tədbirləri” bölməsinə bax).

Aşağıdaki kombinasiyalar doza seçimini və ehtiyatla istifadə tələb edir

Metotreksat

QSİƏP və metotreksatın qarşılıqlı təsir ehtimalını nəzərə almaq lazımdır, hətta metotreksat kiçik dozalarda istifadə edildiyi zaman, xüsusilə böyrək funksiyasının pozulması olan pasiyentlərdə. Eyni vaxtda istifadəsi zamanı böyrək funksiyasının göstəricilərinə nəzarət etmək lazımdır. Hər iki preparat, QSİƏP və metotreksat, 24 saat ərzində qəbul olunduğu halda, ehtiyatlı olmaq lazımdır, belə ki, metotreksatın konsentrasiyası arta bilər ki, bu da, onun toksikliyini artırır.

Siklosporin, takrolimus

QSİƏP ilə birlikdə siklosporin və ya takrolimus qəbul etdikdə, böyrək prostasiklinin yaranmasının azalması nəticəsində yüksək nefrotoksiklik riskini nəzərə almaq lazımdır. Buna görə birgə istifadə zamanı böyrək funksiyasının göstəricilərinə nəzarət etmək lazımdır.

Digər QSİƏP

Asetilsalisil turşusunu və ya digər QSİƏP-ləc eyni vaxtda istifadə edildikdə, əlavə təsirlərin yaranma tezliyi arta bilər, buna görə ehtiyatlı olmaq lazımdır.

Kortikosteroidlər

Mədə-bağırsaq traktında xoranın və ya qanaxmanın yaranması riski artır (“Xüsusi göstərişlər və ehtiyat tədbirləri” bölməsinə bax).

Diuretiklər

Digər QSİƏP kimi aseklofenak diuretiklərin aktivliyini inhibə edə bilər, furosemidin və bumetanidin diuretik effektini və tiazidlərin antihipertenziv effektini azalda bilər. Kaliumqoruyucu diuretiklərlə birlikdə istifadəsi kaliumun miqdarının artmasına səbəb ola bilər, bu səbəbə görə qan zərdabında kaliumun miqdarına müntəzəm olaraq, nəzarət etmək vacibdir.

Aseklofenak bendrofluazidlə eyni vaxtda istifadə edildikdə, arterial təzyiqə nəzarət edilməsinə təsir etməmişdir, lakin digər diuretiklərlə qarşılıqlı təsiri istisna etmək olmaz.

Hipotenziv preparatlar

QSİƏP, eləcə də, hipotenziv preparatların təsirini azalda bilər. QSİƏP ilə birlikdə AÇF inhibitorlarının və ya angiotenzin II reseptorlarının antaqonistlərinin qəbulu böyrək funksiyasının pozulmasına səbəb ola bilər. Adətən geri dönən xarakter daşıyan kəskin böyrək çatışmazlığının yaranması riski böyrək funksiyasının pozulması olan yaşlı pasiyentlərdə yüksələ bilər, məsələn, yaşlı və ya orqanizmi susuzlaşmış pasiyentlərdə. Bu səbəbə görə QSİƏP-lə eyni vaxtda istifadəsi zamanı ehtiyatlı olmaq lazımdır, xüsusilə yaşlı pasiyentlərdə. Pasiyentlər kifayət qədər maye qəbul etməli və müvafiq nəzarət altında olmalıdırlar (eyni vaxtda istifadənin əvvəlində böyrək funksiyasına və müalicə dövründə periodik nəzarət).

Hipoqlikemik vasitələr

Klinik tədqiqatlar göstərir ki, aseklofenak peroral hipoqlikemik vasitələrin klinik effektinə təsir etməməklə bu vasitələrlə birlikdə istifadə edilə bilər. Lakin preparatın hipoqlikemik və hiperqlikemik effektləri barədə tək-tək məlumat verilmişdir. Beləliklə, aseklofenakı istifadə etdikdə hipoqlikemiyaya səbəb olan preparatların dozasını korreksiya etmək lazımdır.

Zidovudin

QSİƏP-lə zidovudini eyni vaxtda istifadəsi zamanı hematoloji toksiklik riski artır. Zidovudin və ibuprofen alan hemofiliyalı İİV (+) pasiyentlərdə hemartrozların və hematomaların yaranma riskinin artması barədə məlumat vardır.

Hamiləlik və laktasiya dövründə istifadəsi

Hamiləlik

Hamiləlik zamanı aseklofenakın istifadəsi barədə məlumat yoxdur.

Prostaqlandinlərin sintezinin inhibə olunması hamiləliyin gedişinə və/və ya embrionun/dölün inkişafına xoşagəlməz təsir göstərə bilər.

Epidemioloji tədqiqatlar, hamiləliyin erkən mərhələsində prostaqlandinlərin sintezinin inhibitorlarının istifadəsindən sonra düşük, ürək qüsurlarının və qastroşizisin inkişafı riskinin artdığını göstərmişdir. Ürək qüsurlarının inkişafı aşkar riski 1%-dən təqribən 1,5%-ə qədər artır. Doza və müalicənin davametmə müddəti artdıqca risk artır.

Heyvanlarda prostaqlandinlərin sintezinin inhibitorlarının qəbulu dölün pre- və postim-platasion məhv olmasına və embrionun və dölün ölümünə səbəb olur. Əlavə olaraq orqanogenez ərzində prostaqlandinlərin sintezinin inhibitorlarını qəbul edən heyvanlarda ürək qüsuru daxil olmaqla, müxtəlif qüsurların sayı artır.

• Hamiləliyin birinci və ikinci trimestrində tərkibində aseklofenak olan preparatları onlara xüsusi ehtiyac olmadıqda təyin edilmir. Hamiləliyi planlaşdıran və ya hamiləliyin I və ya II trimestrində olan qadın aseklofenak qəbul etdikdə, doza minimal, müalicənin davametmə müddəti isə qısa olmalıdır.

Hamiləliyin III trimestri ərzində prostaqlandinlərin sintezinin inhibitorları:

• kardioağciyər toksikliyə malik olduğuna görə dölə təsir göstərə bilər (arterial axacağın vaxtından tez bağlanması və ağciyər hipertenziya ilə);

• böyrəklərin disfunksiyasına yaradaraq, dölə təsir göstərə bilərlər ki, bu da, böyrək çatışmazlığına və su azlığına səbəb ola bilər;

Analar və yenidoğulmuşlar hamiləliyin sonunda:

• antiaqreqant effektinə görə, hətta çox kiçik dozaların istifadəsindən sonra da preparat qanaxmanın davametmə müddətinə təsir göstərə bilər;

• preparat doğuşun ləngiməsinə və ya uzun sürən doğuşa səbəb olaraq, uşaqlığın yığılmasını inhibə edə bilər.

Beləliklə, hamiləliyin III trimestri aseklofenakın istifadəsi əks göstərişdir (“Əks göstərişlər” və “Xüsusi göstərişlər və ehtiyat tədbirləri” bölməsinə bax).

Laktasiya

Aseklofenakın ana südünə nüfuz etməsi barədə məlumat yoxdur. Lakin, laktasiya dövründə siçovulların südünə aseklofenakın nişanlanmış radioizotopunun C14 əhəmiyyətli dərəcədə daxil olması qeyd edilməmişdir. Laktasiya dövründə ana südü ilə qidalandırmanın davam etdirilməsi/dayandırılması və ya aseklofenakdan istifadənin davam etdirilib-etdirilməməsi barədə qərar döl üçün ana südü ilə qidalanmanın faydası və ana üçün aseklofenakdan istifadənin faydası qiymətləndirildikdən sonra verilir.

Ana üçün potensial fayda döl üçün mümkün riskdən üstün olduğu hallar istisna olmaqla, hamiləlik və laktasiya dövründə aseklofenakın istifadəsindən çəkinmək lazımdır.

Fertillik

Siklooksigenazanın/prostaqlandinlərin sintezinin digər inhibitorları kimi Aertal preparatının istifadəsi fertilliyi zəiflədə bilər və hamiləlik planlaşdıran qadınlara məsləhət görülmür. Mayalanma üzrə çətinlik çəkən və ya fertilliyə görə müayinə keçən qadınlar Aertal preparatının qəbulunu dayandırmalıdırlar.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Zəiflik, başgicəllənmə, vertiqo, ürəkbulanma və ya mərkəzi sinir sistemində baş verən digər simptomlar təzahürlər müşahidə edilən pasiyentlər, QSİƏP qəbulu zamanı nəqliyyat vasitələri və digər potensial təhlükəli mexanizmləri idarə etməməlidirlər.

İstifadə qaydası və dozası

Dozası

Arzuolunmaz təsirləri, simptomlara nəzarət etmək üçün lazım olan daha kiçik sutkalıq dozanın qısa müalicə müddəti ərzində istifadəsilə minimuma endirmək olar (“Xüsusi göstərişlər və ehtiyat tədbirləri” böləsinə bax).

Böyüklər

Məsləhət görülən doza, gündə 100 mq iki ayrı qəbula bölünmüş 200 mq təşkil edir (1 tablet səhə və 1 tablet axşam).

Qaraciyər funksiyası pozulmuş pasiyentlər

Zəif və ya mülayim dərəcəli qaraciyər xəstəlikləri olan pasiyentlərdə aseklofenakın dozasını azaltmaq lazımdır. Məsləhət görülən başlanğıc doza gündə 100 mq təşkil edir (“Xüsusi göstərişlər və ehtiyat tədbirləri” bölməsinə bax).

Böyrək funksiyası pozulmuş pasiyentlər

Böyrək funksiyasının yüngül pozuntusu olan pasiyentlərdə aseklofenakın dozasının azaldılmasına ehtiyac yoxdur, lakin 100 mq Aertal örtüklü tabletlərin qəbulu zamanı ehtiyatlı olmaq lazımdır (“Xüsusi göstərişlər və ehtiyat tədbirləri” bölməsinə bax).

Uşaqlar və 18 yaşa qədər yeniyetmələr

Uşaqlarda preparatının istifadəsinin effektivliyi və təhlükəsizliyi barədə məlumat yoxdur.

Yaşlı pasiyentlər (65 yaşdan yuxarı)

Adətən dozanın azaldılmasına ehtiyac yoxdur, lakin “Xüsusi göstərişlər və ehtiyat tədbirləri” bölməsində qeyd edilən ehtiyat tədbirlərinə əməl etmək lazımdır.

İstifadə qaydası

100 mq Aertal örtüklü tabletlər daxilə qəbul üçün nəzərdə tutulub, tabletləri minimum yarım stəkan su ilə udmaq lazımdır. 100 mq Aertal örtüklü tabletləri yemək zamanı qəbul etmək olar.

Əlavə təsirləri

Mədə-bağırsaq sistemində baş verən pozğunluqlar

Adətən müşahidə olunan əlavə təsirlərin əksəriyyəti mədə-bağırsaq sistemində yaranan pozğunluqlardır. Bəzən letal sonluğa səbəb ola bilən mədə xorası, MBT-da deşilmə və ya qanaxma yarana bilər, xüsusilə yaşlı pasiyentlərdə (“Xüsusi göstərişlər və ehtiyat tədbirləri” bölməsinə bax).

QSİƏP-in qəbulu zamanı ürəkbulanma, qusma, diareya, bağırsaqların köpməsi, qəbizlik, dispepsiya, mədədə ağrı, melena, qanlı qusma, xoralı stomatit, kolitin kəskinləşməsi və Kron xəstəliyi müşahidə edilmişdir (“Xüsusi göstərişlər və ehtiyat tədbirləri” bölməsinə bax). Bəzən qastrit müşahidə edilmişdir.

QSİƏP qəbulu ilə əlaqədar ödemin, arterial hipertenziyanın və ürək çatışmazlığının inkişafı barədə məlumat verilmişdir.

Çox sayda klinik və epidemioloji məlumatlar göstərir ki, aseklofenak diklofenakla struktur və metabolik bənzərliyə malikdir ki, bu da, arterial trombozların (məsələn, miokard infarktı və ya insult, xüsusilə yüksək dozaların uzun müddət istifadəsi zamanı) riskinin yüksəlməsinə səbəb ola bilər. Epidemioloji məlumatlar, eləcə də, aseklofenakın qəbulu ilə əlaqədar kəskin koronar sindromun və miokard infarktının riskinin artmasını göstərir (“Əks göstərişlər” və “Xüsusi göstərişlər və ehtiyat tədbirləri” bölməsinə bax).

Aşağıdakı cədvəldə klinik tədqiqatlar zamanı və postmarketinq müşahidələringedişində baş verən əlavə təsirlər qeyd edilib; əlavə təsirlər orqan sistemləri və başvermə tezliyinə müvafiq qruplaşdırılıb. Çox tez-tez (≥ 1/10); tez-tez (≥ 1/100 - < 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (< 1/10000).

QSİƏP qəbulu zamanı müşahidə edilən digər əlavə təsirlər

Çox nadir hallarda (<1/10 000)

Böyrəklərdə və sidikçıxarıcı yollarda baş verən pozğunluqlar: interstisial nefrit.

Dəri və dərialtı toxumalarda baş verən pozğunluqlar: Stivens-Conson sindromu və toksik epidermal nekroliz daxil olmaqla, bullyoz reaksiyalar (çox nadir hallarda).

Xüsusi hallarda suçiçəyi xəstəliyi zamanı QSİƏP qəbul edildikdə, ciddi dəri infeksiyaları və yumşaq toxumaların infeksiyaları müşahidə edilmişdir.

Eləcə də, “Xüsusi göstərişlər və ehtiyat tədbirləri” və “Digər dərman vasitələri ilə qarşılıqlı təsiri” bölməsinə bax.

Doza həddinin aşılması

İnsanda aseklofenakın doza həddinin aşılması barədə məlumat yoxdur.

Mümkün simptomlar: ürəkbulanma, qusma, mədədə ağrı, başgicəllənmə, yuxululuq və başağrı.

Qeyri-steroid iltihabəleyhinə preparatlarla kəskin zəhərlənmənin müalicəsi, ehtiyac olduqda, antasidlərin qəbuluna və arterial hipotenziya, böyrək çatışmazlığı, qıcolma, BMT-nin selikli qişasının qıcıqlanması və tənəffüsün zəifləməsi kimi ağırlaşmaların digər dəstəkləyici və simptomatik terapiyasına əsaslanır. Aseklofenakın daxilə qəbulu zamanı kəskin zəhərlənmənin müalicəsi, doza həddinin aşılmasından sonra mədənin yuyulması və aktivləşdirilmiş kömürün qəbulu ilə (təkrar dozalar) daha qısa vaxt ərzində preparatın sorulmasının qarşısını almaqdadır. Sürətləndirilmiş diurez, dializ və ya hemoperfuziya, QSİƏP-in zülallarla yüksək birləşmə dərəcəsinə və ekstensiv metabolizminə görə onların xaric edilməsi kifayət qədər effektiv olmaya bilər.

Buraxılış forması

10 tablet, PA/AL/PVX örtüklü və alüminium folqalı blisterdə. 2 və ya 6 blister, içlik vərəqə ilə birlikdə karton qutuya qablaşdırılır.

Saxlanma şəraiti

25ºС-dən yüksək olmayan temperaturda və uşaqların əli çatmayan yerdə saxlamaq lazımdır.

Yararlılıq müddəti

3 il.

Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

“Gedeon Richter” ASC

1103 Budapeşt, Demrei küç., 19-21, Macarıstan

İstehsalçının və ərizəçinin maraqlarını təmsil edən şirkət

“Gedeon Richter” ASC

1103 Budapeşt, Demrei küç., 19-21, Macarıstan.

Qaynar xətt (zəng ödənişsizdir): 7-800-555-00777

Elektron ünvan: [email protected]

Aertal tablet nə üçündür?

1. Qrip zamanı istifadə olunan dərmanlar
2. Baş, diş və qulaq ağrılarında istifadə olunan dərmanlar
3. Menstrual ağrılar zamanı istifadə olunan dərmanlar
4. Travmatik ağrılarda istifadə olunan dərmanlar
5. Oynaq və əzələ ağrılarında istifadə olunan dərmanlar

Qeyd: Hər hansı bir əlavə və ya dərmanı qəbul etməzdən əvvəl həkimlə məsləhətləşmək vacibdir. Həkim, sizin üçün ən uyğun müalicə metodunu təyin edə bilər və əlavə qəbulunun sizin sağlamlığınıza necə təsir edəcəyini dəyərləndirə bilər.