Ornasid (Ornacid) qiyməti və istifadə qaydası necədir?

Ornasid haqqında məlumat

Ornasid qiyməti

Ornasid qiyməti və digər dərmanların qiymətləri müxtəlif amillərə bağlı olaraq dəyişkənlik göstərə bilər. İstehsalçı şirkət, tədarük zənciri və əczaçılıq bazarının dinamikləri bu qiymətlərin formalaşmasında mühüm rol oynayır. Bu yazı yazılan tarixdə Ornacid qiyməti 6 azn - 8 azn arasında dəyişir.  

Ən gözəli budur ki, Doktorm.az  Platforması  ilə əməkdaşlıq edən Apteklər -dən bu günə olan Ornasid qiyməti -ni öyrənərək əldə edə bilərsiniz.

Tərkibi

ORNACID 1 q

Təsiredici maddə: 1 flakonda 1 q seftriakson vardır.

Həlledici:                1%-li lidokain hidroxlorid.

Köməkçi maddələr: (həlledici): natrium hidroksid, inyeksiya üçün su.

ORNACID 500 mq

Təsiredici maddə: 1 flakonda 0,5 q seftriakson vardır.

Həlledici:                1%-li lidokain hidroxlorid.

Köməkçi maddələr: (həlledici): natrium hidroksid, inyeksiya üçün su.

Təsviri

Ağ və ya sarımtıl rəngli, demək olar ki, qoxusuz, hiqroskopik tozdur.

Farmakoterapevtik qrupu

Sistem istifadə üçün antibiotiklər. 3 cü nəsil sefalosporinlər.

ATC kodu: J01DD04.

Farmakoloji xüsusiyyətləri

Farmakodinamikası

Seftriakson üçüncü nəsil sefalosporinlər qrupundan olan geniş təsir spektrli antibiotikdir. Bakteriyaların hüceyrə membranının sintezini pozmaqla bakterisid təsir göstərir. Seftriakson in vitro əksər qrammənfi, bir çox qrammüsbət bakteriyalara və bəzi anaeroblara qarşı effektivdir. Beta-laktamaza əmələ gətirən bakteriyaların təsirinə qarşı davamlıdır. Seftriaksona həssas olan aerob qrammənfi bakteriyalar: Aeromonas spp., Alcaligenes spp., Branhamella catarrhalis, Citrobacter spp., Enterobacter spp. (bəzi ştammları davamlıdır), Escherichia coli, Haemophilus ducreyi, Haemophilus influenzae, Haemophilus parainfluenzae, Klebsiella spp. (o cümlədən Kl.pneumoniae), Moraxella spp., Morganella morganii, Neisseria gonorrhoeae, Neisseria meningitidis, Plesiomonas shigelloides, Proteus mirabilis, Proteus vulgaris, Providencia spp., Pseudomonas aeruginosa (bəzi ştammları davamlıdır), Salmonella spp. (o cümlədən S.typhi), Serratia spp. (o cümlədən S. marcescens), Shigella spp., Vibrio spp. (o cümlədən V. cholerae), Yersinia spp. (o cümlədən Y. enterocolitica) . Seftriaksona həssas olan aerob qrammüsbət bakteriyalar: Streptococcus agalactiae, Staphylococcus aureus (o cümlədən penisillinaza əmələ gətirənlər), Streptococcus bovis, Staphylococcus epidermidis, Streptococcus pneumoniae, Streptococcus pyogenes, Streptococcus viridans. Anaerob törədicilər: Bacteroides spp. (o cümlədən В. fragilis), Clostridium spp. (o cümlədən CI. difficile), Fusobacterium spp. (F. mostiferum. F. varium istisna olmaqla), Peptococcus spp., Peptostreptococcus spp. Seftriakson hematoensefalik baryerdən yaxşı keçir.

 Farmakokinetikası

Əzələdaxili yeridildikdən sonra tez və tam sorulur. Biomənimsənilmə 100%-dir. Qan plazmasında maksimum konsentrasiya 1,5 saata qeyd olunur. Plazma albuminləri ilə geridönən birləşir (85%-95%). Qanda minimal antimikrob konsentrasiyası 24 saat və daha çox müddətə müəyyən olunur. Orqanlara, orqanizm mayelərinə (peritoneal, plevral, sinovial, beyin qişalarının iltihabı zamanı – onurğa beyni mayesinə), sümük toxumasına asan keçir. Qandakı konsentrasiyasının 3-4%-i ana südündə təyin olunur (venadaxili yeridilməyə nisbətən, daha çox əzələdaxili yeridilmə zamanı). Yarımxaricolma dövrü 5,8 – 8,7 saat təşkil edir və 75 yaşdan yuxarı insanlarda (16 saat), uşaqlarda (6,5 gün), yenidoğulmuşlarda (8 günə qədər) əhəmiyyətli dərəcədə artır. 56% dəyişilməmiş şəkildə böyrəklərlə, 44% dəyişilməmiş şəkildə ödlə xaric olur.

İstifadəsinə göstərişlər

• Kəskin orta otit.
• Aşağı tənəffüs sistemi orqanlarının infeksion-iltihabi xəstəlikləri: pnevmoniya.
• Sidikçıxarıcı yolların ağırlaşmamış infeksion-iltihabi xəstəlikləri (pielonefrit daxil olmaqla).
• Veneroloji infeksiyalar: süzənək, sifilis.
• Abdominal infeksiyalar.
• Dəri və yumşaq toxumanın ağırlaşmış infeksion-iltihabi xəstəlikləri.
• Dayaq hərəkət sisteminin infeksion-iltihabi xəstəlikləri.
• Sinir sistemi orqanlarının infeksion iltihabi xəstəlikləri: bakterial meningit.
• Cərrahi müdaxilələr zamanı əməliyyatdan əvvəl profilaktika məqsədi ilə.
• Neytropeniyalı pasiyentlərdə bakterial  infeksiyaya  şübhə  olmaqla  qızdırma  zamanı.

Əks göstərişləri

Seftriaksona, digər sefalosporinlərə və ya köməkçi maddələrdən hər-hansı birinə qarşı hiperhəssaslıq;

–  anamnezdə hər hansı digər beta-laktam antibakterial vasitələrə (penisillinlərə, monobaktamlara və karbopenemlərə) qarşı ağır hiperhəssaslıq (məsələn, anafilaktik reaksiya);

Seftriakson, həmçinin, əks göstərişdir:

41 həftəsinə qədər yarımçıq doğulmuş yenidoğulmuşlara (hestasiya yaşı + xronoloji yaş)*.

Vaxtında doğulmuş yenidoğulmuşlara (28 gününə qədər):

–  hiperbilirubinemiyalı, sarılığı və ya hipoalbuminemiya və ya asidozlu uşaqlar. (Belə ki, bu vəziyyətlərdə bilirubin ilə birləşmə pozulur*);

– seftriakson istifadəsi zamanı kalsium duzunun çökməsi riski olduğu üçün kalsiumun venadaxili istifadəsi və ya kalsium tərkibli infuziyanın aparılmasına ehtiyac olduqda (və ya ehtimal olunduqda).

*İn vitro tədqiqatlar göstərmişdir ki, seftriakson qan zərdabında bilirubinin albuminlə birləşmə yerindən sıxışdıra bilər, bu isə belə xəstələrdə bilirubin ensefalopatiyasının potensial riskinə gətirib çıxarır.

Həlledici kimi lidokain məhlulundan istifadə olunmaqla seftriaksonun əzələdaxili inyeksiyasından əvvəl lidokainin istifadəsinə görə əks göstərişləri istisna etmək lazımdır.

Lidokain tərkibli seftriakson məhlullarını venadaxili istifadə etmək olmaz.

Xüsusi göstərişlər və ehtiyat tədbirləri

Seftriaksonla müalicəyə başlamazdan əvvəl xəstənin seftriaksona və ya hər hansı β-laktam antibiotikinə qarşı hiperhəssaslığı öyrənilir. Hər hansı sefalosporinə qarşı hiperhəssaslığı olan və ya digər β-laktam antibiotiklərinə qarşı sürətli hiperhəssaslıq reaksiyası müşahidə olunmuş şəxslərdə seftriaksonun istifadəsi qadağandır. Seftriaksonun heç bir allergik diatezi olmayan xəstələrə təyini daha məqsədəuyğundur. Seftriaksonun istifadəsi ilə əlaqədar olaraq antibiotikoterapiya ilə bağlı diareya, kolit və psevdomembranoz kolitin meydana çıxması müşahidə olunmuşdur. Əgər müalicə müddətində və ya ondan qısa müddət sonra diareya əlamətləri meydana çıxarsa, yuxarıda göstərilən xəstəliklərin olma ehtimalı nəzərə alınmalıdır. Əgər müalicə müddətində qanlı diareya müşahidə olunarsa, seftriaksonun istifadəsi dayandırılmalı və müvafiq müalicəyə başlanılmalıdır. Əgər xəstələrdə müalicədən əvvəl hər hansı qastrointestinal problem və ya kolit varsa, belə xəstələrə seftriakson təyin oluna bilər. Digər sefalosporinlərdə olduğu kimi seftriaksonun uzun müddət istifadəsi ona həssas olmayan mikroorqanizmlərin artmasına gətirib çıxara bilər. Preparatı istifadə etməzdən əvvəl içlik vərəqəsi ilə tanış olun. ORNACID -i tərkibində kalsium olan hər hansı bir məhlulla bir yerdə istifadə etmək qadağandır. Paralel təyinat zamanı kalsium tərkibli preparatlar ORNACID -in istifadəsindən 48 saat sonra istifadə olunmalıdır.

İmmunasılı  hemolitik  anemiya

İmmunasılı  hemolitik  anemiya, sefalosporinlər  sinifindən  olan  antibakterial  preparatlar  qəbul  edən  pasiyentlərdə  müşahidə  edilir. Böyüklərdə  və  uşaqlarda  seftriaksonla  müalicə  zamanı  hemolitik  anemiya  halları  qeyd  edilmişdir (o  cümlədən, ölümlə  nəticələnən).

Seftriaksonun  istifadəsi  nəticəsində  pasiyentdə  anemiya  yarandıqda, pasiyentdə, sefalosporinlə  əlaqədar  anemiyanın  olub-olmamasını  müəyyən  etmək, seftriaksonun  qəbulunu  isə  etiologiyanın  araşdırılmasına  qədər  dayandırmaq  lazımdır.

Öd  daşlarının  yaranması

Sonoqramda  kölgə  müşahidə  edilən  zaman  seftriakson  kalsiumun  presipitatlarının  olma  mümkünlüyünü  ehtimal  etmək  olar. Öd  kisəsində  səhvən  daş  hesab  edilən  və  öd  kisəsinin  sonoqramında  iştirak  edən  kölgələr, əsasən  seftriaksonun  sutkada  1 q  və  daha  artıq  dozada  istifadəsi  zamanı  aşkar  edilmişdir. Uşaqların  müalicəsində  xüsusilə  diqqətli  olmaq  lazımdır. Belə  çökmə, seftriaksonla  müalicə  bitdikdən  sonra  itir. Nadir  hallarda  seftriakson  kalsiumun  çöküntü  formasında  olması, simptomların  meydana  gəlməsilə  əlaqədar  olmuşdur. Simptomatik  hallarda  konservativ  əməliyyatsız  müalicə  məsləhət  görülür, seftriaksonla  müalicənin  dayandırılmsı  isə  riskin  və  konkret  pasiyent  üçün  faydanın  qiymətləndirilməsi əsasında  həkim  tərəfindən  nəzərdən  keçirilməlidir.

Biliar  staz

Seftriaksonla  müalicə  pasiyentlərdə  öd  yollarının  tutulmasının  mümkün  səbəbindən  pankreatinin  yaranması  halları  qeyd  edilmişdir. Əksər  pasiyentlər  biliar  stazın  yaranması  riski  faktoruna  malik  olmuşlar, məsələn, ağır  xəstəliyin  əsas  müalicəsi  və  tam  parenteral  qidalanma. Seftriaksonun  istifadəsi  nəticəsində  öd  presipitatlarının  meydana  gəlməsi  ilə  əlaqədar  əsas  səbəb  və  faktorları  istisna  etmək  olmaz.

Böyrək  daşı  xəstəliyi

Seftriaksonla  müalicə  dayandırıldıqdan  sonra  geridönən  xarakterli  böyrək  daşı  xəstəliyinin  yaranması  halları  qeyd  edilmişdir. Simptomatik  hallarda  USM  etmək  lazımdır. Anamnezində  böyrək  daşı  xəstəliyi  və  ya  hiperkalsiuriyalı  pasiyentlərə  preparatı  təyin  edilməsini  riskin  və  konkret  pasiyentə  faydanın  qiymətləndirilməsi  əsasında  yerinə  yetirmək  lazımdır.

Seroloji  tədqiqatın  aparılması  zamanı  pozulmalar

Kumbs  testinin  aparılması  zamanı  pozulmalar  baş  verə  bilər, belə  ki, seftriakson  tədqiqatın  səhv  nəticəsinə  səbəb  ola  bilər. Seftriakson  həmçinin, qalaktozemiyanın  tədqiqatının  səhv  nəticəsinə  səbəb  ola  bilər.

Sidikdə  qlükozanın  qeyri-fermentativ  metodla  müəyyən  edilməsi  səhv  nəticəyə  səbəb  ola  bilər. ORNACID  preparatı  ilə  müalicə  dövründə  sidikdə  qlükozanı  fermentativ  üsulla  yerinə  yetirmək  lazımdır.

Seftriakson, qlükozanın  qanda  bəzi  sistem  nəzarəti  zamanı  qanda  qlükozanın  səviyyəsini  səhvən  azalda  bilər.

Preparatın bir qramında 3,6 mmol natrium vardır: Bunu duza görə pəhriz saxlayan xəstələrdə istifadə edildiyi zaman nəzərə almaq lazımdır.

Digər dərman vasitələri ilə qarşılıqlı təsiri

Ringer  məhlulu  və  ya  Hartman  məhlulu  kimi  kalsium  tərkibli  məhlulları  ORNACID preparatını  həll  etmək  üçün  istifadə  etmək  olmaz (mümkün  çöküntünün  yaranmasına  görə).

Daxilə  yeridilən  antikoaqulyantlarla  eyni  vaxtda  istifadəsi, K  antivitaminlərinin  effektini  və  qanaxmanın  yaranma  riskini  artıra  bilər. Seftriaksonla  müalicə  dövründə  və  ondan  sonra Beynəlxalq  normallaşdırılmış  münasibətlərə (BNM) tez-tez  nəzarət  və  müvafiq  formada  K  antivitaminlərinin  dozasını  korreksiya  etmək  lazımdır.

ORNACID-in diuretiklərlə eyni zamanda təyini zamanı böyrək funksiyalarına mənfi təsiri aşkar olunmamışdır. Aminoqlikozidlərlə birgə istifadəsi zamanı onların nefrotoksikliyini artırması aşkara çıxarılmamışdır. Seftriakson molekulunda N-metiltio-tetrazol həlqəsi olmadığından o, digər sefalosporinlər kimi alkoqolla birlikdə istifadəsi zamanı disulfirama bənzər reaksiyalar törətmir. İn vitro çalışmalar zamanı xloramfenikolla seftriaksonun və digər sefalosporinlərin bir-birinə qarşı antaqonist təsirləri müşahidə olunmuşdur. Bu antaqonist təsir kliniki olaraq özünü biruzə verməsə də, preparatların birgə təyin olunmaması məsləhətdir. Seftriakson hormonal kontraseptivlərin əlavə təsirini gücləndirə bilər, buna görə də belə xəstələrdə seftriaksonla müalicə dövründə və ondan 1 ay sonrakı müddətdə qeyri-hormonal kontraseptivlərin istifadə edilməsi daha məqsədəuyğun hesab edilir.

Hamiləlik və laktasiya dövründə istifadəsi

Hamilələrdə yalnız mütləq göstəriş olduğu hallarda istifadə olunmalı və ciddi həkim nəzarəti altında həyata keçirilməlidir.

Preparatın  laktasiya  dövründə  istifadəsi  zamanı  ana  südü  ilə  qidlanmanın  dayandırılmasını  nəzərdən  keçirmək  lazımdır, belə  ki, seftriakson  ana  südünə  nüfuz  edir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Seftriakson bəzən başgicəllənməyə səbəb ola bildiyindən diqqət tələb edən fəaliyyətlə məşğul olanlar üçün bu, fərdi olaraq nəzərə alınmalıdır.

İstifadə qaydası və dozası

12 yaşdan yuxarı uşaqlar və böyüklər

Standart sutkalıq doza 1 q. Kəskin infeksiyalarda sutkada 2-4 q, hər 24 saatdan bir.

Preparatın  sutkada  2 q-dan  artıq  dozada  istifadəsi  zamanı  onun  sutkada  2 dəfə  istifadəsini  nəzərdən  keçirmək  lazımdır (hər  12 saatdan  bir).

Yenidoğulmuşlar (2 həftədən yuxarı): Sutkada bir dəfə 20-50 mq/kq.

ORNACID yarımçıq  doğulmuş  körpələrə  41 həftəlik  postmenstrual  yaşa  qədər  əks  göstərişdir (hestasion  yaş + xronoloji  yaş).

Uşaqlar (3 həftədən 12 yaşa qədər olan): standart doza 20-50 mq/kq sutkada 1 dəfə. Kəskin infeksiyalar zamanı dozanı 80 mq/kq-dək artırmaq olar. 50 kq və daha yuxarı çəkiyə malik uşaqlara böyüklər üçün nəzərdə tutulmuş dozadan istifadə etmək lazımdır. 50 mq/kq-dan yuxarı olan dozalar 30 dəq. müddətində yavaş intravenoz infuziya şəklində yeridilməlidir. Yaşlılar: Əgər onlarda qaraciyər və böyrək catışmazlığı yoxdursa, onda böyüklər üçün nəzərdə tutulmuş dozadan istifadə etmək lazımdır. Doza və yeridilmə üsulu infeksiyanın ağırlıq dərəcəsindən asılıdır. Müalicə müddəti 3-14 gün təşkil edir. Ehtiyac olarsa kurs müddətini artırmaq olar. Təkrar kurs müalicədən 6 ay sonra tətbiq edilə bilər. Əməliyyatönü profilaktika: əməliyyatdan əvvəl 1 q əzələdaxili və ya venadaxili istifadə etmək olar.                                                        Qəbul qaydaları və üsulu: preparat açıldıqdan (məhlul hazırlandıqdan) dərhal sonra istifadə olunmalıdır. Əgər preparat açıldıqdan müəyyən müddət sonra vurularsa, onda preparatın saxlanma şəraiti və müddəti ilə bağlı məsuliyyəti hazırlayan şəxs daşıyır. Əgər +2 və +8°C-də saxlanılarsa, preparatı 24 saat ərzində istifadə etmək olar. 25°C-dən aşağı temperaturda preparatı 6 saat saxlamaq olar. Saxlanma müddəti, şəraiti və həlledicinin növündən asılı olaraq preparatın rəngi açıq sarıdan kəhraba sarıya qədər dəyişə bilər. Bu preparatın effektivliyi və ona qarşı tolerantlığa heç bir mənfi təsir göstərmir.

Əzələdaxili inyeksiya

500mq seftriakson 2 ml lidokain hidroxloriddə həll olunur. Hazır məhlul dərin əzələdaxili inyeksiya şəklində yeridilir. 1 q seftriakson 3,5 ml lidokain hidroxloriddə həll olunur. Hazır məhlul dərin əzələdaxili inyeksiya şəklində yeridilir, 1 q-dan böyük dozaları müxtəlif nahiyələrə yeritmək lazımdır.

Venadaxili inyeksiya: 1 q seftriakson 10 ml inyeksiya üçün suda həll edilir. Alınmış məhlul venadaxilinə 5 dəqiqə ərzində yeridilməlidir.

Venadaxili infuziya: 2 q seftriakson tərkibində kalsium olmayan hər hansı 40 ml məhlulda həll edilir. Bu məqsədlə 5 və ya 10 %-li dekstroza məhlulu, 0,9%-li natrium xlorid məhlulu, 6%-li dekstran 5%-li dekstrozada istifadə oluna bilər. Alınmış məhlul 30 dəqiqə ərzində venadaxili yeridilməlidir.

Yenidoğulmuşlarda  bilirubin  ensefalopatiyasının  inkişafı  potensial  riskinin  azalması  məqsədilə  venadaxili  doza  60 dəqiqə  müddətində  yeridilməlidir. Venadaxili  yeridilmənin  mümkün  olmadığı  və  ya  əlverişsiz  olduğu  halda, əzələdaxili  yeridilməni  nəzərdən  keçirmək  lazımdır. 2 q-dan  artıq  doza  venadaxili  üsulla  yeridilir.

Kalsium  və  ya  kalsium  tərkibli  məhlulların  yeridilməsi  göstəriş  olduğu  halda  seftriakson  yenidoğulmuşlara (≤ 28 gün) seftriakson  əks  göstərişdir (seftriakson  kalsiumun  ağciyərdə  və  böyrəklərdə  çökməsinə  görə).

Çöküntünün  yaranma  riskinə  görə  seftriaksonu  həll  etmək  üçün  kalsium  tərkibli  preparatlardan (Ringer  məhlulu, Hartman  məhlulu) istifadə  etmək  olmaz.

Seftriaksonun  kalsium  duzlarının  çökməsi, eləcə  də  preparatın  venadaxili  yeridilmə  üçün kalsium tərkibli məhlullarla bir  infuziya  sistemində  qarışdırılması  zamanı  baş  verir. Bu  səbəbə  görə  seftriaksonu  bu  məhlullarla  qarışdırmaq  və  ya  eyni  zamanda  istifadə  etmək  olmaz.

Cərrahiyyə  infeksiyalarının  profilaktikası  məqsədilə  seftriaksonu  əməliyyatda  30-90 dəqiqə  əvvəl  istifadə  etmək  lazımdır.

Xüsusi pasiyent qruplarında istifadəsi

Seftriaksonun 56 %-i böyrək, 44% -i isə qaraciyərlə xaric olunduğundan böyrək çatışmazlığı olan xəstələrdə (əgər qaraciyər pozğunluğu yoxdursa) dozanı aşağı salmaq lazım gəlmir. Ancaq preterminal böyrək çatışmazlığı hallarında maksimal dozanı 2 q-dək azaltmaq lazımdır.

Qaraciyər çatışmazlığı

Əgər böyrək funksiyalarında pozulma yoxdursa, yüngül və ya orta dərəcəli qaraciyər çatışmazlığı zamanı dozanı azaltmaq lazım gəlmir. Ağır  qaraciyər  çatışmazlığı  olan  pasiyentlərdə  preparatın  istifadəsi  üzrə  tədqiqatlar  aparılmamışdır.

Hepatorenal çatışmazlıq zamanı

Belə xəstələrdə zədələnmənin dərəcəsinə müvafiq olaraq ORNACID -in yeridilməsi üçün sabit interval seçilməlidir.

Yenidoğulmuşlar

Maksimal doza sutkada 50 mq/kq olmalıdır.

Yaşlılar

Əgər qaraciyər və böyrək çatışmazlığı yoxdursa böyüklər üçün nəzərdə tutulmuş dozadan istifadə etmək lazımdır.

Həlledici kimi lidokaindən istifadə edildikdə məhlulu ancaq əzələ daxilinə yeritmək olar (Vena daxilinə yeritmək olmaz!).

Əlavə təsirləri

Aşağıda istifadə olunan əlavə təsirlərin tezlik parametrləri bu şəkildə müəyyən olunmuşdur: çox tez-tez (≥ 1/10); tez-tez (≥ 1/100, lakin <1/10); bəzən (≥ 1/1000, lakin < 1/100); nadir (≥ 1/10000, lakin < 1/1000); çox nadir (< 1/10000); tezliyi məlum deyil (əldə olan məlumatlar əsasında tezliyini qiymətləndirmək mümkün deyil).

İnfeksion və parazitar xəstəliklər: bəzən- genital göbələk infeksiyası; nadir – psevdomembranoz kolit; tezliyi məlum deyil- superinfeksiya.

Qan və limfatik sistemdə  baş verən pozğunluqlar: tez-tez- eozinofiliya, leykopeniya, trombositopeniya; bəzən – qranulositopeniya, anemiya, koaqulopatiya; tezliyi məlum deyil- hemolitik anemiya, aqranulositoz.

İmmun sistemdə baş verən pozğunluqlar: tezliyi məlum deyil – anafilaktik şok, anafilaktik reaksiya, anafilaktoid reaksiya, hiperhəssaslıq, Yarış-Herkshaymer reaksiyası.

Sinir sistemində baş verən pozğunluqlar: bəzən- başağrısı, başhərlənmə; tezliyi məlum deyil- qıcolmalar.

Eşitmə və müvazinət orqanında baş verən pozğunluqlar: tezliyi məlum deyil- vertiqo.

Tənəffüs yolları, döş qəfəsi və divararalığında baş verən pozğunluqlar: nadir- bronxospazm.

Mədə-bağırsaq traktında baş verən pozğunluqlar: tez-tez- diareya, duru nəcis; bəzən- ürəkbulanma, qusma; tezliyi məlum deyil- pankreatit, stomatit, qlossit.

Qaraciyər və ödçıxarıcı yollarda baş verən pozğunluqlar: tez-tez- qaraciyər fermentlərinin səviyyəsinin yüksəlməsi; tezliyi məlum deyil – öd kisəsində çöküntünün yaranması, bilirubin ensefalopatiyası.

Dəri və dərialtı toxumada baş verən pozğunluqlar: tez-tez- səpgi; bəzən- qaşınma; nadir- övrə; tezliyi məlum deyil- Stivens-Conson sindromu, toksik epidermal nekroliz, çoxformalı eritema, kəskin generalizəolunmuş ekzentematoz pustulyoz, DRESS sindrom.

Böyrəklər və sidikçıxarıcı yollarda baş verən pozğunluqlar: nadir- hematuriya, qlükozuriya; tezliyi məlum deyil- oliquriya, böyrəkərdə çöküntünün yaranması (geri dönən).

Ümumi pozğunluqlar və yeridilmə yerində dəyişiklik: bəzən- flebit, inyeksiya yerində ağrı, pireksiya; nadir- ödem, üşütmə.

Laborator və instrumental məlumatlar: bəzən- qanda kreatinin səviyyəsinin yüksəlməsi; tezliyi məlum deyil- Kumbs testinin yanlış müsbət nəticəsi, qalaktozemiyaya qarşı testin yanlış müsbət nəticəsi, qlükozanın təyin olunması üçün qeyri-ferment analizlərin nəticələrinin yanlış müsbət olması.

Böyrək çatışmazlığı, dehidratasiyası olan və parenteral qidalanma qəbul edən, 14 gündən daha çox seftriakson müalicəsi alan xəstələrdə bu çöküntülərin əmələ gəlmə riski daha çoxdur. Seftriakson yeridilən bir neçə xəstədə pankreatit epizodları qeydə alınsa da, bunu müalicənin təsiri ilə əlaqələndirmək mümkün olmamışdır. Göbələklər və həssas olmayan mikroorqanizmlərlə superinfeksiya halları qeydə alınıb. Seftriaksonla müalicənin nadir rast gəlinən ağırlaşmalarından biri olan psevdomembranoz kolit də Clostridium difficile infeksiyasının nəticəsidir.

İnyeksiya yerində ağrı və diskomfort hissləri ola bilər ki, bunlar adətən çox güclü olmur və qısa müddətdən sonra keçir. Venadaxili yeridilmə zamanı flebit ola bilər və bunun da qarşısı preparatın 5 dəqiqə ərzində ləng inyeksiya şəklində yeridilməsi ilə alına bilər.

Doza həddinin aşılması

ORNACID -lə  doza  həddinin  aşılması  zamanı  ürəkbulanma, qusma, diareya  yarana  bilər.

Seftriakson  hemodializ  və  ya  peritoneal  dializ  yolu  ilə  xaric  olmur. Spesifik  antidot  yoxdur. Müalicə  simptomatikdir.

Buraxılış forması

Alüminiumla əhatə olunmuş teflonlu rezin qapaqlı təmiz şüşə flakon. ORNACID 1 q/3,5 ml poroşok və həlledici əzələdaxili inyeksiya üçün. 1 flakon toz + 1 ampul (3,5 ml həlledici) içlik vərəqə ilə birlikdə karton qutuya qablaşdırılır.

Alüminiumla əhatə olunmuş teflonlu rezin qapaqlı təmiz şüşə flakon. ORNACID 500 mq/2 ml poroşok və həlledici əzələdaxili inyeksiya üçün. 1 flakon toz + 1 ampul (2 ml həlledici) içlik vərəqə ilə birlikdə karton qutuya qablaşdırılır

Saxlanma şəraiti

Açılmamış flakon 25°C-dən yuxarı olmayan temperaturda  və  uşaqların əli çatmayan yerdə saxlamaq lazımdır.

Həll olunmuş məhlulun saxlanma qaydası

Əgər 2-8°C-də saxlanılarsa, preparatı 24 saat ərzində istifadə etmək olar. 25°C-dən aşağı temperaturda preparatı 6 saat saxlamaq olar. Saxlanma müddəti, şəraiti və həlledicinin növündən asılı olaraq preparatın rəngi açıq sarıdan kəhraba sarıya qədər dəyişə bilər. Bu preparatın effektivliyi və ona qarşı tolerantlığa heç bir mənfi təsir göstərmir.

Yararlılıq müddəti

Yararlılıq müddəti qablaşdırıldığı  qutunun üzərində qeyd edilmişdir.

Yararlılıq müddəti bitdikdən sonra istifadə etmək olmaz.

Aptekdən buraxılma şərti

Resept əsasında buraxılır.

İstehsalçı

Laboratorio Farmaceutico CT. S.r.l.

Via D. Aligheri, 71 180038 San Remo (IM) İtaliya.

Qeydiyyat vəsiqəsinin və əmtəə nişanının sahibi

“ORNADO MEDICINE” LLP.

43 Bedford str., office 21, London, UK.

Ornasid nə üçündür?

1. Yuxarı tənəffüs yollarının digər xəstəliklərində istifadə olunan dərmanlar
2. Aşağı tənəffüs yollarının digər xəstəliklərində istifadə olunan dərmanlar
3. Böyrək və sidik  yollarının  iltihabında istifadə olunan dərmanlar
4. Qadın çanaq orqanlarının iltihabı xəstəliklərində istifadə olunan dərmanlar
5. Dəri infeksiyaları zamanı istifadə olunan dərmanlar
6. Bakterial xəstəliklər əleyhinə dərmanlar
7. Cinsi yolla keçən infeksiyaların müalicə və profilaktikası üçün dərmanlar

Qeyd: Hər hansı bir əlavə və ya dərmanı qəbul etməzdən əvvəl həkimlə məsləhətləşmək vacibdir. Həkim, sizin üçün ən uyğun müalicə metodunu təyin edə bilər və əlavə qəbulunun sizin sağlamlığınıza necə təsir edəcəyini dəyərləndirə bilər.