Yeməkdən sonra duş qəbul etmək olmaz - XƏBƏRDARLIQ

Bir çox insan yeməkdən sonra duş qəbul etməyə vərdiş edib. Lakin bu vərdiş zərərsiz görünsə də, yeməkdən dərhal sonra duş qəbul etmək həzmə zərər verə bilər.

Lent.az bu barədə ispaniyalı həkim və mikrobiota üzrə ekspert Sara Marin Berbell "Instagram" səhifəsinə istinadən xəbər verir.

Niyə yeməkdən dərhal sonra duş qəbul etmək zərərlidir?

Ekspertin sözlərinə görə, yeməkdən sonra qan qidanın həzm olunmasına kömək etmək üçün mədəyə yönəlir. Həzm sistemi düzgün işləməsi üçün çox enerji tələb edir, lakin siz duş qəbul etdikdə bədən temperaturu tənzimləmək üçün qana dəriyə yön verir, qan damarlarını genişləndirir və prioriteti mədədən alır. Bu isə həzmin ləngiməsinə, qıcqırmaya, mədədə ağırlığa və hətta başgicəllənməyə səbəb olur.

Bu, bədənin öz temperaturunu tənzimləməyə çalışdığı üçün baş verir. Buna görə də, xüsusilə yayda, böyük miqdarda yemək yedikdə, duş qəbul etməzdən əvvəl 30-60 dəqiqə gözləmək məsləhətdir.

Harvard Universitetinin 2022-ci ildə apardığı bir araşdırma, həddindən artıq qazların yığıldığı və şişkinlik yarandığını göstərdi. Sürətlə və ya çox yemək, yemək zamanı danışmaq artıq hava udulmasına səbəb olur ki, bu da qarında narahatlıq yaradır. Nə yediyinizə diqqət etmək və bol su içmək qarın şişkinliyindən xilas olmağa kömək edə bilər.

Yeməkdən sonra başqa nələr etmək olmaz?

Siqaret çəkmək 

Yeməkdən sonra qan həzm sistemində aktiv dövr edir və siqaretdəki toksinlər daha sürətlə mənimsənilir. Bu isə mədə-bağırsaq xəstəlikləri, xoralar və xərçəng riskini artırır.

Çay və ya qəhvə içmək

Çay tərkibində olan tanninlər dəmir və digər mikroelementlərin mənimsənilməsinə mane olur. Qəhvə isə mədənin turşuluğunu artıraraq qıcqırma və diskomfort yarada bilər.

Yeməkdən dərhal sonra uzanmaq və ya yatmaq

Bu, reflüksə (mədə turşusunun qida borusuna atılması), qıcqırmaya və şişkinliyə səbəb olur. Nəticədə həzm prosesi pisləşir və piylənmə riski artır.

Soyuq və ya buzlu içkilər içmək

Bu, mədənin damarlarının daralmasına və həzmin ləngiməsinə səbəb ola bilər. Xüsusilə həssas mədəsi olan insanlar üçün bu tövsiyə olunmur.