Məsum görünən 5 zərərli qəlyanaltı

Bir çox qəlyanaltı ilk baxışda “sağlam” və “təhlükəsiz” görünsə də, tərkibində gizlənmiş şəkər, duz, trans yağ və ya süni qatqılar onları sağlamlıq üçün riskli edir.

Doktorm.az məsum görünən, amma əslində zərərli olan 5 qəlyanaltını təqdim edir:

1. “Fitnes” və “enerji” batonları (protein barları)

Marketdəki bir çox “sağlam” barlar əslində şəkərlə, siropla və süni maddələrlə doludur. Bəziləri bir şokolad batonundan belə daha çox şəkər ehtiva edir.

2. Quru meyvə qarışıqları

Quru meyvələr çox faydalı görünür, amma onlar konsentrat şəkər daşıyır. Üstəlik, bəzi markalar meyvələri şəkərə batıraraq qurudur.

3. Paketlənmiş “sağlam” krakerlər və düyü vafliləri

Etiketində “az yağlı”, “tam taxıllı” yazılsa da, əksəriyyəti az lifli, çox duzlu və boş kalori mənbəyidir.

4. Meyvəli və ya vanilli qatıq

“Meyvəli qatıq” adı altında verilən bu məhsullar çox miqdarda şəkər və bəzən şirinləşdiricilər ehtiva edir.

5. Paketlənmiş smuzilər və meyvə şirələri

“100% təbii” yazısı sizi aldatmasın. Bu içkilər adətən lifdən təmizlənmiş, amma şəkər yüklü olur.

Qəlyanaltı seçərkən məhsulun marketdə necə təqdim edildiyinə deyil, tərkibinə və qida dəyərinə baxmaq vacibdir. Etiketdə “fit”, “light”, “bio” yazılması o demək deyil ki, həmin məhsul sağlamdır./Foodinfo.az