Biseptol 4.8 % 80 ml suspenziya

Biseptol istifadə təlimatı İstehsalçı: Medana Pharma, Polşa. Tərkibi: 5 ml tərkibində:

• Aktiv maddələr: sulfanetoksazol 200 mg, trimetoprim 40 mg
• Yardımçı maddələr: makrogola qliserilhidroksistearat, maqnezium alümosilikat, karmelloza natrium, limon turşusu monohidrat, metilhidroksibenzoat, propilhidroksibenzoat, natrium saxarinat, natrium hidrofofat dodekahidrat, maltitol, çiyələk aroması, propilenqlikol, təmizlənmiş su.

Farmakoloji təsir

Biseptol - geniş spektrli bakterisid təsirə malik olan kombinə edilmiş antibakterial preparatdır. Bu təsir, mikrobların hüceyrələrində folat biosintezinin bloklanması ilə təmin edilir. Sulfanetoksazol dihidrofol turşusunun sintezini pozur, trimetoprim isə dihidrofol turşusunun tetrahidrofol turşusuna çevrilməsini əngəlləyir.

Bakteriyaların demək olar ki, bütün qruplarına qarşı aktivdir - qrammənfi bakteriyalar: Salmonella spp., Shigella spp., Neisseria spp., Proteus vulgaris, Vibrio cholerae, Yersinia spp., Escherichia coli, Corynebacterium spp.; qrammüsbət bakteriyalar: Staphylococcus spp. və digərləri. Preparat həmçinin Chlamydia spp., Actinomyces spp., Klebsiella spp. növlərinə həssasdır. Mykobakteriyalar, viruslar və əksər anaerob bakteriyalar isə preparata davamlıdır.

Biseptol istifadə göstəriciləri

Biseptol, preparata həssas mikroorqanizmlər tərəfindən törədilən infeksion iltihab xəstəliklərinin müalicəsi üçün istifadə olunur:

• Tənəffüs yollarının infeksiyaları (bronxit, pnevmoniya, ağciyər absesi, plevra empieması və s.)
• Otit, sinusit
• Meninqit, beyin absesi
• Sidik-cinsiyyət sistemi infeksiyaları (pielonefrit, uretrit, salpingit, prostatit və s.)
• Gonoreya
• Mədə-bağırsaq traktı infeksiyaları (qarın tifli, paratif, bakterial dizenteriya, xolera, diareya və s.)

Biseptol əks göstərişlər

• Qaraciyər funksiyasının ifadəli pozğunluqları
• Böyrək funksiyasının ifadəli pozğunluqları (KK < 15 ml/dəq)
• Qan yaratma sisteminin pozğunluqları
• Ağır ürək-damar xəstəlikləri
• Qlükoza-6-fosfatdehidrogenaz çatışmazlığı
• Hamiləlik
• 3 aylıqdan kiçik uşaqlar
• Preparatın komponentlərinə qarşı yüksək həssaslıq

Biseptol yan təsirləri

• Həzm sistemi: nadir hallarda - ürəkbulanma, qusma, diareya; çox nadir hallarda - pseudomembranoz kolit, xolestatik hepatit.
• Allergik reaksiyalar: çox nadir hallarda - Stevens-Johnson sindromu, Layell sindromu.
• Qan yaratma sistemi: çox nadir hallarda - trombositopeniya, leyopeniya, neytropeniya, agranulositoz, meqaloblastik anemiya.
• Sidik-cinsiyyət sistemi: nadir hallarda - hematuri, nefrit.
• Mərkəzi sinir sistemi: çox nadir hallarda - baş ağrısı, depressiya, başgicəllənmə.

Yan təsirlər, adətən, zəif ifadəli olur və preparatın dayandırılması ilə keçici olur.

Qarşılıqlı Təsiri

• Trimetoprim sulfonilurea törəmələri olan hipoglikemik vasitələrin təsirini gücləndirir.
• Biseptol ilə tiazid diuretikləri birgə istifadə edildikdə, trombositopeniya və yüksək qanaxma riski artır.
• Ko-trimoksazol varfarinin antikoaqulyant təsirini və fenitoinin antikonvulsiv aktivliyini gücləndirir.
• Rifampisin trimetoprimin yarıçıxma dövrünü azaldır.
• Böyrək transplantasiyasından sonra Biseptol və siklosporin birgə istifadəsi xəstənin vəziyyətini pisləşdirir.

Biseptol istifadə qaydası və doza

Preparat 1 kq bədən çəkisinə 6 mq trimetoprim və 30 mq sulfanetoksazol hesabı ilə təyin edilir.

• 3-6 aylıq uşaqlar: hər 12 saatdan bir 2.5 ml
• 7 aylıqdan 3 yaşa qədər uşaqlar: hər 12 saatdan bir 2.5-5 ml
• 4-6 yaşlı uşaqlar: hər 12 saatdan bir 5-10 ml
• 7-12 yaşlı uşaqlar: hər 12 saatdan bir 10 ml
• Böyüklər və 12 yaşdan yuxarı uşaqlar: hər 12 saatdan bir 20 ml

Müalicə müddəti - 10-14 gün (şigelloz zamanı - 5 gün). Pneumocystis carinii infeksiyalarında doza gündə 120 mg/kq təşkil edir; preparat hər 6 saatdan bir 14-21 gün ərzində qəbul edilir. Böyrək funksiyası pozulmuş (KK 15-30 ml/dəq) xəstələrə doza iki dəfə azaldılmalıdır.

Doza aşımı

Simptomlar: ürəkbulanma, qusma, şüur bulanıqlığı. Müalicə: preparatın dayandırılması, mədənin yuyulması (qəbuldan 2 saat sonra), bol maye qəbul edilməsi, zorlanmış diurez, kalsium folinat qəbul edilməsi (gündə 5-10 mg).

Xüsusi təlimatlar

• Qaraciyər və ya böyrək funksiyası pozulmuş, allergik reaksiyaları olan, fol turşusu çatışmazlığı olan və yaşlı xəstələrə ehtiyatla təyin edilməlidir.
• Dəridə səpgi və ya ağır diareya yaranarsa, preparatın qəbulunu dayandırmaq lazımdır.
• Streptokok tərəfindən törədilmiş angina müalicəsi üçün Biseptol təyin olunmur.
• Biseptol ilə müalicə zamanı kistalluriya və böyrək daş xəstəliyi riskini azaltmaq üçün kifayət qədər maye qəbul edilməlidir.
• Biseptol qəbul edərkən kretinin səviyyəsi Yaffe-nin qələvi pikrinat istifadə edilərək müəyyən edildikdə, nəticə həqiqi göstəricidən 10% yüksək ola bilər.
• Preparatın uzunmüddətli istifadəsi zamanı periferik qanın göstəriciləri nəzarətdə saxlanılmalıdır.

Saxlama şərtləri
Quru, işıqdan qorunan və uşaqların əli çatmayan yerdə saxlayın.

Aktiv Maddə:
Ko-trimoksazol [Sulfanetoksazol, Trimetoprim]

Əczaçılıq Şəkli:
İçmək üçün süspenziya

Çəkisi:
80 g

İstifadə:
Uşaqlara yalnız həkim təyinatı ilə

Göstəricilər:
Furunkullar, Prostatit, Uretrit, Salmonelloz, Otit, Bronxit, İnfeksion xəstəliklər, Ağciyər iltihabı (pnevmoniya)

Buraxılış Forması:
Süspenziya